|
|
||||||||||
عيادة المشكلات الزوجية والأسرية للوصول الى الإستقرار الزوجي والأسري |
|
أدوات الموضوع |
02-05-2007, 08:11 PM | #1 | |||
عضو فعال
|
مشكلتي مع زوجي ابي الحل بسرررررررررعه
السلام عليكم ورحمة الله وبركاته
بصراحه مو عارفه من وين أبدا ودي بحل بسررررررررررعه ... زوجي حبيبي عمره ماقصر معاي في شي أبدأ من يوم تزوجنا صار لنا سنه ونص ... بس بعد ولادتي من 6 أشهر اكتشفت في تلفونه بالصدفه مسج من دول الخليج ومسجل باسم واحد وللاسف كان لوحده بنت وهذا بعد ولادتي مباشره.... ولما سألته كان همه اني ليش اتعبث في تلفونه ... قلت له صح اللي سويته غلط لكن غلطك أكبر بوااايد خيانتك لي وقعدت يومين ما أكلمه وبعدها اعتذر وقال هذي غلطه وانا راجعت نفسي وماراح أعيدها..... المهم نسينا الموضوع وخلاص للاسف أن الدمار من أصدقاءه وانا متأكده من هذا الشي ... وانا اذا قلبي حس بشي يطلع صدق سبحان الله واليوم للاسف رجعت وتعبثت في تلفونه وشفت مقاطع بلوتوث عن الجنس وغيره والله ان شعر جنبي كر من المقاطع وتذكرت لما هو يقولي اذا عند التلفزيون غيري القناه اللي فيها اغاني ورقص وليش هو يشوف ويستقبل هالاشياء مادري وعلى فكره هو من النوع يلاحظ بسرعه اني متغيره عليه او فيني شي لان يبين على وجهي وانا ماتعبثت في تلفونه الا من أمس لانه حاطه صامت وشكيت ان في شي ..... الحين ودي اواجه بس مو قادره وهو عارف ان فيني شي لانه من فتره وهو يسألني شفيج ... بس اخاف اواجهه ويقولي ليش تمسكين تلفوني ... ابغي الحل بسررررررررررعه أرجوكم المصدر: نفساني
|
|||
|
14-05-2007, 02:16 PM | #2 |
عضو مميز جدا وفـعال
|
الرد على قطرية
الأخت / قطرية سلمها الله
أشكرك على عرض موضوعك على نفساني ، أنا من رأيي لابد ان يكون بينك وبين زوجك مصارحة ومكاشفة فحياتك معه طويلة ليست يوم وليله وحياة زوجية بمشاكل لاتصلح فليس من المعقول أن تعيشي حياتك في شقاء وتعاسه مع زوج خائن لايراعي الحقوق الزوجية ولا المشاعر الانسانية ، وعليك مناقشته عن أخطائه ، واصلاح مالديك من أخطاء إذا لكان لاحظ عليك ذلك ، فبالتفاهم والمصارحة تتعدل الأمور ، وإذا لم يغير من طبعه فهدديه بالطلاق ، والطلاق أفضل لك في هذه الفترةمن الخيانة الزوجية واحذري أن تنجبي أطفالا حتي تستقيم امورك والله يحفظك 000ابراهيم الدريعي 000 |
التعديل الأخير تم بواسطة ابراهيم الدريعي ; 14-05-2007 الساعة 02:20 PM
|
15-05-2007, 09:12 PM | #3 |
عضو فعال
|
السلام عليكم
أشكرك المستشار ابراهيم على الرد بس على فكره انا عندي ولد منه وعمره 6 أشهر ... وللأسف سبحان الله قبل لا أفتح الموقع اليوم العصر حسيت انه زوجي مخبي شي علي لاني دخلت عليه العصر على أساس انه نايم وهو تخرع من دخلتي ,, وانا شكيت انه يتكلم بالتلفون لما شفت تلفونه وهو كان بالحمام شفت رقم غريب ولما اتصلت طلعت وحده وسألتها تعرفين رقم زوجي قالت اذا انتي عبثيه مشكلتج وقالت ما اعرفه بس شكلها تكذب ... وانا الحين أخاف ابين له شي بيعرف اني شفت تلفونه وبيعصب علي لانه محذرني من اني امسك تلفونه .. بس انا مو قادره هل اصدقها او أصدقه انه مايسوي شي ,,, شو الحل يا أخ ابراهيم ارجووووووووك ساعدني لاتقول واجهيه لان أخاف اقوله اني شفت التلفون ابغي حل |
|
24-05-2007, 07:39 PM | #4 |
عضو مميز جدا وفـعال
|
أختي / قطرية سلمها الله
أشكرك على ردك ، الحياة الزوجية لاتستقيم بالخداع والكذب وعدم المكاشفة ، إذا لم تصارحي زوجك بما في نفسك سوف يستمر على ماهو عليه ، كوني شجاعة وحدثيه بأدب وهدوء دون صراخ او ضجيج أبلغيه ان ما يفعله خطأ ولا يمكنك الصبر عليه ، أنت إن صبرت يوم أو يمين او شهر أو شهرين لن تستطيعي الصبر طول الحياة ، المصارحة ضرورية إما ان يغير من طبعه وسلوكه المشين وإلا إختاري البقاء أو ترك عش الزوجية والله يحفظك 000 ابراهيم الدريعي 000 |
|
03-06-2007, 08:23 PM | #5 |
عضو فعال
|
مرحبا دكتور ابراهيم الدريعي.....
