|
|
|
 |
|
 |
||||||||
|
||||||||||
 |
 |
 |
||||||||
| عيادة مشاكل الكبار كل ما يتعلق بالمشاكل النفسيه للكبار ، رهاب ، وسواس ، نوبات هلع ، فصام .... يقتصر الرد في العيادة على الأخصائيين المعتمدين للموقع . |
|
|
أدوات الموضوع |
06-06-2003, 04:49 AM
|
#1 | ||||
|
عضو جديد
|
الى الدكتور السبيعي .. وكافة الاستشاريين .. احتاج لمساعدتكم
السلام عليكم ورحمة الله وبركاته
دكتور عبدالله الله يخليك محتااااااااااااااااااااجه مـــــــــــره لاستشارتك .. ولاستشارت جميـــــع الاستشاريين الآخرين .. رايحه اتكلم في الموضوع على طول لانو طويل .. بس استحملوني .. أنا أمي تعاني من الشيزوفرينيا من الدرجة الثانيه ( اي انها تسمع أصوات وتتخيل احياناً أشياء غير موجوده ) .. كانت تعالج عند دكتور وكانت حالتها جيدة ومستقرة الحمدلله .. يعني يمكن تتعب في الاسبوع مره بس .. بس أضطرتناااااا الظروف أننا نغير الدكتور اللي تراجعه أمي لانو مسافر وامي كانت تعبانه ومحتاجه تروح لأي طبيب .. وحوولوها العيادة الى دكتوره .. وأمي من أول وهي تبي تبطل علاجها .. وانتوا تعرفون اذا بطلت العلاج اايش يصير .. المهم أمي راحت لدكتوره قالت لها أمي ابي أترك العلاج .. واقترحت الدكتوره انها ما تبطله كذا على طول بس انها تخفف منه بتدريج .. وكانت أمي تأخذ عشره ملم من الحبوب وخلتها الدكتوره لها خمسه ملم بس.. يعني بدل الحبتين حبه .. ومن بعدها وامي مرررررره انقلبت حالتها وتعبت علينااا .. قلنا لها انو لازم ترجع لعلاج الدكتور الأول ولدكتورها الأول .. لكنها رفضضت واصرت انها تروح لنفس الدكتوره .. لانها نقصت لها في العلاج .. وتقول انو هالدكتوره هي اللي بتساعدها على انها تطيب وتبطل العلاج .. احنا ما قدرنا نغصبها .. بس اننا قلنا لدكتوره انو حالتها زادت وانو لازم تقنعها انها ترجع لعلاج الدكتور الأول .. وقالت طيب بقولها .. قامت وحاولت في أمي انها ترجع للعلاج الأول بس أمي رفضت انها ترجع له .. فقالت لها الدكتوره خلاص طيب ارجعي له بس عشر أيام وبعدين بطليه مره وحده .. سوت أمي طريقتها وازدادت الحاله أكثر وأكثر .. حاولنا في أمي أنها ترجع لدكتور الأول .. ولا الدكتورة .. عيت .. وصارت آلحين تلعب في علاجها .. احياناً تاكله واحياناً ما تاكله .. مثلاً تاكله كم يوم وبعدين تجي وتبطله يومين .. وحالت أمي مره صعبه آلحين .. وكلمنا الدكتوره .. وصفت لنا نفس العلاج على شكل قطره .. وصرنا نحطها لها من غير ما تعرف مع الشرب .. بس ما فاد .. كلمنا دكتورها الأول لما رجع وقلنا له اللي صار .. قال زيدوا القطرات لعشر .. وبرضوا زدنا بس ما نفع لانو أمي صارت تلاحظ انو اللي تشربه سواء عصير او شاهي او اي شئ فيه طعم . . وهي صايره شكاكه مره .. تقول انتم .. وش تحطون لي .. وتحسبنا نبي نتقتلها وانو كلنا متامرين ضدها .. وكل الناس في عينها اشرار .. ويوم قلنا لدكتور انو أمي لاحظت قال ما فيه الا حل واحد انو نرجع لسالفة الأبر .. يعني يجي الدكتور