|
|
||||||||||
عيادة مشاكل الكبار كل ما يتعلق بالمشاكل النفسيه للكبار ، رهاب ، وسواس ، نوبات هلع ، فصام .... يقتصر الرد في العيادة على الأخصائيين المعتمدين للموقع . |
|
أدوات الموضوع |
06-05-2007, 02:02 AM | #1 | |||
عضو فعال
|
شلون أعالج نفسي بنفسي؟
السلام عليكم ورحمة الله وبركاته .. حابه اعرف شلون اعالج نفسي بنفسي , وصج يصير أو لأ ؟ عمري24 وعندي كآآبة موطبيعيه ,, من 3 سنين بس مرات اقدر اتأقلم مع الحزن والألم ومرات مثل الحين موقادرة , احس نفسي بنفجر ,,واحس على قلبي مثل الصخر شي ثقيل ,, ماقدر اتنفس عدل ,, الا لما اخذ نفس عميق ,, لما كنت بسن المراهقة ولما يصير مشكله بيني وبين ابوي ويقعد يطقني ويصارخ علي ,, كنت احاول احل المشكله بإنهاء حياتي ,, يعني كنت احاول انتحر بس مافي فايده الحياه تحبني ,, تقريبا المحاولات اللي اذكرها 5 .. ودايماً افكر اني أأذي نفسي ,,اذكر ايام المدرسه في طوف طالع منها مسامير , واحنا نتمشى اطالعها واقول لو مافي احد اطق ايدي على المسمار عشان ينغرس فيها ,, بس ماسويتها ,, ولما اعبر الشارع مرات ,, ماهتم بالسيارات ,, لان ودي اندعم مايهمني ,, حتى امي مره انتبهت علي وقالتلي شفيج انتي مجنونه ؟! السياره مسرعه ,, قلت عادي ,, حتى لو بتدعمني راح تحوش ريلي بس .. وماهتمت ! اللي غاثني ,, انها باردة بردها معاي ,, اذكر مره رحتلها ,, قلتلها يمه ,, تعبانه حيل ,, ( مع العلم اني وعدت نفسي ماشكيلها ولااسولفلها اي شي لان تعلمت من كثر صدها لي انها ماتبيني اسولف ولااشكي بس اضل ساكته نفسها ) قلتلها , زهقانه حياتي , بس كلمتين مني ,, وردت علي بنرفزه ولايعه جبدها ,, " ليش شفيج !! شنو اللي مزهقج ! بستهزاء, تبين طبيب نفسي عشان يضحكون عليج ؟!! " .. انا هني مصدومه ! يعني الناس يهمونج ولاانا؟ ,, الزبده شفت ان الكلام ماله داعي وقلتلها لا مافي شي وغيرت الموضوع !! وابوي آآآآخ من ابوي ,, همه بس يكون على صح .. ويعاملنا تقريبا مثل الحشرات وعادي يهزأنا على اي سبب ,, ويلعن خيرنا ,, ودي اذبحه ! اخواني ,, مالي علاقه فيهم ,, مافي اي تواصل بيني وبينهم ,, ونستحي من بعض وااايد .. ( كله من ابوي ,, قبل كان كله يحاول يبعنا عن بعض لما نتهاوش والهواش بين الاخوان عادي بس بما اني بنت بينهم فـ لأ مايصير لازم يبعدني , لما صار في حواجز وااايد بيني وبينهم ) وغير اللي يصير بالبيت في اشياء كثيره غيرها معقدتني ,, ومع هذا امي تقولي ,, من شنو مكتئبة ؟؟ شلون اطلع من هالحالة ؟ انا دايماً اقص على نفسي واقول اذا طلعت بتعدل نفسيتي او اذا غيرت جو ,, بس نفس الشي ,, وانا مو واثقه بالـ Orientation مالي ,, من زمان وانا اميل للبنات من ايام الثانوية بس هالسنتين تأكدت اني ليز ,, مو هني المشكله ,, المهم ,, في سلوك او تصرف او حتى دوا ثاني يخليني اطلع من الكآبة اللي انا فيها ؟ وشكراً لكم .. المصدر: نفساني
|
|||
|
26-05-2007, 10:57 PM | #5 |
عضـو مُـبـدع
|
الخط صعب قراءته وغير واضح .. أختي أظن أن هناك مشكلة في شخصيتك وليتك تقرأين عن نوع من أنواع الشخصيات يسمى .. الشخصية الحدية ,,, ( Borderline Personality Disorder) إذا قرأتِ ولاحظتي تشابه بين ماقرأتِ وبين حالتك ,,, ممكن أساعدك ... وإليك رابط مفيد : الشخصية الحدية Borderline Personality Disorder |
|
27-05-2007, 08:30 AM | #6 | |
عضو فعال
|
اقتباس:
شكراً لردك دكتور فلاح العنزي .. أعرف أقرى انقليزي .. موجود بالمكتبات هالكتاب ؟ ولاادوره بالنت ؟ لا ماآخذ دوا .. شكراً لك مرة ثانيه _ |
|
|
27-05-2007, 08:37 AM | #7 | |
عضو فعال
|
اقتباس:
يعطيك العافيه دكتور الحناكي على الرد .. قريت المقاله .. وانصدمت .. تقريباً نفس الشي .. وانا قاعده اقرى قلبي قام يعورني .. الخصائص 6 من 9 مطابق لشخصيتي مذكور بالمقالة " وأحياناً تسمع أصواتاً عند تكلمها عند النوم، كما لو أن شخصاً يناديها، " وصح انا مرات اسمع احد ينادي اسمي ,, بس بالصج مافي احد ينادي .. وشكراً لك على الرابط وعلى ردك |
|
|
28-05-2007, 01:18 AM | #8 |
عضـو مُـبـدع
|
التشخيص اول خطوة في طريق العلاج والذي قد يكون طويلا وشاقا في بعض الأحيان .. اقترح ان تراجعي أخصائية نفسية ( وليس أخصائي) هذا الأفضل عموما ... |
|
28-05-2007, 07:21 AM | #9 |
عضو فعال
|
يعطيك العافيه دكتور الحناكي طيب شلون أقنع أهلي ؟ لأن انا طالبت اني اشوف أخصائي نفسي ,, بس امي استهزأت فيني وابوي طنشني .. وجزاك الله خير لردك .. |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|