بصراحه انا واااااااااااااااااايد محتاره وماعرف شسوي في حياتي انا احب زوجي ومابي أخسره .. بس للاسف كل فتره اكتشف في تلفونه ارقام وتطلع ارقام بنات ... امس صارت بينا هوشه والسبه اني مسحت رقم من ارقامه كان مسجله بأسم واحد وهي وحده ولما واجهته وسألته قلت له انت تكلمها قال لاء لاء لاء قال شوفي تلفوني عشان ترتاحين ولما قبل لا يعطيني التلفون مسح الرقم وانا متأكده وقلت له مسحته قال لاء والمهم قمنا نتشاجر مع بعض وكل واحد قال كلام للثاني لدرجة انه قال انا اسوي جذي بالعماله عشان ادري انج بتفتشين في تلفوني وقعد يقولي لو من اول مره مطلقج واااايد احسن روحي بيت ابوج وحلال عليج الولد ... الحين مادري هل هو يسوي الشي عناد فيني او انه صج مايتكلم مع حد بس انا شفت الرقم بعيني اتصالات منه ومنها هذا شنو معناته ... وانا ماودي بيتي ينهد عشان ناس مايسوون أبي الحل يادكتور تعبانه ومابي الطلاق وانا مرتاحه في حياتي الامن هالشي اللي مكدرني اني اذا شفت التلفون حصلت شي اموووت من القهر وهو يحلف انه مايسوي شي ...... |
|
12-06-2007, 07:16 AM | #6 |
عضو مميز جدا وفـعال
|
مشكلتي مع زوجي
الأخت الكريمة / قطرية المحترمة
يؤسفني توتر علاقتك مع زوجك ، لكني أقترح عليك تركه لمدة شهر وعد م الحديث معه حول هذا الموضوع وعدم التفتيش في جواله أو متابعته ، لأن الأمر وصل بينكما إلى حد التحدي ، بسبب ضغطك عليه إتركي له فرصه يفكر ربما يعود إلى صوابه ، ويغير من سلوكه ، ويتذكر أن له زوجة مخلصه لا تكلم غيره وطفل ينتظره ليربيه على الصدق والفضيلة لا أن يزرع أمامه الأشواك من الآن ، إذا يوجد لديكم مركز للإرشاد الأسري في قطر فأقترح عليك الذهاب له مع زوجك ولكن بعد محاولتك الأخيره وإذا لم يفد هذا ولا ذاك فاستعيني بأحد أقاربك وليكن والدك إذا كان حكيما ، فهو يستطيع أن يحسم الموضوع والله يوفقك 000ابراهيم الدريعي 0000 |
|
13-06-2007, 05:56 PM | #7 |
عضو فعال
|
المستشار ابراهيم
اشكرك علع اهتمامك بمشكلتي وانا من قبل لا اقرا الحل فعلا الان انا لا افتش في جواله ولا اتابعه ومبين انه ندم على مافعله من ثاني يوم وخاصه انه كذب وعرف اني كاشفته من تصرفاته والله يستر من الايام الجايه واتمنى انه يفهم ومايرجع لتصرفاته وشكرا مره اخرى |
|
22-06-2007, 12:21 AM | #8 | |||||||||
عضو مميز جدا وفـعال
|
مشكلتي مع زوجي أبي حل
|
|||||||||
التعديل الأخير تم بواسطة ابراهيم الدريعي ; 22-06-2007 الساعة 12:25 AM
|
23-06-2007, 02:07 AM | #9 |
عضو فعال
|
أشكرك على ردك واهتمامك ... ولكن لماذا الاطاله في الرد ؟ ومن ناحيتي انشاء الله سوف اطلعك على آخر الاخبار واتمنى وربي يجعلها اخبار خير
|
|
05-07-2007, 08:02 PM | #10 |
عضو فعال
|
السلام عليكم
