إلى الأستاذ سليمان القحطاني

إلى الأستاذ سليمان القحطاني

السلام وعليكم ورحمه الله وبركاته...

انايااستاذ مشتاق لك كثير كثير حاولت اكتب لك بالمنتدى ولقيتك تارك العياده والمنتدى..

وانا قلت لأمي اني ابروح لمك بس ما لقيتك بالعياده وماكنت اقدر اراسلك لانك مو هنا..
ان شاء الله اللحين اقدر اراسلك كل وقت..



>>><<<

الأستاذ سليمان ،،
خالد طلب مني اكتب لك الكلام ذا..
:) واصر يحط لك الصوره..

المصدر: نفساني

أهلا بك ... يا خالد الخير
وسلام الله عليك ، وعلى والديك ، وأخوتك ..
* أنا مسرور ، وسعيد لأنك عـدت إلى الكتابة في نفساني ، ولا نسيتني .. فلا تغيب كثيراً فأنت تعرف أني أحبك كثيراً ... أكثر ، وأكبر من حائل ، والرياض ، وجدة ، أحبك كما تحب أنت اللعب في الرمل .. لكن الرمل النظيف .. وما زلت أشرب الشاي ، وأضع معه شيء من الحبق الذي احضرته لي ، وكلما شربت الشاي تذكرتك ، وقلت كيف حال خالد ، وكيف دراسته ، وهل يطيع والدته التي تحبه كثيرا كثيرا .. اعرف يا خالد انك نجحت العام وبتقدير ممتاز ، وفي كل المواد حصلت على ( 1 ) يعني ممتاز .. والعام الحالي أصبحت في الصف الثاني يعني كبرت ، وأصبحت تعرف أكثر ، وتفهم أكثر .
* فأخبرني كيف نتائجك في الفصل الأول ؟
* وما هي الهدية التي حصلت عليها من المدرسة ، ومن والدتك ؟
*وفيه شيء بس مستحي أقوله لك ... لكن أبي أقوله ... خاصة أنك كنت زين ، وجلست فترة طويلة ... تروح للحمام ، وفي الليل مثل أول قبل النوم بساعتين ما تشرب شيء ، وقبل النوم تروح للحمام ، وبعد ما تنام تقومك إماما بعد ساعتين أو ثلاث ، وتروح على شان إذا قمت الصبح يكون كل شيء نظيف .
* نبي نرجع مثل أول من الليلة نسوي جدول ، ويمكن الجدول عندك ونكتب فيه أيام الأسبوع :
* السبت : وتقولي كم مرة رحت الحمام من نفسك ، وكم ليلة نمت وقمت وكل شيء نظيف ... طبعا كل مرة تروح للحمام من نفسك لك نجمة ( والنجمتين بريال ) لكن لو نسيت ، وطلعت الموية غصب عليك وأنت في الصالى أو تلعب في الحوش .. نتفق وما تزعل ... نخصم ( نجمتين ) ، وفي الليل إذا نمت وصحيت وكل شيء نظيف تاخذ ( 3 نجمات ) وفي أخر الأسبوع خلي اخوك أو أختك ، وأنت معهم يجمعون النجمات ، ثم يعطونك مقابلها أريالات ، واشتر أنت اللي تبي أي شيء أو أجمعها ، وقلي وش تبي ، وآنا أقول لمام تسوي اللي تبي .
* سلملي على أخوك ، واشكره على شان هو يخليك تدخل ألنت وتكتب لي .. وإن شاء الله ما ناخذ من وقته كثير .
* مع السلامــه .. نسيت قلي وأشلون الجو عندكم في حائل ، وكم خروف في العيد تبي تذبحون .. آنا ابي اذبح خروف واحد الله يقبله آن شاء الله .