ماأدري وش فيني بالظبط

ماأدري وش فيني بالظبط

السلام عليكم وحمة الله وبركاته

انا عندي مشاكل مربكتني ومسببه لي قلق

انا تعرضت لعدة صدمات هي سبب مشاكلي النفسيه

انا انسان ماعندي مشاكل بطبيعتي ولله الحمد (من صغري )

اول صدمه تعرضت لها من ولد عمي اعتبرته صديق وكل ماملك

اعطيه حتى سويت له خدمات ماسويتها لاخوي كان بينا صداقه لكنه

انسان اناني يحب نفسه وبس ومهما سويت له يحسسني انها ولا

شي واذا هو سوى شي عادي يحسسني انه معروف ماسواه لاحد

وانه هو الي يضحي بكل شي عشاني مع انه مستحيل يضحي

بختصار انسان انتهازي يبغى الناس يخدمونه وعايش على جرح

مشاعر الاخرين مع العلم انه انسان محبوب وشخصيته جذابه لكنه

يضهر بشخصية انه الانسان المظلوم وصاحب القلب الطيب وهو

عكس ذلك تماما اسف اني طولت بس كنت محتاج افضفض الانسان

هذا غدر فيني وسوا فيني حركه تقهر حيل مرتين بغض النظر عن الحركه لكنها قهرتني وكل ماتذكرها اقول ليتني رديت عليه بكلمه قاسيه تجرحه مثل ماجرحني وتكرر الاشياء هذي اني اقول ليتني رديت عليه في وقت الموقف واحس بقهر واكتئاب وهي بدايتي مع الاكتئاب لدرجة اني اسولف مع نفسي احيانا بدون احس القى نفسي اتكلم بالكلام المفروض اني اقوله في نفس الموقف وقد يكون هذا قدام الناس بس يطلع مني بدون احساس وانحرج قدام الشخص
لدرجة احيانا تجيني افكار مثلا اني اسوي شي بسيارته مثل ماقهرني وانا ماسويت له شي وغير الكلام الي يوصلني انه يحش فيني وطبعا هو شخصية محترمه ومحبوبه واكيد الناس يصدقونه لانهم يرتاحون له ويحترمونه وذلك بسبب اني وقفت في وجهه وقلت له لا ماراح اكون مطيع مثل اول لي شخصيتي ولي رأي ولن اتبع طريقتك واكون امعه

الصدمة الثانية : من صديق لي كان يتكلم فيني اذا رحت واذا جيت يمدحني ويرحب فيني والمشكله قدام اعدائي يسبني يعني انسان له وجهين ومره من الايام كنت مع زميل وكان يكلم صديقي وقلت لزميلي اساله عني طبعا ماكان يسمع صوتي فسبني صديقي في التليفون وانصدمت فيه انا صاحب شخصية حساسه ولما كشفته واجهته وحاولت استفسر على الاقل يعتذر ضهر على حقيقته وصار بطرف اعدائي ويضحك امامي وماهمه اي شي تضايقت كثيرا لان طيب حيل

