|
|
||||||||||
ملتقى التجارب الشخصية للحالات الأخرى في حياة كل منا لحظات ومواقف تنقله إما إلى الأحسن و إما إلى الأسوأ، شارك معنا بنقاط التحول في حياتك فقد تكون نقاط تحول للأخرين |
|
أدوات الموضوع |
14-09-2002, 02:07 PM | #1 | |||
عضـو مُـبـدع
|
صديقاتي محيريني وش اسوي علموني
السلام عليكم يا جماعة الربع
احكي لكم قصتي والرجاء منكم افادتي ومساعدتي انا ياجماعة عندي صديقات بالهبل والحمدلله على هذه النعمة ادري ان فيه منهم ما عندهم سالفة بس الاغلبية بنات محترمات وعلى قدر كبير من العقل الراجح طيب بس وش المشكلة ؟؟؟؟؟ ايه فيه كم وحدة من المقربات جدا باطين تسبدي ولا ادري وشلون اتصرف( معهن المشكلة ان وحدة منهم متزوجة من آل ...........والاثنتين الاخريات ما عليهم زود وكلهم يجتمعون في خصلة واحدة انهم مسوين ثقل ولا مدري وش الوضع .....يعني اذا حبينا نجتمع وتواعدنا في مكان ولا في بيت وحدة من الشلة ما يجون الا اخر ناس يعني اذا بغينا نسري لبيوتنا مهيب مرة ولا مرتين كان نقول ظروف الا دايم كذا ..................حسيت انهم مسخوها وحاولنا نطنشهم ,نكلمهم ما فيه فايدة....... بعد ما رجعت من السفر كلموني وقالو يا فلانه ودنا نشوف بعض وبعد مشاورات ومحادثات على وين نجتمع قررنا ما هو ات اننا نجتمع في مطعم في احد المجمعات التجارية الساعة السابعة ............وبالفعل اختكم في الله من كثر ماهي مشتاقة لهم حاولت انها تكون جاهزة على الوقت ,وصار السواق مو موجود قال زوجي انا اوديك على طريقي وارجع اخذك وبالفعل رحت وانتصيت في ذاك المجمع من الساعة سبعه وكلمتهم ولا احد يرد على جوالاتهم وكل شوي ادق لا نه ما جيت للسوق عشان انطق فيه, ولا انا توني جايه من السفر والاسواق طالعه من خشمي لكن الشوق(امحق بنات مو كفو) ,المهم الظاهر انهم افتشلوا من مكالماتي وكل وحدة تقولي ان هنا ابنزلك الحين والثانيه تقول انا عند مدخل السوق وانتظر انا يالمسيكينه ولا لهم اي غبرة , وكل اشوي اهدي في نفسي الين ما عاد قدرت وكلمتهم قلت لهم يا تجون الحين ولا ابطلع .......... وحدة قالت انا عند المحل القريب من المطعم والثانية اكتشفت انها رايحة تقص شعر شغالتها (شف الفراغة) وتوها تبي تجي .............اية وش سويت ..عطيت كل وحدة فرصة خمس دقايق عشان ما اقول اني تسرعت فس تصرفي اللي بيصير بعد شوي........طيب طيب باقولكم خلوني اكمل ......رحت وتعوذت من ابليس وقام دق علي زوجي :هاه متى تبيني اجي قلت له على راحتك ..قال ربع ساعة واصير عندك قلت طيب ........... وش سويت؟؟؟؟؟؟؟؟ اتصلت وحدة منهم بعد ساعة ونصف وقالت انت وينك وانهدت علي وين رحتي هماك تنتظرينا من اليوم .........قلت الجمدلله انك قلتيها بنفسك اني انتظر المشتاقات لي .............لكن انا اسفة انا طلعت من السوق وراجعه للبيت واكتشفت انكم مشتاقين للسوق اكثر مني يالمخفة (اللي هي انا )واذا كنتم تبون السوق ليش نتواعد فيه لكن الشرهة علي, على بالي انكم تعدلتوا وصرتوا تقدرون اللي يشتاق لكم ويالله مع السلامة ................هذا الكلام موجه لصاحبتي آل.. والثانية قامت تكلم على جوالي كم مرة بس اني ما رديت عليها وجاء زوجي ورحنا للبيت وانا مقتنعه ان اللي سويته صح ........... والحين صار لنا حوالي اسبوعين ولا احد كلم احد وتوتا توتا خلصت الحدوته ........ وش رايكم الحين ياليت تقولون لي عشان اعرف اللي سويته صح ولا .......ادري طولت عليكم بس فعلا محتارة لانهم بنات طيبات وحبوبات ولا ودي اخسرهم عاد لا تبخلون بردكم علي :( :2: المصدر: نفساني