معاه مجموعة ممرضين في البيت ويمسكونها ويعطونها أبر مهدئه .. ويصيرون يعطونها من الأبر المهدئه هذي لحدت ما تتعب وتقولهم خلااااااص تعبت .. ويقولون لها اذا رجعتي لعلاجك بطلنا سالفت الأبر .. وهي من التعب تستلم .. واللللله أنهم يعذوبنها .. أنا يا دكتور ما انساهاااا يوم يعطونها الأبر لما كنت صغيره شفت كيف حالتهااا مع اني كنت صغيره وعمري 6 سنوات ذاك الوقت بس ما نسسسيت هالمنظر .. ولا اقدر اتحمل اني اشووفهم يسوون لأمي كذااا مره ثانيه احسهم يعذبونهاااا هي بشر وتحس .. وحــــــاسه اني بنهار لو هالموقف رايح يتكرر او اسمع انه رايح يتكرر .. آلحين انا جتني حاله اكتئاب لما سمعت اخواني يقولون انو ما في غير هالحل قدامهم .. وبعدين أمي تصير كأنها وحش اذا جو يدقونها أبره .. تجرح الأطباء وتقاومهم وتضربهم بأي شئ قدامها .. وتجلس تصيييييييح .. واحيانا تتووسل لهم وتترجاهم انهم ما يدقونها هالأبره .. الله يخليكم أناااا محتااااجه حل ابي حل كيف ممكن اساعد أمي دون اللجوء الى الأبر .. دكتور عبدالله اعطني حل أرجوك .. ولا تقولون لي حاولوا تقنعونهااا تروح لدكتور لانو خلااااص حالتها وصلت لآخر درجة .. وما تسمع من أحد ولا تثق بأحد .. وعندي مشكلة ثانيه .. وهي انوأمي تغار مني مره وتضربني داااايمن وتتكلم على كلام والله يعور القلب وبذئ ومنحط .. ودايـــم تدعي علي اني اتشوه .. وتتهمني في شرفي .. وما تفتح لي الباب اذا رجعت من الكلية وترفض اي أحد انو يفتح لي الباب .. تخليني براء الشارع لحالي وتفشلني قدام الجيران وتخليوا نجلس نتناقش انا وياها على السبيكر اقولها افتحي يمه لي الباب تكفييين .. تقولي روحي ارجعي للشباب اللي رحتي لهم ؟؟؟؟ وأنا والله ويشهد ررربي أني رايحه للكلية .. ودايم تتهمني ااني أنا أنام مع أبوي ومع شباب .. ولااااا احياناً بعد تروح تقول لناس اني اطلع مع شباب واكلمهم واني انا ما اروح للكلية وادرس .. وأنا ووواللله ولا شئ من اللي تقوله صدق.. ودايم تقولي اذا رحت لشئ انتي ليه تطلعين مع شباب وتنامين معهم وانا لا ؟؟؟؟؟؟؟؟؟؟ وتدعي علي بالموت دايمن واني اتشوه .. لدرجة اااني صرت احياناً افكر ااني اشوووه نفسي حتى ارتاح من غيرتهاااا ا.. تخيلوا دايم تقولي ودي اشوهك واقطع ايدينك .. وما قصرت مخشت يديني وجسمي كل ما ضربتني يصير أحمر.. ولييييييش كل هذا عشاني بنت ؟؟؟؟ أنا وش ذنبي اني بنت ؟؟؟؟ اخواني مشالله عايشين ومرتاحين ما تسوي فيهم ولا ربع اللي تسويه فيني .. لانهم اولاود ولا تغار منهم .. وانا مالي اخوات غير أخت وحده كبيره بس متزوجه ومفتكه .. وامي ما تغار منها بــــــس تغار مني .. وانا تقدموااا لي نااااااس كثير الحمدلله .. بس كلهم انرفضوا كله خوف من أمي .. وأنا ما ودي اتزوج صراحه .. بكره اذا صرت اكلم زووجي تجي أمي وتددخل علي زي كل مره وتجلس تقوولي بس يكفي تكليم شباب .. وتفشلني .. والا اذا جيت اطلع معه مثلا تجلس تسوي لي موال وانا رايحه وانا راجعه انتي طاالعه مع شباب .. وتتعب نفسيتي أكثر والله مني قادره اتحمل.. وبعدين هي صراحه دايم تقولي ترى المتقدمين لك تراهم يقولون لي ترى احنا ما تقدمناااا الا عشان أمك .. واذا تقدم لي اي أحد ومشيت في موضووع الخطبه اشوفها تقط معي .. تجلس تتفرج على اللي متقدم لي وتجلس تحبه وتتكلم عنه كأنه حبيبها .. وانه جاي عشانها مو عشاني .. وتتصرف تصرفات المراهقين ما يسوونها .. ولااا تقلدني في كل شئ ..