|
|
|
 |
|
 |
||||||||
|
||||||||||
 |
 |
 |
||||||||
| عيادة مشاكل الكبار كل ما يتعلق بالمشاكل النفسيه للكبار ، رهاب ، وسواس ، نوبات هلع ، فصام .... يقتصر الرد في العيادة على الأخصائيين المعتمدين للموقع . |
|
|
أدوات الموضوع |
30-10-2013, 08:16 AM
|
#1 | ||||
|
عضو نشط
|
عندي مشاكل نفسية ارجوا المساعدة
السلام عليكم انا تعبت من وضعي عندي مشاكل نفسية وابغى حلول لها انا الحين طالب في السنة التحضيرية وعمري 18 سنة كنت طبيعي ومافيني شي، لكن يوم صرت بثاني ثانوي فجأة صار يجيني خمول شدييييييييييييييييييييييد جدا وقوي لدرجة اني انام زين بس ابقى خملان سواء نمت او لا طول حياتي خملان وتعبان واحيان يشتد كثير وهذا اثر على دراستي صرت معد اقدر ادرس ولا اسوي اي عمل اتعب بسرعة، والكل من الاهل والاصدقاء والمدرسين في المدرسة لاحظوا علي الخمول الشديد هذا وبعدها رحنا المستشفى وفحصت وطلع كل شي تمام وماعندي مشاكل وقالي الدكتور سوي رياضة وتروح انت مافيك شي يمكن لانك ماتمارس الرياضة وكذا وكان يجيني حالات ارق يعني خصوصا في العطل، عطلة العيد او عطلة المنتصف يجيني يوم اواصله كامل مايجيني النوم بدون سبب لكن الارق مو شديد عادي يوم وكذا وبعدها انام وكان يجي شديد ومقدر انام يوم سافروا اهلي بالاجازة وبقيت انا واخوي بس بالبيت جلست الاجازة كلها مايجيني النوم وارق مدري ليش،لكن اول ما ارجعوا من السفر راح وصرت انام زي قبل ويوم انتهت سنة ثاني ثانوي بالاجازة الصيفية بدا يجيني شي احس اني تعبان وكأن فيني حمى وحرارة هذا الشعور يجيني كان اذا جا فيني حمى وحرارة او مرض يعني شعور مدري كيف احس اني ثقيل وكأن فيني حرارة بس قست الحرارة ومافيني شي قعد فيني كم يوم ببداية العطلة ثم راح وبعده بكم يوم بالعطلة فجأة جاني الارق ببدايته صرت اتعذب مع النوم ومايجيني بسهولة لكني كنت انام بعدها اشتد علي صرت معد انام ومدري وش السبب وصار يجيني بكاء مكتوم بدون سبب واحس اني مقدر اطلعه كامل ومدري ليش وخفت وكان ذاك الوقت قريت رسالة يقولون فيها فيه واحد صيني سهر ومات بسبب السهر وقلة النوم وخفت زيادة واشتد علي القلق واحسب الواحد يموت ومدري ايش انا خفت لان حالقة الارق اصابتني قبل لا اسمع بشي زي كذا فخفت قلت وش فيني ما انام وصرت اشيل هم النوم واقول دايم بنام اليوم او لا وتنكدت حياتي حتى لدرجة احيان وصل فيني الارق ما انام يومين وكان يجيني اعراض زي صعوبة في البلع وزيادة ضربات القلب وحسيت اني بموت لاني كنت خايف مرة لكن قريت في النت طلع مرض اسمه القلق النفسي العام في ويكيبيديا ويوم دريت انه مرض نفسي ومجرد وهم وماني ميت خف عني الخوف وراحت صعوبة البلع والخوف وكذا لكن لسى الارق مستمر تعذبت سنة كاملة ثالث ثانوي كلها والارق فيني والقلق بجسمي مايروح ابد عند صدري قلق شديد وبدون سبب مدري ليش،وكان يروح احيان اسبوع بعد كل فترة شهور طويلة ثم يرجع هو والارق