|
|||
|
14-09-2002, 05:17 PM | #2 |
عضو نشط
|
مسى الخير
حبيبتي الخياله
اللي سويته كان لازم يصير يعني انا لو كنت مكانك كنت سويت نفس شي لانو هيدي مش اول مره يعني على قولتك اول مره عذر وتاني مره عذر وبعدين يعني يستاهلون الكلام اللي طلع منك وبصراحه بعد انا لو مكانك ما اراضيهم لان عدم احترامهم لموعدي يعني عدم احترامهم لي انا وانا استغني عن اي شخص ما يحترمني بعدين واذا كانت متزوجه من أل..... يعني اذا تزوجت منه رح تنسى ماضيها تنسى اصحابها وخلانها تنسى الاخلاق والاحترام من متى كان المال هو كل هو يلي يخلينا نكتبر على حبايبنا صدقيني هيدي البنت نفسيه مش منيحه لان يلي ينسى ماضيه ماله امان وانت ما تعتذر منها لانها هي الغلطانه هي لازم تعترف بغلطها وحتى لو تصالحتو خليكي معاها رسميه شويه علشان تعرف قيمتك اوكي لان متل ما هي بنت الناس انت بنت ناس مو حلوه منها انها تخلي تنطري بنص السوق هيدي وجها نظري واعتذر على الاطاله سلامي |
|
15-09-2002, 07:21 AM | #4 |
عضـو مُـبـدع
|
الاخت ذا كوين الحبوبة الحمدلله انك من رايي تصدقين تنفعين محامية خلاص اخليك محاميتي وش رايك لا تخافين من ناحية الراتب حددي المبلغ ولا يهمك
في سؤال محيرني ياكوين وهو كيف عرفتي تقرين الموضوع وانا كاتبته بالعاميه وفيه مفردات صعبة عليك ؟؟؟؟؟؟؟؟؟!!!!!!!!!! عندك مترجم؟ شكرا يا امولتي على ردك |
|
15-09-2002, 10:00 AM | #5 |
عضو نشط
|
جعلها اكبرمشاكلك ياخياله
ماادري بصراحه وش اقولك عزيزتي بس بحكم اننا بنات نواجهه مثل هالظروف كل يوم
مع احترامي لك ماكان له داعي ابد التطرق لتفاصيل مالها اي داعي مدري هذي وجهة نظري والانسان الاجتماعي لازم يدفع ضريبة هالشيء ويعرف انه راح يحتك بأشكال والوان وغالبا لازم مايكون حساس عشان يقدر يكمل مع الكل الناس اجناس ولكل طبعه وشخصيته وبصراحه انا لومكانك مستحيل ارجعلهم هم الي غلطوعلي هم يعتذرون ويغيرون من سلوكهم لانورجعتك راح تكون باايخه وفيهافرض لنفسك لانومغلوط عليكي وبهالشكل راح تزيدينهم عنطزه وتخلينهم يكثرون من هالركب عموما جعلها اكبر مشاكلك ياشيخه وانا عن نفسي كنت اجتماعيه من الدرجه الاولى ومن اشهر قررت انهي كل صدقاتي مامن ورى الناس وكثرتهم الاالمشاكل وكثرالقال والقيل والواحد موناقص صح انا الان اعيش وحده مرعبه بقرار مني الكل استغرب منه بس ولااعيش مع ناس في نظري مهم بيرفكت وفيهم عيوب كثيره وهذه سنة الحياة محدكامل صح بس عاد الشكوى لله كل واحد له سياسه بهالدنيا لاتندمي علىاحد راح واعرفي لويعزك ويغليكي راح يبقى بمنتهىالبساطه تحياتي خياله...... |
|
15-09-2002, 11:02 AM | #6 |
عضـو مُـبـدع
|
اختي اهات لفت انتباهي العنوان اللي كتبتيه او اقدر اقول البداية( جعلها اكبرمشاكلك ياخياله )ماادري وش استنبط منه ؟ هل هو سخريه او شفقة علي لان ما يندرج تحت هالكلام مغاير لعنوانك او يمكن تقولي اني ساذجة ما فهمت...
