|
|
||||||||||
ملتقى الفضفضة مساحة ليقول العضو كل ما يجول في خاطره ، فضفضات نفس . |
|
أدوات الموضوع |
13-08-2010, 09:40 AM | #1 | |||
عضومجلس إدارة في نفساني
|
الفتوجيَّــــه
الفتّوجيه مش مقصود بيهم الفتّوات ,
ده مصطلح هعبر بيه عن الناس اللي متكونش عارفه حاجه ولما حد يسألها تقوم تفتي, يعني جايه من فتوى وجمعها فتاواي والفاعل هو الفتوجي . وممكن نقول عليه أبو العريف . وهو اللي بيجيب التايهه ويقراها وهي تايهه – مش طايره - ومفيش أتنين منه ونادر زمانه وأوانه . (وبعيدا عن دول اكيد مش هنتكلم عن فتوجية الفضائيات ومن هم على شاكلتهم لانه موضوع تاني خالص ) يعني تبقى رايح حته ومش عارف المكان وتقف تسأل, وميكونش اللي سألته عارف , فيفتي بوصفه على كيفه, وطبعا لو أنت مش حريص وسالت كذا مرة عشان تتأكد , تلاقي نفسك بعد شويه بتدعي عليه, وطبعا دي صورة للفتوجي في ابسط أفعاله , يعني بنتكلم بس عن عنوان شارع , كان يجرى إيه لما يقول معرفش . ؟ وقشطة يعني لو الفتوجي ده وانت بتساله سمع كلامكم حد تاني وده اللي بنسميه - بيلمع اكر - وراح داخل في الحوار تلاقي الفتوجي بصله شزرا وممكن يقوله اسكت انت مش فاهم حاجه وبكده تلاقي نفسك بين الفتوجي واللي بيملمع اُكر , (بيلمع اكر : مفهومه : اللي بيدي ودانه وتلاقيه قريب من اي حته تكون بتتكلم فيها او حتى بتتكلم في الموبايل او يتعمد يكون بقربك فتلاقيه دائما قريب من اكرة الباب ولما تاخد بالك منه يعمل انه بيلمع الاكره بتاعت الباب او بيلمع حذائه او زي م يكون - مفيد الحقيقة في القضاء على التلوث - اللي بيلمعوا اكر دول اوقات بنسميهم العصفورة الدبور النحلة دول عايزين موضوع ليهم الحقيقة هما كمان ) وطبعا الفتوجي في كل مكان تلاقيه , بدأ من الشارع مرورا بالجار وزميل العمل و الأصدقاء ووصولا حتى لأعلى المناصب , وطبعا تبقى كارثة لو في أيده سُلّطه - مش سَلطه بتاعت الخيار والقوطة - ويكون م النوع الفتوجي وخصوصا لو حواليه حاشية تزين له فتاواه وأفعاله ودول اسمهم المطبلاتيه – حاجه زي كدابين الزفه من نوعية , اللي تشوفه ياريس , وتمام يا ريس ومعاليك يا ريس , واحلام سيادتك اتنفذت قبل م تحلمها هههههههههههههههه طب يجرى إيه : لما تسيب الرأي لأهل الخبرة والمختصين وأهل العلم - او هنقول عليهم - اللي يعرف - ؟ محدش عندنا بيقول معرفش ودي سمه مش كويسه في مجتمعنا يا ترى هييجي وقت لما منكونش عارفين هنقول منعرفش ولا ايه رايكم ؟ كتب عمرو حسن المصدر: نفساني
|
|||
|
13-08-2010, 12:21 PM | #3 |
( عضو دائم ولديه حصانه )
|
انا عن نفسي بقول راي لكن اقول والله اعلم مفرضش راي على حد . . مساكين الناس حيلقوهه منين ولا منين . . شكراا اخي اسامه
|
|
16-08-2010, 06:37 PM | #5 |
المركز الثالث (عقد من ضياء)
|
هههههههههههههه
كتير تحصل إن في ناس تيجي تسأل عن مكان معين .. وتكون صحبتي معايا أنا غالبا أكون عارفه المكان .. بس مش شاطره كتير في الوصف .. عشان كده ديما تلاقيني أقولهم الجهة إللي المفروض يمشوها وأوصيهم يسألوا حد في طريقهم .. وطبعا صحبتي بتتفرس من الحركة دي .. وتقولي يابنتي كوني قولي مش عارفه وخلاااص .. و ردي عليها ديما بتكون بالضحك خخخخخخ . و جديدة عليا مصطلح " يلمع أكر " . تسلم كتير على الموضوع |
|
16-08-2010, 06:49 PM | #6 |
عضومجلس إدارة في نفساني
|
هههههههههه
جميل اوى يارانيا ان يكون الرد ضاحكاً بس لو صاحبتك ( مفروسه) الحكايه حتقلب !!!! خدى بالك شكرا لمرورك وتعقيبك |
|
29-08-2010, 02:17 AM | #8 |
عضـو مُـبـدع
|
السلام عليكم
أتفق معك اخي,من السيء ان يفتي الشخص ويخترع فتاوى ويصعب عليه قول لا أعرف ....هذا أمر خطير,يتحمل وزر ما يقوله أمام الله تعالى,أنا عن نفسي أحترم الشخص الذي يقول لا أعرف,او سأبحث في الامر,أو انظرني وقت لكي أبحث..... كما ان الانسان يجب ان يعرف من يسأل ,يسأل من لديه علم, (فَاسْئَلُوا أهْلَ الذِّكْرِ إنْ كُنتمْ لا تَعْلَمُونَ). |
|
29-08-2010, 02:28 AM | #9 |
عضـو مُـبـدع
|
{يقول عمر بن عبد العزيز رحمه الله: من قال: لا أدري فقد أَحرز نصفَ العلم، لأنَّ الذي له على نفسه هذه القوة قد دلَّنا على جودة التثبُّت، وكثرة الطَّلب، وقوة المُنَّة.
وقال الهيثم بن جميل: شهدت مالك بن أنس سئل عن ثمان وأربعين مسألة، فقال في اثنتين وثلاثين منها لا أدري، وسئل الإمام مالك مرة عن مسألة فقال: لا أدري فقيل له: إنها مسألة خفيفة سهلة، فغضب وقال: ليس في العلم شيء خفيف، أما سمعت قوله جل ثناؤه "إِنَّا سَنُلْقِي عَلَيْكَ قَوْلا ثَقِيلاً" فالعلم كله ثقيل، وبخاصة ما يسأل عنه يوم القيامة، وقال : إذا كان أصحاب رسول الله – صلى الله عليه وسلم- تصعب عليهم مسائل، ولا يجيب أحد منهم في مسألة حتى يأخذ رأي صاحبه مع ما رزقوا من السداد والتوفيق مع الطهارة فكيف بنا الذين قد غطت الخطايا والذنوب قلوبنا.} *منقول للفائدة*
|
|
29-08-2010, 07:27 AM | #11 | |
عضومجلس إدارة في نفساني
|
اقتباس:
شكرا جزيلاً ياهاله لهذا الرأى القيم
المدعوم بنقل رائع مفيد |
|
|
29-08-2010, 07:29 AM | #12 | |
عضومجلس إدارة في نفساني
|
اقتباس:
أعجبتنى صراحتك يابوح شكرا جزيلاً لتفاعلك |
|
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|