|
|
||||||||||
ملتقى أصحاب نوبات الهلع ملتقى جميع الإخوه الذين يعانون من نوبات الهلع ، وتجاربهم بهذا الخصوص |
|
أدوات الموضوع |
22-02-2011, 08:26 AM | #1 | |||
عضو فعال
|
مهلوع بالانتظار
السلام عليكم..
اخوكم من الاردن... اصبت اول مرة بالهلع في شهر 3 السنة الماضية... بعدها صارت تتكرر كتير.. و ما بدي اخوض بالاعراض.. صارت معروفة و مملة بس قوية و شعورها بيخزي... زرت الدكتور بشهر 9 الماضي.. و تحسنت كتير.. بس لساتها بتمنعني (النوبات و الخوف و التفكير) بمنعوني استمتع بحياتي.. الدواء هو زيلاكس... المنتج المحلي من سيبراليكس...10 مل لمدة شهر... بعدها صار 20 و دواء تاني زاناكس... اخدتو يوميا لمدة شهر بعدها صار للاوقات الصعبة او باللحظات اللي بكون فيها ماكل هوا... اخوكم صلاح نصر... من الاردن عمري 25 بشتغل مهندس مدني.. مبارح لما قرأت موضوع لشاب انهى نوبات الهلع.. و تخلص منها والله صرت ابكي بدي ارجع زي زمان.... المصدر: نفساني
|
|||
|
22-02-2011, 08:40 AM | #3 |
عضو فعال
|
زرت الطبيب
موجود عنا بعمان... و هو اللي اعطاني الادوية و بزورو كل فترة و بحكي معو تلفونات... بس تعبت يا اخي... عم شوف ناس كتير هيك... بس والله صعبة... الى متى شكرا على ردك |
|
22-02-2011, 10:02 AM | #5 |
عضو مجلس اداره سابق
|
اخي عسى ماتشوف شر كلنا هيك بالبدايه لكن مع الوقت راح تتحسن باذن الله جرب اخي الرقية الشرعية راح تفييدك كثييير و لا تقطع الامل كلناااا معك
|
|
22-02-2011, 01:22 PM | #6 |
عضـو مُـبـدع
|
مرحبا اخي انا كمان عايش في الاردن و بعاني من هذا الشي من شهر 4 السنة اللي عدت و لا اتخاف اخي انا معك اللي بدك اياه
|
|
22-02-2011, 02:19 PM | #7 |
عضـو مُـبـدع
|
اخي صلاح لا تغلب حالك انا كمان رحت على طبيب نفسي و شرحتلو وضعي بس للاسف الاحساس اللي بيجي للواحد ما يقدر حدا يحس فيه غير اللي جربوه لانو مو وجع بطن و لا انفلونزا الطبيب النفسي بيعرف الاعراض بس ما جربها و انا بعذر ايا انسان ما يحس في مشكلتنا لانو حتى لو طبيب حيكون جاهل بهاي الاحاسيس لانو ما جربها ...انت لما تشرح لشخص انك متوتر و خايف يقولك يا اخي كل الناس متوترين وما يعرف انك ما عدت تحس بشي بحياتك وانك كل دقيقة خايف اتموت و الدنيا كلها ما الها طعم و لا تقدر اتفكر بمستقبل و لا تقدر تعتمد على حدا انو يخفف عنك .. صديقي انا جربت كل هاذي الاحاسيس و الاعراض و لما ايقنت انو ما حدا يقدر يساعدني غير الله ثم نفسي ... ارجعت لنفسي و قررت اني ما استسلم للخوف وما اكون جبان لاني طول عمري بعرف انو الفرق بين الجبان و اشجاع ان الجبان يموت 100 مرة باليوم و الشجاع يموت مرة وحدة بالعمر اتوكل على الله يا رجال و ابعد عنك الاوهام و الخوف و ارجع فكر بحياتك و لا تستسلم للاعراض و الادوية و الخوف شد حيلك الموضوع كلو بيد ربنا اتوكل على ربنا ما تخاف و ما تستسلم للاوهام حول تفكيرك للاشياء اللي طول عمرك بتحبها و بتستمتع فيها فكر فيها منيح ولما تيجيك النوبة لا تخاف و اتصير مش عارف وين تهرب منها و ما اتقاومها خليها تمشي بجسمك عادي جدا و خليك مبتسم و ما تهرب منها خليها تعمل اللي بيحلالها ما راح تعمل فيك اشي صدقني و الله انا بحكي عن تجربة انا اتعذبت فيها شهور و ما نفع معها اشي غير اللي بحكيلك اياه انا عارف انها صعبة التطبيق بس انت قدها ما تخاف خليك رايق حتى و النوبة تمشي بجسمك لا تخاف و اطلب منها اتزيد و اطلب منها تعمل اللي بتقدر عليه اطلب من جسمك انو يزيد الاعراض ما اتخاف سبحان ربك الجسم خلقة من ربنا ما يستجيب لطلب زيادة الوجع و انت بالمرحلة هاي بتكون سيطرت على جسمك بدل ما عقلك الباطن هو اللي يكون سيطر عليك ز اخي العزيز هاذا مش كلامي انا هذا كلام علماء نفس و بدي انصحك بشغلة روح اشتري كتاب اسمو قوة عقلك الباطن للمؤلف جوزيف ميرفي لا تشتري كتاب لمؤلف تاني لانو في كتب بتحمل نفس العنوان ...صدقني و هاذي نصيحة من اخ اقراوو و راح تعرف شو اللي بيصير معك و تعرف اتحلل الامور و ترجع لطبيعتك انشاء الله
|
|
22-02-2011, 07:33 PM | #8 |
عضو فعال
|
ميراك و الشاكر.. شكرا الكم و لوقوفكم جنبي...
