زوجي دفني بالحيا

زوجي دفني بالحيا

اخواني المستشارين انا كتبت موضوعي من قبل بس باختصار ومالقيت رد
الحين بكتب مشكلتي بتفصيل : انا متزوجه من 6 سنين وتزوجت من واحد احبه هو قالي انه عمره 28 في ذاك الوقت لكن بعد ماسالو عنه اهلي اكتشفوا انه في الثلاثين لكن يوم سالته قال لا انا 28 والي سألتوا عندهم جذبوا علبكم المهم اتزوجنا بعد معارضه من اهلي لكن اقنعت ابويه الله يرحمه واخذته واخواني كانوا معارضين لانه هو من عايله غير عايلتنا ومستحيل ناخذ منهم ... ورحت وعشت وياه في بيت اهله وسكنت في غرفه بحمام ... طوال الست سنوات وانا فيها وجبت منها ولدين ... بعد الزواج اكتشفت انه مش مكمل تعليمه طلع الشهاده شاريها واكتشفت انه اكبر عني 14 سنه يعني الحين هو 40 سنه ... واخته متزوجه وساكنه ويانا في نفس البيت يعني غرفتي مجابله غرفتها وزوجه اربع وعشرين ساعه مجابلنا ... بدت المشاكل كله بسبت غيرته حرمني من اهلي ... ماروح عندهمالا يوم هو يقرر هذا الشي بعد شهر او اسبوعين وبوقت معين وبدوون سابق انذار عشان ما اتجهز ... ممنوع مكياج حتى جحال في عيوني ممنوع . ماشي طلعات مع اهلي او اهله او اشوف صديقاتي ... التليفون ممنوع اشغله الا معاه واذا شغلته ازيد عن 5 دقايق تستوي مصبيه وانحرم منه الي اشعار اخر شهر شهرين لين ما يحن عليه ... اهتمامي لازم ينصب عليه اذا حس اني مهتمه في اي احد ثاني ياويلي .. اعراس لا حفلات مجاملات لا .. اسواق لا اذا يغيت شي طليت من خواتي يشترولي بدون ما يدري .. حتى دراستي ماخلاني اكمله انا كنت ادرس في الجامعه ويوم عرست طلعت وطرحت عليه الموضوع وقالي لا ..اذا كملتي بطالبين انج تشتغلين والي تشتغل خلاص عليها السلام يعني تستوي مب اوكيه المشكله انه في بداية زواجنا كااان يخووني بشده .. وكنت اعرف بس كنت اكتم واسكت واتحمل لاني كنت احبه موت .. واقول الله بيهدي .. حاولت وياه كل الطرق عشان اغير اسلوبه في الحياه .. على فكره هو ما يشتغل معتمد على بزنز تاجير السيارات بس مايدخل علينا شي ويوم اقوله دورلك وظيفه يعصب عليه ويقولي انا مقصر عليج بشي ولاني استحي مته اقوله لا ماودي احرجه واثقل عليه ... مرت ست سنوات على هذا الحال من غير المشاكل الي في بيت اهله مع اخته وزوج اخته ... تخيلوا ايويه كان يحتضر في المستشفى وبيني وبين المستشفى شارع واحد كنت ما اقدر ارووحله يقولي انا هناك اذا صار شي بانديج يعني هذا ابوي مش ابوه تخيلو ابوي مات ولا شفته لانه الاخ كان مشغوول وهذا الشي ما اقدر انساه انا الحين صرت ما احس اي شي اتجاه .. الحب الي في قلبي امسح بالمره .. اريد انفصل عنه ...اول مره دخلت اخويه واعترف لاخويه انه مريض بالشك وبيحاول يتغير بس ردت ريما لعادته الجديمه ... والحين انا ما اباه بس هو مش قادر يستوعب هذا الشي لين الحين يفكر اني بزعل وبرد نفس كل مره ... ويقولي لو تموتين انتي لي انا ومستحيل اخليج او اطلقج .. انتي اكيد حد لاعب في راسج .. اكيد حد في بالج ... عمره ما بيفهمني .. او يسمعني ... كلامه هو الي صح وانا الي ما افهم .. تعبت الحين هو يوعدني انه بيتغير وان كل شي بيكون احسن عن قبل .. بس انا ما احس اي شي لتجاه انا هني في بيت اهلي احس براحة تامة وماودي ارد مره ثانيه لحياتي الجديمة انا بالفعل خطط لحياتي الجديده واحس بتفاؤل بخصوص مستقبلي ويا عيالي ... بحقق كل اهدافي بس الحين شو اسوي كيف اقدر اخليه يقتنع اني ما اباه وشو اسوي اخبر اخوي واخليه هو يتفاهم معه وانا مايكون اي صلة بيني وبينه لاني كل ما اكلمخه احس بالذنب والشفقه عليه ... بلييييييييييييييييييييييز ساعدوني اليوم لو سمحتوا لانه اليوم بيجي عندنا في البيت واذا في مجال لاستشاره تلفونيه انا مستعده اتصل .... بليييييييز ساعدووني في اشياء وايد انا بعد ماقلتها

المصدر: نفساني

وينكم يا جماعه بليز ردوووو عليه ... انا محتاجه مساعدتكم بشكل ما تتصورونه دخيلكم اريد اي حد من المستشارين او الاخوان الاعضاء يعطيني الحل

السلام عليكم ورحمة الله وبركاته

اختي الفاضلة اتصلي بالمركز وسيساعدونك