الحقوني الله يخليكم قبل........
بسم الله الرحمن الرحيم
انا لي فتره اتابع المنتدى واشوف كل المشاكل المعروضه واقرا الحلول والاقي كلام جميل من المشاركين وتجاوب وهذا شجعني اني اكتب لكم عن معاناتي انا بصراحه مادري من وين ابدأ بس بحاول اني اتكلم وياليت تفهموني
انا تعبانه ..والله بموت من التعب كل شي في الدنيا تاعبني حياتي مو عاجبتني اكره نفسي واكره الناس امل من كل شي حتى اهلي احيانا اكرههم احس انه مو انا اللي اتحكم في نفسي احس انه في اشياء تحركني وتتصرف عني هذا الشي خلاني ابتعد عن الواقع لاني اعيش في احلام اليقظه ومسيطره علي مرررررهعارفين يعني ايش مسيطره على اقسم لكم بالله اني مو عايشه مع الناس في البيت والكليه حتى في السوق في كل مكان احس انه اني مو مع الناس الاحلام مسيطره علي لدرجه اني احيانا اسوي شي يكون مو معقول من الاحلام مادري كيف اشرح لكم بس انا ابي اعيش مع الناس ...ماعرف النوم اللي العالم يعرفونه ارتمي على سريري على امل اني انام اجلس 3 ساعات افكر واعيش في احلام خياليه والله اعيشها بحذافيرها لدرجه اني اتخيل اشياء تسير معي وابكي او اضحك لحالي بعد عناء انام ولما اصحى الاقي نفسي تعبانه كاني كنت في سفر وراجعه كاني مسويه شغل وتوي مخلصه منه مرهقه ونفسيتي تعبانه ..احلام اليقظه تصدقون حتى وانا مع زوجي المفروض اني اكون معه بكل مشاعري لا انا في وادي وهو في وادي انا قصدي عند اللقاء افكر اروح بعيد ماحس فيه الا اذا نبهني واستحي اقوله اني مو معه مادري افكر في اشياء بعيد عن اللي قاعديصيراخاف يكشفني ويتعذب معي وغير كذا انا احس انه في احد يطاردني (معليش استحملوني يمكن اكون مو عارفه اربط افكاري ومشوشه واللي احس فيه كثير وودي اكتب عشان افضفض حتى لو مالقيت منكم رد)اي والله احس انه في احد يطاردني ويراقبني معي في كل خطوه احس انه في كمرات تتبعني ااه والله مادري انا وش اقول بس من جد تعبانه انا عمري مارحت لدكتور ولا افكر اني اروح اخاف يكتشفون اللي حولي حالتي واخاف اقول اللي احس فيه قدام زوجي واهلي انا مررت عي تجارب مؤلمه في طفولتي ومراهقتي يمكن تكون هي اللي خلتني اهرب من الواقع لاحلام اليقظه اللي اصنفها بمزاجي واركب فيها احداث من عندي وغالبا تكون الاحداث اللي اسويها حزينه او فيها صراخ وزعل وغضب ..اتمنى ماكون ثقلت عليكم بس احس بشويه رضا عن نفسي اني قدرت اقول اللي احس فيه ياترى كيف اتخلص من الاحلام واعيش في واقعي قبل مادمر واتعب زياده ياليت تساعدوني لو بكلمه ولكم كل الشكر
|