|
|
||||||||||
الملتقى العام لكل القضايا المتفرقة وسائر الموضوعات التي لا تندرج تحت أي من التصنيفات الموجودة |
|
أدوات الموضوع |
23-09-2002, 11:54 PM | #1 | |||
عضـو مُـبـدع
|
همس البعارين
=================================
وتشكرات افندم وافندمات ================= قبل ان تقراء هذي الرومانسيه يبيلك جالون لبن واحد كيك امريكانا واحد عصير الربيع بردقال =============================== ويبيلك مصع سلك الاتصال لانكم بطولون وانتم تقروا ======================== وخش في الموضوع دغري بالعاميه المصريه الصعيديه الدمقراطيه ============================= وعاد الله لايحرمكم مني ولا يحرمني منكم ======================== ودعتكم الله واقروا هل موضوع هو قصة همس البعارين المكان: الصمان الزمان: فصل الربيع0 يكثر في فياض الصمان الابل لكبر المساحه وحسن المرعى وكثرة الربيع وقت الامطار( الله يجيب السيل) وايضاً وجود الدحول التي تختزن الماء في الصيف(الدحول : جمع دحل وهي الحفر العميقة الملتوية في الأرض وتكون في اماكن منخفضة من الأرض تنحدر السيول فيها اثناء موسم الامطار)من هذه الابل حاشي مراهق ممشوق القوام ابيض اللون كثيف الشعر على الرقبة والحلق والرأس وذروة السنام يمشي متبختراً بجماله( ولا رامي عيّاش)كل همه يتندح بين هالنياق الصغار خاصة(البكار) ويضمنها لا هيئة ولا شي المهم00 مرّت الايام وهو على هالحال همه أكل وشرب وغزلي في هالنياق00 يوم جا ذاك اليوم على عادته الى هاك الناقه واردة الماء وتبي تشرب وماقدرت قال هذي فرصتك وقم وافتح لها حنفية الوايت كلها قال: اشربي لعن ابو الفقرلا تروحين للدحل وانا فيه على غير اهلها ماتجيب راس مالها0 شربت لين رويت ومسحت شفايفها بمنديل عشان مايتلعوط الروج وقالت الله يعطيك الف عافيه توني زملة من نزلت هالدحل وعلي هالخف الكعب يزلّّق!! قال الحاشي : على شانك تحملت الصعايب ** اذوق المر لأجل رضاك حالي0 ابتسمت الناقه وصكّته بذيك النظره اللي بغت تجيب اجله0 تنهّد وقال: الله اكبر كيف يجرحن العيون ** كيف مايبرى صويب العين ابد احسب أن الرمش لا سلهم حنون ** واثر رمش العين ماياوي لاحد يوم روّح لي نظر عينه بهون ** فزّله قلبي وصفّق وارتعد0 ضحكت الناقه ودرت انها لعبت في سستمه00عطته وراها ومشت على هونها وهي تومي بذيلها00 يمنة ويسره00 وقلبه يروح يمين ويسار 0 00قال آآآآآآه وانعطف هاك الشعر فوق المتون ** وانثنى عوده وقفى وابتعد0 000 طال الليل على خوينا الحاشي متى يجي الصبح؟ 00كل شوي يطالع في ساعته الريموندويل ماصدق اانه يسمع صوت الراعي يذّن 00طمر من محلّه وراح يدور عند الشبك وهو يطقق خفوفه 00 طبعاً ماله أصابع00 ويروح ويجي لين طلع النور وجاالراعي وفتح لهم 00 هو يقاله صغير والا الأبل مايصّك عليها00 ماصدق خبر وراح عند الوايت يحتريها تشرب 00 جا الراعي قال : خير انشاالله وش جايبك انت وخشّتك كل ذا ضما؟؟ تلعثم الحاشي00 قال : هاه لااا أبد مافيه شي بس طاح كبكي امس هنا وجيت ادوره0 قال الراعي:اقول بلا استهبال كبك وانت عليك ثوب ساده يالله ظف وجهك مع البعارين لا ألكمك!! لٌقّط وجهه خوينا وراح0 قال: خيره انها ماسمعت وش قال لي الراعي كان طحت من عينها ولا عطتني وجه00المهم وهو يكلم نفسه الا هذي رفيقته تقابله يوم شهق من الفرح ( أمّا بعير يشهق كثّر منها) وقال : كفاني عذاب الله يجازيك بافعالك ** جرحت الضمير ولا طرالك تداويني ضحكت الناقه ذيك الضحكة اللي شلعت قلبه وقالت: ياعل قلب ماشكا الحب والتاع ** تنهار من فوقه محاني ضلوعه ياما نهيت القلب لا شك ماطاع ** ماطاع يدله والليالي تلوعه أثر الموّلع دمعته تجرح القاع ** والى ذكر مافات هلت دموعه اييييييييه00 الحين تاكد الحاشي انها تبادله نفس الشعور00 ارتاح خاطره واسفهلّ وماعاد خذته الدنيا00 مرّت الايام وكبروا وكبر حبهم معهم ،يلتقون كل يوم ويتبادلون المشاعر والاحاسيس 00 وفي يوم من الايام وهم قاعدين على ذاك الطعس الا يوم مرت ذيك الناقه العفراء00 طيّّر عيونه رفيقنا مشبّّه عليها00مهوب قصده شي! انتبهت له الناقه خويته وطمرت من محلها قالت خلها تنفعك الله يمّليك بركتها00 انتبه خوينا انه اخطأ ولحقها وقال: وّقفي اشرح لك الموضوع 00التفت عليه وقالت: مدام قلبي لك شفوق وميلاف ** وراك ياخلي قليل المروفه قلّي عسى مابه على الخاطر خلاف ** عسى حبيبي ماقصر دون شوفه لا لا تعسر القلب في كل محراف ** واحذر يجي عقب الموده حسوفه دوك الدموع بحاجرالعين وقّاف ** لاانت بماسكها ولاهي ذروفه تحسّف ابو الشباب ودرى انه غلطان وانه حسّها رد عليها وقال : لك حق تزعل ثم لك حق نرضيك ** مااقوى زعل حبيب قلبي وعيني مدام قلبي ياريش العين مغليك ** اطلب ولك روحي ومافي يديني يوم الله احسن صورتك خصّني فيك ** فيك الجمال وصادق الحب فيني وقفت وتبسمت 00 وارتاح خاطرها00 وهو تنهد قال هاه طاح الحطب ؟ قالت اه ياااني لو كنت أأدر اسيبك (شويكار مهيب ناقه) وعاشوا في سبات وتبات وخلفوا حواشي وناقات0(نياق بس لغرض الوزن)0 ترى النصب مايقضى ولولا اني حسيت اني طّولت عليكم كان خليته يقلبها امسيه ويسميها ( صمت الشفايف) العذر والسموحه مــــــــــــــــــــــلـــــــطــــــــــــوش:32: :27: المصدر: نفساني
|
|||
|
24-09-2002, 05:07 AM | #3 |
عضـو مُـبـدع
|
خيااااااااااااااااااااااله
همس البعارين :17: همس الغمام
عز الله كملت (اسمعي ياجاره هاه:5: ؟) هالمرّه بعديها لك:mad: بس حلوه نبلعها مو اشكال ..:) همس البعارين هههههههههه الله حاله. |
|
24-09-2002, 09:13 AM | #4 |
عضو نشط
|
الله يرحم زمان أول زمان قيس ...وليلى...
هذي الأيام صرنا نضرب الحب بالعارين............ :1: http://www.nafsany.com/vb/showthread.php?threadid=7675 |
التعديل الأخير تم بواسطة المخضرم ; 24-09-2002 الساعة 09:30 AM
|
24-09-2002, 11:46 AM | #5 |
عضـو مُـبـدع
|
هلا بالاخ عذب العطاء عضو جديد وانشاء الله تسعنا بكتاباتك
وشكرا لاطرائك:33: همس الغمام وش رايك بالمفاجأه حلوه صح :34: الله يخليك قولي انبسطي منها تعرفين ليش هماه تقولين ان فيوزي ضاربة في موضوع السواقة طيب هنا وش بتقولين علي:17: تصدقين اول ما قريت العنوان اول من طرى علي انت :32: هيه ترى ما امزح:10: قصدي امزح فكيها بأه;) (المخـــــــــــــضـــــــــــرم) وانت وراي وراي ودي اكتب شي ما تأطمني عليه تراها كلمه مصريه يعني تكسر مجاديفي اسمع السواقه بحيل اللي ما تنام عينه بتصير :28: بـــــــــــــــــــــــــــــــــــــــس مــــــــتى؟؟؟؟؟؟؟؟؟؟!!!!!!!! على قولتك اذا حجت مدري منهي على مدري وشو:11: |
|
24-09-2002, 07:13 PM | #6 |
عضـو مُـبـدع
|
اختي الخياله جزاك الله خير واضحك الله سنك ............