اخ ابو الافكار... والله اشي نفسي ابكي نفسي انط... قرفت حالي.. بطلت اطلع صار يومي شغل بيت نوم بسسسسس مزبوط اطلب منها المزيد.. قبل شوي و اناا مروح بالباص.. اجت على ضيق نفس قوي.. صرت احسب و اضرب و ا طرح.. و استنتج كيف راح اموت... بس بعدين طلبتت منها المزيد.. و اخدت نفس زبطت معي :) بس لمتى.. انا زهقت منها يسلمو كتير اخي... راح اغلبك معي |
|
22-02-2011, 07:46 PM | #9 |
عضـو مُـبـدع
|
اهلين خوي
والله ما املك الا الدعاء .. اسئل العلي العظيم ان يشفيك اما عن راي راجع دكتور افضل لك وهو مختص بالامراض وان شاء الله يكون سبب في شفائك |
|
22-02-2011, 10:14 PM | #10 |
عضـو مُـبـدع
|
والله علاجنا اللجوء لله سبحانه
التذلل بين يديه قيام الليل لو ركعه تخاطب بها الله وتطلبه ولا مية دوا بيوقف ياللي فيك كلها تهديك فتره فقط |
|
22-02-2011, 10:45 PM | #11 | |
عضو نشط
|
اقتباس:
شو راح يصير ولا شي زي كل مرة نحن بنعرف كلنا انها صعبة وما بيقدر يحسها الا الي جربها ونحن كلنا جربناها مشان هيك حسيين ببعض وبنفهم بعض لما كنت تجيني كنت اهرب من المكان تخيل جتني مرة وانا بالمسجد بصلي سبت المسجد وطلعت لاكن هسه مستحيل تقدر تقول تعودنا عليها تيجي وتروح مرحلة بس بجد هيه صعبة وننسي لمتي خلينا نقول ان شاء الله اخر مرة وما تيجي ثاني |
|
|
22-02-2011, 11:06 PM | #12 |
عضـو مُـبـدع
|
اخي العزيز انا اراهنك انك كنت طول عمرك من قبل ما تجيك حالات الهلع و انت عندك وسواس من شي معين يا امراض يا مشاكل يا ايا اشي طول عمرو ينغص عليك حياتك و هذا اشي اكيد و انت اللي بالاخر هسة بتدفع ثمن خوفك الزايد من طول عمرك و ظليت اتدرب عقلك الباطن انك بخطر او متوتر او ممكن يصيرلك حادث بايا لحظة وهذا الشي انطبع بالعقل الباطن وهو اشتغل على هذا الاساس ..خليني اشرحلك اشي بسيط ما اعرف اذا مر عليك او لا .... مشكلتي و مشكلتك ومشكلت كل الموجودين انهم الحين انو العقل الباطن عندنا هو اللي مستلم حياتنا و يمشيها لسبب انو احنا اللي استدعيناه كثير من قبل ...مثلا انت لما اتكون ماشي بمكان مظلم لوحدك و فجأة يطلعلك واحد يريد يقتلك بسكين ..ايش يصير بجسمك ..اتصير دقات قلبك سريعة جدا و ينزل عرقك و اتصير اتلاخم ما انت عارف و ين تهرب و يصير عقلك يجيب كل السيناريوهات اللي ممكن اتصير معك ... و اكيد كل السيناريوهات سلبية جدا صح .... في الواقع ان جهاز الانذار هذا اللي اشتغل عندك بهذا الطرف يعتبر من اجهزة الجسم الحيوانية الغير مسؤول عنها العقل الواعي اللي اتفكر فيه و هذا النظام موجود لحماية الجسم من ايا اعتداء متوقع وهو جزء من العقل الباطن او الغير واعي و هذا العقل يتميز بانو غير عاقل و لذلك يتبع و ياخذ الاوامر من العقل المفكر الواعي وخلال حياتنا نغذي هذا العقل الغير واعي بامور