مخنووووووقه مذبوووحه بموووت ساعدوني أرجوكم ..

مخنووووووقه مذبوووحه بموووت ساعدوني أرجوكم ..

السلام عليكم
تعودت منكم الأجابه على مشاكلي الصغيره وعلى مشاكل أحبائي وأصدقائي دائما وأشكركم على جهودكم المبذوله وسعيكم في حل مشاكلنا ..
حياتي والحمد لله رب العالمين بشكل عام جيده من جميع النواحي و
لكن عندي مشكله وعقبه كبرى فيها وأتمنى أنكم تساعدوني في حلها
لاني وبصراحه وصلت الى مرحله مايعلم بها الا رب العالمين بسبب هذي المشكله صرت وين ما أروح اشوف الدنيا سوداء و هالموضوع صار يأثر علي بشكل كبير جداااااا
أنا متزوجة عمري23 وزوجي 29 صار لنا متزوجين 5 سنوات وعندي ولد زوجي ابن خالتي خالتي وعلى حسب كلام زوجي انها كانت تتمناني زوجه له ولكن صارت خطوبتي بمشاكل زوجي يبي بنت مو من العائله وصاروا يدوروا له بنات من برى العائله وانا بعد كنت ادور له مع بنات خالتي بعدين في يوم من الايام خالتي كانت مسافره و خيلاني وخاله من خالاتي أشاروا على زوجي انه يأخذني وان انا أخلاق وطيبه والكل مدحني من شكل وأخلاق وخالتي الصغيره هي متزوجه يعني جات الى أمي وقالت لها ان أفلن يبي بنتك وقالت ما راح الاقي احسن منه بس هو كان يبي يشوف صورتي وأعطوه صوره المهم حبني وبعد ما ارجعت أمه من السفر وعرفت عن الموضوع هذا عصبت وقالت ما تبيني لان الموضوع صار من وراها والكل تأسف لها لكنها زعلت مررره وهو قال لها انه خلاص يبيني وما وافقت وصارت مشكله طويله عريضه لدرجه انه زعل وطلع من البيت وسافر منطقه داخل المملكه واهله مايدروا عنه وبعد مارجع أمه جت ألى البيت وخطبتني وصارت أتبرر ان اهي تبيني بس عشان الموضوع الي صار المهم تمت خطوبتنا وبعدين بدأت المشاكل هي خالتي من النوع المتسلط والعنيد والعصبي وايش أقول عنها وزوجي هو الولد الكبير الي أمه تحبه غير عن اخوانه يعني هو الي تتكلم عن مشاكلها معاه وتسولف وكل صغيره وكبيره البيت كله يلجأ له
طوال فترت خطوبتي وهي في مشاكل مع أمي ودائما ما يكلموا بعض وكل خطوه نخطيها وراها مشكله قلت هذا طبيعي ممكن تصير مشاكل مع تجهيز الزواج ومره امي جت معي وكنا ننضف شقتي وانا ساكنه معهم بالبيت تركتنا ولا كأن أختها عندها بالبيت قالت بروح للجيراني بوديلهم غرض وبرجع ولا رجعت ولما يقول لهم زوجي زوجتي في شقتها ترتبها روحوا اجلسوا معها تقوله ليش ماهي الي تجي المهم تزوجنا والحمد لله انا وزوجي مرتاحين مع بعض مرره أخر راحه ماشاء الله وأمه ماتحبني ومشاكل في مشاكل ودائما زوجي يوقف معاي ضد أمه متدخله في حياتي صغيره وكبيره أنا بصراحه أعترف اني كنت أشوي مو مرتبه حياتي لاني كنت توني متزوجه ما أعرف كيف ارتب وطبخي مو زود وشوي شوي وتعلمت والحمد لله قايمه بزوجي من والى وهو يشهد علي لكن المشكله انها دائما تقولي انتي متى طبختي انتي كل نايمه انتي ماتنظفي انتي ماتغسلي ملابس انتي من تقعدي من النوم على طول تطلعي وهذي شغلات راسخه في مخها مو راضيه تتغير والمشكله انها ما تدخل شقتي الا في السنه حسنه وفي مرتين دخلتها كانت الظهر وكانت شقتي فعلا مو مرتبه لاني كنت تعبانه وكان عندي دوام بالجامعه وما كان مادني ارتب ومره ثانيه كان ولدي صغير وكنت سهرانه معاه و ما تراعي اني ولدي صغير وماينام على الرغم من انها تشوفني احيانا سهرانه معاه او تسمع ولكن دائما ما تعذرني وهم عندهم صالة أفراح وهم الي يسوا الضيافه من شاي وقهوه وغيرها ويرتبوها على الطاولات وهم الي بعد الزواج يشيلوا الأغراض وانا بصراحه كنت معاهم بالبدايه ولكن الحين بصراحه تركتهم لانهم مايعطوني وجه وأحيانا أحس كأني أشتغل عندهم مثلا في رمضان قال زوجي خلينا طول الشهر نفطرمعاهم قلت مو مشكله صرت أجيهم الساعه 1 وهم جالسين لسى مابدوا شغل ومافي شي اشتغله بعدين صرت أجيهم 2 صاروا يتحنطبوا علي واذا ابي اشتغل في شي أتحس انهم يعطوني اياه بدون نفس واذا أسولف معاها ماتبي تسولف ودائما تحسسني اني بليده او ما اعرف أسوي شي ولا مره انا سويت طبخه كامله دائما ترتيب سفره او تغسيل الصحون او أشيل الاغراض ودائما تمدح بناتها أو تمدح البيت قدامي كأني ماأدري أيش ومره دخل زوجي وهي تصارخ علي وتقولي احنا مو حمير عندك وزوجي زعل وأخذني ومره دخلت الا هي تتكلم علي عند أخو زوجي وطلعت زعلانه وقبل فتره بسيطه بس كانت كل يوم تلمحلي على الغذاء وانا ساكته ان انا ماسويت غذاء وانا كنت مسويه ومره دخلت علينا الشقه عبالها اني مو مسويه وكل هي عندها ان ولدها ما يأكل حتى لو تشوف او يقول لها