امي سبب همي

امي سبب همي

وربي ما ادري كيف ابدى ولا وش اكتب ...انا منهار فيني كل شي ...انا افكر بالانتحار افكر بالانحراف افكر باي شي بس ينهي اللي انا فيه ....مليت من الصبر عشان البر وما اصير عاقه مليت من كل شي كنت اذبح نفسي ونا حيه عشان امي ما تزعل علي ولا فيه فايده
امي تكره واحده من خواتي كره فضيع يصل الى الكره بجنون وبسبب هذي الاخت امي كرهتني كل شي انا الوحيده اللي اوصل باختي هذي واروح له واقضي حاجتها واساعدها امي ما هو عاجبها صرت تكرهني وتكره ابوي واخواني وخواتي فيني عشان اني مع اختي هذي ......كل يوم اصحى على مشكله كل يوم وانا ما ادري اواجه لسان ابوي اللي اصلن مهو فاهم السالفه الا انه بيرضي امي عشان لا تزعل عليه واخواني اللي يشوفون ان اللي تسويه امي صح وغصب يقولون صح عشان ما يدخلون معها بمشاكل ولا لسان اختي الملتزمه اللي تجيب لامي احاديث وايات تقنعها انه حرام وصل اختي اللي تسميها عاقه تعبت اسكت هذا واجاري هذا وسكت عشان هذا على هالوضع لي اكثر من 10 سنوات وحنا بهالمعار ك اللي امي تسويها بالبيت .....قليل تحصل ثنين عندنا بالبيت يكلمون بعض بسبب امي تنقل الكلام بيننا انا عشان اقولها حرام صرت عاقه وما يصير اعلمها امي تحلف على اشيا ورب البيت انه كذب بس تحلف عشان مصلحتها امي تكذب عشان تحصل اللي هي تبي امي تكلم باعراض الناس امي تنقل كلام بين بيناتها امي امي تنكر كل شي قالتها لو احد واجها بس عشان ما تورط بكلمه هي قالتها امي اسوء مثال لا اسوء شخصيه وبعد امي ملتزززززمه حيل وتصلي كثير وتصوم كثير...وانا عاقه عشان اقول انتي خلاص كبرتي المفروض تشرين اخرتك بيتنا وربي مولع نا ومشاكل كل يوم اللي يقدر يطلع النار اللي فيه تروح وتعينه وتوصل اللي يقول واللي ساكت وما بيبي مشاكل تروح تستفزه عشان تفرح منه بكلمه عشان يصير فيه اكشن بالبيت ومع ككذا تمثل على ابوي لان ابوي ضعيف شخصيه دور انها طيبه وان عيالها وبناتها ما يستاهلونها وشكثر تتعب ويرتفع ضغطها عشانهم .......مليت من كثر ما اسمعها تدعي علي ولا على اختي اللي تسميها عاقه وربي انها ترفع يدها وتدعي على اختي الصغيره عمرها 11تقول ايه صرتي عاقه معهم الله لا يوفقكك دنيا واخره هالدعوه على طفل......اللحين تقول انسوني تخيلو اني مت خلاص انا بريئه منك ليوم الدين ورب البيت ذنبي بس قعدت مع اختي بالمستشفى لانها تعبانه تقول اللي يحب عدوي ما احبه قلت غصب انا بنتك وانتي امي وغصب لازم احتاجكك ما فيه احد ما يحتاج امه اذا ضاق ولا فرح ولا زعل قالت لا انا ما ابيكم...قلت طيب بس لا تستفزين ابوي علي وتخلينه يضربني ولا يخانقني ........بنفس اليوم ابوي شافني طردني من المكان اللي هو فيه قلت وش سويت قال مزعله امك قلت طيب تدري ليش قال امك ما تلقني مثلها انتي اللي ما تستاهلينها......الله حرمني حنان اي شي لا ام ولا ابو ولا جد ولا جده ولا خاله وربي مليت من كل شي وربي افكر انتحر افكر انحرف ابي انساها ابي انسى الجو اللي عايشينه في البيت بسببها,,,والله الحمد الله انا اخاف ربي واصلي واصوم بس ماني ملتزمه مثل امي ومع كذا قسم بالله ما اقدر اسوي ولا شي من اللي امي تسويه في الناس واثارة المشاكل والفتنه بينهم اذا نصحتها قالت عاقه واذا سكت على اللي تسويه وعملها في الناس وفينا انقهر امووت قهر ............انا تعبت وربي تعبت من كل شي الناس فرح الناس عندها مناسبات الناس يجتمعون الا بيتنا والله ما نعرف فيه الا المشاكل وكله بسبب امي ......مدري هو اختبار من الله مدري الله يعاقبنا على ذنوبنا مع انه والله لو ككان عقوبه قسم بالله لو كنا نعبد الاصنام كان ربي ككفرها عنا بسبب ما نشوفه من امي ...........جد انتهيت استنفذت طاقتي بالصبر بالبر بكل شي اذا البيت اللي مفروض مكان راحة اي كائن عندنا مكان مصيبة وتعب ككل اللي فيه اللي يقدر يقضي وقته برى البيت راح وطلع واللي ما يقدر يقعد يصارع مع امي واللي تسويه قسم بالله ما ادري وين ارتاح ...........معليش واسفه على كل شي ممكن تلاقونه بالموضوع وما يعجبكم لاني اكتب وانا ماني بحاله سليمه ميه بالميه انا منهاره وربي منهاره ..........امانه اللي عنده حل من اي نوع يساعدني فيه تكفى دكتور هاني لا تهمل قراءت الموضوع

المصدر: نفساني

السلام عليكم ورحمة الله

كم العمر
ترتيبك بين الأخوة
المنطقة التي أنت منها
مجال العمل

والرجاء تحديد السؤال



مع التحية ،،