نعلمـ انه خطــأ لكننـا لا نُحس بذالكـ .:نرجـو المساعده:.

نعلمـ انه خطــأ لكننـا لا نُحس بذالكـ .:نرجـو المساعده:.

:: الســلامـ عليكم ورحمــة الله وبركــاته ::


سبق وان ارسلت للأستـاذه هنـد برساله على الايميـل اوضح به مشكلتـي ولكني لم اجد ردً ..

ولاني ارى ان الوضع يزداد سوءً وتدهوراً كل ساعه ساكتب مشكلتي هنـــا ثانيــه ..




انا فتـاه ابلغ من العمر 16 سنـه ولي صديقه في نفس عمري ..وهي صديقتي منذُ 10 اعوام

الموضوع يعنينــا واختها التي تصغرها بسنه ..

صديقتي واختها تعرفوا على ولد جيرانهم ..حصل انهم طلعو في يوم السطح وكانوا يطلون على الشارع وكان ولد جيرانهم بهالوقت بالشارع ..حصل انه انتبه لهم ،
بدت العلاقه بينهم بالاشارات اعطــاهم الرقم ..رفضوا بالبدايه بشكل طبيعي لانهم عمـرهم ماكلمو احد او فكـروا يكلمـوا .. لمـا جاء يوم رحت فيـه عندها بحضر اللي
يسير ،وشوي بدا اهـو يتكلم وكانت هذي اول مره نتكلم فيهـا .. وكل هذا وهو بالشارع واحنــا بالسطح ونتكلم ..


عدا كذا اسبوع على هالحــال .. وكل ماجاء يوم اربعـاء وانا اروح عندهـا عشـان هالشي ..
طلب مره انه يكون الكلام بينــاوبينه بالتليفـون بحجـة انو في موضــوع مهم .. اعطانـا رقم السوبر ماركت اللي يشتغل اهو فيه .. دقينا وكانت هذي اول مره نستجيب فيها
لحد وناخذ رقم ..كان الكلام منه احنا كنا مستمعات فقط .. اتكررت المكالمه منّا بعد كَذَا اسبوع .. وكان فيها كلام من ناحيتنا بس قليل.. لمــا جـاء امس (6/1/2006)
ودقت زميلتي واختهـا وجلسو يتكلمو معـاه اكثر من (ساعه) ..


انا قلت لهم قبـل ان هالشي غلط ولازم تحاولون انكم ماتطلعون من الدريشــه ولاتراقبونه حتى لو ماكان يشوفكم ولا ادقون السوبر ماركت .. وهم يقولون لي انتي ماتحسين فينا لانك مو معنا بالبيت دايم..

انا اقولهم هالكلام واكون مقتنعه باللي اقوله .. بس لما اروح عندهم ماادري كيف احس ان الموضوع عااادي واطلع معاهم وادق لمـا يكون بالسوبر ماركت ..


بس لما ارجع بيتنـا احس اني كارهه نفسي من اللي سويته ..مع اني لما اطلعت مااتكلم وحتى لو اتكلمت كلامي يكون موجه لهم موب له ..

قطعت عنهم فتره وماسرت اروح عندهم عشــانه ماكنت ابي اشوفه ،لما صارت احس انه فعلاً مايعني لي شي وحسيت ان حاله حال غيره موب مهم عندي .. هذا كله قبـل مااروح لهم الاسبوع هذا ، لما رحت لهم رجعت لعادتي القديمه ودقيت معاهم
ع السوبر ماركت وحسيت انه مافيها شي (صح غلط وكلنـا عارفين انه غلط بس مانحس بهالشي (وهذا اللي قاهرنا ومحيرنا)عقولنـا عارفه ان هالشي غلط ومستنكرته علينـا بس مااردي كيف اذا تجمعنـا او شفنــاه سواءً بالسوبر ماركت او بالشارع لازم نطلع واذا كان بالدوام لازم ندق )


حاولت كثير فيهم لدرجه اني استخدمة الحيله معاهم بس مافي فايده .. الحين انا ماابي انصحهم لانه مستحيل ياخذون مني نصيحه وانا لاجيت عندهم اسير مثلهم..ادق واطلع عادي ولا كأني اللي انصح قبل ..

احنــا نبي ننهي هالموضوع بس شلــون واهو جارهمـ والبيت قدام البيت ..

للمعلوميــه اهو إللي لفت نظــرهم من غير مايقصـد من البـدايه بسيــاراته اللي تتغيــر كل فتره والثانيــه وكل سيــاره احلى من اللي قبلهــا .. هذا غير شكلـه الجذاب والمميــز وغيره من الاشيأء اللي تجذب صــراحه ..