واهلي كانوا يقولون لي انت لانك تفكر ، قلت لهم ما افكر ولا شي مدري يجي من نفسه ، لكني حاولت اطلع سبب بالتفكير مع اني ما اعتقد انه هو لكن بقوله قبل لاتجيني حالة الارق هذي كنت اقرا عن الكليات العسكرية واشوف مقاطع عنها وكيف وعن الجامعات وبعض التخصصات كنت اقرا عادي للفائدة عشان اعرف وجهتي بعد الثانوي وماكنت شايل هم يعني توني بثاني ثانوي وعادي وما اعتقد انه السبب لكن قلت اقوله يمكن هو وانا مدري لان مافيه غيره اتوقعه السبب وصرت اقرا بالنت وشفت ناس كانوا يعانون مثلي ويردون عليهم ناس بالموضوع ويقولون قل انا انام زي الناس عادي ومثل هالكلام فصرت اوسوس قهري بهالكلام كل يوم معد صرت اقدر اركز مع المدرسين ومع الناس صار في عقلي اوسوس واقول انا انام ويجيني النوم كله عشان يجيني كنت احسب ان هالطريقة هي الي تخليني انام او شي بس ماتنفع، بعدين بعد فترة صرت اقرا بالنت وقريت ناس يقولون عشان التفكير وكذا فصرت اوسوس قهري بالجامعة والكلية العسكرية وافكر كيف بدرس فيها وين بنقبل ومدى صعوبتها ومن هالكلام صرت اوسوس قهري فيها لاني اظن انها هي الي ماتخليني انام وصرت احلل واقول هي عادي وتنقل في كذا وتدرس كذا وتصير كذا ومعد صرت اقدر اركز مع المدرسين لازم كل شوي اوسوس واقول لنفسي كذا في عقلي لاني اظن ان كذا هو الي بيعالجني ويخليني انام، بس حتى الهموم وكذا ماتخلي الواحد للدرجة ذي يقلق ماينام ابد طول عمره، وكان يجيني ارهاق ومقدر اتحمل الصعوبات والكرف وكذا، وكان يجيني زي تشويش بالرؤية احيان كل فترة وبعدها يوم طوّل الامر معي بفترة كنت بالنادي اتمرن وجتني دوخة قوية مرة لدرجة اني بكيت منها ورحت المستشفى وفحصت وقالوا مافيك شي ابد لكن الدوخة ماكانت وهم كانت قوية مرة وجتني مثلها بعدها باسبوع قوية مرتين وبعدها ماصارت تجيني القوية مرة بس تجيني الدوخة والدوار ولازالت مستمرة معي واحيان تقوى واحيان اخف واحيان ماتكون فيه وصرات بعد الدوخة احس الحياة كرف وارهاق وجسمي طول الوقت مرهق وقلق واحس الحياة كرف وكل شي دراسي وفيه كرف شديد اقول وش الكرف ذا ومقدر اتحمل شي وصرات ارحم اي واحد واقول مسكين وكذا صارت فيني شوية رقة قبل ماكنت كذا يعني انا انسان طيب بس ماكنت احس ان اي انسان تصير له مشكلة بشي وكذا مسكين وارحمه لا عادي الوضع وبعدين بالعطلة الصيفية صار يجيني وسواس قهري بافكار انا مبيها بس تجيني غصب زي اني احسد نفسي او واحد من اهلي ثم ارجع اذكر الله وغيرها من الافكار وماكنت ادري انه مرض واسمه وسواس قهري قريت عنه بالصدفة بالنت ودريت انه مرض، وفجأة بالعطلة هذي جاني خوف من العمى وصرت اخاف من الامراض النفسية والعضوية اذا قالوا هذا فيه مرض كذا مدري ليش جا قبل كنت عادي وما اخاف لكن حاليا راح الخوف من العمى لكن ما انكر انه باقي شوية خوف ببعض الامراض النفسية والعضوية الاخرى ، وكان يجيني شي زي وجهي وراسي يتحرك من نفسه كانت تجيني