ارجو المساعده ارجوكم

ارجو المساعده ارجوكم

سلام عليكم

انا بنت عندي 21 سنه مريت بمشكلات كتييييييييييييييير في حياتي وخفت اتكلم في كتير منها واتكسفت اتكلم في كتير منها
بليز اسمعوني للاخر وحاولوا تساعدوني

كنت طفله عاديه جدا ليا اربع اخوات الحكايه كلها بدات وانا في تانيه حضانه اتعرضت لعملية اغتصاب في العماره والله والله ما بكذب ولا بألّف عليكم
وقتها مكنش حد شايف وانا كنت صغيره وكان في واحد عمري ما شفته كان في العماره واخدني على الحوش وعمل كده وانا كنت عماله اعيط ومش فاهمه ايه اللي حصل وخفت اقول لحد ساعتها وفضل الموضوع ده عامل معايا مشكله اصحى مرعوبه وحاجات زي كده بس نسيت وماما الله يرحمها كانت عمرها ما كلمتني في حاجه زي دي المهم فضلت مش فاهمه لحد اولى ثانوي في قعدة بنات وكلام بنات بيني وبين صحباتي فهمت انا ايه اللي حصلي بس طبببببببعا من غير ما اقوللهم وعشت ساعتها اسووووووود اياااااااااام حييييااااااااااتي لما عرفت لاني كنت في سن مراهقه وفرحانه بنفسي وفجأه اعرف حاجه زي دي بقيت منطويه جداااااااااااا وبعد ما كنت بنافس على المراكز الاولى بقيت يا دوب بحاول انجح ومبقتش فاهمه حاجه
وكنت هتجنن تقريبا يعني شاب كان عايز ايه من بنت عندها 5 او 6 سنين مهما يكون شكلها ولا لبسها وبقيت اقول للدرجه دي الناس بقت حيوانات مفيش حاجه هاماها غير النقطه دي لو كانت مع مين حتى
حسبي الله ونعم الوكيل

دي اكبر مشكله اما مشكلتي التانيه هي ماما الله يرحمها دايما كانت تضربني من وانا في اولى حضانه كانت بتضربني بالخرطوم والخرزانه والعصايه واي حاجه تيجي في ايديها في كل مكان وكانت معايا في المدرسه الابتدائي ودايما تضربني قدام اصحابي ومش قادره اقوللكم ازاي كانت بتضربني
تعرفوا انا لغاية دلوقتي بتكسف لما اشوف حد من اصحابي دول او من مدرسين المدرسه دي

بس في مره ضربتني وانا في اولى اعدادي ومش قادره انساها لحد دلوقتي بصراحه انا كنت غلطانه عملت حاجه كده في درجات الشهاده عشان كنت خايفه منها لو عرفت اني مطلعتش الاولى بس العقاب كان قاسي اوي كنا لوحدنا كتفتني وفضلت تضربني بالخرزانه ومكنش بيهما صراخي ولا عياطي ضربتني كتييييييير اوي في اليوم ده وفضلت مكتفاني مرضيتش تفكني وفي الرايحه والجايه كانت تضربني شويه والكارثه ان الباب خبّط ساعتها وهي كانت سيباني متكتفه في الصاله ومرضيتش تدخلني قالتلي خليكي كده وفتحت وكان ابن الجيران عايز حاجه من عندنا وسننا تقريبا متقارب وكل اخواته صحابي لاننا متربيين مع بعض ومش قادره اوصفلكم كسفتي من المنظر اللي كنت فيه وفضلت بعدها كتييييييير احاول اجري كل ماشوفه او اشوف حد من اخواته ولحد النهارده كل ما اشوفه اتكسف منه
والمره دي مكان ما كنت متكتفه وبحاول اقاوم الضرب صوابع رجلي حصل فيها حاجه كده زي عاهه وكل ما ابصلها افتكر المره دي وفضلت بعدها تقريبا يومين او تلاته جسمي واجعني من الضرب وفضل معلم تقريبا اسبوع او اكتر ودي كانت اخر مره تضربني كده عشان ساعتها بابا واخواتي الكبار عملوا معاها مشكله رغم انهم كانوا كتير بيتدخلوا قبل كده لكن هي كانت بتتعمد تضربني واحنا لوحدينا او تقفل باب الاوضه علينا

