|
|
|
 |
|
 |
||||||||
|
||||||||||
 |
 |
 |
||||||||
| عيادة مشاكل الكبار كل ما يتعلق بالمشاكل النفسيه للكبار ، رهاب ، وسواس ، نوبات هلع ، فصام .... يقتصر الرد في العيادة على الأخصائيين المعتمدين للموقع . |
|
|
أدوات الموضوع |
06-05-2004, 09:50 PM
|
#1 | ||||
|
عـضو شرف
|
للأخصائيين فقط ...
السلام عليكم ورحمة الله و بركاته
مشكلتي ومن غير مقدمات ... و اعتقد انكم تعرفونها جيدا ... اختي الأصغر مني ... حاولت معاها بشتى الطرق ... الا انها لا تعتدل في اسلوبها معي , و قد مرت بي فكرة شيطانية اليوم , و هي ( يا اما انا يا هي في البيت ) الصراحة انني صرت لا احبها بل و اكرهها , و اتمنى يوم فراقها ... حاولت اكثر من مرة معها بلا جدوى .... و المصيبة الاكبر هي انها ( تزلق وايرات ) بيني و بين امي و ابوي اما بالنسبة لأمي , فقد جاءت لها فترة لانت بها معي ... بسبب قرآتها لموضوع كتبته في المنتدى العام , اما الان فهي ضدي تماما حاولت ان اكلمها علها ترجع لما كانت عليه , لكنها رفضت ان تستمع لي و كل ما قول لها اختي الأصغر مني , تسكتني على الفور ... و تقول لي هي في فترة المراهقة , نظرا لما تراه في المدرسة التي تعمل بها وكيلة من بنات قادهم الكتمان , و المشاكل الى فعل المنكرات , و العيب ...........................( بتكلم عامي , مليت من العربي ) كل ما قول لها و انا المفروض انا اللي تخافين علي , انا بسن اخطر منها اشوف يوم كنت في عمرها , مو ملقيني ويه , كنتوا مخليني بيبي ستر لها و لغيرها , من يوم كنت صغيرة وانتوا دايم تعاملوني على اني مرأة كبيرة كنت افرح يومها لما اشوفكم فرحانين من شغلي حاضنة اطفال و انا لسا صغيرة فترة طفولتي ما عشتها مثل الناس ... بس هي اللي تخافون عليها و انا بنت العبدة ولا حد معطيني وجه مفضلينها علي على وشو ؟ على شطانتها .. اللي حتى المدرسة استدعوكم كم مرة عشان هي مأذية المدرسات على شطارتها .... تقارنوني فيها .... اذا كنتوا خايفين عليها تنحرف .... ترى حتى انا اقدر انحرف , و عندي الوسائل كلها , عدي الكمبيوتر , و النقال ملكي محد يجيسه ... و اقدر اسوي اللي ابيه و بعدين اخليكم تضربون على راسكم .... لكن اخلاقي ما تسمح لي و حتى هي في كلامها ... لما نقول لها انتي لابسة ضيق , او مسحي الميك اب اللي حاطته ... ترد علينا و تقول ... مالكم شغل فيني , انا مراهقة هي خذت معنى المراهقة على انه تسوي اللي تبغاه من غير ما احد يكلمها و هذا اللي هم مسوينه بالضبط .... المشكلة الحين وش اسوي ؟ حالتي من ناحيتي ميئوس منها , لدرجة اني خنقتها , مسكتها من رقبتها حييييل زنطتها ... ويها قلب ازرق , بعدها هديتها... كان ودي لو خنقتها و افتكيت منها , و انا اكمل حياتي بالسجن , او يشنقوني يعني .... على الاقل الحياة يصير فيها اكشن سوي , بدل الدراما اللي كل يوم يا بيني و بين اختي , او بيني و بين امي .... الصراحة قصتي اللي كاتبتها في الموسوعة الروائية ..... اللي عنوانها هذي انا كنت اتمنى لو ذيك البنت القاتلة هي انا ... بس مو اقتل واحد برئ .... اقتلها هي ....و افتك منها , و بعدها افتك من نفسي .... المشكلة الاكبر انها هي اللي تبغا النجرة , الهوشة .... لما احقرها و اطنشها تقول لي ليه ما تردين ؟ و لما ارد عليها , يا اقول حسبي الله و نعم الوكيل .... ذي الكلمة اللي تخليها تفور من مكانها .... و تقعد تستخف , و كنها شاذي , بقرة حايشها جنون البقر ............ و ذيك الجملة اللي خلت امي كمان تعصب علي ... تقول لي : تتحسبين على بنتي ..... ليه انا مو بنتها ؟ , و الا ذيك بس بنتها , و انا لاقيني بالشارع ... مع اني اشك اني بنتهم ... ما اشبهم و لا شي ... بس العامل الوراثي اللي يربطني فيهم هذي هي مشكلتي .... و اتمنى انكم تلقون لها حل بسرعة ... لانه بعد يومين .... يا انا يا اهية في المقبرة .... راح تقولون اني مجنونة .... و انا اعترف لكم اني مجنونة , و هذا اللي قاله لي ابوي .... يوم شفت اختي الأصغر مني تصارخ بأعلى صوتها ... قلت لأبوي ... هذي يبيلها طبيب نفسي , روحوا شوفوا اللي فيها .. جنت و اقعدت رد علي ابوي : و الله شكلك انتي اللي يبيلك طبيب نفسي , و شكلك انتي المجنونة صح انا المينونة اللي قاعدة عندهم .... انا مينونة اللي اقعد معاهم .... شكلي بهج من البيت و افتك ... بلا حنة و لا رنة ... وش دعوة ما سويتها .... بس لا تضحكون علي .... يوم كان عمري تسع سنين ... صارت بيني و بين اختي الاكبر مني هوشة و امي طبعا اوقفت مع الكبيرة .... انا شلت اغراضي اللي ابغاهم , و حطيتهم في كيس كبير , و رحت بيت جدي , كان بينا و بينهم خطرة شارع بس انا غبية ليه رحت بيت جدي .... لو هاجة , و قاعدة بالشارع محد يدري عني شي مو أحسن ؟ بلييييييز ساعدوني .... بانفجر .... ما بقى فيني صبر , مليت و انا اصبر اقول عسى ربي يهديها .... ممكن ذي فترة و تعدي ... لكنها ما عدت و لا رح تعدي ........... و اسفة اذا كنت طولت عليكم ... بس اللي فيني مو شوي و اتمنى مساعدتكم الله لا يحرمنا من مشورتكم المصدر: نفساني
|
||||
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
