ضرب زوجتي بلا شفقه

ضرب زوجتي بلا شفقه

بسم الله الرحمن الرحيم

السلام عليكم
هذه اول مشاركه لي بعد ماتعبت من كل المحاولات
انا عمري 25 سنه من المنطقه الشرقيه خاطب (مالك) صار لي سنتين طالب جامعي في السنه الاخيره اخذت خطيبتي عن طريق حب في الجامعه كانت حياتنا اول 7 اشهر مافي احلى منها تفاهم وحب وراحه بال وصارت تدخلات من صاحباتها على ان يريدونا ان ننفصل ارسلو شباب ليكسروا سيارتي وتهديدات على التلفون ومضايقات على تلفون البيت ولحد الحين ماحصلنا حل لهذه المشكله
خليني ادخل في الموضوع:
انا انسان عصبي جدا أي شي حتى لو مزاح يعصبني ومن كثره العصبيه جالي الضغط والكروسترول ولا ارضا احد يجي لي ويقول اني غلطان او يصارخ علي ولا احب احد اقول له شي ويقول لي لا روح ماني مسويه
من الضغوطات الي صارت علي من كثره الاختبارات والتفكير في المستقبل صرت اجلس ساعات كثيره على الشيشه حتى ساعات اشرب مرتين الى ثلاث في اليوم من كثر الضغوطات ومن كثر ماانا عصبي صرت اضرب خطيبتي هي بعدها ماصارت زوجتي وانا اضربها حتى يكون عليها جروح واثار عميقه ماتذهب الا بعد سبوعين وقت الي اضربها ماعرفها ولا اهتم بلي بيصير لها بعدين لما ارتاح واشوف الكدمات قلبي يعورني مااقدر حتى احط عيني في عينها واجي اعتذر لها صار الضرب مثل شرب الماي على اقل شي اضرب مستحيل يمر سبوع بدون ماامد يدي مرتين الى ثلاث وقلبي يعورني بصراحه صاير مثل الوحش وهي شبه يتيمه وانسانه طيبه حرام الي اسويه معاها وانا بصراحه ماابي انفصل عنها ابي عمل حل لغضبي أي شي اقول بيني وبين نفسي هذا الحين بعدين لما نتزوج لما اروح الدوام واجي انام واشوفها في اليوم ساعتين وثلاث بيخف الضرب والصراخ وبنصير متفاهمين اكثر. او هذا من طول الخطوبه صارت حياتنا بهذه الطريقه؟؟؟؟
ارجو من الدكاتره مساعدتي لان صار لي سنتين على هذا الحال حياتي في تدهور كبير وانتو بعد الله اخر املي وانا مستعد اعمل المستحيل لجعل حياتي سعيده ومتفاهمه
وشكرا

المصدر: نفساني

اخي الكريم
من الأفضل لك مراجعة اخصائي علاج نفسي في أي عيادة في منطقتكم ، وان شاءالله يساعدك افضل وأسرع من الردود هنا في الموقع ،،،،
انت تحتاج أخصائي علاج نفسي بالسرعه العاجله ،،،
لك مني كل التحيه