انا كتب الموضوع الحين والساعه 3:48م ماادري السـاعه 10 م (موعد التليفـون اللي اصبح شبه يوم) شنو بيصير

اتمنـى استـاذه هنــد تســاعدينـا باسرع وقت ..ولكـِ جزيـل الشكـــر

love sound

المصدر: نفساني

حياك الله أختي الغالية ****
أختي الغالية أنت ذكرتي لي كلام جميل و هو .. أنو (( عقولنا عارفه أن هالشيء غلط و مستنكرته علينا بس مااردي ..... و صح غلط و كلنا عارفين ذلك .... )) أذن أين المشكلة فيك أو فيهم ..... ؟
أنت تقدمي لهم النصيحة و هم لم ياخدون بها أنت خذي بالنصيحة ومع تطبيق تلك النصيحة مع نفسك و أنصحك بالابتعاد عنهم أفضل لك أنت , و تقوية نفسك من ناحية الدينية لان من أهم معالم بناء شخصية المؤمن هي النفس المطمئنة التى توفق بين النفس الامارة بالسوء وبين النفس اللومة . فكري في كلامي أختي الغالية ***

تحياتي لك , وكل عيد و أنت بخير

اسعــدني جــداً تواجدكـ أستـــاذه هند .. رغمـ اني اشعـــر بعـدم وصـل مقصــدي ..
وفهمـ وضعــي ..


انا ذكــرت (10اعــوام) حتى اوضــح ان العــلاقه بيني وبين صديقتي وشقيقتهـا اكبــر من مجـرد صــداقه ..هم اخــواتي ولو اني اشـوف علاقه اقرب من الاخـوه بتكــون علاقتي معــاهم ..
مســألة اني ابتعــد عنهم هذا شي صعب جداً اذا ماكان مستحيــل ..

انا بإذن الله بحاول قدر استطـاعتي اني اطبق النصيحـه .. واتحكـم بنفسي
بهالموضـوع .. بس هم شلــون يبتعــدون عنه وينســونه وهو جــارهم والبيت قـدام البيت .. (الحين مافي علاقه بين الجيــران بس هو قال لهم انه بيتعـرف على اخوهم )..
وإذا تعرف على اخوهم بتترتب امور كثير بعد هالمعرفه سواءً بين الاهل او بينه وبين اخوهم .. بهالحاله شلون ينسونه ...؟!؟!؟!


احنـا نعرف انه غلط وموب هذي تربيتنــا بس(من نشــوفه ولا نسمع صوت السياره مانعـود نحس بغلطنـا)
اقــول لكـ واقع حصلت تبين لك انو احنا من نشوفه مانعود نحس ان اللي يسير غلط ..
فيوم كنت انا بجيهم ، اشروا له على الساعه 10 باليل يبونه يجي يطلع من الدوام هو هز راسه بالموافقه ،جيت انا عندهم .. حصل انهم كانو بحكولي شي صار ع الدريشه فتحنا الدريشه عشان يبون يمثلون لي .. تونا فتحناها إلا نشــوفه 10 تمام وهو بسياره عند بيتهم .. نزلنا الدور الاول بسرعه على اساس نبي نشوفه من القراج ..بس قلت لهم : لالا احنا شنو قلنا مانبي نطلع صح خلاص مانبي نطلع .. يعني لو بوصف لكـ شكلنا بعد ماقلت هالكلام بقول (متجمدين ).. كل وحده على وضعها ماتحركت .. شوي الا يرفع صوت الاغاني ..انا بصراحه ماقدرت قلت لهم :ياخي مااقدر استحمــل اش ذا ..
انا قلت هالكلمه ..وركض وحده ورا الثانيه ع السطح ..
يعني ماادري شنسوي من نشوفه ننسى ان اللي نسويه غلط ..

احنــا نبي ننهي الموضوع قبل مايكبر وقبل مايوصل لاهلنــا
بس شلون ننهي واحنــا نشـوفه على طول قدامنـا ..؟


.. إحتــــــرامي ..

كل عام و أنت بخير أختي الغالية ***

((( مسألة الابتعاد عنهم صعبة ))) أذن أختي لابد من تطبيق النصيحة أنت , وحاسم العلاقة السلبية مع هذا الرجل و الابتعاد عنه و عدم إعطاء له أهمية كبيرة له حتى لا يتمادى معكم أختي
الغالية ... هذا من وجهة نظري أنا ...

تحياتي لك . و عيد مبارك