على خفيف قبل النوم برمضان بكم يوم كذا ثم راحت ويوم فحصت الدوخة فحصوا عندي الفيتامينات ولقوا عندي نقص شدييييييييييييييد في فيتامين "د" كان عندي نسبته حول الـ 3 واخوي قبل كان يقولي فيتامين د يسبب الارق وانه هو قرا في النت عن هالشي طبعا هذا قبل لا افحص انا وقبل لاادري ان عندي هذا النقص وبعدها يوم فحصت عطاني الدكتور العلاج ومن اول حبة فيتامين د شربتها ، راح الارق بالكامل وصرت طبيعي من ناحية النوم وراح القلق الي ماسك صدري طول ذيك الشهور لكن الدوخة مازالت موجودة والتشويش ، واستمريت على العلاج لين ما انهيته والحين صار عندي الفيتامين 15 وبعد ما انتهت العطلة واقترب دوام جامعتي باسبوع في يوم حلمت حلم طويل من احداثه انه كان فيه ناس وانا راحمهم مرة وقالي واحد بالحلم انت ترحمهم لانك مريض نفسي وبعدها قمت وجاني شي زي الخوف لكن كملت نومتي ويوم قمت بقى الشعور الي زي الخوف نفسه ومعه شعور كأني بفقد عقلي احس مخي بيطلع من مكانه واني بنجن ويجيني هذا الشي في صدري وكذا وكأنه يطفي ويولع وعلمت اهلي وقالت امي هذا اكتئاب لأن امي مصابة بمرض الاكتئاب وقالوا اقرا سورة البقرة استمريت عليها بس ماينفع لكني ظليت استمر ومع الايام راح الشي الي يجيني زي بصدري كذا الي زي الخوف معرف اوصفه وصار يجيني شي شعور ثاني مدري كيف احس عقلي مدري وش فيه كني بفقد عقلي ، فيه شي مضايقني وبعدها استمريت بالبقرة وداومت بالجامعة وراح الشي القوي هذا الي احس اني بفقد عقلي، لكن صار يجيني شي زي البكاء كذا في حلقي وصدري وصار يجيني بكاء واحيان بيوم ثاني مثلاً يجيني شي احس اني ماني مع الدنيا واني بفقد عقلي بشعور مختلف غير الشعور الأوّل، وبعدين كان يجيني خوف اول ماجتني الحالة خفت ان هذا جنون عقلي او مرض جنون اسمه فصام فصرت اخاف لايكون فصام او جنون، وصرت اوسوس واردد في نفسي مافيك شي وماراح تنجن ومن هالكلام وصرت اوسوس قهري بفصام وجنون ، ولحد الحين والحالة مستمرة معي واحيان احس اني ماني مع الدنيا مدري كيف وماصرت استمتع زي قبل يعني استمتع بس مو زي قبل فيه شي وهاليومين صارت تجيني افكالا سلبية زي انا كيف صرت انا ليش انا الي احس بنفسي وبالالم ليش انا مو فلان ليش هو مايحس انا من بين كل الناس اشوفهم كلهم وما اشوف نفسي او مليت من نفسي افكار زي كذا ويجيني افكار زي حياتك هي كل شيء بالنسبة لك لو تموت او تختفي بيختفي كل شيء بالنسبة لك وكلام زي كذا ، وطبعا اقنع نفسي فيها ايجابيا وقدرت اقتنع لكنها تزعجني وهاليومين بعد صارت تجيني وساوس قهرية زي انت في وهم الحياة وهم وحلم وزي كذا لكنها خفيفة وتجاهلتها طبعا وماني مقتنع فيها ابدا والحمد لله راحت وماتجي عكس ذيك ولكن الحمد لله الوسواس القهري بشكل عام صاير خفيف علي مو مثل اول مرة جاني يوم القلق وايام الكلية والجامعة كان متوسط او شديد شوي ابغى اعيش زي الناس واستانس بحياتي وعمري والله تعبت حتى النادي ماني قادر اتمرن فيه زي قبل من الدوخة تجيني تكفون حياتي من ذاك الوقت لحد الحين خصوصا صارت جحيم وبديت افشل دراسيا بسبب هالمشاكل ابي حل والله اني خايف مرة انه مرض نفسي خطير وايش السبب ليش جاني فجأة كذا بدون سبب هو وهذي الافكار تكفون الله يجزاكم الجنة ساعدوني ابي حل وش هي مشكلتي ووش علاجها ؟ المصدر: نفساني
