تحديث

تحديث

صباح الخير
اخواني وخواتي وش رايكم نعمل تحديث لحالتنا النفسيه بهالركن ؟ يعني كل شخص يعاني من هلع او اعراض تخوفه وغريبه عليه سواء يستخدم ادويه نفسيه او مايستخدم يكتب كل اعراضه هنا ونتبادل الخبرات في السيطره على الاعراض ونطمن بعض ؟
الله يشفي الجميع يارب

المصدر: نفساني

فكرة جميلة اذا كان الهدف منها الاستفادة من التجارب

بالنسبة لموضوع التطمين ...العلاج السلوكي يحذر من الاعتماد على التطمين بوصفة ممارسة خاطئة تبطيء من العلاج و تخلي المريض يعتمد عليها و لا يتلقى العلاج الصحيح و التطمين يعزز حلقة الوسواس القهري المعروفة ( مؤثر - قلق - تطمين \ استجابة - مؤثر )

لي راجع باذن الله للموضوع عشان اكتب اخر تحديث على حالتي

و شكراً قطرات على الفكرة الجميلة

هلا بك متأرجح
معلومه جديده عجبتني ياليت تكمل شرحها فضلا لا امرا

المشاركة الأصلية كتبت بواسطة قطرات الندا

هلا بك متأرجح
معلومه جديده عجبتني ياليت تكمل شرحها فضلا لا امرا

التطمين او علمياً Reassurance هو ممارسة يلجأ لها المريض بالوسواس عادةً بحيث يدور احد يطمئنه و يقوله بالعامية (ما فيك شي) و هالشي فعلاً يهديء مخاوف المريض لفترة قصيرة لين يعود الخوف الوسواسي فيرجع المريض يدور عن الشخص او الشي اللي يطمئنه و يستمر المريض بهالدائرة بدون علاج فعلي.

بضرب مثالين:
- واحد عنده وسواس مرض القلب مثلاً ....يتعرض للوسواس و الهلع و يقول أكيد قلبي فيه شي ...يقوم يتصل على شخص قريب منه و الشخص يؤكد له انه بخير ( او يروح للمستشفى يسوي تحليل ) ....بعد ما يتطمن لمدة قصيرة يرجع له نفس الوسواس فيقوم بالبحث عن التطمين و يقعد يدور بهالدائرة لانه ما يمارس العلاج السليم

- مثال 2: وحدة عندها وساوس الموت و الأحلام تحلم حلم يخوف ...تجي هنا للمنتدى تشتكي للموجودين اللي يطمنونها و يحكون لها انهم يعانون نفس الشي و انه مجرد وساوس الخ....تهدا مخاوفها لكن بعد فترة تتكرر نفس الدائرة


العلاج السلوكي ( سي بي تي ) و خصوصا ً مدرسة الآي ار بي يقولون الحل السليم ان المريض ان ما يستجيب للوسواس و لا يبحث عن التطمين الحل انه يقتل الوسواس من خلال :
1- التقبل : يعني الي يجيه وسواس الموت يقول لنفسه (كلنا بنموت ) و يخلي الفكرة تمر بدون ما يتعمق فيها او يجادلها او يستجيب لها و بدون ما يبحث عن تطمين و مع الوقت يضعف الوسواس ((يعني مثل الجرح اللي اذا نكشناه يزيد و اذا تركناه يطيب))
2 - التعرض: مرحلة متقدمة يجبر المريض نفسه على التعرض للشي او الفكرة اللي يخاف منها

فيه أساليب كثير و أدوات للعلاج السلوكي باذن الله دكتورك راح يساعدك فيها

اتمنى اكون قدرت أوصل الفكرة

و دمتي بخير يا قطرات

المشاركة الأصلية كتبت بواسطة متأرجح

التطمين او علمياً Reassurance هو ممارسة يلجأ لها المريض بالوسواس عادةً بحيث يدور احد يطمئنه و يقوله بالعامية (ما فيك شي) و هالشي فعلاً يهديء مخاوف المريض لفترة قصيرة لين يعود الخوف الوسواسي فيرجع المريض يدور عن الشخص او الشي اللي يطمئنه و يستمر المريض بهالدائرة بدون علاج فعلي.

بضرب مثالين:
- واحد عنده وسواس مرض القلب مثلاً ....يتعرض للوسواس و الهلع و يقول أكيد قلبي فيه شي ...يقوم يتصل على شخص قريب منه و الشخص يؤكد له انه بخير ( او يروح للمستشفى يسوي تحليل ) ....بعد ما يتطمن لمدة قصيرة يرجع له نفس الوسواس فيقوم بالبحث عن التطمين و يقعد يدور بهالدائرة لانه ما يمارس العلاج السليم

- مثال 2: وحدة عندها وساوس الموت و الأحلام تحلم حلم يخوف ...تجي هنا للمنتدى تشتكي للموجودين اللي يطمنونها و يحكون لها انهم يعانون نفس الشي و انه مجرد وساوس الخ....تهدا مخاوفها لكن بعد فترة تتكرر نفس الدائرة


العلاج السلوكي ( سي بي تي ) و خصوصا ً مدرسة الآي ار بي يقولون الحل السليم ان المريض ان ما يستجيب للوسواس و لا يبحث عن التطمين الحل انه يقتل الوسواس من خلال :
1- التقبل : يعني الي يجيه وسواس الموت يقول لنفسه (كلنا بنموت ) و يخلي الفكرة تمر بدون ما يتعمق فيها او يجادلها او يستجيب لها و بدون ما يبحث عن تطمين و مع الوقت يضعف الوسواس ((يعني مثل الجرح اللي اذا نكشناه يزيد و اذا تركناه يطيب))
2 - التعرض: مرحلة متقدمة يجبر المريض نفسه على التعرض للشي او الفكرة اللي يخاف منها

