فرجوعني كربتي يفرج الله عنكم

فرجوعني كربتي يفرج الله عنكم

السلام عليكم ورحمة الله وبركاته
لااعرف كيف ابدا :
انا تزوجت من 8 اشهر. وعمري 24سنة وعمر زوجي 26حياتي الزوجة غريبه من ايام الاولي في الخطبة كان يمانع من حملي للجوال في اعتقدة ان الحرمة الي تحمل جوال غير شريفة,ومن هنا بدأت القصة طوال الوقت وهو يقنعني عمرو ماكانت له اي علاقة مع انه كان يدرس بمكة4سنوات لوحدة وصارت مشاكل في مشاكل طوال فترة الملكة لايحترم امي ولا والدي ولا اي احد ولكن كان يضغط عليا انو من كثر مايحبني مايبغى يفارقني وكان صديق امي بطريقة غريبة للغاية يكلمها اكثر من كلامو معاي,ويوم من الايام والدي قرر بأن هذا الشخص لاينفع زوج لي . ومنعني من مكالمتة واستخدم جميع الوسايل الي يمنعني ولكن حبي لزوجي خلاني ارجع اكلمو وذهب لوالي وحلف على المصحف بأن يكون زوج صالح لايضرب ولايشك ولايعملني

معاملة سيئه ابدا..............
وصار الزواج وعشت شهر العسل في سعادة رغم انو كان يطالع في الحريم ويقول ليش ماتلبسي زي هذي وليش ماتسوي زي هادي ,وكنت امرر عادي واقول معليش مومشكلة ,ومشيت الايام والأشهر يوم كويس ويوم اهانات ويوم ضرب ....ليش ضربني علشان بدافع عن نفسي واقول ماابغى اسمع اهانات....ومشيت الايام ويوم اتصلت عليا امي تقول زوجك يقول انك وصخه ماتنظفي بيتك وماتنظفي نفسك وريحة فمك كريه مع العلم والله العظيم اشتغل في بيتي وانظف ولا اتهاون ابدا في نظافتي الشخصية واغير في اليوم الوحد اكثر من 3مرات....وعلى هذا الموال صارت مشاكلنا,واسمح علشان احبو والي خلقني احبو ,وبعد هذا كلو,يقول لامي يبغى يطلقني علشان يتزوج اختي ويقص لأمي قصص الحب والغرام الي كانت في حياتة , وصارحها وقلها انهه يخرج مع بنات ويقابلهم ويعمل المنكر معاهم وامي ماهي قادره تقولي علشان تحفظ على مشاعري
ومع اني لقيت بكلت شعر في غرفة نومي مجهوله .ولما صارحته فيها قال هذا من وصاختي علشان انا ماأنظف واكتشف رسايل جوال ومكالمات واتحققت بفواتير الجوال وسمعت صوت البنات وواجهته فيها صار يبكي ويقول انا احبك وعمري ماخنتك .وانا ماعدت استحمل سرت اخلق مشاكل كل يوم الى يوم اتصل على الوالد وقله :تعال شوف البلاوي الي بتتحدف علينا واخذني والدي من البيت وطلعت وصارلي شهر في بيت اهلي لااتصل ولاسأل ولاشي اهلي كلهم يقولوي لازم اطلق وانا ماني عارفه اطلق ولا لأ ا(انا احبو مووووووووت لكن مو هاينه علي نفسي ولاكرامتي علي سوا فيا )
ايش اعمل الله يستر عرضكم ارشدوني ايش العمل في الصيبه الي انا فيها........

المصدر: نفساني

ممكن تردو لاني محتاجة مساعدتكم......

الله يستر عليكم الموضوع وصل الطلاق وانا انتظر ركم عليا بسرعة ماعندي وقت وانا محتاجة مساعدتكم السريعة. د, فوزية

