|
|
||||||||||
عيادة المشكلات الزوجية والأسرية للوصول الى الإستقرار الزوجي والأسري |
|
أدوات الموضوع |
26-10-2009, 03:22 AM | #1 | |||
عضو
|
دكتور نفذت نصيحتك ونجحت بمهارة .. ولكن !!
السلام عليكم
اوجه شكري وتقديري لك يادكتور هاني على كل جهودك والله يجزاك الجنة يارب اولا انا كتبت العام معاناتي مع زوجي اللي ضربني وانا حامل وانت نصحتني باتخاذ موقف جاد اتجاه الضرب وفي نفس الوقت اتجاهله الى مابعد الولادة هذا رابط لموضوعي اضغط هنا موضوعي السابق كامل اللي صار اني لما كنت في الشهر السابع صارت هوشة كبيرة بينه وبين اهلي نتج عنها اننا تصالحنا انا واياه ورجعنا لبعض والله يادكتور رجع واحد ثاني صار مره طيب وطبعا شرط علي اترك وظيفتي واتفرغ له اخدمه وادلعه وجاب لي الهدايا والذهب وتأسف لي .. وكل العيوب اللي كانت فيه رااحت ,, وماصار يعصب علي وبالعكس صار يهمه راحتي .. وجاب لي خدامه تخدمني .. وكان حريص جدا على مشاعري وانا برضو ماقصرت معاه حطيته على راسي وعشت معاه الشهر الثامن والتاسع في سعاده ماتوصف وحب وتفاهم وحسيت انه ولله الحمد تغير وانا برضو صرت افهم له ثم ولدت الحمد لله .. وصار يجيني عند اهلي وانا بالنفاس يوميا ويسهر معي ومايفارقني .. الى هنا حلو بعد كذا جا اليوم اللي بدت منه معاناتي تتجدد وخلتني الحين اقرب للطلاق .. في اول رمضان صارحني بالسفر وانه يبي يسافر بلد امه الاجنبيه عشان امه هناك و انه راح يجلس عندها عشان تخدمه لأني بالنفاس طبعا عصبت ومارضيت وقلت له اني راح ارجع له حتى وانا بالنفاس واقوم بخدمته في رمضان وان هذا الشي مايتعبني انا يادكتور مابيه يسافر .. بس مارضى وطبعا انا زعلت والله قام يتصل على جوالي ويترجاني اسامحه وارضى عنه عشان يسافر وهو مرتاح انا هنا كسر خاطري ووافقت وفتحت له قلبي وسامحته وقلت له خلاص ياحبيبي تروح وتجي بالسلامه مع انه حجز شهر كامل حتى ايام العيد ماراح يكون معي ومع عيالي وبرضو قلت خلاص معليش روح والله واياك وحتى وهو مسافر كنا نتصل على بعض ونتبادل سوالف الشوق والحب وكل الوضع تمام رجع من السفر بعد العيد باسبوع وجا بيت اهلي عشان يسلم علي ويشوف عياله .. وطبعا زينت نفسي مثل العروس من فرحتي وحتى عيالي لقيته جاني يسلم بدون نفس و - البوز شبرين - ومررره نفسيته شينه وحتى مو مشتهي يطالع في وجهي حسيته كارهني مره مرره وحتى عياله ماعطاهم وجه ولما سألني متى بترجعين قلت محتاجه يومين على ماأنظف وأرتب بيتي .. طبعا هو ماصدق يمسكها علي وعطاني بوز وهاوشني وطلع والله ماقعد حتى ساعتين على بعضهم !! انا عذرته قلت يمكن تعبان من السفر رغم انه كان واصل من الصبح ونايم وجا اليوم الثاني وبرضو مااتصل علي واذا اتصلت انا مايرد علي وعلى آخر الليل ارسلت له رساله اطلب منه يصلح كم شغله بسيطه خربانه في بيتي من شغلات سباكه وتنظيف لانه وعدني من زمان انه يصلحهم وقت النفاس .. اليوم اللي بعده اتصلت عليه وبرضو يرد معصب ومايعطيني وجه .. ولما جا بالليل اتصلت عليه وطلبت انه يجي ياخذ الاغراض عشان بنرجع .. قام يهاوش ويصرخ علي وعصصصب مره وسكر بوجهي الخط !!!!!!!!! انا هنا انفجرت من القهر .. تعبت نفسيا واتخذت قرار سريع اني ماراح ارجع له دامه بيرجع بطبعه الاولاني .. العام وضربني وانا حامل والحين وانا بعدي مارجعت له وكذا يعاملتي اجل لو رجعت له وش بيسوي ؟؟ يمكن يقتلني !! المهم اني كرهته حيل وخفت منه واتصلت عليه ومارد واتصلت على امه واشتكيته لها منه طلبت منها تقوله يطلقني وماظن بكمل حياتي معاه وكفايه يجرحني رغم اللي اسويه له اليوم اللي بعده اتصل على جوالي ومارديت .. واتصل على ابوي وامي وهو معصصصصصصب هاوشهم وتهاوش معهم عشانهم دافعوا عني .. بعدها بيومين ارسل على جوالي يطلب يشوف ولده .. اتصلت عليه وكان معصب وقلت له تاخذه تربيه عندك مو تاخذه شوي وتجيبه .. قام يهاوش ومارضى وقام يهدد وسكر الخط اتصلت عليه بعد عشر دقايق وقلت له بصوت هادي .. يافلان روح روق وهدي حالك وتعال عندي نتفاهم ... تخيل يادكتور قام يهاوش يعصبيه مررره ويصارخ علي ويسبني ويسب اهلي و يذب فينا وسكر الخط .. وطبعا انا ساكته مارديت والله ابد .. وبعدين ارسل مسج وقال اذا تبين اغراضك تستأذنون وتجون ولو جيتوا بدون استئذان ماتلومون الا نفسكم !! المهم انا واهلي ماردينا ولا عطيناه وجه .. والحين مضى شهر على هالسالفه وانا وعيالي في بيت اهلي وعلاقتنا فيه مقطووعه ولا هو اتصل ولا شي واهلي مو راضين اتصل عليه ويقولون ماترجعين له على ذل .. خليه هو اللي يبدأ واضح يادكتور من تصرفاته انه مايبي يطلق .. وانا محتاره وش اسوي !! انا غلطانه من البدايه اني تزوجته !! مستواي الاجتماعي والمادي والعلمي اكبر منه بكثير .. مشكلتي عجبني شكله الوسيم ومافكرت بالاخلاق والتربية ؟؟ ودي اتطلق وافتك منه بس خوفي على عيالي .. مدري وش بيصير فيهم !!! وشلون اتصرف ؟؟ وممكن تعلمني هو وشلون يفكر الحين هل هو نادم او انه متحدي او مقهور ؟؟؟ وش تتوقع يصير ؟؟؟ علي فكره خلال هذي الفترة جاني تعيين معيده في احد الجامعات ورفضت لاني عارفه ان زوجي هذا ماراح يخليني انجح في وظيفتي ابد ماقول الا الحمد لله على كل حال .. حسبي الله ونعم الوكيل المصدر: نفساني
|
|||
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|