|
||||
|
|
|
30-10-2013, 08:20 AM
|
#2 | |
|
عضو نشط
|
بالاضافة لكلامي كله امي بعد ماعلمتها قالت لي ترى فلان وفلانة من جماعتنا واقاربنا فيه نفسي واكتئاب ومدري ايش
فصرت انظر للناس انهم كلهم مرضى نفسيين ووش الحياة ذي الكل فيها كذا و صرت كل ماشفت واحد اقول هذا يمكن مصاب بالمرض النفسي الفلاني من شكله وكذا مرضت من هالشي وطبعا ماتجيني هالافكار كثير وكذا والحمد لله بس حبيت اذكرها لكم |
|
|
|
|
30-10-2013, 08:35 AM
|
#3 | |
|
عضو نشط
|
وهل المشكلة سببها نقص فيتامين"د" لاني حاليا مستمر على علاج آخر بعد ذاك العلاج ومدري فيه ناس يوم قريت بالنت تقول ان نقص فيتامين د هوالي يسبب كل هذا وفيه ناس تقول فصراحة مدري مين اصدق وحاليا ابي علاج لمشكلتي |
|
|
|
|
30-10-2013, 09:35 PM
|
#4 | |
|
مستشار
|
حياك الله أخي الفارس،، وألف لاباس عليك
أشكرك أولا على وصفك الدقيق والفصّل لمشكلتك، وأطمّنك مبدئيا بأن مشكلتك ليست معقّدة وأن لها علاج بإذن الله بل وأبشّرك بأنك غالبا من اللي عندهم فرصة جيدة للاستفادة من العلاج الدوائي والغير دوائي فما ذكرته عن تقلب حالتك النفسية ووصفك لنظرتك للتغيرات خاصة بشعورك بذهاب بعض الاشياء المزعجة وحمدك لله على ذلك، انما يحمل ناحيتين ايجابيتين: الاولى هو انه يحدث لك تغير، وتذهب عنك اشياء وهذه ميزة جيدة، لأن اغلب الذين يعانون مشكلات نفسية لايشعرون بذهاب شيء منها كما ان هناك من يذهب عنه شيء ولكنه لايحس بذلك ولا يحمد الله على ذلك حتى لو كان تغيرا بسيطا للأفضل، فمجرد احساس التغير وشكر الله عليه تعتبران سمتان ايجابيتان وتساعدان على العلاج والتحسن مشكلتك أخي العزيز بدأت فعلا كقلق عام وأنت وصفت بداية القلق وتطوره بشكل دقيق جدا يطابق وصف المرض تماما والقلق يصاحبه وسواس قهري. بل الوسواس القهري هو نوع من القلق وهذا ماحدث معك، وهو ان يتخذ القلق العام صورة محددة واضحة ومحصورة في موضوع محدد. فكان القلق يتقلب عندك تارة بين الوسواس القهري (الوسوسة في عملية التفكير) وتارة بين الوسوسة في الصحة وتحول اعراض القلق النفسي الى اعراض جسدية بدنية تجعلك تفكر في موضوع الصحة والمرض والحياة والموت والقلق ان ترك بدون علاج واستمر فإنه وبسبب قلة النوم او بسبب صعوبة القدرة على الاسترخاء يتسبب شيئا فشيئا بالاصابة بالاكتئاب. ووالدتك محقة تماما، فما وصفته من آخر اعراض اصابتك هي فعلا اعراض اكتئاب والآن،،، لا أريدك ان تقول: عندي قلق ووسواس قهري ومخاوف مرضية واكتئاب وو ... الخ لا أخي الكريم، انت الآن فقط مشكلتك هي