|
|
|
 |
|
 |
||||||||
|
||||||||||
 |
 |
 |
||||||||
| عيادة مشاكل الكبار كل ما يتعلق بالمشاكل النفسيه للكبار ، رهاب ، وسواس ، نوبات هلع ، فصام .... يقتصر الرد في العيادة على الأخصائيين المعتمدين للموقع . |
|
|
أدوات الموضوع |
14-11-2010, 04:41 AM
|
#1 | ||||
|
عضو جديد
|
المرض النفسي دمرني
مرحبا ..
انا عضوة جديدة بصراحة بحثت كتير لحتى لقيت هالمنتدى المناسب لحالتي .. بتمنى لاقي عندكم جواب لحالتي .. عمري 35 سنة متزوجة من 13 سنة و عندي ولد عمره 10 سنوات .. باختصار انا عم عاني من عادة نتف الشعر من عمري 15 سنة .. حياتي ما كانت مستقرة اهلى دايما خناق و مشاكل ..لما بديت بهالعادة كنت عم مر بمشكلة عائلية و امي كانت مطرودة من البيت بسبب مشكلة بنها و بين اابي ..المهم انتهت الخلافات كالعادة و رجعو لبعض .. بس من صغري ما حسيت بحنان الام و لا باللهفة و لا بحضن دافي ..كنت اكره امي من كل قلبي ... نحنا بالبيت 4 بنات و كل وحدة فينا عندها مشكلة نفسية .. ابي متسلط قاسي ما حسسنا يوم بالراحة ... عم حاول اذكر شي عم الماضي من باب يكون عندكم خلفية عن الجو العائلي لي عشت فيه .. بعمر 18 عرفت انو لي انا فيه مرض نفسي و بما اني كنت منحرجة بسبب هالشي و لاني محرومو من فرد شعري لاني كنت صلعاء بمناطق ..فقررت اني روح عند طبيب نفسي ..و لما خبرت امي ضحكت عليي و قال هي ما بتروح لعند دكتور مجانين ..يومها بكيت كتير و حسيت بانانية امي ..و لي زاد انها صار تتمسخر عليي و خبرت كل لناس انس عم انتف شعري و اني مجنونة .. الله يسامحها ...المهم بقيت على حالي و كل مالها نفسيتي تتدهور ..حاولت الانتحار مرتين بس ربنا كان يعيشيني .... كل هاد و اهلي ما حسو باي مشكلة عندي .. فشلت بدراستي و فشلت اجتماعيا ..وكان وزني يزيد كتير حتى صار شكلي مخجل و كانو اهلي يتمسخرو علي و اني ما رح اتزوج ابدا .. و كنت اغرق اكتر و اكتر بالمرض النفسي .. لما تقدم لي زوجي كان عمري 23 وافقت فورا ..الحمد لله انو انسان منيح و بيحترمني وقبل فيني رغم وزني طبعا انا قبل الزواج نزلت وزني و صرت حلوة كتير و حاولت امتنع عن نتف شعري لحتى اقدر سوي شعري بيوم عرسي .. و الحمد لله مرت احلى ايام عليي ..زوجي ما لاحظ اني بنتف بشعر راسي ما كان ينتبه ابدا ...ليش ؟؟؟؟انا ما بعرف ..حتى انو ما بيلاحظ انو شعري خف عن قبل و اني اوقات بقصو بنفسي عشان يتساوا بالطول مع بعضو .. هو طبعو انو ما بيلاحظ و لا بيدقق موبس عليي باي شي حواليه ما بيدقق .. المهم اني استمريت بنتف شعري و كانت تجيني نوبات هستيرية و عصبية لدرجة كنت كسر كل شي حواليي و لي زاد اني تاخرت بالحمل و انا بطبعي بحب الاولاد و كن عند زوجي مشكلة اخرت الانجاب .0و بعد محاولات حملت بابني و كانت اموري تستقر احيان و يطول شعري و صير اتباهى فيه و اوقات بيومين يروح كل شي و ارجع صلعاء ..