هل انا مجنونه ؟؟؟؟؟

هل انا مجنونه ؟؟؟؟؟

قصتي يا دكتور
عشت في بيت كله مشاكل ابوي يتخانق مع امي طول الوقت وكان يحط الحره فيني انا بس يعني محد ينطق في البيت الا انا وبقسوه كنت اعاني وايد بس كنت صابره علشان امي
لكن يا دكتور اتذكر اني تعرضت للاغتصاب مرات وايد من اخوي الكبير وعمي هذا لما كنت صغيره ولما كبرت وبديت انسى ياني اخوي اللي اكبر مني بسنتين وقالي كلام وايد
شككني بامي وان انا مو بنت ابوي وانا مو اخته ما كنت ادري شنو غرضه لين عرفت لما يا ذاك اليوم اللي قالي قومي ادربج على السياقه السياره ورحت معاه ولا موديني الاخ شقه قالي اول شي ابي اوريج ابوج وبعدين لما رفضت قال لازم انا وياج انام مع بعض
ماتدري يا دكتور شنو صار فيني كنت برمي نفسي من السياره لاكنه خاف وتاسف وردني البيت وتعددت محاولاته بتقول ليش ماقلتي حق احد انا قلت حق اقرب الناس حقي امي لكنها ما وقفت معاي رفضت الفكره من اساسها وقالتلي لاتطلعين كلام ولدي لايمكن يسوي جذي حاولت الانتحار شكثر واااايد وفي كل مره يلحقون علي وفي اخر مره قلت حق ابوي السالفه كلها وتفاجأت انه ماسواله شي كل اللي قدر عليه قالي خليج كله يم امك ولا تفارقينها وبعد فتره سافرنا انا وخواتي وابوي وهناك انصدمت اكثر يا دكتور مادري شقولك ابوي بكبره يبيني ابوي يتحرش فيني وفي كل مره يفهمني ان انا اتخيل اشياء ما صارت ولا لها وجود ويذكرني بالمرات اللي انتحرت فيهم ........
املي في الدنيا ضاع فقدت الحساس بالامان فقدت الحيا ء فتعرفت على شباب وايد وايد
كنت اعتبر نفسي واحد منهم كرهت كوني بنت كرهت اني اكون ضعيفه سويت كل شي تتصوره لين يه ذاك اليوم اللي حبيت فيه وكان انسان طيب انتشلني من بين هالوحوش خذاني بحضنه غمرني بحنانه تمت علاقتي فيه اربع سنوات وبعدها تزوجني واليوم انا اعاني يا دكتور انا ما احس بالامان مع انه حاميني والخوف يادكتور ما يفارقني افكر في باجر شنو راح يصير بتقولي ريلج زين بقول كل البنات يتمنونه بس اهو فيه شي يطقني وايد وانا اخاف منه لدرجت اني مرات اتخيله ابوي حياتي احس انها انتهت احس اني نكره مالي احد مالي سند افكر في الموووت وايد ساعدني يا دكتور الله يخليك

كلمات تعني الكثير
الخوف المستقبل المجهول الاستقرار الصدق الحنان الخيانه الامـــــــــــــان

المصدر: نفساني

و الله لقد أحزنني ما ذكرت يا أختي. لا أملك لك إلا الدعاء بأن يكون الله في عونك و ياخذ بيدك و ييسر لك كل عسير.

سديتي: لا شك عندي في أن ما مر بك في طفولتك و حياتك المبكرة له إنعكاسات على تكوين شخصيتك. هذا الخوف و الشعور بعدم الأمان و التهديد و الرغبة في الموت و شعور بالضعف و كرهك لنفسك و للرجال و ...هذه تؤثر في علاقتك بزوجك. كذلك الكلمات التي تعني لك الكثير "الخوف المستقبل المجهول الاستقرار الصدق الحنان الخيانه الامـــــــــــــان" لا بد ان تجد سبيلها إلى علاقتك السوية مع زوجك. أنت لم تذكري لماذا هو يضربك؟ هل تعاملك معه من خلال هذه المشاعر التي ذكرت يستفزه؟ هل هو مدمن خمر؟ هل هو يصلي أم لا؟ هل هو سوي في شخصيته؟
كل هذه أسئلة تردد في ذهني. لأن اللاقة الزوجية ببساطة هي علاقة مشاركة و لا بد ان يلاحظ زوجك التأثيرات السلبية للخبرات الي مرت بك على علاقتك معه. و هو لا يستطيع فهم ذلك و بالتالي يعاملك بهذا الشكل. أنا لا أنصحك بإخباره بكل شيء ، بل أرى أن تلجئي لمختصة في العلاج النفسي ، فقد تساعدك في تخفيف معاناتك و تحسين علاقتك بزوجك .

لك مني الدعاء بالتوفيق مرة أخرى و السلام.