|
|
||||||||||
عيادة المشكلات الزوجية والأسرية للوصول الى الإستقرار الزوجي والأسري |
|
أدوات الموضوع |
17-10-2009, 11:40 PM | #1 | |||
عضو جديد
|
تكفووووووووووووووون ساعدوني الله يخليكم
السلام عليكم ورحمه الله وبركاته
بصراحه ماني عارفه كيف ابدأ ولكن الحاجه تطلب مني اولا .. كانت بدايته قبل الزواج كنت انطوائيه واخاف كثيرا بسبب المشاكل المتكرره في البيت ومن الصف الاول الثانوي كنت اخاف ااختلط بالناس واحب اقعد بروحي وتعلقت كثير بمعلمتي الدين واحبها مثل امي احس انها تحن علي كنت اتظاهر بالمرض والتعب احيانا للفت الانتباه الى ان انتهيت من السنوات الدراسيه بمعدل سيء كنت نفسي ادخل كليه الفنون التشكيليه ولكن امي لم تساعدني انا من النوع اللي ايأس بسرعه المهم درست كمبيوتر لانهم قالو احسن من الشهاده الجامعيه وفي النهايه طلعو نصابين وجاء خطاب لي وانا مااعرف ايش معنى الزواجكنت احسه سهل وخلال 3شهور تزوجت امي كانت رافضه بحجه انه اسمر ولكن اقتنعت بعدين .. المهم زوجي كان تمام معي كأي زوجين في بدايه حياتهم وبخلص شهر العسل وبد الدوام كان يعسصب احيانا وكنت اراضيه وهومن النوع العصبي ونرجسي بشهاده اهله كنت دوم اراضيه واحب على رجوله عشان مايزعل مني ورزقت بطفلي الاول والحياه مستمره هو يزعل وانا اراضيه طبعا انا عمري ماقريت عن اي شي يكون بين المتزوجين واحس اني ماكنت متفتحه وممكن هذا اللي زاد مشاكلنا وقبل لا احمل جاني اتصال في وقت متأخر وكنت ابغى ارد لكن هو قالي طنشي اللي يبغاك يتصل بدري وسمعت كلامه واليوم الثاني لقيت اكثر من اتصال على الثابت والجوال وانا كان فيني فضول واتصلت واكتشفت انا وحده وقحه قالت انها كانت على علاقه بزوجي قبل زواجنا وقالت كلام يسم البدن وانه كان بيتزوجها بس اهلها رفضوه ورديت عليها بهدوء هذا النصيب وسكر وبعدها دق زوجي علي يهزئني ويقولي اها قالت له اني حامل وماعلمته وزعل ولا رجع البيت وكلمت خالته اشتكي لها لان امه متوفيه واعطيتها الرقم وبعدها مادقت وبعد ثلاث سنوات انتقلت لبيت ثاني وقريب من اهلي وبدا يهمل ويقصر بحقي من مصروف واغراض البيت بحجه الديون وانا مازلت اللي تراضي وتقول الكلام الحلو وهو ما اسمع منه الا(انتي مقصره بحقي وانتي عمرك مالبستي ولا تزينتي والخ )وكل مايزعل يرسل لي رسايل تكرهني بعيشتي وصبرت وقلت مع الايام بيتغير واحاول اتقرب منه وحتى في وقت الجماع يبغاني انا اللي ابدا كل مره ويخليني اسوي اشياء انا ما ابغاها او بمعنى اصح تضايقني وسويت اللي يبغاه واكتشفت اه جنسي بعد ثلاث سنوات طبعا بديت افهم لاني كنت زي البقره وفهمي على قدي وطبعا ما كان يطلعني كثير حتى لزيارات اهلي كنت اشتكي لصديقتي وماعندي غيرها الله لا يحرمني منها تعرفت عليها في المعهد واحكيلها وكانت تصبرني الين ماجبت الطفل الثاني ورحت كالعاده اتنفس بيت اهلي وبصراحه كان نفسي اسافر مع خواتي وكنت وقتها ماخلصت الاربعين يعني حتى لو طولت اسبوع لانه جاني اكتئاب الولاده وطبعا عصب علي وقالي كيف تخلين زوجك وانا بطبعي ماابغى ازعله ورجعت بيتي وجتني وحده من اهله وقدمت لها كل شي والعشا تأخر لاني طلبته من برا وراحت وعصب وبعدها بيوم جاني نزيف من التعب ماقدرت