المهم من ساعة المره دي او من قبلها وانا عندي شعور غريب بحس باحساس غريب وانا شايفه حد بينضرب بحس بمتعه لو شايفاه لوحدي من غير اهلي يعني ممكن في المدرسه مثلا وبحس بمتعه وقلق خجل لو معاهم بحس انهم كلهم بيبصولي لدرجة لو جه اي مشهد ضرب في تمثيليه ولا فيلم بحس بتوتر واتحجج باي حجه عشان اقوم بس ببقى هموت واشوف المشهد وكتير كنت بتخيل مع نفسي حد بينضرب او افتكر حد انضرب ادامي عشان احس بالمتعه دي
والكارثه في دلوقتي بقيت بستمتع باني اقرا قصص التعذيب

بكون مستمتعه بس بعد ما بخلص بحس اني قرفاااااااااانه من نفسي ااااوويييي

بكون حاسه اني بغضب ربنا وانا بقرأ الحاجات دي وبحس بتانيب ضمير فظيييييييييييييع اويييييييييييي

انا عارفه ان ماما كانت بتحبني وبتخاف عليا الله يرحمها بس انا فعلا مش قادره انسى اللي هي عملته معايا

المشكله دلوقتي انا حاسه اني مريضه نفسيا ومينفعش خاااااااااااااااااااالص اروح لدكتور نفساني مش عشان عيب او حاجه بس اهلي مش هيرضوا

حاسه اني حياتي مش ليها لزمه مهما اعيش اخرتها ايه يعني منا مش هينفع اتجوز خلاص وانا مرعوبه انه عريس من العرسان بابا مثلا يعند ويوافق عليه وانا اما خفت زمان ومقلتش فاكيد دلوقتي مش هيصدقوا

عايشه بجد في رعب نفسي جاااااااااااااااااااامد مش من حقي اعيش زي اي بنت في الجامعه كنت قافله قلبي ده ضبه ومفتاح بغض النظر عن التربيه بس كنت بخاف لاني عارفه النهايه مفيش جواز

انا الحمد لله قربت شويه من ربنا بس خايفه اويييييييييي بقول يعني الحمد لله مريت بكل ده في الدنيا كمان خايفه في الاخره ادخل النار يبقى خسرت ده وده

اوقات بحس دماغي هتنفجر من التفكير كل ده وانا عمري 21 سنه شايفه كل اللي في سني بيتنتطوا ويخرجوا وليهم راي وبيعرفوا يتكلموا وانا مش عارفه اعمل اي حاجه غير اني خايفه

ارجوكم والله العظيم ما كذبت عليكم في حاجه ارجوكم صدقوني انا مش بنت فاضيه قاعده تلعب عالنت وتضيع في وقت والله كان نفسي اخرج كل اللي جوايا ده وفي حاجات لاول مره بقولها هنا معاكم وده اقصى حل وصلتله قلت ابحث عن دكتور نفساني عن طريق النت وطلعلي منتداكم ونفسي بجد تساعدوني الاقي حل

وانا بدور لقيت قسم اسمه دكتور نفساني في منتدى تاني بس بعد ما كتبت الموضوع اكتشفت انه مش اكتر من منتدى اجتماعي والاعضاء ربنا يكرمهم في منهم بنت كانت دارسه علم نفس وقالتلي كلام ريحني شويه هي والاعضاء
والنتيجه اني الحمد لله دلوقتي بقت في شوية ثقه والحمد لله الحمد لله يارب مبقتش تستهويني قصص التعذيب والحاجات دي
وكمان ارتحت اوي بعد ما حكيت هناك وحسيت زي ما يكون جبل وحد شاله من فوقي

