الاكتئاب دمرني اخذ كل شي حلو مني

الاكتئاب دمرني اخذ كل شي حلو مني

السلام عليكم ..
انا اعاني من سن 24 من اكتئاب اموت باليوم الف مره الناس توظفة وتزوجة وسافرت وانا على حطت يدي منعزل بالبيت روتين يومي ذبحني ابي( الموت ) ابي ارتاح حياة الدنيا لي عذاب مافيها شي حلو فكرت انتحر كم مرة بس يردني عذاب ربي لي خلاص مابي اكمل كذا جربت حبوب من الصيدلية بدون دكتور نفساني سيروكسات 9شهور بروزاك 4شهور ويلبترين شهرين سيبرالكس 15يوم والحين برنتلكس افضلهم برنتلكس لاخمول ولانوم لاكن زاد وزني معه 71 الى 85 فتح الشهية الوحيد اللي مايسمن بروزاك لاكن ضعيف ليش مافيه حبوب زي الكبتاقون اكون جري واطلع واروح احلق واروح اسواق وزور الناس واطلع من البيت ولا اجلس فيه صح انها مخدرات بس تعطيني جراءه وارجع طبيعي ليه الحبوب النفسية ماتعطي الدافعية للحياة رغم المخدرات الكبتاقون تسبب قلق وانعدام الشهية يعني الحبوب النفسية تحسن المزاج بس بدون دافعية انا ابي حبوب نفسية فيها دافعية للحياة ابي اطلع من البيت وتوضف تكفون ساعدوني والله مالي الا الله ثم انتوا .
والله تعبت نفسي لو اطلع ثلاث ايام بالاسبوع زي الناس مو طماع كل الاسبوع رغم ودي اعيش باقي حياتي كلها برا البيت وخالط الناس
انا اتعذب كل دقيقة راح شبابي كذا انقتل كل شي فيني ياخي حتى البنات يطلعن ويسافرن وانا حزين بالبيت حاولت اسوي رياضة وخالط الناس بس ارجع مزاجي دووم متعكر وحزين والناس ماترحم لاخوال ولاعمان ولا جيران
كلهم يهرجون فيني وامي تقولي انت مريض ورخمه وانت عاله علينا وعلى اخوانك اخواني يكرهوني لاني ماني نفسهم ولا يروني شي لاني ماطلع ولا خالط الناس رغم مافيني شي وسيم وابيض وانا اجملهم لاكن يكرهوني لاني زي المجنون ماطلع من البيت رغم انا عندي اكتئاب ورهاب اجتماعي
وشفت بقوقل صورة عقل به اكتئاب وعقل سليم الفرق كبير جداً بينهم
العقل المكتئب فاضي تقريباً من الالوان وذاك فل اللوان يعني هل الاكتئاب
مرض عقلي وليس خلايا او مادة كيمائية !؟ تكفون ادعولي بالشفاء والله اعاني كثير .

أبو نجلا معجب بهذا

المصدر: نفساني

وماحد يدري عن امرضي الا الله ، الناس ماترحم رغم واضح من عيونهم اني مريض نفسي كم مرة يقلون انت تبي علاج ونعالجك بس ساكت ومخبي حتى حبوبي خاشها عنهم وقطع الكرتونه والنشره واقرب حاويه واكتب على القصدير حق الحبوب على شان مايعرفونها

و عليكم السلام

حياك أخونا

حتى لو كانت نظرة من حولك لك سلبية انت المفروض نظرتك لنفسك غير و الا كيف تبي ترجو الشفاء

لا تنتظر غيرك يدعموك انت ادعم نفسك و لا تبخسها حقها يكفي انك مسلم موحد و تعتبر على ثغر لأنك تجاهد نفسك و ما خليت دواء الا و سعيت له و تناولته و أعظم جهاد هو جهاد النفس



هذا شيء



الشيء الثاني اللي يبي يردك وراء مقارنة نفسك بالآخرين

الله عز و جل هو مقسم الأرزاق ، و الصحة من ضمن الأرزاق

و كرم الله لا يتأخر إنما يأتي في الوقت المناسب

و مدبر الكون ما ياخر أمر إلا و فيه الخير العظيم بالنهاية.



بعدين الاحظ إنك ما تطول في بعض الأدوية و لا تعطيها فرصة و إذا حسيت إنك تبي تنقطع عنها عليك بالتداوي بالقرآن الكريم ، يشهد الله إن فيه الشفاء النفسي و البدني لأني بنفسي تطببت بوه و الحمدلله


و لا عاد تطري الكبتاجون و غيره لأنها مو بس مضرة لأنها من المحرمات أيضا، كيف يرجو المسلم من ربه الشفاء و هو يطري ما حرم ربه

و اسأل الله الكريم لنا وياك الفرج العاجل و القرب منه و لجميع المسلمين

آمين

نجمة الفلك معجب بهذا

انا اول مشكلتك مو راضي تقبل مرضك ، يعني فكرتك عن المرض سيئه ؟ ترا عادي قولهم معاي أكتئاب وأحتاج علاج ، ي رجال الناس ماسألت فيك ..تعلاج بس تحت أشراف دكتور ممتاز

الله يشفيك ..

ماهي اعراضك وكم لك سنه