شيبان القصمان بصراحه فله هالشايبين ;;;

شيبان القصمان بصراحه فله هالشايبين ;;;

أبو صالح و أبو راشد قاعدين يطالعون الأخبار في بلدتهم بريدة في القصيم.

أبو راشد - وش قاعد تفكر فيه يا بو صالح؟

أبو صالح - أفكر بهالدين العظيم اللي انتشر من أقصى الأرض اللى أقصاها.

ناظر هالمسلمين الصينيين.

- و الله أنك صادز (صادق) يا أبو صالح.

- بس ترى هذول ما يعرفون الدين زين .

طبايعهم زي الأجانب، بس يصلون.

المسلمين الصدز هم العرب اللي يفهمون القران و الأحاديث.

و الله أنك صادز يا أبو صالح.

- و بعد ترى موب كل العرب مسلمين صحيحين.

عندك هالشوام و المصاروه و المغاربه و الله حتى ما يصلون صلاة ربي.

ان بغيت المسلمين الصدز تراهم أهل الجزيرة و الخليج.



- و الله أنك صادز يا أبو صالح. -

و موب بعد كل الخليج.

ترى كل هالدول تسمح بالخمر و بالكنايس،





- و الله أنك صادز يا أبو صالح.



- بس عندك بعد أهل الشرقية فيهم شيعة و حريمهم ما يغطون ووجيهم،

و أهل الغربية حريمهم بعد ما يتغطون و يشيشون،

و أهل الشمال حريمهم ما يتغطون عن رجالهم و يجلسون معهم و يضيفوهم.

و أهل الجنوب مثلك خابر عندهم بدع واجد.

الدين الصدز موجود هنيه عندنا في الوسطى و القصيم.



- و الله أنك صادز يا أبو صالح.



- بس ترى عندك هنا في الوسطى الناس يتتنون (يدخنون)

و يسمعون موسيقى و العياذ بالله.

الدين الصدز هنيه ببريدة. -


و الله أنك صادز يا أبو صالح.



- بس بعد بريدة موب كل حارة زي الثانية،


ترى أكثر أهل بريدة مركبين دشوش و يشوفون القنوات الماجنة.

ما فيه مثل حارتنا مافيه و لا دش واحد.



- و الله أنك صادز يا أبو صالح.



- بس الله يهديهم جيراننا موب دايم تشوف عيالهم في المسجد،

و لا تشوفهم دايم في صلاة الفجر.

الصراحة يا بو راشد ما فيه في الحارة يصلون الفجر دايم في المسجد الا أنا و انت.



- و الله أنك صادز يا أبو صالح.









بس أشوفك يا بو راشد هالأيام ما تخشع زين في صلاة الفجر!!

😳😳😳😳

المصدر: نفساني

بارك الله فيك

هههه
جزاك الله خيرا
للاسف واقع
يارب اصلح احوال المسلمين