|
|
||||||||||
عيادة المشكلات الزوجية والأسرية للوصول الى الإستقرار الزوجي والأسري |
|
أدوات الموضوع |
29-10-2007, 11:11 AM | #1 | |||
عضو
|
زوجي ؟؟؟ غريب
بسم الله الارحمن الرحيم
ابدأ في طرح المشكله انا عمري 25 وزوجي 35 وهو مطلق وعنده 5 اطفال ... وحاليا صار لنا متزوجين 8 شهور زوجي في صغره تربى في بيت عمته اللين عمر 8 سنوات وبعدها رجع الى والديه لان كانت عندهم مشاكل يعني مو متفقين ودايم مشاكل وسافر ابوه وامه لبلاد برى للدراسه وواخذته عمته تربيه؟؟؟ يعني فاقد حنان ومرات يقولي انه مش راضي عليهم كيف يخلون غيرهم يربيني؟؟وفيه نوع من البخل مو على نفسه على غيره مثلا ولامره انا طلبت منه فلوس وعطاني على طول يماطل وليش وكيف وباقي وووواللين يعطني ومو كل المبلغ ؟؟ زوجي مرات احسه اطيب انسان فالدنيا ومرات احسه احقر انسان ؟؟مشكلتي معه اولاده ؟؟ انا انسانه تربيت في بيت ممنوع احد يدخل غرفتي ممنوع احد يمسك اغراضي ممنوع ووووو؟؟ وفجاه لمن تزوجت عياله يخربون اغراض بيتي يوسخونه وووووووصلت مره انه نومهم في غرفت نومي وطبعا قلبت الدنيا فوق راسه ومارجع يكررها مره ثانيه بس لما اتكلم لاتوسخون شيلو اغراضكم ووو يعصب علي ويثور ويصير انسان ثاني وانا طبعا ارد عليه لاني ما اسكت وادافع عن بيتي اهو ياخذهم كل اخر اسبوع ولمن يروحون يجيب خدامه تنظف من وراهم .؟؟؟ لا ن شي طبيعي ما بنظف ورا عياله وانا لمن يجون اروح بيت اهلي ويوم يروحون ارجع تفادي للمشاكل؟؟ اخر مشكله صارت من 4 ايام اجو عياله البيت واهو طلب اني اتم معاهم هذا الاسبوع وقلت اوكي عشانه ؟؟ كالعاده بدأو بحركاتهم ياكلون ويخلون صحونهم ووو المهم قمت الصبح ما لقيتهم طلعوا مع ابوهم يجيبون فطور وما قدرت اقعد في الصاله لانهم عافسينها بفراشهم قلت خلاص لمن يجون اكلم ابوهم احسن عشان يشلون الفراش ونقدر نقعد ويوم جيت اكلمه ليش ما خليتهم يشيلون فراشهم قبل لاتطلعون قال عشان مانتأخر قلت خلاص خل يشيلونه اللحين قام عصب علي ويصارخ وانا اقول خفض صوتك عيالك موجودين واهو يزيد عاد انا ما سكت قعد ارادده كلمه بكلمه وعياله يسمعون وصارخت بصوت عالي قلتله انا مااحبهم مااحبهم مو بالغصب ؟؟ قام يستهبل ينادي عياله وفتح باب غرفتي عشان يقعدون في غرفتي عناد لي رحت انا سبيت قلتله انت اهبل ومريض نفسي روح تعالج ارحم نفسك وطبعا عياله كانوا خايفين واهو يقولهم عادي شي طبيعي وقعد يسبني يقول انتي خايسه حماره وقليله ادب ومسكني مع خدي قدام ولده <<<صدق انه ما يستحي .. ونسيت اقول انهم يتعبثون في الكمبيوتر واقوله مااحب احد يغير شي يقول عادي خليهم اطفال؟؟؟ وطفى الكمبيوتر علي وانا كنت اشتغل عليه وعصبت اخذت التحويله وفصلتها وحطيتها في الدرج بعدها يجي يقول يلا يافلانه تعالي العبي بالكمبيوتر عشان يغايضني وحلفت انها ما بتلعب ونفذت اللي براسي؟؟ مع العلم ان بنته الكبيره عمرها 13 والولد 12 واللي بعده 10 يعني كلهم فرق سنه بس... كلمت اخوي عن السالفه واتصل عليه وقاله اذا بيتك ما وسعها ترى بيت ابوها اوسع واذا عيالك جو عندك ترجعها بيتنا اللين ما يروحون وعقب تجي تاخذها وماتتلفظ بألفاظ خايسه وووو؟؟؟ المهم يوم رجعت البيت تم يقولي انصحج انج ماتطلعين اسرار البيت ولاتخربين علاقتي بأهلج قلتله انا مااطلع اسرار بيني لكن هذا شي ما ينسكت عليه لانك مسختها تصارخ جدام عيالك تسوي نفسك قوي واخذنا وعطينا في الكلام وقلتله انت ماتعرف ادافع عن نفسك عشان كذا تقعد ادزني ؟؟ سكت قالي هذي نقطة ضعف خلاص لاتنرفزيني واطولين لسانج؟.؟ وييقول انتي ما بتحسين بقيمة الاولاد الا اذا كان عندج ؟؟ ومستحيل تحسيتن اللي انا فيه ... وعلى فكره انا حاليا حامل اول مولود؟؟ بصراحه انا داخل قلبي ما احبه ...احس اني عايشه بجسم فقط حتى لو يقول يكلام حب وانا بعد راد عليه بس مو من قلبي مااعرف كيف اوصف لايوجد حب له في قلبي لكني اشفق عليه...مرات افكر في الانفصال مرات احس اني ظلمت نفسي بهالزواج. قبل ما تصير المشكله بكم يوم كان يقولي انااحبج خلاص انتي ملكتيني والله لايفرقنا ووووو فعلا الكلام طالع من قلبه مع العلم انه انسان تقي يعني ملتزم ويخاف الله ماعنده حركات مخله بالاداب او خارجه عن نطاق الدين بيته وعياله ودوامه وشوي ربعه وبس... لكن تصرفاته مرات ترفع الظغط تقهرني تخليني اكرره اكرره.... اتكلم عن طليقته شوي؟؟ استمروا مع بعض 10 سنوات تقريبا لكن يقول انها كانت مكاره واهو ما يفهم تصرفاتها ما فهم الا اخر 3 سنوات وكانت مشاكل كثيره بينهم لدرجة انها كانت تخونه واهو ما يدري واكتشف هالشي بعد الطلاق وللعلم طلقها مرتين قبل الطلقه الثالثه واخر كلمه قالتها له ((على فكره انت طيب وبسرعه ينقص عليك)) يعني هذي اخر العشره مع انه خلها تكمل دراسه وسياره وشغل ووو معطيها كامل الحريه والثقه؟؟؟ وقبل شهر كان يشكي ويقولي ان بنته قالتله ان شافت رجال في بيتهم مع امها الساعه 2 في الليل وولده يقول امي تقوف عند الاشارات وتكلم شباب ؟؟؟ ومرات يتصلون رجال على تلفون البيت؟؟ مع انها حاضره عليهم تلفون البيت تقولهم ممنوع احد يرد عالتلفون؟؟ وتراها ماتخلي الاولاد يتصلون على ابوهم ممنووووووووووووووووووووووع وتحرض عيالها علي تقول انتبهوا من حرمة ابوكم ؟؟ ومره ارسلت لبيتهم كيكيه يمناسبة نجاحهم جت البنت الصغيره تقولي امي مااكلت من الكيكيه تقول خالتكم جابتها ؟؟؟ وتحرضهم على ابوهم بس اهم يحبونه وايد لانه مدلعم ويخليهم على كيفهم عكسها بالظبط...والبنت جات فتره تدوخ فاليوم 4 مرات وودوها المستشفى طالع ما فيها شي اخر شي حولوها على الطب النفسي... اريد حل لهذي المشكله الغريبه ..... المصدر: نفساني
|
|||
|
20-11-2007, 04:18 AM | #7 |
محلل نفسي ومستشار الشؤون الأسريه والمجتمعيه
|
السلام عليكم ورحمة الله
موضوعك ياسيدتي يحتاج للكثير من التفصيل حيث أنك ركزتي على ماهو لك وتم العلم لدينا دون أن نعلم مايقوم به الزوج من دور لإسعادك لنا عودة تحياتي ,,, |
|
26-11-2007, 11:22 AM | #8 |
عضو
|