بعد ولادة ابني قررت اني روح اتعالج عند طبيب نفسي ..زجي وافقني و كاني عذري اني لازم اخلص من العصبية .. رحت لعند كتور شاطر و بلشت بالعلاج مضادات اكتأب و مهدئات خلال 6 شهور ما لمست شعرة و كنت مبسوطة و حاسة اني شفيت ..لكن بعدها كنت انتكس و ارجع اكتر من قبل .. الطبيب كان يراقبني باستمرار و كان يغير لي الدوا كل فترة ..و مرت الايام .. كنت مرة استقر و يطول شعري و روح عند الكوافيرة و مرة كنت انزوي بغرفتي و ابكي على حالي .. كنت حس بتعاسة بحياتي ..ذكريات ظلم اهلي دايما ببالي و دايما بتذكر الضغط لي كنت فيه و كيف كنت عايشة عندهم بلا هدف بحياتي بس لي كان يريحني اني ربيت ابني عكس تربيتي و كنت امه و اخته و رفيقتو و كنت اعطيه الحنان و زيادة عليه كنت لما احضنو حس اني بحاجة لحضنو اكتر من حاجتو لحضني و كنت ابكي و انا حاضنتو و هو يسالني ليش عم تبكي يا ماما .. كان يراقبني و انا عم انتف بشعري و حاول يقلدني و قتها حلفت اني ما مد ايدي على راسي عشان ابني ما يتعلم .. بس المرض غلبني الحمد لله اني كنت اتجنب انو يشوفني ... انا حاليا لا ازال اتعالج بس ما عم استفيد شي ..من سنة و نص استقرت اموري و صار شعري طويل و صرت اعتني بحالي و نزلت وزني و كنت بعدني عم اخد الدوا ..بس من شهرين رجعت انتف بشعري حتى خسرت كل شي و انحرمت اني اتباهى بشعري و قصيتو قصير ...عم حس بندم مو طبيعي بعد علاج 7 سنوات عم ارجع لها العادة .. ماني عارفة شو اعمل صرت بعمر كبير ليش ما عم اقدر اترك هالعادة مع اني مستقرة مع زوجي و هو انسان رائع و تحمل مني كتير و ما عمرو جرحني ..و الحمد لله مرتاحة ببيتي و مو ناقص علي شي .. عم اسالكم شو لي عم يصير معي ..ليش هيك ..معقول 20 سنة بهالعادة و ما عم اقدر اخلص منها ؟؟؟؟و العلاج النفسي ليش ما عم ينفعني ...؟؟؟؟؟؟ بترجاكم جاوبوني ؟؟؟حاسة اني رح ضل هيك كل عمري ؟؟؟؟؟ بتمنى من المختصين يلاقو لي حل ... و بشكركم و بعتذر عالاطالة ... المصدر: نفساني
|
||||
|
|
|
14-11-2010, 05:18 AM
|
#2 | |
|
عضو نشط
|
اول حاجه اختي احمد الله على كل الاحوال وخليكي مع الطبيب والتزمي معه بالعلاج ولاتقطعيه من تلقاء نفسك وياليت مع العلاج تقومين معه بالعلاج السلوكي والمعرفي وايضا ارقي نفسك وباذن الله بتعيني كل خير واحمدي الله ان عندك زوج طيب واولاد غيرك معنده فهاذي نعمه كبيره الله يشفينا ويشفيك اختي واتمنى من الاخوه ماينسوكي والي عنده حل بيذكره لمساعدة اخت لنا
|
|
|
|
|
14-11-2010, 12:23 PM
|
#3 | |
|
مراقب عام
|
الله يشافيك أختي الفاضلة سوف أنقل موضوعك لعيادة مشاكل الكبار كي تحصلين على ما تريدين
يعطيك ربي العافية |
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
