![]() |
|
![]() |
|
![]() |
||||||||
|
||||||||||
![]() |
![]() |
![]() |
ملتقى أصحاب نوبات الهلع ملتقى جميع الإخوه الذين يعانون من نوبات الهلع ، وتجاربهم بهذا الخصوص |
![]() |
|
أدوات الموضوع |
![]() |
#1 | |||
عضـو مُـبـدع
![]() ![]() ![]() ![]() |
هل جربتم الطب العربي؟
بسم الله الرحمن الرحيم
اليوم جربت شئ جديد وهو الطب العربي تشخيص جديد وعلاج جديد معالج عربي خذت نمرته وكلمته قال لي تعال اشوف يمكن يكون عندك عصب المعدة سألني تحس بحرارة بصدرك وتنزل على بطنك وتحسها تلف وتوصل للظهر او الخاصرة قلت لا ساعات احس بحرارة بس مو بها الوصف تحس برفرفة في البطن قلت ساعات تحس بصفير بالاذن قلت له ايه ساعات اسمع المهم فحصني وقعد يضغط في اماكن معينة في المعدة تحس بالم قلت له نعم احس حط ايده على السرة وقال تحس بالم قلت ايه اذا ضغطت قال شوف عندك السر طالع شوي وهذا نتيجة حمل شئ ثقيل او نومة بوضع خاطئ المهم الاعراض شبيهه باعراض الفتاق وهو يسبب لك الانتفاخ والضيق وعدم اكتمال النفس والصداع الهم بدأ العلاج وكان عبارة عن جلسة تعذيب اول مرة اصرخ جذيه جهاز كاسات شفط في منطقة البطن والسرة حسيت اني قاعد اتقطع وهو يقول معلش استحمل مرة بعد علشان ارد السرة المهم صرخت صراخ مرة ثانية وقال قوم الحين شتحس فيه شلون النفس بصراحة حسيت انه احسن بس ودي اتاكد اكثر قال لي شوف فيه ناس عالجتهم كان عندهم توتر وقلق وخوف لمدة 15 سنة وبطلوا ياخذون المهدئات وخلاص انت لازم تبطلها قلت له لا ماقدر الا لما اشوف نتيجة واضحة وتحت اشراف الطبيب قال لي شوف نفسك اسبوعين راح اتحسن اكثر والحين المفروض يكون النفس تحسن بعد هذه الجلسة بعدين حسيت وانا طالع من غرفة العلاج ان اذني كان يطلع منها هواء وتبطلت ماأدري شرايكم المصدر: نفساني
|
|||
![]() |
![]() |
#2 |
( عضو دائم ولديه حصانه )
![]() ![]() ![]() ![]() ![]() ![]() ![]() |
بندق شي حلو انك تجرب اشياء يديده ...
بس طرق التعذيب هذي اول مره اسمع فيها ....يبا لا يلعب فيك هذا ويصير فيك فتاق صج وتتأذى ... انا خابر الكاسات بالظهر مو بالسر ... ياخي حتى الحجامه ما تعور جذي....لدرجة ان ريال عود يصرخ منها .... شوف لازم تتأكد من هالريال عطنا اسمه خنسأل عنه ونشوف شالموضوع ووين مكانه ... بعدين الطب العربي انا خابر اعشاب وصبخه ...بس كاسات اول مره اسمع ... انزين اخوي بندق بهالاسبوعين اي شي يصيرلك يديد قولنا عنه ...يعني انا مو مقتنع ان اللي فيك مو هلع ... بس يالله يمكن يمكن يمكن يكون هذا علاج الهلع النهائي .... الله يعطيك العافيه ويوفقك ... الا قولي شلون الدوام معاك ..؟ وسياقة السياره بالزحمه ؟؟ كلشي اوكي مع الدوا ؟؟ وخذيت علاج سلوكي ؟ |
![]() |
![]() |
#3 | |
( عضو دائم ولديه حصانه )
![]() |
لا يااخوي ممكن
هذي نوع من انواع الحجامة اسمه الحجامة الجافة وهي لا يخرج معها الدم ولا يستخدم فيها التشريط بل كاسات وشعلة من النار حتى تشفط الهواء الموجود في الجسم بدون تشريط اقتباس:
![]() |
|
![]() |
![]() |
#4 |
مراقب عام
![]() |
اخي بندق انا بنفسي جربت هذا الشيء عند واحد أمراة كبيرة بالسن وقالت لي نفس الكلام بس هناك اختلاف بين هذا الرجل والمراة انا حطت يدها على السرة حوالي نصف دقيقة وحسيت بالم وبعدها طلع دم اسود من السرة وحسيت انه في شيء يخرج من صدري وجاتني دوخة وثنميل باليدين وبهدها حسيت بالراحة وشهيتي انفتحت ( بس احب اوضح لك انو مش كل الناس سوء هذا أمراة صالحه ويقولون عنها عملت عمل صالح لهذا السبب تعالج ( وبعد تقريبنا شهر رجعت عندها وسحبت لي من ظهري بيدها بدون اي قطع وخرج مني دم اسود وحبيت اشرح لك على حصل واعطتني اعشاب مع عسل بلدي وبعدها ارحت شوية بس انا ما عاد رجعت عندها
|
![]() |
![]() |
#5 |
عضـو مُـبـدع
![]() ![]() ![]() ![]() |
الاخوان الاعزاء
ممكن ارجع - فجر منير- الشاكر جزاكم الله خير على مروركم وتواصلكم اليوم صار 8ايام من رحت حق المعالج العربي وبصراحة ماودي ابخس الرجل حقه انا حاس اني احسن يعني انا ماتمر علي ثلاث ايام او بالكثير اربع ايام وتجيني الضيقة وصداع وقلق لكن ولله الحمداليوم ثامن حالتي احسن واذا كان شوية صداع يروح بمسكن الشد العضلي خف التنفس احسن انا تعمدت اصبر شوي وما اكتب خايف لا اكون اتوهم بس الوالدة وزوجتي لاحظوا انا النفخة الغريبة اللي في بطني خفت انا اساسا اعاني من القولون واعرف الانتفاخ اللي يسببه بس الانتفاخ اللي كان عندي كان معظم الوقت وكنت احس انه بطني مشدود يعني ناشف بس بعد الجلسةوبعد يومين بالضبط حسيت بالفرق وتذكرت انه لما انتهى من الجلسة قال لي اعتدل وحاول تلمس اصابعك رجلك يعني تنحني كانك تمارس تمرين المعدة وبالفعل انحنيت بسهولة ولمستهم تذكرت الموضوع هذا لما الوالدة قالت لي بطنك خف عن اول بشكل ملحوظ قبل العلاج كنت احس بصعوبة في الانحناء واحس بأن بطني عائق يصعب علي تمارين المعدة وساعات في الركوع لكن بعد الجلسة بدأت بالتجشأ وحسيت انه الاذن تبطلت (تفتحت) ويخرج منها الهواء والتنفس احسن بس ماني متأكد خايف من الوهم الرجل قال لي انه عالج حالات مثل حالتي سنين ياخذون مهدئات وتركوها بفضل الله وانا اعتقدت انه نوع من التسويق لكن لاول مرة بعد اللف على المستشفيات والتخصصات احس بتحسن ملموس ولله الحمد ادعوا لي اخواني بالشفاء وانه مايكون وهم وأسأل الله العلي القدير أن يشفيني ويشفيكم جميعا ويشفي كل مريض امييييييييييييييييين |
![]() |
![]() |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|
|