فيه أساليب كثير و أدوات للعلاج السلوكي باذن الله دكتورك راح يساعدك فيها

اتمنى اكون قدرت أوصل الفكرة

و دمتي بخير يا قطرات

اول مره اسمع بهالشي انا فعلا ارتاح ادا شفت احد مثلي باي امر من امور الحياة 😂

وصلت الفكره متأرجح الله يسعدك وتذكرت دكتوري يتعامل معاي بهالاسلوب مره جتني دوخه وانا عنده بالعياده وقلت له دكتور معاي دوخه يناظرني ببرود قال عادي شوي بتروح وحتى ماراح اقيس لك الضغط تجاهليها وكل ماناقشته بفكره او اعراض يتعامل ببرود يقول يهمني علاج السبب اما الاعراض ماتخوف .. شكرا لك متأرجح فصلت ال سي بي تي بشكل مبسط ومفهوم الف شكر

- مثال 2: وحدة عندها وساوس الموت و الأحلام تحلم حلم يخوف ...تجي هنا للمنتدى تشتكي للموجودين اللي يطمنونها و يحكون لها انهم يعانون نفس الشي و انه مجرد وساوس الخ....تهدا مخاوفها لكن بعد فترة تتكرر نفس الدائرة


هذا انا بالضبط
اجي اقراء او اشتكي و اشوف ان فيه احد مثلي اتطمن شوي
بعدين ارجع أفكر أقول لا هم وسواس و انت حقيقه
و على هذا الحال

تحديث : 😀 اليوم كانت جلستي مع الدكتور النفسي وعملت جلسة استرخاء قصيره جدا لأنها اليوم بدايه اول جلسه وحسيت اني تنعنشت شوي .
الدكتور قالي مشكلتك بالدوخه التركيز على جسدك تراقبينه ٢٤ ساعه وهذا اللي يخلي الاعراض تتكرر وكلامه صحيح انا بس اراقب لكن قررت بحول الله اني احاول اطنش .
حبيبي زوزي امس دكتوري تكلم بالسناب عن وسواس الاحلام وتذكرتكم كلكم اعضاء قسم الوسواس ياليت سجلت كلامه وسمعتك ..
حبيبتي لاتضيعين حلاوة العمر بالاحلام وفكري واسترجعي كم مره حلمتي حلم شين وماحصل لك شي .
جربي هالطريقه كل ماجتك الفكره غمضي عينك وحطي يدك اليمين على بطنك وابدأي التنفس بهدوء يعني تصير يدك اللي على بطنك ترتفع وتنزل وبعدين عدي من واحد الى ٣٠ واذا وصلتي ٣٠ وقفي عد وانتي مستمره بالتنفس بهدوء لمدة ٢٠ ثانيه بعدين ابدأي عد تنازلي يعني تعدي ٣٠ _ ٢٩ _٢٨ الخ لين توصلين صفر
اذا خلصتي ادخلي بخيالك انك تمشين على شاطيء بحر وتأملي كل الاصوات سواء طيور او موج استشعري بردوة التراب لمدة كم دقيقه بعدين خذي نفس عميق من الانف وطلعيه بهدوء من الفم وفتحي عينك بشويش .
اعملي هالتمرين بدون اي مقاطعه من احد وبمكان هادي ولبس مريح .
اذا عملتيه تعالي قولي لي ايش حسيتي .
هو تمرين مره بسيط وراح نكرره ان شاء الله وبتشوفين التغيير بالتدريج وألف سلامه عليك

المشاركة الأصلية كتبت بواسطة قطرات الندا

تحديث : 😀 اليوم كانت جلستي مع الدكتور النفسي وعملت جلسة استرخاء قصيره جدا لأنها اليوم بدايه اول جلسه وحسيت اني تنعنشت شوي .
الدكتور قالي مشكلتك بالدوخه التركيز على جسدك تراقبينه 24 ساعه وهذا اللي يخلي الاعراض تتكرر وكلامه صحيح انا بس اراقب لكن قررت بحول الله اني احاول اطنش .
حبيبي زوزي امس دكتوري تكلم بالسناب عن وسواس الاحلام وتذكرتكم كلكم اعضاء قسم الوسواس ياليت سجلت كلامه وسمعتك ..
حبيبتي لاتضيعين حلاوة العمر بالاحلام وفكري واسترجعي كم مره حلمتي حلم شين وماحصل لك شي .
جربي هالطريقه كل ماجتك الفكره غمضي عينك وحطي يدك اليمين على بطنك وابدأي التنفس بهدوء يعني تصير يدك اللي على بطنك ترتفع وتنزل وبعدين عدي من واحد الى 30 واذا وصلتي 30 وقفي عد وانتي مستمره بالتنفس بهدوء لمدة 20 ثانيه بعدين ابدأي عد تنازلي يعني تعدي 30 _ 29 _28 الخ لين توصلين صفر
اذا خلصتي ادخلي بخيالك انك تمشين على شاطيء بحر وتأملي كل الاصوات سواء طيور او موج استشعري بردوة التراب لمدة كم دقيقه بعدين خذي نفس عميق من الانف وطلعيه بهدوء من الفم وفتحي عينك بشويش .
اعملي هالتمرين بدون اي مقاطعه من احد وبمكان هادي ولبس مريح .
اذا عملتيه تعالي قولي لي ايش حسيتي .
هو تمرين مره بسيط وراح نكرره ان شاء الله وبتشوفين التغيير بالتدريج وألف سلامه عليك

ايش اسمه دكتورك

دكتور علي السلامه في مركز السلامه النفسيه