ماتقتنع المهم ادخلت علينا وكنا حاطين غذانا والا في يدها غذاء وجابته لزوجي حتى هو كان يطالعني وهو مضايق وحطته وهي ولا تطالعني والمهم لما جت بتطلع قالت له اجيب سلطه انا مسويه قال لها في سلطه هنا على السفره قالت احنا من كل شي سلطتنا دائما مقلله من قيمتي وأحسأني داخلها مثل النكره تقولي مره كانت هي تخيط وقالت لها بنتها هي تبي تخيط وكان خياط بنتها حلو قالت لي مو انتي الي ما شفنا عندك هوايه ولما انا سجلت بالجامعه تحسها مضايقه ولما زوجي يمدحني تضايقه وتهيج والله أحنا بعد كذا ونسوي كذا ومره كنت مسويه عصير برتقال لزوجي و كان يشربه وهو معها وقال لها تبي طبيعي مسوينه قالت له مين انتوا الي مسوينه مستغربه واذا أطبخ شي وأوديه لهم تسوي روحها ماتشوفه أو ما تبي تسأل عنه ولا تأكل واذا أكلت تأكل قطعه صغيره عشان ماتطلع غلطانه او احد يحاسبها وتقول انا ما أحب أكل من عند أحد غير طباخي ودائما تبيني أخدمهم واكون معاهم وأشيل وأحط واذا صرت كذا يوم تصير اوكي معي وبعدين ترد وتقلب وجهها علي ودائما أشوفها كذا حتى أحيانا أسغرب ما في سبب بس هي كذا خلاص ومن النوع الي ينحسب لها الف حساب عشان بس ما تدخل معها في مشاكل واذا زوجي تهاوش معي هوشه كبيره يعني في مره رحت بيت أهلي من النوع الي ما تتكلم معاه او تقوله هذي زوجتك وأستهدي بالله ابدا تسكت وتحس ان الوضع عاجبها لدرجه ان مره من المرات كانت خالتي مزودتها بالتدخلات والهواش تهاوش مها زوجي وقال لها انه راح يطلقني ومسكه أخوه وقاله لا يأخوي هذي بنت خالتك ومن هالكلام
وبعدين وداني بيت اهلي واحنا أساسا متفقين انا وزوجي على هالسالفه يعني هو ماراح يطلقني تمثيل بس اذا الامور نبيهل تهدأ ولا دقت خبر ولا أهتمت ودائما تقوله احنا شمسوين لها ورحت بيت اهلي ولا اتصلت ولاشي بعدين رجعني ورجعت وبست رأسها تصور انها سحبت يدها ولا تبي تكلمني وقدام الجميع وزوجي عصب وقال لها كذا تحرجيها وما تحشميها قدامنا ولكن ما في فايده ودائما زوجي هو الي يكلمها ويتهاوش معها انا بس اقفل شقتي علي ولا أكلمها ولا اروح لهم متعبتني مررررره ومره ولدت بالسابع وجبت بنت اقعدت 20 يوم وتوفت ولا جتني بيت اهلي لا هي ولا بناتها ولا زوجها بس تكلمني تلفون لانها ما تكلم امي وزوجي أضايق وأمي بعد وانا صرت ما أحب اني ارد عليها أحسها تنافق والله اني تعبت سويت كل شي يقربني لها لكن ما في فايده حاقده علي وكارهتني من الداخل وما خذه عني افكار مو راضيه تغيرها والله اني تعببببببببببت ومستحيه من زوجي من كثر ما أشتكيله وانا مابي كذا وهو الحين وصل الى مرحله مايبي يتدخل يقول انتوا بكيفكم انا مالي شغل خلاص وانا مليت من المشاكل وتعبت ولكن هي ابد المشكله اني انا من النوع الي حساس جدا ويبين علي الزعل واذا جلست معاها دائما بيا تعطيني ظهرها يا تطنشني حالي حال الكرسي وبس احد يدخل تسولف معاه او مثلا اذا عندها شي جديد تقول الى زوجي ويش رايك وانا ما تسألني على الرغم انها مو زعلانه ولا بيني وبينها شي بس هي خلاص تعودت على كذا واذا سولفت معاها ترد على قد السؤال او ترد بسلبيه او ما ترد او تحس ردها بأستخفاف او أستحقار أحس نفسيتي مرررررررررررره وصلت الى حد اني الحين ما أحب اسويلهم ولا شي ولا صارت عندي الهمه في شي وبدأت كانها بتأثر على علاقتي بزوجي واحس ان تجيني حاله اني لما أشتغل دائما أتذكر كل كلمه قالتلي اياها عن الشي الي قاعده اشتغل فيه وأقعد اتهاوش داخلي معاها وأسولف أسولف حتى احيانا أقول داخلي خلااااااص واذا جيت أنام نفس الشي واذا شفت عمات صديقاتي ياحليلهم اتعب وما أحب أشوفها في أي مكان وهي دائما في بالي ولا أقدر أنساها لحظه من عمايلها وهذا احس انها بتوصلني لمرحلت الجنون صايره كل مهمومه واذا أتكلم مع زوجي لازم ما أشوف روحي الا أقعد أبكي بسرعه والمشكله ان زوجي غير مقتدر انه يطلعني بشقه لحالي وأجار شوفولي حل الله يخليكم بديت أشوف الدنيا سوداء وين ما أروح وما أعرف أشتي شي أو البس شي أو أطلع أو أسوي أي ِي الا أحسب لها الف أحساب داخلي والحين الي صاير اني مااسوي شي معهم شايله يدي من كل شي وهي مضايقه طبعا تقول لزوجي اني انا مو داخله معهم في اي شي يخصهم والحين ما احب اجلس معاهم اذا غبيت ارجع لازم اسمع كم كلمه وتقلب وجهها واذا صرت معاهم لازم في ضربات وتلميحات تضايق انا مخنووووووووووووووووووووقه ساعدوني الله يخليكم
ادري اني طولت عليكم بس من الهم الي داخلي أأأأأأأأأأأأأأأأأأأأأأأأأأأسفه على الأطاله

