|
|
||||||||||
الملتقى العام لكل القضايا المتفرقة وسائر الموضوعات التي لا تندرج تحت أي من التصنيفات الموجودة |
|
أدوات الموضوع |
30-04-2004, 06:07 PM | #1 | |||
عـضو شرف
|
عندكم مغامرات ؟
يا هاهاهاها
اعترفوا .... وش سويتوا باخوانكم ... باهلكم .... ما كانت عندكم عمليات اجرامية .. يوم كنتوا صغار ... او عمليات تخريبية .... او مغامرة خضتوها و استانستوا فيها .... يالله كل واحد يدخل يكتب وش سوى من عمليات تخريبية او اجرامية ... او مغامرات رهيييبة .... كادت تودي بحياته ؟ _ الله يحفظكم كلكم _ المصدر: نفساني
|
|||
|
30-04-2004, 06:28 PM | #2 |
عـضو شرف
|
ابدا طبعا اول وحدة
و اقول لكم مغامرة .... حسيت اني يوم طلعت اني كني انولدت من جديد لكن صدق من قال ... اللي ما يطيع يضيع ... هذي المغامرة ... كانت ذيك السنة في حديقة الشعب ... في قطار الموت امي دايم تقول لي لا تركبين العاب تخرع ... عشان مو بزين حق صحتك لكني اشوف اختي تحرني ... و دايم تركب ذيك الالعاب .... عشان كذا قلت لازم اجازف ... و اشوف ... وش ردة فعلي بعد هذي المغامرة ؟ الله يسلمكم .... ركبت قطار الموت ... كان فيه دائرة افقية ... يعني يقلب راسك فوق تحت اكمل ..... يوم ركبت العربة ... طبعا مع اختي ... حطوا علينا الحدايد عشان ما نطيح من اللعبة ... او ممكن اسمه حزام , انا الحديدة اللي كانت علي ما تصكرت عدل ... قلت حق اللي يشغل اللعبة ترى الحزام راهي ... مو ضاغط علي , و اقدر اطلع منه ... ذاك الرجال .. عطاني اذن من طين و اذن من عجين , انا اقول يمكن انه ما سمع شغل اللعبة ... و انا قمت اقول حق اختي ... المنقذة ... ابيه طالع ما سكر الحزام عدل .... بعدين بدت اللعبة تزيد سرعتها .... و قمت اصرخ .... واااي يما .... .. حسيت نفسي ميته لا محالة لكن اختي قالت لي ... ضغطي على قاعة العربة ... و دخلي يدك داخل الواقي تبعي ... و مسكيه حييييل و سويت مث ما قالت .... و بعدين قلت : اه يما سامحيني ... اسفة ... وصلت عند لحظة القلبه ... المرعبة ... قمت اتشهد ... و ما بقى اية من القران حافظتها الا قلتها و صرت اعطي وصيتي لاختي ... اقول لها : سامحيني اذا غلطت بحقك ... .... و قولي حق امي انها تسامحني عشان ما سمعت كلامها و صلنا عند القلبة الثانية .... و انا : اشهد أن لا اله الا الله و اشهد أن محمد رسول الله بالنهاية ... وصلنا بأمان .... و الحمد لله ... كانت مغامرة رهييييبة ... لكن يا ليت حرمت منها ... الا كل ما أروح حديقة الشعب ... ارد و اركبها و اطلع منها و راسي يدووووور و يدووووور .... و بعدها نروح سويت فاكتوري عشان نعالج الوضع .... لكن حدها وقتها حسيت اني بموت .... بس الصراحة ... وناسة ... حسيت ان كانت اللحظة فيها اكشن شوية و لما قلت حق امي .... يا ليتني ما قلت لها .... قامت كل ما اروح تمشي معاي عشان ما اركب الالعاب الخطيرة .... الله يعطيها العافية لكن شنو انا كبيرة ... عيل يبوني اركب الفيل الطائر و غيرها ؟ هاهاهاها مغامرة حللللوووووة ودي لو اعيدها .................... يالله قلت اللي عندي .... وش عندكم انتوا ؟ |
|
30-04-2004, 07:48 PM | #3 |
( عضو دائم ولديه حصانه )
|
وااااااااااااو حلوه ياضحى
انا عنــــــــــــــي مغامرات زحمة اجمعها واحطا يايمه لو تقروها شكرا مررررررررررررره حبي |
|
30-04-2004, 07:55 PM | #4 |
عـضو شرف
|
يالله وش هي مغامراتك .... شقحتي بيت الجيران و خربتوا مطبخهم ؟
هذي مغامرة امي يوم كانت صغيرة ..... احط لكم اياها تالي ... يا إن امي عندها مغامرات كثيرة .... واااااايد .... كانت تحب اللعب بالماي و كلة تطفر اللي حوالينها ...... اقول لكم سالفة بيت الجيران ... بعدين بعد مريام |
|
30-04-2004, 09:11 PM | #5 |
عضـو دائم ( لديه حصانه )
|
أممممممممممممممممممممم
انا حاليا ما اتذكر ايش البلاوي اللي سويتها وهذا طبعا من كثرها بتذكرهم وارجع اعترفلكم باااي حنان |
|
01-05-2004, 12:06 PM | #6 |
عـضو شرف
|
حياكي الله بكل وقت ....
عيل سموعوا هذي المغامرة تبعت ماما يقول لكم ... بيت جيرانهم كانوا مسافرين ... مادري رايحين كشته ... الخ المهم ... امي و خوانها ... و عيال خوالها و عمامها ... تجمعوا ... و ارسموا خطة هجوم على بيت الجيران .... راحوا و اشقحوا لبيت الجيران ... و طبوا على المطبخ ... و اعفسوا الطين و العبوا بالعيش ... و كسروا البيض .... و سووا من المطبخ عرس المهم ... اطلعوا من بيت جيرانهم ... لبيتهم ... و كأن شيئا لم يكن ... ارجعوا اهل البيت و شافوا العفيسة اللي حلت بالمطبخ ... راحوا شيكوا على اغراضهم اللي داخل البيت .. شافوا ما في شي مسروق و خالتي الصغيرة راحت مستانسة عند جدي و قالت له ... ما دريت وش سوينا ؟ .............................. و قالت له كل اللي صار .... و طبعا راح جدي و عوضهم عن اللي سووه عيالة و عيال اخوه ..... الخ ... و بالنهاية ............................... ودي اسوي مثل هذي المغامرة ... يااااي و ناسة |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|