سااااااااااااااعدوني تكفوني ابي حل

سااااااااااااااعدوني تكفوني ابي حل

السلام عليكم

شخبااااااااااااااركم؟

الصراحة انا مابي الف وادور راح اقول مشكلتي والي اتمنى من كل قلبي ان القى حل .

مشكلتي ابتدت لما انخطبت وانا عمري 19 سنة من شخص كان عمره 22 سنة وظليت 4 اشهر اعاني معاه كان شكاك بدرجة موطبيعي وماكان يقعد معاي كل يخليني في البيت مع هله ويطلع وبالليل يجي ويوصلني بيتنا وفوق هذا كله كان ياخذ بطاقة الصراف بدون مايقولي ويسحب من مهري وبعدين يقولي انا سحبت من حسابج استحملت طول هالفترة وماقلت حق امي ولا احد عشان خايفة انفصل خصوصا مجتمعنا الي مايرحم البنت المنفصلة حتى من خطوبة.ظليت هالفترة وبعدها بموقف امي كشفته وما اصرت امي على ان انفصل لان خايفة علي بعدها طلبت الخلع ورجعت كل المهر والشبكة له لان مادخل علي، طبعا الحمدلله الناس ما ظلموني ولاطلع علي كلام بالعكس الكل عرف موقفي لان سمعتي طيبة والكل يشهد و من انفصلت وايد شباب تقدموا لخطبتي وانا ارفض تقدم لي شخص وهو ولد صديقة امي واخته صديقتي قبل 6 اشهر وامي كانت وايد متحمسة له فوافقت علي وانخطبت واهو اكبر مني 3 سنين انا عمري الحين 21 وهو 24 المشكلة ان هالانسان اول اسبوعين من الخطوبة كان ذهب بس طافوا هالاسبوعين صار شخص ثاني مايهتم فيني ،مايطلعني، وااااايد بخيل، تفكيره تفكير ياهل يمشي على كيف ربعه حتى في الاشياء الخاصة فينا يقلد على ربعه واااايد ماخذ واحد من ربعة قدوة له مع ان هالشخص الي ماخذه قدوة اخلاقه ومعاملة لزوجته كلش موحلوة وفوق هذا كله يقول عنه كلام من وراه حتى مصروفي اهو الي حدد حق خطيبي جم يعطيني وعلى طول مع ربعه وسباقات السيارات وكل ماقوله خل نطلع يايقولي ماعندي فلوس يامشغول طبعا بالسيارات والسباقات كل كلمة والثانية انا امي مايودتني بتيودني مرة تفكيره واااايد غير عن تفكيري احس ياهل ماعنده طموح الا يلمع سيارة ويقحص في الشوارع تعبت وانا افهمه احاول اوصل معاه لحل بس مو عارفة شاسوي امي وابوي وايد متضايقين لان يجوفوني كل في البيت والبنت في فترة الخطوبة كل مع خطيبها وهالفترة من احلى فترات العمر بس للأسف مو حاسة فيها.ابي حل لهالمشكلة تكفون مو عارفة شاسوي شلون راح اعيش معاه وخايفة انفصل واااايد احسها صعبة اني انفصل للمرة الثانية.


سااااااااااااااااااعدوني

آسفة على الاطالة

المصدر: نفساني

شدعوة ولا حد رد علي

مشكورين وفيكم الخير

ابنتي / همس البحرين المحترمة

ياهلا فيك ومرحبا في منتدى نفساني ، وأنا آسف كثيرا لعدم الرد عليك بسرعة ، يا أبنتي الفاضلة أنت والحمد لله ليس لديك مشكلة ما يحصل معك يحصل مع غيرك من الفتيات المقبلات على الزواج ، وأنت عليك الصبر والتريث حتى يرزقك الله بمن يحبك ويكرس جهوده في رضاك ويفهم وهذه كلمة مهمة جدا معنى الحياة الزوجية ، فالشاب الذي تقدم لك ورفضتيه وكذلك الآخر ألذي أنت مترددة في رفضه لأنه ليس الأول في حياتك ، المهم يكون الأول أو العاشر ألمهم تختاري الشاب او الزوج الذي يسعدك وتحسي معه بطعم الحياة ولا يهم فسخ خطوبتك منه إذا كان غير مناسب وانت ماشاء الله على مستوى من الخلق والعقل والسمعة الطيبة ولن تعدمي من يطلب يدك من والدك ولاتخافي ابدا والله معك 000ابراهيم الدريعي 000