المصدر: نفساني

السلام عليكم ورحمة الله

من كان مع من
ومن الذي كان

رسالتك طويلة سيدتي

وبنهاية الرسالة وكأنني فهمت أنك تريدين حل بخصوص أم زوجك

وش ممكن يكون الحل من منطلق رأيك ؟؟


مع التحية ،،،

يعني أنا معانيه في حياتي من أم زوجي وأحس فعلا بديت أمرض نفسيا بسببها
يعني بديت أهلوس مع نفسي دائما أتكلم مع نفسي وأتهاوش معها وأنا لحالي من داخل وهذا شي متعبني ان انا وصلت لهذي المرحله صبر ت كثير بس الحين فعلا بديت أنفر من هالحياة الي أنا عايشتها ودائما يجي في بالي أني أتزوجت في عمر 19 وبدى الهم والمشاكل ماراح أرتاح الا اذا طلعت وعشت لحالي في بيت لكن هذي الأمنيه تحقيقها بعيد فشبابي كله راح أكمله في هالهم صايره مثل العجوز من هالمشاكل وبصراحه انا ماكتبت لكم الا لاني خلاص عجزت عن وجود الحل فقلت انتوا أخبر مني بحكم المشاكل الي تمر عليكم فا ممكن انكم تساعدوني تصبروني بكلام اي شي اي شي

أرجو منكم ان تجدوا لي حل لا تهملوا رسالتي وشاكره لكم تعاونكم

السلام عليكم ورحمة الله

سأعطك مثالا وأرجو ان تطبقيه على وضعك

إذا دخل عدو محتل إلى أحد البلاد فبالتأكيد أن أهل تلك البلاد سيعانون كثيرا من ذلك العدو بحكم أنه سيكون المسيطر على كل حياتهم وتحركاتهم بل وحتى أرزاقهم بعد الله

ولكن مع الأيام سنجد أن هناك نوع من المقاومة قد بدأ يتشكل بشكل سري وتعبوي خفي ليكون له الفرصة في أن يضرب ويهرب
ولأن حجم القوات المحتلة لن يكون موازيا لقوة تلك التشكيلات الصغيرة من المقاومة سنجد أنهم سيخططون ويخططون ليعرفوا كيف تكون ضربتهم موجعة للعدو

وبعد ذلك نجد أن هناك فريقا آخر سيقوم بعمل المقابلات الدوبلوماسية والتي قد يطول الأمد فيها ولكنها بالتأكيد تجعل من الطرفين يصلان إلى قرار ما

هذا هو ديدن أي إستعمار ونهج أي محتل وأيضا هو رد الفعل لمن تم إحتلالهم

أنت أرض محتلة
لديك طريقان

إما المواجهة والخسائر
وإما التخطيط للوصول إلى نقطة إلتقاء

المعنى من كلامي أنك أنت القائد والمخطط وأنت من سيستلم النتيجة في حال الوصول إلى قرار

المهم هو فصل حياتك وتمتعك بزوجك عن إحتلال العدو لجزء من زوجك

طبعا لو جاز التعبير

هل وضح المعنى ؟؟

مع التحية ،،