مشكلت زميله ارجو ان اجد لها حل

مشكلت زميله ارجو ان اجد لها حل

السلام عليكم ورحمة الله وبركاته
اخواني المستشارين اتمنى ان اجد لديكم تفسيرا لهذه المشكله فهي مشكلة زميلة اختي ولكن المشكله مسببه قلق لاختي على زميلتها اليوم اختي ماخلتني انام بعد الفجر تشكي لي حالة زميلتها واتمنى القى تفسير لها المشكله ومافيها ان صديقة اختي هذي لها سبع سنين بالكليه تدرس رياضيات واختي لها ست سنين المهم ان السنه اللي راحت كانت اخر سنه لهم بس ربي ماوفقهم وكان معهم بعض المواد زميلة اختي مامعاها الاماده المهم انهم امتحنوا اخر الاجازه اختي كانت مره قلقانه على نتيجتها وامس طلعت النتايج اختي طارت من الفرحه وكل من تعرف قالت له عن نتيجتها وتلفونا امس ماوقف من الناس اللي تبارك زميلاتها واقاربنا المهم امس اتصلت على صديقتها هذي تعلمها عن نتيجتها وتشوف عنها هي انجحت والالا المهم كلمت والبنت حتى مبروك ماقالته استغربت اختي وشكت بالوضع اسالتها عن النتيجه وقالت نجحت اختي ماصدقت مو معقول كذا تكون لوهي ناجحه سكرت السماعه واستمرت تفكر بزميلتها لما جاء الليل دقت عليها تبغى تتاكد صحيح هي ناجحه والالا قالت لها انت معلمه البنات انك نجحت والله فاضيه وشوله انا حتى اهلي ماقلت لهم لما دخلت من الجامعه قالت اختي لابوي وقابلني يبارك لي ولارديت عليه حسيت انه فرحان ماادري ليه بس رقيت وخليته واخواني يجوني فرحانين ويباركون ولارديت على احد وامي مادرت الا واحنا على العشاء قالت لها اختي استغربت اختي من كلام البنت وقالت له اقول انت صاحيه والالا قالت ايش تبغين اسوي ماني خبله مثلك كل هذا مسويته عشان النجاح قالت لها اختي حرام هذولااهلك فرحيهم روحي سلمي عليهم فرصه تدخلين السعاده بقلوبهم المهم البنت قالت انا ماعندي استعداد وسكرت اختي منها السماعه وهي بالمره ضايقه ماتدري ايش اللي يخلي زميلتها كذا
البنت علاقتها باهلها عاديه يعني مافيه بينهم مشاكل لكن تقول انها هذي السنه قايله لكل من يسالها عن الدراسه مالكم دخل فيني مال احد علاقه بي فهل تعتقدون هذا سبب يخليها كذا وهل هذا شي طبيعي والاالبنت تمر بحاله نفسيه ارجوكم ابي رد بسرعه لان اختي مره محتاره معاها ماتدري ايش تسوي واسفه على الاطاله بس حبيبت اعطيكم صوره واضحه عن البنت

المصدر: نفساني

وينكم ياعالم ردوا علي جاوبوني الله يخليكم ليه كذا تتركوني انا مستعجله ابغى اجابه

وعليكم السلام ورحمة الله وبركاته

الى اختي اسيرة الحزن

بالنسبة لزميلة اختك فمشكلة لم تكتمل لها جذور عميقة ولكن نستطيع نوضح التالي:ـ

احتمال وجود مشاكل اسرية وخصوصا مع البنت ، ولذلك حرمتهم من الفرحة معها . او هناك اسباب شخصية (اضطراب)،، او البنت مصابة باحباط من العائلة وتعرف ان رد العائلة قد يكون بارد ومتبلد الاحساس معها لذلك لا تريد ان تعكر فرحتها بما يحدث من العائلة ولها تجارب معها احتمال نجحت في ترم ولم يفرحوا معها الفرح الذي تريده ،، واما اذا كانت تعاني من الاكتئاب فقد يكون ما يحدث لها عرض من اعراضة لانه لاتحس بالفرحة ولا الانجاز الذي استمر سبع سنوات .




اخيرا ،، اتمنى الوقوف بجانبها و لا تمتد المشكلة الى اختك او اليك لان ماقرات في الرسالة اختك تعاني من قلق مما يحدث لزميلتها وانتي اصبتي بالارق .
لذلك يااختي الكريمة انصحك بالتركيز على الحل والابتعد عن قراة المشكلة من جديد والبحث عن تفسير فالتفسير لا يفيد .

وشكرا