|
|
||||||||||
ملتقى أصحاب الإكتئاب أكره مرض الإكتئاب بنفس القدر الذي أحب به مريض الإكتئاب .. فهو أرق الناس وأصفاهم وأصدقهم .. و من لا يدمع قلبه حين يعايش مريض الإكتئاب ، فإن قلبه من حجر ، أو أشد قسوة " |
|
أدوات الموضوع |
04-01-2012, 02:28 PM | #1 | |||
عضو نشط
|
قصتي ومراحلي الثلاث ارجوكم انا ضايق ردو علي
بسم الله الرحمن الرحيم
السلام عليكم ورحمة الله وبركاته انا ناصر من سكان الدمام عمري 21 ونص طالب جامعي قصتي غريبه مره بقولها لكم من اول نقطه في حياتي وتكفون ابغا الرد انا احس اني خلاص مدري وش اقولكم ياجماعه ابغى مساعدتكم اكتبلكم وانا فيني من الضيقه ما يعلم بها الا ربي راح اقسم مراحل حياتي لثلاث اقسام منذ بدء هذا الش فيني كل مرحله تندمج مع المرحله الاخرى (يعني لاتختفي المرحله السابقه بل تضاف معها9 المرحله الاولى كان عمري فيها 14 سنه ادرس في المتوسط كنت وقتها الحمد لله احب الحياه ومستانس والضحكه ماتفارق شفاتي وفجأه رأيت مقطع في الجوال (ميت اخرج من قبره واثار العذاب عليه) اول ما رأيته جتني قشعريه وخوف شديد وتطورت الحاله الى النوم فصرت كل ما ابي انام احس بخوف ورعشه وتسارع في نبضات القلب جلست تقريبا اسبوعين على هذه الحاله متواصله دون انقطاع وبعدها صارت تجيني على شكل نوبات وكان عندي مشاكل في النوم وقتها وبديت اقراء عن الاكتأب وانا صغير فخفت ولاكن....ومضت الحياه واحس كل يوم اني بخير وبدءت الضحكه ترجع لي....والحمد لله حسيت الحياه حلوه وتحسنت المرحله الثانيه (هل هي وسواس قهري؟؟؟؟) بدءت عندي حركات غريبه وطقوس صرت امارسها بشكل يومي كان عمري وقتها 17الى 18 تقريبا هي حركات مضحكه وبكل صراحه اتفشل اقولها ولاكن خلاص طفح الكيل وجا اليوم الي اتكلم فيه طبيعة هذه الحركات تتمثل في امثله مثلا قبل ان انام اقول انا اكيد ماراح يجيني نوم او ما بنام اذا ماسويت هذه الحركات مثلا المس السرير 4 مرات وادف الباب 4 لمسات وكل حركاتي تتمثل في 4 مرات والمس الستاره 4 مرات حتى انها تطورت الحاله الان ودخلت في الوضؤ فصرت ما اقدر اتوضأ الا اذا بسملت (قلت بسم الله الرحمن الرحيم) اربع مرات واحيانا في درج البيت في اماكن معينه لازم ادعس عليها واذا مادعست عليها ارجع لانه يجيني قلق انا ادري ان هالحركات مالها اي نفع بس مدري ليش اسويها غصب عني والحمد الله هذه العادات اهم مافيها انها لم تمس اي شي من اموري الاجتماعيه ولا التعليميه (يعني اطلع مع الشباب واحس اني سعيد واضحك وكل شي) المرحله الثالثه (اسميها انا فقدان السعاده واحس اني خلاااااص مدري وش اقول....) هذه المرحله بدءت عندي منذ قبل ثلاث اسابيع من هذا اليوم كان في يوم ربوع مثل كل ربوع اطلع مع الشباب وضحك واحس بالسعاده ... الحمد لله على كل حال المهم....كنت مع اخوي في الغرفه اسولف معه جتني فجأه دوخه وصرت ما احس بنفسي وصرت احس اني في حلم علما ان وقتها كنت مقصر في الصلاه المهم قلت لأخوي ودني المستشفى وداني وخلاص نبضات قلبي تسارعت بشكل غير طبيعي واحس اني امايل يمين ويسار قست الضغط قالو سليم والحمد لله وكذالك النبضات عندي عالي العال وطول هالوقت كنت احس اني في حلم واحس اني في غيبوبه واخوي حولي يهديني المهم قالو مافيك شي عطوني حبه تهدي النبضات وقالو يالله توكل على الله