الانتحاار

الانتحاار

السلام عليكم ورحمة الله وبركاته

ما أعرف كيف أبدأ شرح موضوعي في السنه أللي فاتت عملت مشاكل كثيره مع البنات

وأدت إلى انهزام شخصيتي وفقدها وبعدين اختي قالتلي في الإجازه لأني صرت عصبيه

إنتي نفسيه ومن بعدها طحت واتخيلت نفسي مريضه عن جد مع انها تقول لكل الناس كذا ومن بعدها صرت داايما حزيينه حتى لمن بدأت السنه الجديده في المدرسه كانوا البنات يسألوني ليش إنتي حزينه حركااتك غريبه أو نحس فيك شي مو طبيعي لأني دايما أفكر بكلمة أختي وأتحطم وأذمر وأقول يلا بكره أتعالج من مرضي مع إني طبيعيه ما فيا شي حتى عدواتي لمن شافوني كذا اتسامحوا مني واعتذروا والحين انقلبت حالتي صرت أتهيأ إنه كل النااس يشوفوني مريضه نفسيه وكمان صرت أقرأ كثير عن الأمراض النفسيه لدرجة إني صرت أتهيأ المرض النفسي مره أتهيأ إنه عندي فصام ومره إنه عندي اكتئاب ومره رهاب اجتماعي ومره انهيار عصبي لدرجة إني قريت قصه بنت عندها مرض الفصام وتقول إنها ما تفرق بين الوهم والحقيقة صرت أنا أخاف وأحيانا اشوف اختي أو صحبتي اقول لا هذي يمكن وهم أحس نفسي غبيه أحيانا وكمان أختي الليي قالتلي ذيك الكلمة دحين هي عندها مشاكل بس مستانسه وفرحاانه ولا كأنه صرلها شي بس أنا أتذكر نفسي وحزني وأتخيل إنه ممكن هي حزينه مثلي ومتضايقه لأنها قالتلي ذيك الكلمة ولمن أشوف شي يفرحني أقول كيف أفرح وأختي يمكن تكون مثلي حزينه عنجد أفكاري صارت غبيه وغريبه أنا حاسه إنه ما عندي مرض نفسي لأنه صحباتي يشكوا نفس همومي ويقولوا بننتحر وأحيانا نضحك أنا وصحباتي على همومنا ونقول بكره لمن نكبر نضحك على حركاتنا أيام المراهقة وأنا الحمد لله درجاتي حلوه بس صرت ما أحب أذاكر لأني أتذكر مشاكلي لمن أذاااكر مستحيل أقدر أعيش كذا صرت أتخيل نفسي غبيه وما أحب السعااده فصاروا أهلي يشوفوني غبيه ويقلدوا حركاتي أللي أسويها بطريقة غبيه وأحيانا أبغى أشكي لأختي الكبيره لأنها واعيه عن همومي تقولي ابعدي عني ما ني ناقصه دلعك أهلي يشوفوني مدلعه ومشكلنجيه لأني أصغر وحده في البيت لو ما اتعدلت أفكااري يمكن ألتجئ إلى الانتحاار أو ممكن أراجع أي طبيييييب نفسي عشان أرتاااح لأني جد تعبت وبدأت أترااجع في حياااااتي ×××

المصدر: نفساني