|
|
|
 |
|
 |
||||||||
|
||||||||||
 |
 |
 |
||||||||
| عيادة مشاكل الكبار كل ما يتعلق بالمشاكل النفسيه للكبار ، رهاب ، وسواس ، نوبات هلع ، فصام .... يقتصر الرد في العيادة على الأخصائيين المعتمدين للموقع . |
|
|
أدوات الموضوع |
12-03-2003, 09:33 PM
|
#1 | ||||
|
عضو جديد
|
مشكلتي معه
بسم اللهبسم الله
والله انا عندي سبعطعشر مشكله اجتماعيه اول مشكله معي انا واخوي انا عمري 20 وهو 23 اخوي اكبر مني هو اقرب واحد بالنسبه فالعمر لي في البيت المهم ان صار بيني وبين اخوي مواقف خلال السنتين اللي راحو هذولي صرت اكرهه وادري ان الكره كلمه كبيره بس وش اسوي يمكن مو كره ولكن لا شعور مالي شعور اتجاهه هذا مو عشان مقهوره منه لا بس من جد ماصرت احبه لانه احس اذا صار موجود ماني مرتاحه ابد اول شي هو انسان ان تكلمت معه هو الصح وانت الغلط واذا قلتله سمعت قالو انت مسخره وينضحك عليك بسرعه ويكذبوا عليك وهو دايم يكذب وانا ديني ودين اللي كذاب اكره الكذابين وانسان مايصلي وهو ملقوف وانا اكره الملاقيف يتلقف في اشياء ماله دخل فيها وكل المشاكل اللي تصير معه بس من لقافته ....الا يحشر نفسه في هوشه صايره في البيت يقولك اذا تبي تدخل في سالفه خلك طرف خير فيها ولا لا تدخل هو لا يجي يسوي فيها يحاكمنا وكل شي عنده بكرامه يعني لو مثلا انا مارضيت اعطيه شي سوا فيها كرامه وكرامه والشرهه على اللي جاك ومدري ايش يعني شي يقرف من جد انا صرت مااتكلم معاه كثير الا في الضروره حتى من كثر طبعه ممل ماله اصحاب ثابتين كل شوي له اصحاب واذا تعرف على ناس جدد نسى الاولين رغم كل العيوب الكثيره اللي فيه وفي طبعه والله كان في قلبي له احترام مع انه يسوي اشياء ويحسب كل الناس زيه (يعني يرى الناس بعين طبعه ) وهذا اللي يرفع الضغط المهم في اخر مره تهاوشت معه قبل شهر ومد ايده علي هو المصيبه انه يمد ايده على طول ماعنده شي اسمه تفااااهم مافي ابد رغم ان ابوي ما يضرب احد فينا وكننا مع ابوي اصحاب مو عياله بعد ما مد يده والله اني كرهته لانه ما احترم لاامي ولا ابوي ب ونفس الشي السبب لقافته كانت مشاده كلاميه بيني وبين امي وليته ضربني عشان احترم امي ليت بس ضربني عشان قلت له شي بيني وبينها مالك دخل وهو كان بعيد عن المكان بس جا عناد عشان اللقافه لو انه بيهدي الموضوع والله ماني قايله لابس عارفته مايعرف شي اسمه تفاهم المهم اني من بعدها والله هدم كل اللي كان بداخلي له مهما يصير ماراح يرجع اللي كان بقلبي اصلا ماكنت اتوقع يمد يده بس مدها وضربني ضرب مبرح لين طلع الدم من وجهي والله صار مثل الثور الهائج والله ضربني بيده ورفسني برجله وسوا كل شي والله طيب لو اني سابته ولا قايله كلمه اكبر (والله اني تحمدت ربي اني ماطلعت من تحت ايده بعاهه والمشكله انه بعد ماضربني يشمشي مثل الطاؤوس والله كنه سوا انجاز حسيته حاقد علي طول هالمده وانا مدري )و يحسب الدنيا حرب ليش اختي فلانه تكلمها وماتكلمني وهي وهي هو ماادري اشفيه علي حتى اذا تهاوش مع ابوي في شي لاااااااااااااازم يدخل