|
|
|
 |
|
 |
||||||||
|
||||||||||
 |
 |
 |
||||||||
| عيادة المشكلات الزوجية والأسرية للوصول الى الإستقرار الزوجي والأسري |
|
|
أدوات الموضوع |
26-07-2007, 09:27 PM
|
#1 | ||||
|
عضو
|
دعوة للتفااااهم
السلام عليكم ورحمه الله وبركاته...
بكل بساطه بدخل في صلب المشكله انا متزوجه منذو سنتين ومنتقله من منطقه بالسعوديه لاخرى الا وهي المنطقه الشرقيه المهم انو اي انتقاد انتقد فيه منطقه الخبر او الدمام يزعل زوجي وكاني انتقده هو.. لمى انتقد شارع ولا لوحه ولا مطعم يززعل.. اخرها انتقد السكن الي احنا فيه انو وسخ ومافيه نظافه وعصب حييل قال انتي مايعجبك العجب؟!!! انا عبرت عن رايي فقط.. قالي انتي اذا ماحبيتي حاجه نقدت كل مافيها الا وهي منطقه الشرقيه يقصد قلت له انا مانتقد بس في اشياء صعب اتعايش معاها.. لنفرض اطلب منه رقم صاحب السكن الي احنا فيه بشتكيه من قذاره من يسكن جوارنا في نفس السكن ويرفض رفض تام ويقول انا راح اكلمه؟؟ انا عارفه شخصية وجي هادئ ومسالم ومستحيل انه بيتصل على صاحب السكن لكي ينتقد او يوضح الاخطاء والعيوب الي فيها... هو يزعل كثير مني ويحس اني انسانه مزعجه وانتقد كثير ومايعجبني العجب!! انا ماابغى هالنظره تثبت لاني لسى صغيره عمري 23 سنه ماني عجوز ومزعجه مثل ماهو يقول؟؟ لكن انا انتقد كثير تصرفاته لانه ماعنده حسن التصرف بالاول كنت اسكت بعدين قلت مافيها شي انا زوجته شريكه حياته المفروض انه مع التعايش يتعود ويتغير جذري من السلبيه وسؤ التصرف... لكن للاسف الظاهر انها ماتنفع لانه يعتبره قوه في شخصيتي ولقافه واشياء مالها داعي!!! المشكله انه زاد الوضع صار ينرفزني كثير ومااحب اوصيه على اي حاجه يشتريها لي وبنفس الوقت هو حس بهالشي ...وانا ماابغاه يكرهني وتضيع حياتنا؟؟ مالحل؟؟ مثال لسؤ تصرفه: مره طلبت منه يشتري لي محلول عدسات واتي لي بمحلول محذر منه بالجرائد ومواقع النت وكل مكان وهو من الناس المطلعه تماما وبعد فتره نبهتني قريبتي بعد ماشافت المحلول معاي.. فسالته شلون تشتري لي محلول عدسات يسبب العمى؟؟ بكل بروود رد علي وقال انا شعرفني؟؟؟؟؟؟ مره كنت عازمه ناس يجون يسبحون في مسبح باستراحه ابوه ومن قبل وانا اقوله دق على الحارس بالاستراحه ينظف المسبح ويقول يابنت الحلال فيها فلتر انتي وش فهمك بهالامور بالاخير جو ضيوفي وندخل ع المسبح ونلقااه ملياان ترااب؟؟ واقوله شفت نهايه تصرفك..قال ايه شعرفي انا بعد؟؟؟؟؟؟؟<<يرفع الضغط قلت له المفروض انك مكلم الحارس؟ قال انا مو كفيله عشان اامره ابوي كفيله؟؟ مره قلت له ابغى عمال ينقلون العفش الي بيتي بغير اشياء فيها رفض!! قلت له طب جيب سواق اهلك مع العامل الي عندك يشيلو الاغراض!! عصب قال تحسبين الناس تشتغل عندك..!! شفيها انا بعطيهم فلوس وهم بنفس الوقت يشتغلون عندك وعند ابوك.. مافي احد غريب؟ بايش انا اهنتهم؟؟ صرنا نختلف في كل شي؟ نعصب ونترفز من اي شي؟ شرايكم... من الخطاء ومن الصح؟؟ هل هو رسمي بزياده او بارد او سلبي؟؟ ام انا الي اتدخل في مالا يعنيني؟؟؟؟؟؟؟؟؟؟؟؟؟؟؟؟ رجاء رد عاجل.. المصدر: نفساني
|
||||
|
|
|
27-07-2007, 08:15 AM
|
#2 | |
|
عضو مميز جدا وفـعال
|
ابنتي الفاضلة / بنت عبدالرحمن وفقها الله
أشكرك على ثقثتك بهذا المنتدى ودخولك فيه للمفاهمة حول حالتك مع زوجك ، أنا شخصيا لاارى أن فيه مشكلة جوهرية تزعزع عشكم الزوجي هي مجرد خلافات يسيره لأنك أنت حارة وجادة أكثر من اللازم وزوجك بارد أكثر من اللازم ، فطباعكما تختلف ومثلكم كثير من الأزواج ، ومع مرور الوقت تعتادين عليه ويعتاد عليك ، وإذا كان لي من كلمة حول هذا الموضوع فالأفضل لكما المصارحة والمكاشفة وحل خلافكما على نار هادئة بدون زعل ولا نرفزه ،ولا يطلع أحد على مابينكما من خلاف حتى لو كان أقرب الأقربين وتمسكي بزوجك فأنت محظوظة على هذا الزوج الهاديء ، ماذا تقولين لوكان عصبيا متسلطا هل تعجبك هذه الصفات فيه ، لينظر كل واحد منكما إلى الصفات الأيجابية في الآخر ويوازن بينها وبين الصفات السلبية فإذ تغلبت الصفات الإيجابية على السلبية فحياتكما طبيعية وهنيئا لكما وتقبلي تحياتي وتقديري 00ابراهيم الدريعي 00 |
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
