أرمله تبي مساعدتج بالحب د فوزيه

أرمله تبي مساعدتج بالحب د فوزيه

السلام عليكم ورحمة الله و بركاته
أنا أرمله ميت زوجي ولد خالتي بحادث من 10 شهور و عمري 26 و زوجي25 وعندي منه ولد سنتين و بنت 4 شهور كنت حامل فيها لما مات.من بعده و بعد أمي إللي ماتت قبله بسنه أحس إني وحيده و خصوصا إني ساكنه مع أهله في دوله خليجيه مالي حد فيها غيرولد خالتيو خالتي ومشغوله ببنتها المطلقه و تربي ولدها ولد 5 شهور وأنا محد يهتم فيني أحس فقد أغلى إثنين بحياتي فقد الحنان ومن يهتم فيني و أهتم فيه.وهالشي خلاني أحس بعاطفه لأخ زوجي إللي ساكن معانا لأنه وايد حنون و يدلع عيالي وهو بعد أصغر مني بسنتين و 11 شهر.مهما كان الإنسان ما يقدر يعيش بدون حب أنا ما كنت أحب زوجي في بداية زواجنا وهو ما يدري أنا ما أحب أحرج أوأكسر خاطر حد بس هو ولد خالتي وعاداتنا مشكله لكن لما حبيته خاني مره و ثلاث وتوفى و أنا زعلانه منه رغم زواجنا دام سنتين و 10 شهور بس لكن أدعيله من كل قلبي وله معزه بقلبي مهما كان إنسان ميت و أب لعيالي .دكتوره أنا جميله وكل شي فيني جميل والحمدلله كل إللي يشوفني يحسبني بنت 17 سنه ملامحي جدا طفوليه وداخلي طفله أبي من يهتم فيني و أخ زوجي وايد يهتم فينا ويخاف علي وايد ودايما يسألني تبين شي لدرجه سفرنا بس مع أمه طبعا بس عشان متملله لكن شكله يحبني مثل إخته بس و أنا أحب من طرف واحد أحس إنه لو حس فيني بزنطه قبل قبل لا أفرح والله لمحت له مافيه فايده حتى لما سافر أنا خليت غرفته تلمع و مرتبه وقبل لا يقول أبي شاي أركض أعطيه ما أبي في يوم أتزوج غريب أبي يربي إعيالي معاي أنا ما أقدر بروحي كنت مدلله عند أهلي وايد أنا ما خليت خالتي ورحت عند أهلي لأنه كفايه مكسور خاطرها على ولدها الله يرحمه ما أبي أزعلها مثل أمي لكن وجودي خلاني أحب أخو زوجي..و قوليلي شنو أسوي و كيف أتصرف مالي حد ساعديني.....وشكرا حبيبتي

المصدر: نفساني

اختي الكريمه

الدكتوره فوزيه لا تعمل لدينا ،،،