اسمي في الموضوع وانا اصلا مالي دخل في الموضوع والله طفشني (هو يحس ان ابوي يحبني اكثر منه او يقول انتي ابوي يقدرك اكثر مني ) طيب ولو كذا اشدخلني انضرب ضرب يخلي دمي يسيل وللمعلوميه ابوي ماكان له ردة فعل على الموضوع الا انه سمع شكوى اخوي وسمع شكواي يعني سمع اش عند كل واحد وعاد اخوي قاله اذا تبغى تضربني اضربني سوا فيها برئ قال ابوي بالحرف ( اصلا عيب علي اضربك وانت رجال اش كبرك ) قهرني رد فعل ابوي انا مااقول يضربه بس على الاقل لا يحترمنا بس يرحمنا وانا بس قالي لسانك طويل عشان قلتله مالك دخل صار لساني طويل بس انا قلت لابوي اذا ما حسينا الامان مع ولدك نحس الامان مع عيال الجيران لانه اخونا الكبيرالمصيبه انه اخونا الكبير يبغانا نحترمه وهو ما يحترم امي ولا ابوي ولا شي وحلفت اني مااسامحه بس ابوي والله المسكين اللي زعل على الموضوع لدرجه انها بكى وقال ماابغى يصير بينكم هالشي والله محد هامني غير ابوي في الموضوع ......بس لاننا عايشين في بيت واحد مشكله انك تصير بين اهله حساسيات بس هو اللي سواها مدري كيف اتعامل هل اللي انا سويته صح اني مااتكلم مع كثير او اتحاشاه يعني اذا صار تكلمت معه واذا ماصار عادي هو يحسسني اني انا بحاجته دايم يلمح في كلامه انك بترجعين لي وانتي اللي بحاجتي مو انا اللي بحاجتك المشكله الثانيه ان ابووووووووووووووي انسان مرررررررررره عاطفي بسرعه دمعته تطيح المشكله اذا في شي ياثر عليه واتكلم معه وابكي يقول لا تبكين مايحب يشوفني ابكي بس انا مااقدر لازم ابكي حتى شي مالا داعي في البكا على طوووول او ل ماافتح الموضوع مع ابوي تبدا دموعي تهطل بدون سبب انا اتضايق من هالشي اصلا حتى لما يقول لا تبكين اقووووووله مااقدر واحيان اذا صار شي مثل هوشتي مع اخوي كانت كبيره بصراحه ابوي بكى والله انه بكى يعني انا ابكي واكون قدام ابوي انسان عاطفي كيف اتحكم بمشاعري وكيف اهدي ابوي او مااخليه يتاثر ترى حركه البكاء ذي والله مزعجتني احس اني ضعيفه في امور كثيره على طول ابكي احس اني لازم اصير اقوى شويه او اقدر اتحمل اكثر ارجو المشوره ؟؟؟ المصدر: نفساني
|
||||
|
|
|
15-03-2003, 01:28 PM
|
#2 | |
|
الزوار
|
يبدو أن أخوك يعاني من خلل في شخصيته حسب ما ذكرت. و أحتفظ بحقي في التراجع عن هذا القول فيما لو ظهرت معلومات أخرى.
المشكلة أن والدك لا يمارس دوره السلطوي و يكتفي بترك الحبل على الغارب فيما عدا بعض العواطف التي لا تودي و لا تجيب. من اعطى أخاك الحق في الضرب غير تراجع والدك عن دوره الأبوي. ماذا عن والدتك لم تأتي بسيرتها؟ ما دورها؟ أختي تجنبيه. هذا خير ما تفعلين. لأنه لا يجيد لغة الحوار و الإقناع و الإقتناع. هو يجيد لغة الأوامر و النواهي و فرض الرأي بأي شكل. لست أدري ما يمكن عمله لوالدك و لا لموضوع البكاء السريع عندك. و لكن ليس من الضروري أن يكون ذلك دليل ضعف. هو فقط وسيلة للتعبير عن معاناة ما. لو أتقنت وسائل أخرى فقد تقل هذه المشكلة عندك. و السلام. |
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