لا اله الا الله والله حالتي حاله نفستي مدمره ..............زوجي تغير فجأه للاحسن قام يدلعني اكثر ويلبي طلباتي وووو انا بنفسي مستغربه في النهايه اكتشفت انه يبغى يجيب عياله يعيشون عندي؟؟؟؟؟؟؟؟ يقول لا مو هذا السبب انا اكتشفت فيج اشياء ماكنت اعرفها وهذا اللي خلاني احبج واتقربلج اكثر ؟؟؟؟ويوم قلتله ما قدر استقبل عيالك يزعل ويقول انتي ما تحبيني ؟يقول انتي لازم اتضحين عشان تسعديني وانا ما بقصر معاج بشي والله شاهد علي؟؟ بتشوفين اشياء ما شفتيها في حياتج وووووو؟؟؟؟؟ بصراحه انا ما اثق فيه بكره اذا خاصمت احد من عياله اتوقع انه يرميني في الشارع وانا اصلا ما اقدر اتحمل اي مخلوق يعيش معاي اقوله انا شو ذنبي اذا امهم ماتعرف تربيهم ليش انا اتحمل المسؤوليه يقول انتي مالج خص انا بحط خدامه واهي اللي بتهتم فيهم ؟؟؟؟ يقول انا برتاح اكثر وبحبج اكثر اذا وافقتي ان العيال يجيون وما بقصر معاج معاج بشي لانج عطيتني شي كبير؟؟؟؟؟ انا صليت استخاره لكن نفسي مش راضيه ومش موافقه بس افكر اني استقر فحياتي ما اريد اخرب بيتي؟؟؟ ما اريد ارجع لاهلي لاني ما صدقت اني طلعت من عندهم ؟؟انا احب زوجي بس مش مستعده اضحي بحياتي من حقي اعيش بروحي مع زوجي وبيتي واستقلاليتي واهو يقول والله من حقج وانا حاس فيج بس هذي فيها ضياع اطفالي لان امهم ما تعاملهم زين ووووو وما يحبونها ويقولن لابوهم نحن نبغا نعيش عندك بس انا راااااااااااااااااااااافضه ؟؟؟ انا احس نار فصدري قلبي محروق ليش كذا حظي اللهم لا اعتراض لكن ليش ما اعيش حالي حال اي بنت فعمري مرتاحه في بيتها مع زوجها؟؟؟؟؟؟؟؟؟ بليز ساعدوني الله العالم بحالتي
|
|
10-12-2007, 01:37 PM | #11 |
مراقب سابق
|
يا ايها الذين امنوا اتقوا الله و لتنظر نفس ما قدمت لغد و اتقوا الله ان الله خبير بما تعملون
و لا تكونوا كاللذين نسوا الله فانساهم انفسهم اولئك هم الفاسقون لا يستوي اصحاب النار و اصحاب الجنه اصحاب الجنه هم الفائزون |
|
21-01-2008, 01:08 AM | #14 |
الرئيس
الرئيس
|
اختي الكريمه
ماهي نوع المساعده التي تريدينها ؟؟ هل تتوقعي أن نقول لك إرمي أبناء زوجك في الشارع ؟؟ إن كان زوجك مصر على احضارهم لبيته ، فلماذا لا تكسبين أجرا بهم ، وتكونين كأمهم ، وهذا في ميزان حسناتك ،،، خصوصا أنك تعلمين انه متزوج ولديه اولاد ... حاولي أن تكسبي رضى الله ورضى زوجك ،،، وليس هناك خسارة إن شاءالله من خلال التجربه ، حاولي ان تقبليهم لديهم ، وتكسبي فيهم أجر عند الله ،،، ولا داعي تخاصمي احد الأبناء ، حاولي أن تكوني امهم او أختهم ، اكسبيهم لصفك ،،، فهم سيمنحوك الإستقرار والهدوء في بيتك ، ولن يشاركوك بهذا الزوج غير أنه والدهم ،،، كوني هادئه |
|
01-02-2008, 12:50 AM | #15 |
عضـو مُـبـدع
|
زوجك طيب يا اختي
احمدي ربك على طيبة قلبه وطيبته واضحه من طريقته مع اولاده وحرصه على راحتهم . فلما لا تحرصى انتي على راحتهم وتكوني اما او اختا فهنا ستحظي بقلبه واحساسه الذي تفتقديه لا تخسري قلب طيب بسبب انانيه ليس لها معنى تخلي عنها يوم او يومين بالاسيوع وقت وجودهم واحظي بها وبالحب باقي الاسبوع عيشي بسلاااااام تحيتي روزاا |
التعديل الأخير تم بواسطة روزانه ; 01-02-2008 الساعة 12:54 AM
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|