رجعت البيت وقتها وصليت مافاتني من صلاه وجت الوالده عندي وطلبتني اقراء سورة البقره كامله قرأت االصوره والحمد لله حسيت اني تحسنت بس مو مثل اول المهم رقدت وقمت يوم الخميس وهنا كانت البدايه عندي قمت احس بضيقه وودي ابكي وماودي اطلع وماودي اجلس مدري وش فيني زي التايه مدري وش اسوي واطالع اهلي وهم يكلموني واقول لا لا بقوم الحين انا شكلي نايم معها ضيقه وبكاء استمرت هذه الحاله عندي ثلاثه ايام كامله واحس انها تبدء عندي كل يوم من اول ما اقعد من النوم الى الساعه 10 الليل بعدين احس انها تبدى تخف الضيقه والقلق بس احس اني مو مثل اول وما اقدر اضحك لا اخفيكم علم اني ماصرت اطلع من البيت وكل ما اطلع احس بخوف وضيقه مستمره وبكاء واحس اني في خيال خلااااااص قلت بموت انا امي تطالع فيني كل يوم وتبكي والوالد ماعنده علم المهم قالت امي لازم اقول لابوك قلت قوليله يابعد قلبي طبعا ابوي مصاب بالاكتأب منذ 35 سنه على حد كلامه ويقول ان كل الي جاك جاني وانا صغير حسيت اني هديت شوي يوم قالي هالكلام المهم وكل يوم وانا على هالحال قال الوالد بجيبلك حبوب اسمها سيبراليكس وقرأت عن هذه الحبوب وكما قرات انها لان يبدء مفعولها الا بعد اسابيع اخذت قبل امس نصف حبه بشكل يومي طبعا ما ادري بعد الحبه حسيت براحه وفرح بس مو مثل اول لانه يبقى يدور في ذهني هذا الخوف وفي اليوم الي بعده جتني نوبات خوف خفيف تروح وتجي واحس اني بالليل اتحسن مره مره وخصوصا اذا انا في غرفتي وبذات اذا اخوي الصغير حولي ولاكن لا انسى اني اقول اني متحسن عن اول بشكل حلو اولا س/هل السبب الاول هو سبب كل هالي انا فيه لاني احس انه مسلسل متتابع بدأ من يوم شفت هالمقطع الى يومك على الرغم اني الان لا ابالي بهذا المقطع ولاكن ادعي على الي خلاني اشوفه ثانيا س / هل المرحله الثانيه هي وسواس قهري ؟؟؟؟ ثالثا س / ما تشيخصكم في مرحلتي الثالثه مرحلة فقدان السعاده رابعه س / هل اواصل على السيبراليكس وازيد الجرعه بعد اسبوع ونصف لاني حسيت انه ريحني ولله الحمد 80% وشكرا جزيل لكم ارجوكم يا اخوان ردو علي لان الوالد يقول بوديك لطبيب نفسي في مستشفى سعد الخاص وانا احس ما ودي مدري ليش اخواني تذكرو الضيقه الي فيني ولا تتجاهلوني ارجوكم اريد رد ولو كان سطر ناصر.... المعذره على تكرار الموضوع لاكني اريد رد ارجوكم وش حالتي المصدر: نفساني
|
|||
|
04-01-2012, 03:56 PM | #3 |
المدير العام للموقع
روح نفساني
|
السلام عليكم
انا ماني مختصة لكن رح احاول اجاوب على اسئلتك بحكم خبرتي المتواضعة مع المرض النفسي اولا س/هل السبب الاول هو سبب كل هالي انا فيه لاني احس انه مسلسل متتابع بدأ من يوم شفت هالمقطع الى يومك على الرغم اني الان لا ابالي بهذا المقطع ولاكن ادعي على الي خلاني اشوفه المقطع كان صدمة بالنسبة اليك لا اكثر و انت قلت انك تجاوزتها و الحمد لله يعني انا ما اضن انه السبب في حالتك الان ثانيا س / هل المرحله الثانيه هي وسواس قهري ؟؟؟؟ نعم اذا كانت الرغبة في تادية طقوس معينة تفوق القدرة على التحكم بالذات فهو وسواس قهري ثالثا س / ما تشيخصكم في مرحلتي الثالثه مرحلة فقدان السعاده رابعه س / هل اواصل على السيبراليكس وازيد الجرعه بعد اسبوع ونصف لاني حسيت انه ريحني ولله الحمد 80% اظن يا اخي انك تعرضت لنوبة هلع لان اعراضك قريبة جدا لاعراض نوبات الهلع و الاكتئاب غالبا ما ياتي بعد النوبات و الله اعلم بالنسبة للدواء انصحك تستشير الدكتور رعد في العيادات او في احد مواضيعة المخصصة لذلك الله يشفيك اخي و يعافيك |
