لاحل ينفع معاي : الاستاذ القحطاني

لاحل ينفع معاي : الاستاذ القحطاني

السلام عليكم ورحمة الله وبركاته
اما بعد استاذي انا اولا لااستطيع الخروج من البيت الا للمعهد او مع اهلي وهنا جو السعودية لايسمح بأن اخرج لااتمشى البحر لحالي
وثاني شي بيتنا بعيد عن البحر
ثالث شي اهلي صاروا مايخلوني اروح عند احد وثالث شي انا مررررة سمبتيك ماقدر اسوي رياضة لاني مرة نحيفة والدكاترة يبون اتخن شوي علشان صحتي تتحسن شوي
وبعدين يااستاذ انا الحين مرة اعاني من مشاكل بالبيت اخوي يخون زوجته وابوي مايقدر يسوي شي وامي واقفة بصف اخوي وانا اشوف كل شي واسكت ويوم السبت كبرت الحكاية براسي وقمت شربت حبوب اسمها levsin شربت 14 حبة ومن يومها احس الكلى عندي تتقطع من كثر الالم والله خلاص كرهت عمري صرت اضحك مع الناس وابين لهم انه مافي شي وانا من داخلي اتقطع واموت ببطئ والله صدق
لا واللي مخوفني اني لي كم يوم احلم بذاك البدوي اللي لعب علي وصرت احن له كثير ماني قادرة احب مثل حبي له ماني قادرة احن غير له وماني قادرة اني لسا بكمل عمري من دونه والله مو بيدي والمشكلة انه كم مرة جا وواجهني وحسسني بغلطه اقوم واقاومه وارفضه وامنع كل الطرق اللي توصله لي بس من قلبي اموت واتعذب وكل مااذكرته صارت الافكار تلعب بعقلي قومي موتي نفسك او انتحري او اتصلي عليه بس ماقدر اسوي شي غير لما احس اني فاقدة صيطرتي على اعصابي اقوم اسوي اي شي .. وذا الشي مادري له تقريبا 6 اشهر وانا بالحالة ذي احس اني فجاءة فقدت اعصابي وابداء بالصريخ وماقدر اشوف احد بوجهي واصير اصرخ الين ماحس نفسي بالسرير واهلي جمبي يعني افقد وعي واهلي شكلهم ماراح يرضون على حكاية الدكتورة اللي قلت لي عنها بس راح احاول لاني كارهة حياتي وابيها تتعدل وماني عارفة شلون ساعدني علمني وش اسوي بحالي والله خلاص كارهة نفسي الين الموت. انا بكلم ابوي وانشالله بيرضى بس وين الدكتورة ذي اللي قلت لي عنها وفي اي مستشفى تعالج بكلم ابوي يوديني عندها لاني فعلا بجن لو فضلت بحالي ذا.....

المصدر: نفساني

أختـي الفاضلــة احــزان .. تحيــة طيبــة ، ويوم سعـيــد إن شاء اللــة ..
لحظــة الحزن تجعل اليأس محور كل شيء .. فلا نرى إلا ســوادا في ســواد .. لكن كل شيء مهما كان مؤلمـاً ، مهمـا كان كالحاً في ظـلمتــه لابدَّ من بزوغ أمل ، وتبدل للحال ..لأن بقاء الحال من المحال ..
* أختـي الفاضلــة ما تعيشيــه هذه الأيام هو نوع من الإنتحار البطيء .. نعم قد يكون للبدوي دورا فيما أنت فيــه لكن لا يمكن أن يكون كل شيء .. بل ما زلتي تقاومي الإتصال بــه أو العودة إليـه منكسرة ، وأنت أعرف بالنهايــة .. تلك إيجابيــة ، وكبرياء لذاتك لم تدركيها غيرك ألاف من الرجال يعيشــون نفس الحال ، ولكنـهـم لا يملكون مقاومتك ، وإن أتعبتك .. للأمام تخطين ، وكلما قربت من النهايــة سيزدادُ عليك الألم ، أشبــه بالولادة حين جئتـي من رحم إمكِ .. كل الشهور التي عاشتها والدتك حلما جميلا كي تراك لكن الساعات الأخيرة كانت بألم سنواتي عمرها ، فلما سمعت صرختك تحول الوجع إلى دموع فرح لا تقدر وصفها أو تذكر عــذوبتها ..
* نعم خسرت .. فقدت شيء كان يؤنسك .. خدعتي .. ظلمتي .. وفي داركم ترين الألم من نوع آخر .. لكن تذكري أن نعم الله الله ما زالت لديك .. عينين ، وأذنين ، وقدمين ، وأطراف تحركيها .. وغيرنـا يتمنى جزء من تلك الحواس ، والأعضاء ، ومثل تلك لا تباع ، ولا تشترى ، ولا تحتاجُ منــّـا إلا الشكر لمن أوجــدها تخيّلي هذا ، وأنت تضعـي نفسـك في مقعد يحركــه غيرك أو عصـاء تتكئين عليها أو سماعــة تمنحك وشوشــة تشعرك بشيء من الضجيج حولك ..
* بالنسبة للدكتورة رابية الحكيم / بإمكانك الكتابة إلى نفساني ليمنحك موقها ففيه رقم عيادتها في جدة حاولت الدخول على الروابط ولم اجده ..
وإن لم يحصل لك ذلك ففي جدة كم من العيادات الخاصة وبها طبيبة نفسية المهم ان تساعدي نفسك ، وانا متاكد ان والدك لن يخذلك .
* اختي قد لا اقدر على التواصل معك في الانتر نت للايام القادمة .. لكن شيء من مشكلتك ستجديه في مقالتي في مجلة اقراء الاسبوعية التي تصدر في جدة لهذا اليوم ، والاسابيع القادمة .
لك مني كل التحايا ، والدعاء بان يفرج الله عنك كربتك .
تاكدي ان هناك اناس يتمنون لك الحياة الكريمة ويخافون عليك ، ويودون ان يساعدوك .. فلا تحرمينهم مساعدتهم لك .
* رددي معي هذه الجملة / انا كل يوم اتعلم من جرحي ، وما دامت الطعنة لم تقتلني .. فلا محالة ستزيدني صلابة ، وحصانة لايام قد تاتي اصعب من الايام التي مررتُ بيها .