الاكتئاب والاكتئاب والوسواس القهري والمخاوف وحتى القلق لها اصل مرضي واحد هو نقص كمية او نشاط احد النواقل العصبية واسمه "سيروتونين" ولا يهمنا كيف بدأ المرض وكيف تطور او تقلبت اعراضه، وانما ما يهمنا هو الآن،، اي آخر الاعراض وآخر الشكوى المرضية التي تصف معاناة المريض. وهذه الامراض (القلق بأنواعه من مخاوف وهلع ووسواس،، والاكتئاب) هي لاتحدث للناس بشكل منفرد. اي ان المصاب بالاكتئاب يكون عنده الاكتئاب هو السائد ولكن معه وسواس وقلق بشكل غير سائد. وكذلك لو قلنا عن شخص بأن معه وسواس قهري، فاننا نقصد ان الوسواس هو السائد ولكن بالتأكيد سيكون معه اكتئاب وقلق بشكل غير سائد وعلاج هذه الامراض اخي العزيز هو نفس الدواء، وهي الادوية التي ترفع من مستوى الناقل العصبي سيروتونين،، فهي تعالج الاكتئاب والقلق والوساوس وانما الاختلاف هو في العلاج الغير دوائي كالعلاج المعرفي السلوكي، والذي تختلف فيه تقنيات علاج الوسواس عن تقنيات علاج الاكتئاب مع العلم بأنه ايضا هناك تداخلات وتقنيات مشتركة مهم جدا اخي الكريم ان تعلم ان المرض النفسي او التعب النفسي ليس عيب بل هو جزء من التطور والنمو الذي يصقل الانسان ويعلمه العاطفة، والحكمة وهو يحدث لكل الناس بدرجات مختلفة فهو معاناة ان لم تمر على الشخص في طفولته (وهذا مايحدث لأغلب الناس ولا يتذكرونها أو بالأصح لايتألمون منها) فإنها سوف تمر عليه في شبابه فيشعر بها كمرض نفسي وربما عند بعض الناس في الشيخوخة. انصحك بأن تبدأ بالعلاج الدوائي، مثلا تبدأ بأخذ دواء سيبراليكس 10 ملجم حبة واحدة مساءا يوميا وتستمر على هذا الدواء مدة 6 أشهر. التحسن يحتاج من اسبوعين الى 6 اسابيع من بداية العلاج حتى يظهر. فلا تستعجل النتائج لأن توفير مادة سيروتونين وزيادة نشاطه يحتاج اسبوعين على الأقل مبدئيا لاتفكر في العلاج الغير دوائي، فغالبا انت لاتحتاجه ويكفيك العلاج الدوائي بعد 6 اشهر سنوقف العلاج بالتدريج، وقد لاتحتاج ان تأخذه لفترة اطول من ذلك تابع معي اخي، وان وجدت صعوبة في توفير العلاج انا حاضر، ولا يهمك :) |
|
|
|
|
31-10-2013, 02:13 AM
|
#5 | |
|
عضو نشط
|
هلا اخوي رعد الله يجزاك خير ريحتني بردك وطمنتني طيب اخوي رعد ليش قلت لي استخدم العلاج الدوائي على طول بدون العلاج الغير دوائي هل حالتي خطرة جدا ؟ وانا سمعت ان العلاج الدوائي يسبب السمنة الشديدة للشخص ، وانا وزني زايد شوي وودي اضبط جسمي ولا ودي اسمن وسمعت انه خطر ويسبب مخاطر لصحة الشخص كثيرة فهل هذا الكلام صحيح ؟ + ودي اعرف السبب القلق بالبداية في اول مرة ليش جاني الكل كان يقولي انت لانك تفكر ومدري ايش ، ماكنت افكر ولا شي جا من نفسه كذا بدون سبب لين ماتطور الوضع لحالي هذا فودي اعرف وش هو السبب لهذا ؟ |
|
|
|
|
31-10-2013, 11:02 PM
|
#6 | |
|
عضو نشط
اخصائية نفسية
|
اهلا بك اخ فارس .. راح افصل حالتك .. بما انك ارسلت لي مسج خاص ..