|
04-01-2012, 04:19 PM | #4 |
( عضو دائم ولديه حصانه )
|
حياك الله اخي كلام الاخت في محلة ، ولعله يكون لي رد لاحق اذا خفيت لاني انا الان مثلك تعبان جدا
المقطع الذي رايته ليس هو سبب كل التطور الذي حصل لك كما اعتقد لان مثل هذه الصدمات وبهذا الحجم يعني ليست كبيرة تزول مع الوقت اذا كان الشخص سوي لكن انت اصلا عندك مشكلة نفسية او استعداد وراثي ، وربما ضغوط نفسية قبل المشهد والمشهد فجرها ، هذا رايي المتواضع ولا اجزم به لان الحلات تختلف وتتداخل وكل فد يختلف عن الاخرين في اسباب مشكلته النفسية وتطورها . اهم مافي الموضوع ان كلام والدك في محلة الحل هو الطبيب النفسي وتشرح له القصة من البداية وحتى النهاية . |
|
04-01-2012, 04:22 PM | #5 |
( عضو دائم ولديه حصانه )
|
السبرالكس ريحك 80% مشاء الله ممتاز يعني ان هذا الدواء نجح معك ناقش مع الطبيب موضوع زيادة الجرعة
كم جرعة السبرالكس |
|
04-01-2012, 05:27 PM | #6 |
( عضو دائم ولديه حصانه )
|
اخي بامكانك وضع سؤالك في عيادة الدكتور رعد ليجيبك عليه على هذا الرابط
http://www.nafsany.cc/vb/showthread.php?t=71544&page=10 |
|
04-01-2012, 06:03 PM | #7 |
عضو نشط
|
أخي إطمئن مسألة وقت وستزول بإذن الله
أنت تقول أن والدك مصاب بالإكتئاب منذ 35سنة هل مازال مصاب وهل يستخدم أدوية وماهي وهل أثر مرضه على حياتكم وعليه وهل هو الآن طبيعي يعمل ويقوم بواجباته وهل يمر عليه أوقات يكون تعبان فيها |
|
04-01-2012, 10:39 PM | #8 | ||||
عضو نشط
|
اقتباس:
اللهم امين جزاك الله خير نعم احس اني حزين دائم.... الحمد لله على كل حال اقتباس:
اقتباس:
جرعة السيرالكس 10 اخذ نصف حبه والله يعين طبعا بدون وصف دكتور الوالد عطاني هالدواء والحمد لله اقتباس:
انا عني حالتي هذي اثرت علي بشكل كبير في دراستي الجامعيه لدرجة ان الوالد قال خلاص يولدي اذا هالي فيك من الدراسه اطلع والله لا يردها دراسه ورزقك على الله.... والوالد يقولي هذا الي فيك كله جاني ونا صغير جزاكم الله خير والله انكم رفعتو معنوياتي الله يجزاكم خير ويسعدكم دنيا واخره يالي رديتو علي الحمد لله على كل حال الله يشفيكم ويشفيني ويشفي جميع المسلمين |
||||
|
04-01-2012, 11:42 PM | #10 |
عضو نشط
|
اخي راجي الله بارك الله فيك
لا اعرف لماذا الانتقال من دواء الى دواء ولاكنه يراجع الطبيب النفسي بشكل متفاوت وانا اتوقع اما لانه يريد تخفيف الجرعات او يريد التخلص من العلاج الدوائي واللجوء الى الدواء او العلاج السلوكي فلاحظتة انو معه افلام حلوه تساعدك على التخلص من العلاج الدوائي افلام حلوه صراحه وهو يقول أثرت فيه (طبعا افلام اجنبيه مترجمه) رغم ان العلاج الدوائي هو الي فاده بشكل كبير والحمد لله الان فيه ادويه ليس لها اثر جانبيه مثل السيبرلكس وقد يصفه بعض الاطباء لعلاج سرعة القذف وايضا البروزاك احد اقاربي يستخدمه للحميه الرجيم الحمد لله على كل حال يا اخي.... |
|
05-01-2012, 04:07 PM | #11 |
عضو نشط
|
السلام عليكم أخوي عاشق ومساءك نور وحلى...