الصدمه الثالثه من اخي ؟؟؟؟؟؟؟؟ من ابي وامي

المصدر: نفساني

الصدمه الثالثه من اخي ؟؟؟؟؟؟؟؟ من ابي وامي
اخوي كنت مطيع له بشكل غير طبيعي واذا حسيت اني انظلمت وعارضت
يستخدم اسلوب التهزيء واسلوبه مره يجرح ومابي اسوي مشاكل واطيعه
احس انه هو سبب القضاء على شخصيتي لانه دايم يحاول يطلعني انا الغلطان
وهو الصح عشان انصاع له بكل شي بحكم اني ماعرف شي في الحياة وانه هو
الفاهم ومافيها شي اذا الواحد يسال الي اكبر منه الى ان جاء اليوم الي وقفت في وجهه لما زوجته هاوشت امي واهانتها انتقاما مني لاني ماتزوجت اختها ؟؟؟؟ مع العلم امي هي الي اختارتها لانها سوريه وماعندها جنسيه وتبي تاخذ اجرها المصيبة الكبرى ان اخوي وقف مع زوجته وماغلطتها ولا حتى عاتبها بل طلعها هي الصح وامي هي الغلطانه بل كان يضحك يوم هاوشت امي ؟؟ والمشكله ان هو انسان ملتحي وامام مسجد ؟؟؟؟؟؟؟؟؟؟
وفعلا البنت قهرتني بسبب اني رفضت اختها ؟؟؟؟؟؟ انا ماسكت بل سبيتها وسبيته هو وكبرت المشكله ماقدرت اضبط مشاعري وانفلت وصرت انسان عصبي بدرجه كبيره وانقهرت كثير وامي انسانه كبيره في السن وفيها ضغط وسكر وماكانت سعيده بحياتها مع ابوي لان اخوي طالع على ابوي مايهتم الا بمصلحة نفسه وبس والحياه معهم تجيب الهم بس امي صبرت عشان عياالها
بس مهما كان هو ابوي واحترمه بس انا قلت الواقع المر
انا الحين احس اني كنت نايم والصدمات هذي صحتني من حلمي الي كنت فيه طيب حيل زياده عن اللزوم وصرت انتبه وش يصير لي وصرت اميز عدوي عن صديقي لكن احيانا كل ماتذكر المواقف هذي يجيني اكتئاب غصب عني وماقدر اضبط مشاعري لدرجة القى نفسي اسولف بالكلام الي مفروض قلته بنفس الموقف لاخوي او صديقي او ولد عمي بدون احس حتى لو في ناس عندي ويسبب لي احراج كبير كيف اضبط مشاعري وش احتاج اسوي انا فيني صفه وحده مبالغ فيها وهي الخجل بسبب اللتغه في حرف الراء لدي هل اقدر اعالج مشكلة اللتغه ووين ؟
عندي شرود ذهني بشكل كبير ماقدر اركز في فكره معينه احس الافكار ناقصه وبسرعه تختفي كنت طالب متفوق جدا جدا بس الحين اهملت دراستي صرت انسى بسرعه وبشكل مو طبيعي تركيزي ضعيف جدا جدا كيف استعيد قوة تركيزي ؟ عندي كذلك احلام اليقضه بشكل كبير كيف اتخلص منها خاصه انها تاخذ وقتي في صلاتي ماصحى منها الا وقت التسلميه
كيف اتعامل مع الي يحاولون يستغلون طيبتي ؟
وش العلاج احتاج طبيب نفسي ولا محتاج ؟ ولا يكفي التوجيه ؟
مشكورين
اذا عندك سؤال لي انا جاهز في اي وقت اتمنى التوفيق للجميع

صباح الورد المديني

لك خاصة عم نواف

الأحداث التي حصلت لك كانت في الماضي هل التفكير فيها او لوم النفس و عتابها على تقصيرها في انها ما قالت كذا و لم تفعل كذا سيعيد شيئ أو سيعدل الحال ؟؟؟

تعرضت لمواقف و خبرات كانت بمثابة مدرسة لك تعلمت منها

و هذا الجميل في الحياه ان نتعلم من اخطاء ماضينا حتى نضمن سعادة مستقبلنا

انا الحين احس اني كنت نايم والصدمات هذي صحتني من حلمي الي كنت فيه طيب حيل زياده عن اللزوم وصرت انتبه وش يصير لي وصرت اميز عدوي عن صديقي

هذه هي بداية طريق السعاده بداية إثبات الذات

عيش للمستقبل و فكر باليوم

و لا تلتفت للماضي

لأن سيطرة الماضي على تفكيرك ستمنع تقدمك و قد تدفن مستقبلك

اخي الفاضل

تحتاج إلى اخصائي علاج نفسي من اجل تدريبك على مهارات سلوكيه إجتماعيه .

تمنياتي لك بمستقبل سعيد

تقبل تحيتي و عطر ورودي