الله يستر عليكم ردو عليا محتاجه لمساعتكم

الله يسعدك ياسلطان والله ماتعرف قد ايش ارتفعت معنوياتي لما لقيت احد عبرني . وبعدين مشكلتي بتكبر يوم عن يوم .تعرف ايش الي صار بعد شهر اتصل على الوالد وصار حدة في النقاش وطلب يكلمني علشان يسمع مني ابغى اطلق وكلمته وقلت خلاص ماابغى ارجع قالي هذا بعدك لايمكن افرط فيكي ومراح اطلقك وسوي انتي واهلك الي تبغو.وبعدها بيوم اتصل ابوه وقال ليش تتحرشو في ولدي وتكلمو طبعا استصبنا من التصرف والكلام الغريب وقال لاتتعرضوا لولدي وخلي الموضوع مجمد يعني(يعلقوني) وبعدها بسبوعين خلصوا اخواني اختبارات وقالو يبغو يسافرو وطبعا اناملابسي كلها في بيتي ورحت علشان اخذها لقيت مغير الكيلون الباب بعدين قررت اني اتصل واكلمو علشان يفتح الباب ويعطيني ورقت خروج علشان اطلع علشان انا لسه على ذمته,طبعا رد وقال انا مو راضي انو مرتي تسافر وانا احبك وباقي عليكي ومراح اطلقك وقلتلو اني ماراح اقدر اكمل معاك لاكن هو كان بيترجى ويقول سامحيني ربنا بيغفر لعبيدو انت ماتغفري بس انا سامحتو اكثر من 6مرات ومافي فايده. وانتهت المكالمة على انو راح يعطيني ورقه ويفتح الباب وبعد يومين رجع اخويا يكلمو قال اختك تبغى ترجع وقالت انها مراح تستغنى عني وقال انو مسجلي المكالمة .ااااااااااااااااااه اااااه يارب ليش بيعمل كدا ليش تعبت فعلا تعبت كل يوم اقول ربنا راح يهدي بس مافي فايدة فية اصر على رائي في طلب الطلاق ولا ايش اعمل

ام الرور فرج الله همك

اختى لا تستعجلى سوف يرد عليك الاخصائين

دمتى بود

يااخ العمري انا لما كتبتلكم مشكلتي فعلا محتاجة ليد المساعدة والمعاونة من اشخاص ذوي خبرة ومعرفة مثلكم وقادرين على حل مشكلتي ومشاكل اخواني الاخرين .وانا متاكدة من كثرة مشاغل 4كم الله يكون في عونكم .بس لوسمحتو احد يعاوني نفسيتي والله كل يوم في دمار موعارفة انام حتى صلاتي صرت اسهى فيها معرف صليت 4 او 5 ركعات من جد تعبانة واهلي تعبو معايا.الله يوفقكم لمايحب ويرضى

طيب انا محد يرد عليا والله العظيم تعبانة وفي امس الحاجة اشوف رد منكم قلبي يعورني يوم بعد يوم .انتو مارديتو , وزوجي لا اتصل ولاعبرني .انا الحمدالله مني وحشه بالعكس انا على قدر من الجمال والحمدالله اخاف الله واصلي واذكر ربنا في الصباح والمساء ومااحب الكذب وصريحة وماأكره احد ومحافظه عليه في وجهو وفي ظهرو عمري مافكرت اتكلم مع احد من بياعين المحلات وانا ابغى اشتري حاجة , لاني احافظ على مشاعرو فوق مماتتصورو واستحي واخجل منو والله عمري ماقلتلو اشتريلي الشي الفلاني ولا اطلب اي طلب منو اخاف اضايقو ولا اثقل عليه من كثر حبي فيه مشتاقتلو موت فوق ماتتصورو وحتى وانا بكتبلكم دموعي مغرقة وجهي .ردو عليا الله يفتحها عليكم يارب ياكريم

أم الرور حياك الله

يبدو أن حياتك الزوجية مع هذا الرجل لن تستمر ، وإذا بقيتي على هذه الحالة فسوف تتعقد المسألة أكثر ، لاسيما عند قدوم أطفال ، وزوجك هذا لايحبك بل يخادعك ولو كان يحبك لما جرح مشاعرك وفعل أفعالا لاترضي الله ، وأنا في نظري الخلاص من هذه النوعيات التعبانه أفضل 00 اتركيه وسوف يوفقك الله بخير منه هذا رأيي باختصار ، واسمعي كلام والدك فلن يخلص لك المشورة والنصيحة في الدنيا أفضل من والدك فلو كان في زوجك خيرا لمارفضه والدك ، فهو رجل ويعرف الرجال ، احسمي الموقف وتوكلي على الله فهو لن يضيعك والسلآم عليكم 00

الى الدكتورابراهيم :حاولت اعمل بنصيحتك لان كلامك صحيح بس انا منهاره نفسيا تعبانه فوق ماتتخيل طول الوقت وانا بفتكر اي لحظة حلوة بيني وبين زوجي واحول اختلق لو الاعذار على تصرفاتو البشعة وحبو في قلبي معذبني . وانا تعبت اهلي والي من حولي بالكئابة الي انا فيها موعارفة كيف انسى حبي الاول الي عشت معاه لحظه بلحظه حياة زوجيه كاملة زمافي شي متعبني قد عشقي لو .اتمنى انك تنصحني وتدعيلي انو ربي يقوي قلبي لان قلبي ضعيف ومايستحمل