بس اللي مش قادره اتخلى عنه حالة الرعب والخجل ودايما انا شايفه نفسي بنظره دونيه وحاسه اني انا السبب في اللي جرالي
مع اني ربنا وحده الاعلم مكذبتش عليكم في حاجه

ارجوووووووووووووكم ساعدووووووووووني

المصدر: نفساني

اسفه على الاطاله لكن بجد محتاجه مساعدة ربنا اولا ومساعدتكم ثانيا ارجو الرد

ارجو الرد من فضلكم

انا بجد اسفه جدا على الازعاج ده وعارفه ان حضرتكم شغلكم كتير ربنا يعينكم يارب

السلام عليكم ورحمة الله تعالى وبركاته.
ان هذا االمنتدى في الخدمة .

اسمحي لي بتلخيص ما قلته لي كالتالي:

تعرضك لعملية اعتداء جنسي (لا نقول اغتصاب بسبب السن الذي كنت فيه)
كلامك مع الزميلات حول دلك الموضوع زادك معرفة بما حصل لك فلجئتي الى الانطواء والوحدة.
تفقدين نوع من الثقة في الغير بسبب ما حصل لك في الطفولة
القسوة التي كانت تعاملك بها المرحومة والدتك ..وانتهاجها سلوك العقاب بلا مبرر حسب ما ذكرتيه لنا .
اضافة الى ذلك عند ملاحظة الغير أمك وهي تضربك أحدث في نفسك الانكساف والخجل الغير عادي.
المتعة التي تجدينها أثناء رؤية أحد يضرب شخص ما ...وانكسافك بمجرد نظر الغير اليك ....وشعورك بتأنيب الضمير .

ومن خلال هذه المعطيات يمكن تفسيرها ب:
حدوث لك مشكلتين في مرحلتين حساستين ...الأولى مابين 5 الى 6سنوات وتسمى مرحلة الكمون .......أما الثانية حدث في قبيل السن 20 و تسمى بالمراهقة
وبما أنهما مرحلتين حساستين في حياة الفرد فأي طارء يحدث لهما سكون له بالغ الأثر في المستقبل (أعني بالمستقبل من مرحلة المراهقةالى آخر يوم من حياتنا)
كما أنه في كلا المرحلتين تتميزان بالدخول في الاجتماعية وببناء العلاقات وتنظيم المحيط الاجتماعي ...ولكن اجتماعية مرحلة الطفولة تكون بالتحرر نحو الأسرة ....بينما في مرحلة المراهقة يكون التحرر من الأسرة الى العالم الخارجي.

وبربط الأحداث فيما بينها ...فان كبتك لماحدث لك في طفولتك وعدم اخبار المرحومة والدتك بما جرى كان بسبب الاضطهاد الذي كنت تعيشينه من طرفها ..أدى بك الى فقد الثقة بالغير والانطواء على الذات .... والخجل الدي كان يراودك دائما سببه انكسافك الدائم والمتكرر من الناس ومن دون سبب يتبر معزز لفقدان الثقة بالنفس .
ومنه يتبين لنا بأن متعتك في مشاهدة أفراض يضربون دليل على وجود حب الانتقام من الغير بصفة لاشعورية .بسبب فقد الثقة بهم
أما عن الشعور بالذنب فهو راجع الى المحيط القاسي والصلب الذي كنت تعيشين فيه مما أدى الى تكوين في نفسك ضمير صلب وقاسي
يكون بمثابة الشعور بالذنب.

ربما قد ذكرت لك أشياء غامضة لأني تعمدت ذلك حتى أضعك أمام مشكلتك ...أبصرك بها من عدة زوايا ...أقربها لك بكل أكبر حتى تدركينها بحقيقتها ...يجب أن تعرفينها كما هي وليس كما تريدينها أنت .
فعلى ضوء ماذكرت هل يوجد عندك تعليق؟؟ثم اني أود معرفة الاقتراحات والحلول التي تراودك بعد أن وضعتك قرب مشكلتك ؟ فماذا تقترحينه على نفسك .