صراحة ماكملتها لأن يبي لها قطع اتصال وشهو له الخساير .......... واسمح الطشها منك لمنتدى ثاني .............. :4: |
|
25-09-2002, 01:05 AM | #7 |
( عضو دائم ولديه حصانه )
|
وووووووووو يا الخياله اثرك بدويتن مثلي؟؟:)
قصه جميله وحليوه بس وين صاحب الكلمات عنك ؟؟ لو يدري أنها بتصير غزل بين حاشي وناقه كان :5: :20: :22: :) :) الخياله تعالي ابيك بكلمة راس : "" القصه قراها ابو العيال قبلي واعجبته وهو اللي دلني عليها ;) """ أقول وين موضوعك عن السواقه؟؟ ليتك تعطيني الرابط لأن تفكيري مثلك تماااااااااااااااام :) |
|
25-09-2002, 10:12 AM | #9 |
عضو نشط
|
ما عاش اللي يكسر مجاديفك.....على العموم انت انسانه موهوبه واتمنى ان تسيري على نفس المنوال...
اخوــ:37: ـك ما ودك تزورين بقالتي الصغيرونة المقابلة لمركز تسويق البتار...تري الموضوع شيق...على الرابط http://www.nafsany.com/vb/showthread.php?threadid=7670 |
|
25-09-2002, 12:34 PM | #10 |
عضـو مُـبـدع
|
يا الواهمة يا حبة قلبي اسمعي انا ما اعرف وشلون احط الرابط ( دبوجتن بالحيل )
بس اباحاول الله يعينك على القراوة :11: شوفي تلقينه على موضوع الاخت همس الغمام ( اعرف نفسك من قيادة سيارتك) في المنتدى العام واذا ودك تعلميني وشلون احط الاربطة قصدي الرابط في الموضوع اكون لك شاكرة وش رايتس;) وبعدين انا بدوية الاصل والمنشأ و الولادة :28: |
|
27-09-2002, 01:18 AM | #11 |
عضـو مُـبـدع
|
ياهوووووووووووووه صح لسانك
يعيني على البعارين لما تتأبل
آآآآآآآآآآآآآآآآه يعيني على الباعاريييييين لما تتأبل ياااااااااااااااااعين يعيني يااااااااااااااااعيييييييييييييييييييين :D من همس البعيرون الصغيرون ليت للي في بالي بس طله على ذا الصفحه كاااااااااااااااااااااااااااااااان:eek: :confused: كأنني أعرف هذه الأبيات :2: إلى أبو زعبل مع السلاماااااااااات لاتخافين بجيبلك عيش وحلاوى:D :31: خياله تريني مثلك مأعرف أسوي الروابط ولالالالالالالالالازم أكتب أرجعوللمندى الفلاني في الصفحه الفلانيه فياليييييييييييت يأبله واهمه تدخلينا فصل محوأمية الروابط إذا مافيها كلافه:rolleyes: أبله واهمه تري أبوي عرف إنك بدويه :) تري تعبت ياخياله في الترجمه الله يهديك بعدين جيبي شيء سهل:D |
التعديل الأخير تم بواسطة اساهير الحزن ; 27-09-2002 الساعة 02:12 AM
|
27-09-2002, 02:37 AM | #12 |
( عضو دائم ولديه حصانه )
|
...... الخياله + اساهير ........
ببساطه ومن غير تعليم اذا حبيتي تحطين رابط سوي عملية قص ولزق اطلعي فوق عند خانة اليو ار إل في المتصفح ثم اضغطي على الماوس بيصير عنوان الموقع مظلل ارجعي واضغطي الماوس بس ها المره على الزر اليمين تتطلع لك خيارات اختاري قص وبعد ما تقصينه حطيه في الموضوع اللي تبين وصلكن العلم ؟؟ اذا ما وصلكن العلم قولن لي واعيد الدرس لكن با الرسم :) ................................................ أساهير ؟؟ قلتي لابوك إن واهمه بدويه ؟؟:) :) يؤؤؤؤؤؤؤؤ الحين بيقول علينا " بدوو في نفساني؟؟ . ...............................ترانا بدوو من ديرة سبييس تووووووون;) |
|
08-10-2002, 01:46 AM | #13 |
عضـو مُـبـدع
|
يا اساهير انا قاصدة اني اجيب مواضيع تحتاج الى قواميس للهجه العامية
وش رايك ؟؟؟؟؟ شكرا يا اخت واهمه على صبرك علينا وتدريسنا حتى في المنتدى منتيب خالصة من التدريس وراك وراك بس تدرين من يومها وانا ما غير قص ولزقكني في حصة فنيه |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|