كأني استغفر الله أنا أمها وهي بنتي جالسة اعقل فيها .. لاااا وآلحــــيـــن طردت الشغاله ورمت أغراضها برى البيت .. ومخليتني زي الشغالة عندها .. جالسة اشتغل وأنا تكفيني امتحاناتي ..وترى انا بشر احس .. المهم أنا صراحه حاسه بتأنيب ضمير .. وأنا عارفه أنكم مو مشايخه .. بس اني أنا احياناً اتهاوش مع امي واجلس اتكلم عليهااا .. والله غصب عني مو بأيدي انتوااا ما تدرون وش تسوي فيني .. ومره ضربتني صراحه هي ضربة بغى يغمى علي من شدتها .. وقمت أنا وضربتها بس غصب عني والله من اللي تسويه فيني وما ضربتها بقوة حتى.. واستغفرت ربي وطلبت انه يسامحني .. ورحت لأمي ابعتذر لها عن الضربة وعيت تسامحني .. فهل ربي بيعاقبني وموب مسامحني لاني ضربة امي وتكلمت عليها ؟؟؟ .. مع العلم انو أمي تصرفاتها غير طبيعية مره.. وبعدين انا لاحظت شئ امي دااااايم تقول أن جدتي مو أمها وهي تكره جدتي اللي هي امها مره وتقول انها ظالمه وانها موب أمي .. وانا لاحظت نفسي اني اقولها نفس الكلام دايم اقولها انتي موب أمي .. ونفس الكلام اللي تقوله على امها .. فهل أطفاااااااالي في المستقبل رايحين يسوون فيني نفس اللي جالس يصير مع أمي وجدتي .. مع العلم انو أمي حاولت تخنق أمها مره وتقتلها ..بس انا لا ما ينتابني هذا الشعور نحو أمي .. بس اني ما اكذب عليكم بديت اكرهااااا وترى امي مره تعبانه لدرجة استغفر الله أنها تقول لنا ترى أنا الله واذا منتو مصدقين رحوا اسألوا أبوكم هو قايلي ومأكد لي هالشئ ؟؟؟؟؟ واذا شافتني اصلي تجي وتقولي طعيني ولا تطلعين مع شباب واسامحك عن الصلاة ؟؟؟؟؟ أنا آآآآآآآآآسفه اذا طولت عليكم بس والله تراي صادقه في كلمه اقولها .. ولا بالغت في شئ .. وانا ما اعتقد انو يخفى عليكم ما يحدث من المرضى المصابين بهذا المرض اذا اهملوا علاجهم .. وعندي سؤال ؟ هل أمي ممكن ان تطيب الى الأبد وتصير طبيعية مثل باقي الأمهات ولا لا ؟ والدي الدكتور السبيعي واللي يسلمك أنا عارفه انو الشافي الله سبحانه وتعالى ,, بس لو اقنعت اهلي اننا نجيب أمي لك هل رايح تقدر تعالجها وتساعدها على ان تشفى كليا من هذا المرض ؟؟؟ وشكرااااااااا .. وجزااااااااكم الله الف خير .. بس الله يخليكم ردوا علي في أسرع وقت لانو الوضع مررره خطيرررر.. معلومات خاصه : أمي تبلغ من العمر : 48 أو 49 سنه وترى أمي تقول أنها توها عمرها 20 سنه أنا أبلغ من العمر : 19 وملاحظه : قد تكون سبب غيرت أمي مني أنها كانت جميلة عندما كانت في شبابها.. ولما كنت صغيره الكل كان يقول أني طالعه عليها .. بس لما كبرت صاروا الناس يحشونها علي .. ويقولون لها .. بنتك غطت عليك يا أم شجون .. واحس امي أثر مره في نفسها هالشئ وحز بخاطرها .. قال صلىالله عليه وسلم (( من فرج عن مسلم كربة من كرب الدنيا فرج الله عنه كربة من كرب يوم القيامة )) . المصدر: نفساني