اولا جزاك الله خيرا على المساعده وتحليل المشكله وانا الى حد ما كنت شايفاها كده
قبل ما اقول الحلول اللي بتراودني حضرتك استخدمت الفاظ زي "كما ذكرتيه لنا وايضا ليس كما تريدينها أنت"
يا اخي انا مكذبتش في حاجه عليكم ومفيش اي داعي اني اكذب او اضيع وقتي او وقتكم في موضوع مخجل زي ده ربنا وحده الاعلم
في بس نقطة عن ماما الله يرحمها انها كانت بتضربني من غير مبرر بصراحه لا وانا مقدصتش كده ابدااااااااااااااااااا انا قلت انها على اي غلطه كانت بتضربني كتير وادام اي حد وعقاب كان اكبر بكتير من حجم الغلطه

وبالنسبه لموضوع الاعتداء الجنسي والله انا لسه فاهمه امبارح بس اني يعني لسه فتاه انا مكنتش عارفه وكنت فاكره انه اي سن يحصل فيه حاجه زي دي يبقى الفتاه خلاص اصبحت سيده واللي عرفني ان بنت من المنتدى التاني اللي ذكرته قالتلي انها سالت والدتها ووالدتها جاوبت بان السن ده لا يعتبر اغتصاب وده اللي جعلني لاول مره اتجرا واسال بنفسي وفعلا عرفت والمعرفه دي حسيت بها انها صغرت عشر سنين

وبالنسبه للحلول اللي بتراودني انا بصراحه حسيت ان اي شئ اصبح تافه امام ان ربنا طمني اني لا ازال فتاه
لكن الخجل بصراحه مش عارفه له حل بس الخطوه اللي نويت عليها باذن الله انه لو ربنا رزقني زوج صالح وبنت عمري ما هعاملها زي ما امي الله يرحمها عاملتني هصاحب بنتي على قد ما اقدر وهعاقبها بحدود زي ما ربنا وسيدنا محمد عليه الصلاة والسلام امروا
امرونا في اكبر امور الاسلام "الصلاه اعملها ثلاث سنين وبعدها ممكن اضربها بس ضرب غير مؤلم لاني اعرف انه لا يضرب مسلم فوق عشر الا في حد من حدود الله

دي هي الخطوه اللي عرفت اوصلها

كمان الحمد لله رب العالمين موضوع المتعه اني اشوف حد بينضرب مبقاش زي الاول خااااااااااااااااااالص مبقتش افكر تقريبا في الموضوع ده

وبالنسبه لمشكلة اني شايفه نفسي بنظره دونيه مش هكذب واقول خلاص لا هي لسه مسيطره عليا بس مانكرش اني بدات اشوف نفسي بنظره تانيه بعد ما عرفت اني الحمد لله بنت

يعني نظرتي لنفسي بالدونيه والخجل مش عارفه افكر في حل ليهم رغم اني عرفت اسبابهم من حضرتك لكن حلهم بصراحه مش عارفه

منتظره راي حضرتك واللي هتقوله باذن الله هحاول انفذه واسفه ومتشكره جدا على تعب حضرتك

سأسجل غياب طيلة هذا الأسبوع .....سأتواصل حين الانتهاء من انشغالاتي. أرجو المعذرة

المشاركة الأصلية كتبت بواسطة أحمد بن محمود

سأسجل غياب طيلة هذا الأسبوع .....سأتواصل حين الانتهاء من انشغالاتي. أرجو المعذرة

لا عليك اخي تفضل حضرتك

ربنا يبارك لحضرتك في وقتك وعملك اللهم امين

في انتظار الرد بعد انتهاء حضرتك من مشاغلك وجزاك الله خيرا