بتكلم باللغه العامية عشان تفهم كل شيء بشكل واضح .. بس لازم عشان تتعالج تلتزم بالكلام اللي بقوله وان شاءالله امورك بتتحسن .. بشرحلك حالتك .. كما قال الدكتور رعد .. المرض النفسي مايجي لحاله .. يعني القلق ممكن يكون معه وسواس قهري ومشاعر اكتئاب, فالامراض النفسية متداخله .. والعلاج الدوائي واحد .. يعني العلاج راح يأثر على كل الاعراض اللي تحس فيها .. شوف اخوي انت الحين لا دقق على تشخيص حالتك .. ولا تفكر انا وش فيني .. لأنه هالشيء ماراح يفيدك .. راح يحسسك انك مريض وان الشفاء صعب وكثير من المشاعر المحبطة .. اول شيء لازم تعرف ان المرض النفسي مرض مثل اي مرض في دنيا .. يعني لا تحس انه مرض خطير وان شيء ماراح تقدر تعيش منه بسعادة وانه راح يدوم معك .. لا اخوي المرض النفسي مرض ممكن يصيب اي شخص في دنيا مثل مالجسم يتعب ويصاب بالزكام والا حراره .. كمان النفس تضعف وتصاب بمرض نفسي مثل القلق والاكتئاب .. يعني لا تعظم صورة المرض النفسي وتحس انك مريض وان الحياة صعبة .. بسط الامور تتبسط .. مرض يصيب اي شخص في طرق لعلاجه .. في ادوية وفي طرق نفسية تسويها .. وكل شيء بأذن الله يرجع طبيعي .. هالمرض ممكن يعلمك كيف تقوي نفسك طور نفسك تثقف نفسك , تتعلم كيف تصبر , تحس بالاخرين , تعرف قيمة الحياة , تلجاء لربك , تسوي اعمال خير , تساعد غيرك .. يعني تقدر انك تخلي هالتجربة صعبه شيء يفيدك ويطورك ويساعدك انك اقوى .. الله عندما يبتلي عبد يبغا يشوف قدرة العبد على تغلب على صعوبات يعني هالشيء خير لك .. كل ابتلاء من الله خير .. يريد به نفعا للعبد .. عشان كذا انا ابغاك الحين انك تغير نظرتك عن المرض .. اذا استمريت ترفضه وتخاف منه .. كذا انت جالس تخلي حالتك تسوء اكثر .. عشان تقبل واعتبره ابتلاء من الله , واعتبره تجربه راح تقويك وطورك بأذن الله ثأنيا لا تقرا بتشخيص الامراض في النت ابدا لأن هالشيء رح يزيد توترك وراح تحس كل عرض فيك .. مهما حسيت انك تبغا تقرا امنع نفسك .. لأن كل مرض بتقرا عنه بتوسوس انه فيك وبتطلع الاعراض فيك وهكذا .. ابعد عن تشخيص الامراض النفسية والعضوية .. ثالثا: انك تعرف سبب القلق اللي اصابك .. المرض النفسي سببه يكون وراثي .. يعني من يوم ماولدت عندك استعداد وراثي انك معرض للاصابة بمرض نفسي ( كما ذكرت والتدك مصابة بمرض نفسي ) هذا الاستعداد الوراثي يخليك تصاب بالمرض النفسي لما تواجهك صعوبات وضغوطات هنا يظهر لك المرض ... انت بفترة مراهقة ومن الاكيد انك كنت تفكر بمتسقبلك وحياتك .. وكان عندك مخاوف وقلق عادي .. بس زاد مع الايام بسبب الاستعداد الوراثي .. هذا سبب المرض لأنك كنت تبغا تعرف .. بس الحين مو مهم السبب .. المهم كيف تقدر تتخلص منه ؟؟ رابعا : القلق النفسي هو اللي سبب لك الوسواس القهري وهو اللي سبب لك الاعراض الجسمية اللي تشعر فيها مثل الدوخة وقلة النوم , وصعوبة البلع , كل هذه اعراض القلق .. بالبدايه اخوي جدا جدا مهم انك تأخذ علاج نفسي .. عشان ينظم لك عمل ناقلات العصبية في المخ < هذه الناقلات لما يصاب الشخص بمرض نفسي يختل توازن .. يترتفع ياتنقص وتسبب المرض النفسي .. الدواء مهمته يرجع توازن لهذه الناقلات .. من ثم راح يتعدل مزاجك , وتروح الاعراض الجسمية اللي تشعر فيها .. عشان كذا جدا مهم بالبداية انك تأخذ الدواء النفسي لمدة 6 اشهر .. ولازم تعرف ان الدوء النفسي لا يسبب ادمان .. ممكن يكون في اعراض جانبية للدواء .. بس هذه الاعراض لازم تتحملها عشان العلاج .. بس تحملها ببداية العلاج وان شاءالله تزول .. انك تعاني من اعراض جانبية عادية اهون بكثير من انه يستمر معك المرض ؟؟ عشان كذا اخوي ابعد عن كلام الناس في النت واسمع لطبيبك بس .. واعرف ان تجارب غيرك مو مثل تجربتك .. الناس يحبطون ودايم سلبين .. يعني لا تأخذ بكلامهم .. انت التزم بالعلاج واي مشكله في العلاج ارجع لطبيب فقط .. عشان كلام ناس راح يشتتك ويزيد حالتك سوء .. هاذي اهم نقطة خامسا : مع العلاج الدوائي .. لازم تستمر على العلاج المعرفي السلوكي .. لأنه جدا مهم في تغيير افكارك .. افكارك هي المسبب الرئيسي للمرض .. اذا قدرت انك تتحكم بأفكارك بتقدر تتحكم بكل حياتك .. بشرح لك العلاج بشكل مبسط .. في حوار يدور بينك وبين نفسك هذا اسمه الحوار الداخلي .. من خلال هالحوار تفسر الامور من حولك .. يعني مثلا حسيت بدوخة .. هنا ع طول عقلك يفسر الحدث .. يقولك وش هالدوخة لا يكون شيء خطير انت ترد عليه اكيد شيء خطير مو طبيعه انا وش فيني وهكذا حوار تفسر فيه اي شيء يصير لك .. هالحوار عبارة عن افكار متتابعة سلبية تفسر الامور من حولك بسلبية وغير واقعية انت هنا لو استمريت بالحوار بدون ما توقفه او تعدله .. هالحوار بيأثر على مشاعرك ( بتحس بخوف - قلق - حزن - ) اذا حسيت بالقلق مثلا بيأثر هالشيء على جسمك ( بتحس يالدوخة - زيادة في ضربات القلب - ضيق التنفس ) بعدين بيأثر على سلوكك بيخليك ماتطلع من البيت ماتقوم بأعمالك ماتذاكر ماتطلع مع اصحابك .. يعني اخوي الأفكار والحوار اللي يصير بينك وبين نفسك هو السبب في شعور وهو سبب في اعراضك الجسمية وهو سبب في سلوكك وتصرفاتك .. جدا مهم انك تنتبه لهذا الحوار .. توقفه على طول .. ترد عليه بعقلانية وبأفكار واقعية بعيده عن سلبية والبمالغه وتوقع الخطر .. كتبت جلسات في قسم الرهاب الاجتماعي شرحت كيف نوقف الناقد السلبي < الناقد السلبي يعني افكارك اللي تسبب القلق والخوف واللي تسبب شعورك بالاعراض الجسمية .. اطلع ع موضوع وطبق .. كيف توقف ناقد .. كيف ترد عليه .. تعلم كيف تسترخي .. طبق جلسات الاسترخاء .. استمر على العلاج الدوائي لا تستلم واذا تعبت لا توقف استمر ,, اذا حسيت ان الاعراض ماتحسنت استمر بالعمل .. اهم نقطه انك ماتوقف المحاولة .. وأي سؤال انا موجوده اخوي انا هنا معك .. |