لكن احب اقولك اني انسانه اجتماعية جدا واحب الناس ولدي ايمان اكيد باني محبوبة من الكل .........ونشمية وصاحبة مواقف مع كل من اتاني طلبا للمساعدة..ولست انا من يقول بل الكل؟؟؟؟؟ على العموم احب انك توضحين ما قصدتي وشكرا......... |
|
15-09-2002, 11:31 AM | #7 |
عضو نشط
|
دعيتك خياله مادعيت عليكي انا
احديزعل من الدعاء اخت خياله بالفعل جعلهااكبرمشاكلك لانهامشكله جدا بسيطه
وحلهاسهل جدا ومهي محتاجه اي توتر منك اوقلق مايحتاج اقولك انتي عضوه نشيطه واقدم مني واكيد تطرقتي لكثيرمن المواضيع والمشاكل هنا الي تشيب الراس من هولها وشدة المهاعلىصاحبها وجديتهافمقارنة بسيطه بس لابسط مشكله نفسيه عانا منهااي عضو راح تعرفي بنفسك انومشكلتك جدا تافهه وبسيطه ولا لاوالله ماسخرت منك اطلاقا لو هذاشعوري تجاهك اوتجاه مشكلتك بمنتهىالبساطه ماكنت راح اعلق عليها بس في مثل يقولك وانامؤمنه فيه جدا كل مشكلته بعينه كبيره وان كان دعااائي يالغاليه مزعلك نسحبه مومشكله تحياااتي وخلك واثقه من نفسك اكثر من كدا صدقيني تفاصيل علاقاتك بصفه شخصيه ماتعنيني انا مااقرى لشخصيه بعينهااناااقرى قصه واعلق عليها بغض النظر منهوصاحبها ولاايش الباك راوند الي يخصه وعموماااسفه ان كنتي تضايقتي ...... |
|
15-09-2002, 05:05 PM | #8 |
عضو نشط
|
مسى الخير
اشكرك على ردك اللطيف يالخياله
وماعندي مانع اكون محاميتك مو مشكله وبراتي يلي بدك اياه اما بالنسبه لكلامك للحقيقه ما فهمت بعضه متل كلمه يالمخفه وكلمه شف الفراغه وغيرها وغيرها بس انا فمتهم فيهم بسيط من الموضوع انا ماعندي مترجم لاني عايشه في الخليجي :rolleyes: ولا ما بدكم اعيش وسطكم :( :D سلامي |
|
16-09-2002, 01:37 PM | #9 |
عضـو مُـبـدع
|
اهلا وسهلا فيك يا اختي الحبيبة آهات بالعكس انا تشرفت بكتابتك لي ولكن الدعاء اللي ذكرتيه له معنى اخر في محيطي العائلي ولو تلاحظي اني قلت لك ان الدعاء مغاير تماما لمضمون ماهو مكتوب تحته وعلى العموم كسبت معرفتك وتواصلي مع غيورات على المنتدى والذي ظهر في موضوعك ل أ.عبدالله...........:32:
اما الحت ذا كوين ياهلا والله ومرحا في ديرتك واذا ما شالتك الارض يشيلك المنتدى...:11: |
|
22-09-2002, 01:31 AM | #11 |
عضـو مُـبـدع
|
المعاناة مع الاصدقاء كثيرة انا اكتشفت ان صديقتي مو كفوا بس بعد 15 سنة ولقيت صديقة كفوا وعفت صدقها في 3سنوات يعني العشرة مو دليل الصديق موقف
|
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|