استاذي الدريعي بصراحه مو عارفه شو أقولك بخصوص نفس الموضوع ما اعرف انا تعبانه نفسيا لاني دايما احس اني شاكه في زوجي مع انه مايسوي شي يضايقني بس احس انه عنده شي خاش شي عني وخاصه تلفونه انا اتجنب اني افتش فيه بس مادري يصيدني شي وانا اشوف التلفون احس كانه في شي وانا مادري عنه بس انا اقولك بصراحه انا مرتاحه وانا مافتش فيه بس خايفه اني افتش وانصدم بشي يارب ساعدني اني اتخلص من هالشك لاني مابي انصدم بحياتي وازعل واكتشف شي آسفه على الاطاله |
|
26-07-2007, 10:17 AM | #11 |
عضو مميز جدا وفـعال
|
أختي الكريمة / قطرية وفقها الله
أشكرك على مبادرتك وإخباري بمجرى حياتك مع زوجك ، أنا أقترح عليك إقتراح واحد لعلك تنفذينه وهو أن تأخذي ورقه وقلم وتسجلي محاسن زوجك وتبدأين بمتابعتها وتهتمي بها وتنسي ماعداها لأن هذا العمل سوف يلهيك عن التفكير في مشكلتك ويبعد عنك الشك -بإذن الله تعالى - لأن وجود الشك بين الزوجين معناه تدمير للحياة الزوجيه وترددي قراءة سورة الخناس دائما لأن قراءة القرآن توسع الصدر وتبعد الغم ( الأ بذكر الله تطمئن القلوب ) والله يحفظك 00ابراهيم 000 |
|
02-08-2007, 12:12 PM | #12 |
عضو فعال
|
السلام عليكم
أشكرك استاذي الدريعي على ردك ... انا توني من يومين راجعه من السفر مع زوجي واستانسا الحمدالله وماحسيت بشي مع زوجي الا موضوع هذا التلفون احس اني دايما شاكه في اتصتالاته واحس دايما ودي افتش من وراه واللي زاد هذا الشي انه اشترى جهاز جديد تلفون وحط له رمز قفل يعني ماقدر افتحه ابدا الا بالرمز والله يا استاذي انا ودي ابعد هالشك عني لان انا اللي اتعب نفسيا بس مو قادره |
|
04-08-2007, 03:57 PM | #13 |
عضو فعال
|
مرحبا استاذي الدرعي وكاني حسدت نفسي تخيل من يومين بس او يوم بالامس زوجي قعد من النوم حاط الدنيا على راسه ليش ما ادري وكل ماسألته يقول مافيني شي وانا متأكده ان فيه شي بس شنو مو عارفه لدرجة اني اقوله تكلم يقول ماعندي شي يعني من امس واليوم نقعد في نفس المكان بدون كلام تخيل انا قلت له براحتك اذا ماودك تفتح قلبك ووضعك عاجبك كيفك .... المهم اليوم الصبح قعدت ماحصلته كان طالع اتصلت فيه قال انا بالحلاق وبعد ماجا البيت وتغدا مع هله وخلص الحين وانا دخلت الغرف شفت علاج سيرلاكس او cipralexوانا اللي اعرفه انه كان ياخذ زيروكسات وهذا الشي انا اكتشفته بعد الزواج وبالصدفه لما بحثت بالنت عرفت انه لكآبه ولما واجهته عصب وحالته حاله بس بعدها عادي يقول انه علاج للاعصاب وحضرتك نصحتني اني اتعامل معاه كأنه علاج عادي وهذا اللي صار واليوم الظاهر انه راح للدكتور لانه تغير العلاج بس هو ماقالي انا شفته على الطاوله ولا سألته لانه مايكلمني الحين ابحث عن الدواء في النت عرفت انه للكىبه ويسمونه علاج السعاده ... بس يا أستاذي انا شنو ذنبي انه مايكلمني ويقلب مزاجه علي مني والطريج ترى انا اللي اتعب نفسيا ويخليني اشك فيه وفكره تودي وفكره تجيب ماعرف هل انا غلطت في حقه اولاء مو راضي يتكلم بصراحه تعبت من هالاسلوب