كثيرة منها القلق و الحب و الكره و العادات منها السيئة و منها الجيدة و مشكلت العقل الاوعي او العقل الباطن انو ما يميز بين الصح و الخطاءو المفيد وغير المفيد لانو ما يفكر بمعنا انك لو جلست اتفكر بشي معين فترة طويلة بينطبع هاد الشي داخل العقل الباطن و يساعدك على انجاز هاد الشي اللي انت جلست اتفكر فيه... و احنا طول عمرنا كنا انفكر بامور سلبية و قلق و خوف على شخص معين بحياتنا او نتيجة امتحان او خسارة مادية وهذا الشي خله جهاز الانذار يعلق عندنا بس لا اكثر ولا اقل و اكبر مشكلة اتواجه اغلبنا انو عندنا وقت كافي خلال اليوم انو نجلس انفكر بالاعراض و كيف ممكن الواحد يموت و كيف مش عارف شو ... اكبر نصيحة انا اخذتها بحياتي بهذا الموضوع انك ما اتخلي وقت فراغ بحياتك لان وقت الفراغ هذا يخلي الانسان يفكر و يسرح بخيالو و بحالتنا اللي احنا فيها صعب نتخيل شي جميل فنصيحة اخي اذا تقدر ما اتخلي وقت فراغ عندك في اليوم بتكون عملت معروف بحالك اشغل نفسك بايا شي امسك جهاز خربان و صلحو او اذا كا صالح خربو بس ما تجلس و يدك و عقلك مش مشغول بشي و صدقني راح تنسى الاعراض شوي شوي
|
|
22-02-2011, 11:16 PM | #13 |
V I P
|
اخي صلاح عفاك الله و شفاك و يانا و جميع مرضى المسلمين اخي اول شيء لازم تكون لك دراية بالمرض اللي عم تعاني منه بشكل عام يكفيك لتتعامل معه و تنهيه بادن الله و تكتشف اعراضه جميعا من جهة اخرى عليك ان تحيط بجميع الاسالييب العلاجية و تتخذ خطوات العلاج كلها السلوكية و الدوائية و اهمها الروحية بالاضافة الى ان هناك مواضيع كثير ستفيدك ان شاء الله انصحك بالاطلاع عليها و انصحك نصيحة ابتعد عن الفراغ قدر الامكان يا اخي و بكل انواعه فحاول ان تملأ حياتك بما يفيدك من شرع الله و اسال الله لك الشفاء
|
|
23-02-2011, 07:54 AM | #14 |
عضو فعال
|
ملكة السكوت .. اشكرك على ردك...
اكيد الواحد صار يعرف كل صغيرة و كبيرة بهالحالة .. بس متل ما تفضلتو انو لما تيجي بكون وضعها صعب.. الله يعيينا.. و ان شالله الشفاء قريب. ابو الافكار.. كلامك صح.. قبل ما يجيني هالحالات هاي.. توفا اخوي و صرت افكر بكل شي اربطو بالموت يعني شغلة تراكمية.. قبلت التحدي. انا مرة اجتني بصلاة الجمعة... هربت من المسجد و طلعت خايف و راحت.. يعني الحال من بعضو :) بريئة و شلهوم.. ان شاء الله الشفاء قريب.. طبعا ما النا غير الدعاء.. --- انا اليوم صحيت الحمدلله.. يعني وضعي شبه ممتاز ان شالله يستمر هيك :) الله يشفي جميع الناس --- و صباحكم سعيد |
|
03-03-2011, 08:28 PM | #15 |
عضو فعال
|
يا جماعة... تعبت شوي اليوم...
الوضع بخزي والله كتمة النفس و ضيق النفس و الشعور الزنخ ما عم يفارقني اليوم... الحمدلله على كل حال |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|
|