أقسم بالله العلي العظيم أن مامررت به قريب جداً جداً لما مررت أنا به, فأول مراحل الصدمات كانت في ثاني ثانوي فجأه وأنا بالمدرسة... والمرة الثانية جتني وأنا بعملي...شوف...أنا اللي جاني المرة الثانية كانت نوبة هلع شديدة وصاحبها أكتئاب شديد...تبي أعلمك وش سويت؟ بعد الله رحت عند شيخ يقرأ علي..وكان قريب لي وقرأ علي وعلى زوجتي والحمد لله قال مافيك شي اللي فيك ضغوط نفسية وعمل.. المهم...توكلت على الله ورحت عن طبيبة نفسية...في مستشفى المانع..وصرفت لي أيفكسور 75 مل لمدة ستة شهور والحمد لله كان له أثر أيجابي جداً على حياتي... بعد مرور ستة أشهر راجعت طبيب نفسي في مستشفى سعد لأني غيرت التأمين...وقلت له خلاص الحمد لله أنا تحسنت وأبي أوقف العلاج... طبعاً قال لي خلاص...وتم التوقف تدريجي لمدة شهرين...الآن لي شهر ونص من وقفته صحيح مريت بحالات غريبه ومشاعر متضاربه وأرهاق شديد وخمول وأرق وثقل وكل شي ممكن تتصوره... لكن أيماني بالله و قوة الأرادة والعزيمة طنشت كل شي ومقاوم الى الآن...والحمد لله في تحسن.... خلاصة الكلام... لا تخف فما تمر به أنت يمر به الكثيييييير جداً...فلست وحدك...وأطمئنك أنها قابله للشفاء بنسبة 100% زيها زي أي مرض عضوي يمكن الشفاء منه... يالله ياعم شد حيلك وعزيمتك وأطلع وأستانس وفلها وروح عن قلبك ولا عاد تشوف هالخرابيط اللي تتعبك وحافظ على صلاتك وقربك من الله صدقني راح ترتاااااح كثير... أنا جداً متعاطف معاك بحكم قرب قصتك من قصتي... تحياتي القلبية لك.. |
|
05-01-2012, 06:03 PM | #12 | |
عضو نشط
|
اقتباس:
الله يسعدك يبو بتال ويخليك والله اني حسيت بسعاده بعد يوم قرييت كلامك والله العظيم اني اتحت نفسين الله يكرمك بجناته مثلك انا الان احد اقربائي يقراء علي له ثلاث ايام يقرا علي سورة البقره كامله ويرقيني وبعد ها احس بتحسن ابو بتاال والله احس اني سعيد لاني لقيت واحد مثلي الله يشفيك ويشفيني ويشفي جميع المسلمين بس انا الان فيني مشكله اذا اسوق احس بخوف وما اقدر اطلع مع الشباب مثل اول لاني احس بشعور غريب ما اقدر وصفه بس كل يوم احس بتحسن والحمد لله على كل حال ابو بتال الله يسعدك دنيا واخره مثل ما طمنتني.... الوالد يقول فيه دكتور جيد في مستشفى سعد انشاء الله بروحله ولو اني احس بتحسن الحمد لله على كل والله يشفيني ويشفي كل من يقرا كلامي ويشفي جميع المسلمين.... |
|
|
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|
|