|
|
18-11-2007, 08:28 PM | #14 |
عضو فعال
|
السلام عليكم
مرحبا استاذي الدريعي كيف حالك ان شاء الله تكون بأحسن حال مابي أطول عليك الموضوع انته عارف بالنسبه لزوجي اكتشفت انه مخزن له رقم بجواله وانا كنت شاكه بهالرقم من فتره لما كنت اشوف تلفونه ماكنت اشوف مكالمات بس كنت اشوف مسجات او بالاحرى المسجات ماتبين لانه يمسحها اكتشف من السجل انه مرسل رساله بس هالشي من فتره لفتره انا حسيت انه شي بسيط وطبعا جيت واتصلت من رقم ثاني وكلمت البنت بكل هدووء تخيل قالت لي انا تاج على راسي معرفة الناس انا بينت لها اني اهتم بهالشخص اللي تكلمه واني ما ابغي بيته يخترب حرام وقالت لي بقوله مايرسل لي شي لانه احنا مابينا اتصال بينا بس رسايل من زمان بعد هذا كلامها .... طبعا راحت وقالت له وهو انقلب حاله من ساعتها يبين انه يفكر في شي اوانه مضايق من شي بس انا سويت نفسي ماسويت شي ... بس حبيت ابين له كيف انا خايفه عليه بطريق ثانيه غير المواجهه والهواش يمكن هالشي هالمره يخليه يتوب عن اللي يسويه..... والحمدالله انا بالدعاء له ان الله يبعد عنه اصدقاء السوء ... لكن من يومين يمكن انا صايره اتحسس وايد لانه هو مشغول واااايد في شغله يعني محملينه اكثر من مسؤولية قسم واحد مضغوط يجي الظهر مايعطيني ويه او يمكن بالنسبه لي انا متعوده على قبله او لمه بس صار ينسى وبسرعه يتغدى ويبي ينام والليل نفس الشي يكون قاعد معاي ساعه او ساعتين بس وقت النوم نفس الشي يمكن لاني انا تعودت منه على طبع معين وا |
|
18-11-2007, 08:40 PM | #15 |
عضو فعال
|
مرحبا استاذي الدريعي ...
بصراحه ودي اقولك اني من فتره بعد اكتشفت ان زوجي يراسل وحده انا كنت شاكه برقمها على جواله لان اسم مختلق المهم انا لما اكتشفت اتصلت وعرفت انها وحده كلمتها بأدب وبينت لها اني خايفه على هالشخص وانها حرام عليها تخرب حياته وبيته وهو عنده اولاد قالت انا ماقدر اكلمه لاني من زمان ماكلمته لان اللي بينهم رسايل ومن فتره لفتره المهم خبرته ولما رجع انا سويت نفسي ماسويت شي بس هو عرف أحسن انا قلت هالمره ماراح اواجهه ولا راح اتهاوش معاه بشوف كيف بيكون رده من هالشي الغير مباشر طبعا عرف انه غلطان واني خايفه عليه واتمنى انه يترك هالشي .... ومن يومين بس احس انه مايعاملني مثل قبل يعني انا متعوده منه على القبله واللمه وهو راجع وهو طالع بس يمكن لانه عليه ضغط من الشغل ماعرف شنو عذره بس انا دايما اقوله وهو يعتتذر لي ماعرف يمكن وقت الفراغ اللي انا فيه يخليني اتخيل وافكر في اشياء مو موجوده للعلم اني راح ارجع الدوام شهر يناير ... انت شو رايك في الموضوع؟؟؟ ولك كل الاحترام والشكر |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|