ملانة

ملانة

انا موظفة ومتزوجة عندي طفلين احس بملل فظيع من شغلي ومحبطة منه وما ابغي اشتغل اسير الدوام ادخل المنتديات واقرا كتب واجمع معلومات ونادرا لما اشتغل احس إني مب قد الشغل او يمكن لإني ما احب الشغل اللي اسويه وافكر اني استقيل بس ارجع واقول شو باسوي في البيت لإنه ارتبط عندي البيت بالملل نتيجة تجربة امي وبعدين نقص الفلوس بيأثر وايد في حياتنا احس إن عيالي محتاجين لي بس لو قعدت معاهم احس إني باكون وايد عصبية وياهم لإني ما اتحمل اليهال وايد اقولكم الصراحة انا عشت طول حياتي مب عارفة شو ابغي ؟ اسوي اللي هم يبغونه كانت امي تبغيني متفوقة استويت متفوقة فترة طويلة وعقب جتني انتكاسة وعين وحسد ومنها خلاص ما لي نفس اسوي شي اتحمس فترة وبعدين بسرعة تفتر همتي احاول اغير اشياء في حياتي لكن الكسل صديقي ولما امل اسوي الشي مرة وعقب ارجع على الكسل ابغي اهتم بنفسي وبعيالي وبزوجي وبيتي ابغي اكون مؤثرة بس مب عارفة كيف على فكرة انا مب عارفة شو هوايتي يمكن القراءة لكني مب نهمة فيها كنت احب اني اكون رسامة لكن ما عندي موهبة الرسم ابغي يكون بيتي يدل على ذوق رفيع لكن يواجهني رفض زوجي هو مب رفض كثر ما هو خوف من التغيير صح انا اخاف اغير واحس إني باندم على اي تصرف باسويه واعرف باكره حياتي لو سويت شيء لإني باحصل اللوم من كل حد وخاصة لو استقلت
احس اني محتاجه لدكتورة نفسية اتمنى القى عندكم الحل

المصدر: نفساني

أختي الغالية *** المشكلة بسيطة لكن هل سبق و جاءت الحالة معك ؟؟؟ لكن فكرت ترك العمل ليس حل لأنك سوف تشعري بالملل و تعب و التركيز على نفسك كثير أنا لا أنصحك فيه, ويفضل بعدم مقارنة حياتك بأهلك أهم شيء أنت أختي, كم عمرك ؟؟؟؟ أرجو منك الإجابة ......

عمري 29 سنة يا استاذه هند بتفرق المسألة؟

أختي الغالية أنت بحاجة إلى علاج نفسي يبدو لي أنك تعاني من أعراض إكتئاب لذا أنصحك بالاتصال على المركز و مناقشة الموضوع معي .... تحياتي .....