ولدي متعبني ... مين عنده حل ...؟

ولدي متعبني ... مين عنده حل ...؟

السلام عليكم


انا ولدي عمره سنه و9 شهور وحركته كثيره وشقي .. مايحب يجلس هادي بسيطه على اللي يسوي ...

اول حاجه ماعرف ايش قصته على التكسير والرمي بالارض كل ماشاف حاجه بمكانها او على طاوله مسكها ورمها مادري ايش يحس في وكل ماشاف كاس ولا صحن قزاز يروح يرمي بالارض لازم يكسره بعد مايكسره يسوي نفسه خايف وكانو مو هو اللي كسره طبعا جربت معاه كل حاجه ضرب خناق ادب حوار مافي نتيجه ولا كاني اسوي حاجه ...العادة عالقه في نفسي ابعدها عنه ويفشلني دايم عند الناس لازم يكسر عندهم حاجه ..


ثاني حاجه يضرب بسبب وبدون يضرب وبس يمشي ويعطي كفوف لاي صغير حوله وكمان مايفهم لا بضرب ولا تهديد ولا ادب ولا حاجه يعاند بزيادة ويزيد ضرب ماعرف كمان ايش يحس في ..والصراحه الناس اللي حوله بدت تتذمر منه وتكرها ولا تحب يكون موجود لانو يجلس الجميع على اعصابه وماتجي بيده الا الاشياء الخطيره ويشيلها ويرميها ولا يعرف فين حتى بس يرمي ويخرب كثير يحوس البيت يشيل ويحط ...وقدام الناس الاغراب يبدء يستعرض ويزيد من هالاشياء في البيت يسويها بس بنسبه اقل بشوي بس لما يشوف احد جديد يجلس يتجنن وينط ويضرب ويخرب .. الله يهديه

ثالث حاجه في طبع الانانيه وانا مو حابه هالطبع في يعني يبغى كل حاجه له وحده حتى لما يلعب مع احد لازم يمتلك كل الالعاب ولا يحب يعطي ولا حاجه للطفل الاخر بس له هو حتى لو اللعبه متشابهه ياخذهم كلهم بس مايعطي حاجه بس يحب يلعب مع الصغار بس اللعب اللي على مزاجه ياخذ العابهم والعابه كلهم واحاول في يعطيهم ابدا يبكي وينهار يعني مره يبكي وبالاخير اشيل كل الالعاب عنه واسكته بشكولاته ... ولا حليب


الحين ماعرف كيف اتصرف معاه وربي تعبت وخاصة الان لانو جاي بالطريق اخت له وماعرف كيف بسوي معاها اخاف يرميها بالارض يحسبها قطعه ... والله خايفه جدا

والله مو حابه ولدي لما يكبر يطلع عصبي والناس تكرها يارب ماعرف ايش اسوي نفسي يطلع عاقل ويعرف يتصرف مو جنان خاصة الناس صارت تتنرفز منه

والله بالدقيقه اقوم مرتين الحق ورى بدل مايسوي مصيبه ودايم اسكته واتعبه لما اروشه عشان يهدء يحب يتروش

والحين ابغى انظفه واشيل الحفاظة ماعرف كيف اتصرف هل ينفع ولا لا ...

..............؟؟؟



طولت بالمره ماصدقت اتكلم ...

جزاكم ربي كل خير

وشكرا مقدما

المصدر: نفساني

اختي مريام
اهلا بك في نفساني ،،، وما شاءالله صار فيه أولاد وصرتي تتشكي منهم ،،، ربي يخليهم لك ويسعدك معهم ،،،،
هذي المشكله موجوده عند كل الأطفال ، إلا القليل جدا ،،، خصوصا في العمر هذا ، لغاية 3 سنوات ، يضل متعب كثير ، والملاحقه وراه ما تنتهي ،، وما يقدر العواقب ، سواءا من التكسير او التخريب ،، وأنصحك عدم استخدام العنف معه ، لأنه يصير يعملها عناد ،،،
بالنسبة لنظافة الطفل ، ابدأي من الآن معه ، طوال تواجده في البيت في ساعات النهار ، يجب عدم وضع الحفاظ له ، مع تعليمه كيفية استخدام الحمام ، وعلى أن تقومي كل ساعه أو أقل بسؤاله إن كان يريد الدخول للحمام ،،،

الله يسعدك ... شوفت الدنيا


والله تربية الاولاد حكاية ...


وشكرا لردك والله احترت في ناس يقولو ليه ودي الطبيب وولدك عنده فرط حركة وناس يقولو طبيعي والله ماعرف ايش اسوي

اول كنت اضربه بس حسيت مافي فايده الان يعني ماضرب الا اذا وصلت معايا نادر يعني بس احكي معاه مرات يسمع ومرات يعناد الله يهديه

بس والله حابة تسالي اكثر هل هو طبيعي ولا عنده مشكله لا قدر الله ..

بس والله ريحني كلامك جزاك ربي خير...

بالنسبه للحمام والله ببدء معاه بس عندي مشكله انو هو اصلا يحب يتروش كل ماقول له تبغى الحمام يروح ينزل ملابسه وعلى الدش على طول يعني ياخذها حجه ويقول ايوه فماعرف ايش العمل ... على كذا بنجلس طول الوقت بالحمام
....؟

وشكرا لردك يااستاذي ...

ولكم وحشة وجاء وقت تفيدوني ... :)

سلامي للكل

الولد طبيعي ،،، وانا شخصيا عندي صديق له ولد بمواصفات ولدك ، حتى يوم يجي عندنا صرنا نعاني منه ،، ويوم تركناه بدون عقاب ، وصرنا نشيل كل شي من قدامه ، قام يلتزم شوي شوي ،، والحين هو تحسن الى شيء ما ،،،، لكن مع الوقت يصير كويس ، الله يكون بعونك ،،،
بالنسبة للحمام ،،، عوديه يدخل الحمام لقضاء حاجته قبل الترويش ،، وفي الأول راح تتعبي شوي ، لأنه راح يعملها على نفسه كثير ، لكن بعد كل مره يعملها على نفسه ، خذيه الحمام ، وخليه يجلس على الحمام يكمل العمليه هناك ،،،،
نحن على أتم الإستعداد لتقديم أي معونه لك او استشاره من أي نوع ، ومن أي مكان ،،، تستاهلي كل الخير يا مريام ،،،
اهلا بك من جديد

والله تعبتك معايا


ربي يريحك طمنتني شيء ما


الله يسهل

وشكرا مره وجزاك ربي كل خير ماتقصر

الف سلامه
لا تقطعينا