اتحرك والمشكله شاف شكلي ولكنه سمعني كلام االله لايوريكم وبعدها انا انهرت وجلست ابكي مثل المجنونه واليوم الثاي سافر وقفل باب المجلس ولي اغراض فيه حتى النت شاله علي وانا انقهرت ودقيت وعصبت وقلت له بروح لاهلي وطبعا جاتني منه رسايل تسم البدن وفي النهايه قال لا اجي واشوفك في البيت ودقيت على اختي لان اخواني الله يهديهم كل واحد متبري من كل ورحت لبيت امي وهدتني والحقير الله لا يسامحه اتصل على اخوي(نفس طينته) وقاله كلام علي وطلعي الغلطانه ودق علي وقالي الحين تشيلين اغراضك يا.......................( سلسله من الشتائم )وترجعين بيتك وطبعا زوجي قال هي طلعت هي اللي ترجع ودقيت على اخوي الكبير اللي كنت اعتبره ابوي وللاسف قفل بوجهي وقمت اهنت نفسي كالعاده وارسله رسايل حب واعتذار والاخ مطنش الين دقيت وقلت له اذا ماراح تجي تاخذنا بنعيش انا وعيالي على باب المسجد وجا والحمدلله ومازال التقصير في حقي وحق عيالي وطلعه من البيت مو لازم وانا احترق واطلب من الله مزيدا من الصبر صرت اخذ من اهلي فلوس عشان اجيب اغراض لعيالي واهلي ماقصرو معي ومرت سنتين وانا بحاله لا يعلم فيها الا الله عز وجل بس كنت قدامه الزوجه اللي كل زوج يتمناها ومع ذلك مابين بعينه شي من اللي اسويه يعني بتم معاه بعد كم شهر ثمان سنوات وانا كل يوم اقول بيتغير طبعا لما اقوله انت كما تقصر معاي يحلف بالله انه ماقصر الكثير شايف اخطائه معي لكن ساكتين لاني ما اشكي صار فيني تبلد وصرت ما اعطيه حقه لانه يطالبني فيه كل يوم طيب مايعرف ان مسئوليتي زادت من اطفال وبيت وطلباته اللي احيانا اعجز اسويها وصرت ابات بيت اهلي ايام الويك اند ولما يعصب صرت ارد عليه واقوله انت كمان مقصر وانا اتعب كثير يعني لما تكون الزوجه تعباه نفسيا وجسديا كبف بتكون احس احيانا انه يبغاني مثل الاله وان انسانه تعبت كثير والحين مايكلمني له فتره لاني خلاص قررت الانفصال والله اني افرغ غضبي على عيالي واضربهموهم مالهم ذنب بس ايش اسوي تعبت احس ان التفكير تعطل عندي تكلم معي قبل يومين واخذ يعتذر وويقول انه مستعد يسوي لي اي شي لكن انا داخليا رافضته وعن قناعه وقد استخرت ووكلت امري لله واتصل بامي واخبرها بكل شي وانه مازال يريدني ولكن اقنعتها بانني لا اريد الرجوع اليه ارجو النصيحه ابغى رائكم على مشكلتي وبصراحه لاهنتو المصدر: نفساني
|
|||
|
19-10-2009, 01:25 AM | #2 |
عضو جديد
|
عمري انا 26 سنه
وعمر زوجي 31 سنه لدي طفلان الاول 5 سنوات والثاني 1وعشر شهور اسكن في الرياض اذا كانت هناك معلومات انا بالخدمه لاني اخذت قراري ويمكن رائكم يغير حالي مودتي |
|
19-10-2009, 05:36 PM | #3 |
محلل نفسي ومستشار الشؤون الأسريه والمجتمعيه
|
بكل بساطة أنا لم أفهم شيء بسبب ثنايا وتفرعات وتشعب الموضوع في شرحك أختي الكريمة أسلوبك في الكتابة لا بأس به كموضوع طويل في جلسة استشارية يتبادل مع المستشار الحديث أما هنا فأنا لم أفهم من أين أبدأ وماذا أفهم من شرحك إنما أنا هنا أحتاج لتحديد كي أستطيع مساعدتك ولك الرأي مع التحية ،، |
التعديل الأخير تم بواسطة د. هاني الغامدي ; 19-10-2009 الساعة 08:05 PM
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|