|
|
||||||||||
عيادة المشكلات الزوجية والأسرية للوصول الى الإستقرار الزوجي والأسري |
|
أدوات الموضوع |
23-03-2009, 11:25 PM | #1 | |||
عضو
|
يااستشاريين ارجو مساعدتي سريعا
السلام عليكم ورحمة اله وبركاته
ارجو من المستشارين مساعدتي تعبت تعبت نفسيا بصراحه ماادري من وين ابدأ مو بعارفه كيف ارتب كلامي ابغى حل كيف اتعامل مع الوالده تعبت معها والله انها تغيرت كثير بسبب ضغوط نفسيه بعد زواج اخوي ومشاكله مع زوجته الحمدلله حياتنا ماشيه على احسن حال يادكتور انا مصابه بمرض الوسواس والحمدلله تغلبت على هالمرض بنسبة 80 % بس خسرت اعصابي صايره عصبيه واي شي يضايقني والوالده الله يهديها بعد عصبيه جدا ودائما انا وهي نتهاوش على اي كلمه احاول اكتم لكن فجاه انفجر لاني اشوف الظلم الوالده الله يهديها تحب الخير كثير للناس بس تقدم مصلحة الناس على حسابنا وتنعتنا دائما انا ناس ظالمه وانا بالذات اني انسانه غيوره وحقوده ووو طبعا كل هذا لاني ابين رايي بالموضوع وراح اعطي مثال يعني مثلا بنت خالي اكبر مني بسنه تخرجت من الجامعه وتزوجت وانا لسى ادرس تقول يالله فلانه تزوجت وانت لسى مع انه يجوني خطاب بس هي ترفضهم وانا كمان بحجة اكمال الدراسه واني صغيره ماافكر بالزواج بعدها بكم يوم تناقشني مثلا باي موضوع ويصير تضارب بوجهات النظر واعصب واروح لغرفتي تقول انا عارفه انت غيرانه من فلانه انها تزوجت عشان كذا تعصبين من اي شي وانت ماتزوجت عشان كذا تعصبي صار بيتنا كئئئئئئئئيب مانسمع الضحك الا قليل دائما صوت مزاعق ومشادات وانا البنت الوحيده عندها كل اخواتي البنات تزوجوا وكنت ا شتكي لوحده من خواتي انه حياتنا صارت لا تطاق والدتي دائما معصبه وصايره متشائمه وتخاف من اي شي لو تسمع صراخ او ضحك تقول يمكن اولادي فيهم شي كانت اختي تقول انت تكبري الموضوع وتدققي بس يوم جت عندنا صدقت الوضع اخواني كمان متازمين نبغى نهديها ونحاول ننبسط مع بعض ونطلعها من حالة العصبيه بلا جدوى وكل المشكله نعرف سببها ( زوجة أخوي ) انسانه لا مباليه هي ناشز عن بيت الزوجيه واخوي عنده نيه يطلقها وامي و جميع عائلتي نحاول ان نصلح بينهم لكن بدون فايده عندهم طفله وامي دائما تفكر بمصيرها خايفه عليها وزوجة اخوي الله يهديها لنفسها سلبيه جدا وماتعير امي ادنى اهتمام وكل يوم تصير مشاكل بخصوص الموضوع صار هو مائدة امي اليوميه تعبنا من الاسطوانه اليوميه واذا قلنا انها هي غلطانه ومايصلح تترك بيتها وتعصي زوجها قالت انتم ظالمين وحالفه على اخوي انه مايطلقها وهي عارفه انها غلطانه بس تكابر تقول اهم شي ان حفيدتها يكون لها اخوان وضاربه بمصلحة اخوي بعرض الحائط كل احد يتكلم عنه انه ضعيف وماله شخصيه بس هو ساكت ومقدر امي وغيره الكثير يعني اهلي موفرين لنا كل شي الا مصلحتنا وغرس لثقه بالنفس دائما تستهزئ بنا وتقلل من شأننا وتركز على سلبياتنا ودائما نحن فاكهة المجالس تتندر علينا بصراحه احس نفسي ضعيفه وغير واثقه من نفسي و تبغانا شي في مجتمعنا وهي تحطمنا على ادنى حركه ودائما تعقد مقارنات مع افراد عائلتنا مع اني اعرف ان والدتي تحب لنا الخير قلبها طيب ورهيف وكل احد يحسدنا عليها لانهم يشوفون تعاملها معهم بس اذا جت بالتجمعات تنقلب وحده ثانيه بس علينا اولادها بالنهايه صرت اعزل نفسي بغرفتي والله خايفه من اني ارفع صوتي على امي بس حتى كذا مااعجبها تقول وش تتصفحين بالنت لاني اقعد عليه ساعات طويله وانا اتصفح مواقع نسائيه اوريها و اقرا عليها بعض اللي استفيد منه لكن مايعجبها وتروح من عندي والله احاول انسها واتكلم معا بس لازم تقلب السالفه علي بعدين تزعل مني تعببببببببببببت من الهم والوحده اسسسسسسسسسسسسسسفه عالاطاله وكلامي الملخبط بس هذا فيض من غيض أرجو منن الاستشاريين توجيهي بالطريقه المثلى عشان ارجع امي امي الا وليه اللي تضحك وتسولف معنا وتتقبلنا وتتقبل كلامنا المصدر: نفساني
|
|||
|
24-03-2009, 09:23 PM | #3 |
محلل نفسي ومستشار الشؤون الأسريه والمجتمعيه
|
السلام عليكم ورحمة الله
نحتاج التالي ياسيدتي : العمر ترتيبك بين أخوتك وتحديد جنسهم وأعمارهم بالترتيب المستوى التعليمي مجال العمل المنطقة التي أنتم منها والتي تقطنونها الآن مع التحية ،،، |
|
26-03-2009, 05:17 PM | #4 |
عضو
|
عمري 22 سنه في المرحله الجامعيه
ترتيبي الاخيره عددنا 4 اخوه اولاد 4 بنات الكبرى 40 اللي بعدها 36 اخي 1 34 اختي (3)32 اخي(2) 30 اخي (3) 28 اخي (4) 24 منطقة الرياض |
|
26-03-2009, 06:16 PM | #5 |
محلل نفسي ومستشار الشؤون الأسريه والمجتمعيه
|
السلام عليكم ورحمة الله
الوالدين ليس لهما حل إلا بالتوائم معهما مهما فعلا نحن نعرف أنك على حق ولكن لا تطالبي بحقوقك من أمك تحديدا إنما توائمي مع مطالبها مهما كان الثمن طالما ليس في غضب الله مع التحية ،، |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|