|
|
||||||||||
عيادة المشكلات الزوجية والأسرية للوصول الى الإستقرار الزوجي والأسري |
|
أدوات الموضوع |
11-08-2008, 02:55 AM | #1 | |||
عضو جديد
|
ساعدوني ابي رايكم
السلام عليكم ورحمة الله وبركاته ...
انا ابي رايكم بكل صراحه في موضوع متعبني كثير ومالقيت حل فكرت كثيرلكن ماوصلت لقرار ساعدوني اذا تقدرون ... .... خطبني شاب واعترف لي انه كان في الماضي على علاقه مع بنت اجنبيه وكان عايش معها زي المتزوجين وان هذا الشي كان في الماضي وانه تاب ويقول انه صريح معي ولاماكان قال وانا قلت شي من الماضي ليش احاسبه عليه ويقول كل الرجال كذا انا طنشت الموضوع وما فكرت فيه قلت ماضيه مايحق لي احاسبه هذا موضوع وانتهى .... المشكله اللي ابي رايكم فيها انه للإسف في هالإجازه كان مسافر لأكثر من دوله مع اصدقاءه ويوم رجع سألته وش سويت هناك كنت حاسه انه مسوي شي قالي ان اصدقاءه كانوا جايبين بنات وهو مارس الجنس معهم ويقول الشيطان شاطر وانه بعد اللي سواه ندم وجلس يصلي ويستغفر انا كنت مصدومه مدري وش أقول ويقول انا رجال أعزب وان الرجال المتزوجين يسون كذا كيف انا اللي أعزب ...يعني معقوله ان الكلام اللي قاله صدق يعني كل الرجال كذا حتى المتزوجين ليش ....انا من كلامه اللي قاله حسيت اني كرهت الزواج والرجال وكل هالعالم معقوله الرجال مايقدريصبر لين يتزوج انا أفكر اني ارفض هالزواج انا يوم قلتله انا ماأبيك وانت هذي اخلاقك يقول لو كذبت عليكي كان احسن انتي الواحد يكذب عليكي وتعشين مخدوعه احسن من الصراحه اخرشي ...يعني يبغى يقولي اني ماينفع معي الاالكذب ليش الدنيا كذا يعني لو رفضته اكيد بيجي اللي يكذب علي مثل ماقال هو انا محتاره ماأدري اوافق عليه ولا أرفضه انا افكر ماوصلت لقرار وصليت الأستخاره اكثر من مره احيانا اقول ابيه واحيانا اقول لا وبعد ماأصلي الاستخاره احس اني ابيه بس خايفه من الخيانة وأصدقاءه هم اللي مشجعينه على الغلط اكيد مايقدر يستغني عنهم وبيتكرر هالشي وبيقول الشيطان شاطر واني صليت واستغفرت ...ويوم قلت وين دينك وين خوفك من ربك واخلاقك يقول انا خايف من ربي جلست اصلي واستغفر واذا على الأخلاق وش دخل الاخلاق بالغريزة والشهوه الجنسية ....انا استغرب كلامه ورايه في هالموضوع هل هذا مرض نفسي ولا سلوكي يعني لو تزوجته يمكن مايترك هالشي في بعض الرجال أمراءه واحده لاتكفي اخاف انه من هالنوع ...وصراحته هل هي شي ايجابي ولا سلبي في الرجل ...... انا ماادري محتارة كيف اتزوج واحد وانا عارفه عنه هالشي وهالاخلاق ؟نا خايفه اندم وخايفة من الخيانة ياليت تساعدوني أرفض هالزواج ولا اوافق عليه ؟؟؟؟ وين القى الرد على ايميلي ولا في المنتدى مكتوب خاص كيف الطريقه .... اتمنى ترسلوا على ايميلي كيف طريقة الرد وشكرا المصدر: نفساني
|
|||
|
11-08-2008, 10:43 PM | #2 |
محلل نفسي ومستشار الشؤون الأسريه والمجتمعيه
|
السلام عليكم ورحمة الله
من قال ياسيدتي أن الرجال مخادعون وأن هذا نهجهم وديدنهم ؟ سيدتي إن ضعف الإيمان يؤدي إلى الفسق والفجور وكلام خطيبك مردود عليه أما فيما يخص أن الشيطان هو الذي غلبه فذلك من وسوسة النفس والتعذر بما هو واه , وقوة الإيمان هي ????? المتين سيدتي إذا كان سؤالك هل تأخذينه أم لا , فليس لنا الحق في إجابتك لأنه ومهما كان فلعل فيه الخير ولو بعد حين هناك نقطة أخيرة وهي أن ما يفعله قد ستر الله عليه فيه , فكيف يأتي بذنب ثان ليفضح نفسه أمامك ؟ مع التحية ,,, |
|
12-08-2008, 02:39 AM | #3 |
عضو جديد
|
شكرا على الرد
بس يادكتور انت ماأفدتني في الموضوع ابد يعني انا قلت لك القصة كلها وكنت ابي رايك النفسي والسلوكي يعني تتوقع هالأنسان بيكون فيه خير او ان هذا سلوك مايقدر يتركه وهو انسان ناجح يعني انا مو كل يوم القى واحد مثله هو عنده هالعيب اللي مايحتمل انا كنت اقول يمكن لأنه ماتزوج لو كان متزوج ماهو محتاج يسوي هالشي انا محتاره وش اسوي ..... وعلى موضوع ان الله ستر عليه ليش يفضح نفسه هذا لأنه يقول انه انسان صريح ومايكذب افهم من كلامك انت ماتأيد الصراحه يعني لو كذب علي كان احسن غريب ..... |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|