|
|
|
|
02-11-2013, 02:43 PM
|
#7 | ||
|
مستشار
|
اقتباس:
ثانيا: الله يطمن قلبك اخي الفارس ويوفقك. الدواء مدة 6 شهور هي اقل مدة للأدوية النفسية لأن الأصل في الامراض النفسية هي انها مزمنة وتحتاج علاج لفترات طويلة تصل الى سنين. ولا يوجد طبيب يستطيع ان يعد بفترة علاج قصيرة بالنسبة لك من جهة ارى انك لاتحتاج للعلاج الغير دوائي من ناحية ان تكوينك النفسي او استعدادك النفسي هو استعداد جيد ومترابط، وقد يكفيك العلاج الجدوائي لوحده ومن جهة اخرى ربما تساعد تقنيات العلاج الغير دوائي مع نفسية استعداده جيد مثل نفسيتك، تساعد في ان تستفيد من هذه التقنيات وتتقنها وتصبح لا تحتاج لعلاج دوائي. سبب القلق ولمذا اصابك هو علمه عند الله. فكثير من الامراض النفسية تحدث ليس كما علمونا بسبب ضعف شخصية او سوء تربية، وانما هي مرض مثل اي مرض، قد يصيب اي شخص وله علاقة بالوراثة وفوق هذا كله ابتلاء من الله بالنسبة للوزن، فعلا الادوية النفسية تفتح الشهية فتزيد كمية الاكل فيزيد الوزن فإن كانت الكميات صعب التحكم فيها فإنه لا بد من التحكم في نوعية الاكل (بالابتعاد عن المأكولات التي تزيد الوزن كالنشويات والزيوت) وعمل مجهود رياضي حتى لو بسيط كالمشي مثلا وعندها ستتمكن من منع زيادة الوزن المفرطة |
||
|
|
|
03-11-2013, 02:55 AM
|
#8 | |||
|
عضو نشط
|
جزاك الله الف خير اختي سارة ماقصرتي وضحتي كل شي بالتفصيل وان شاء الله بشوف موضوعك حق الجلسات وان شاء الله يفيدني  _____، اخوي رعد اقتباس:
________اشكرك على كل التوضيحات لكن عندي استفسار ثاني : اقتباس:
- و شهيتي تخليني اشتهي آكل حتى لو اني اكلت وجبة وشبعت اصير اشتهي زيادة يعني ولا كيف ؟ - كثرة الشهية تكون دايما طيلة ما انا اتناول الدواء تكون شهيتي قوية واكلي كثير ولا هي تجي فترة ببداية الدواء وتروح ؟ - يكفي رياضة بسيطة للمحافظة على الوزن ولا لازم مجهود كثير وممارسة الرياضة بكثرة ؟ - يمديني اسوي رجيم وانزل من وزني ولا مستحيل بسبب الدواء ؟ وآسف على كثرة الاسئلة |
|||
|
|
|
04-11-2013, 03:05 PM
|
#9 | ||
|
مستشار
|
اقتباس:
ومفعول الدوا على الشهية يستمر مادمت تاخذ الدواء ويذهب ان اوقفت الدواء وبالطبع تقدر تعمل ريجيم وينزل وزنك ويكفي مجهود متوسط كالمشي، او فوق المتوسط |
||
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