|
||||
|
|
|
06-06-2003, 05:15 AM
|
#2 | |
|
عضو فعال
|
الى الاخت شجون
السلام عليكم ورحمة الله وبركاته
قرأت قصة والدتك وأسئل الله ان يمن عليها بالعافيه أمين ويلهمك بالصبر انا ماراح أعطيك حلول للشيزوفرينيا الاطباء يفيدونك فيها أن شا ءالله لكن أحب أذكرك بشيء لازم تخلينه في بالك على طول كثري من الدعاء في قيام الليل وأقرئي القران على الوالده هي في حالتها ماأضن راح تستجيب لك لو قلتي لها تقرأ قرأن فأنتي أقرئي عليها سورة البقره يوميا وأطلبي من الله أن يشفيها وخلي سورة البقره شغاله على طول في البيت هذا مايمنع انكم تودونها للطبيب ويوصف لها العلاج المناسب مع مداومتكم على قرأة القران لكن خلوا اتكالكم على الله فهو من وضع المرض وهو من بيده ان يزيله أسئل الله العظيم رب العرش العظيم أن يشفيها أسئل الله العظيم رب العرش العظيم أن يشفيها أسئل الله العظيم رب العرش العظيم أن يشفيها أسئل الله العظيم رب العرش العظيم أن يشفيها أسئل الله العظيم رب العرش العظيم أن يشفيها أسئل الله العظيم رب العرش العظيم أن يشفيها أسئل الله العظيم رب العرش العظيم أن يشفيها فيه شريط للدكتور / خالد بن حبير ياريت تسمعينه بعنوان ( أسباب منسيه ) الله يقويك ان شاء الله مايبتلى الا المؤمن أن شا ءالله نسمع عنكم اخبار طيبه بأذن الله |
|
|
|
|
06-06-2003, 09:31 AM
|
#3 | |
|
الزوار
|
يا نتي هناك مسلمات نحن متفقون عليهاهنا:
1. والدتك مريضة بالفصام. 2. والدتك قد تكون خطرة عليك. 3. والدتك تحتاج لعلاج. والدتك يا أختي مريضة بمرض الشفاء منه لتعود طبيعية غير محتمل للأسف الشديد. http://www.nafsany.com/showarticle.php?idd=41 العلاج لا بد أن يكون حبوب أو إبر أو شراب وليس هناك خيار ثالث. الكيفية التي أعتقدها أنها لن تأخذ حبوباص و لا شراباً و بالتالي فلا خيار إلا الإبر. لا تلومي نفسك يا منتي بل إن إعطائك الإبر لها علاج لها و خير لها إن شاء الله لترتاح في نفسها و تريح كل أفراد اسرتك. هي مريضة بمرض من خصائصه فقد الإستبصار و هي لا تدرك أنها مريضة و قد تؤذيكم جميعاً بقصد أو بدون قصد. إذا كان منظر إعطائها الإبر يؤذيك فليذهب بها إخوتك للمستشفى لتعطى الإبر هناك أو ليأتي الطبيب في وقت لا تكونين فيه موجودة في البيت أو أخرجي لأي مكان آخر فإمك مريضة و لا بد من علاجها و لا تدعي عاطفتك تقف في سبيل ذلك. موضوع إيضائك لها كلانياً أو بالضرب لا يجوز لا شرعاً ولا طبياً لأنه يؤذيها فعلاً. من ناحية أخرى فلا تحرمي نفسك من المواج و لا تقارني نفسم بها لأنك ولله الحمد سوية ولست تتصرفين من منطلق مرضي مثلها. و الخطاب أو الزوج لو عرف أنها مريضة فلن يصدق قولها. للأسف فليس لدي علاج غير ذلك فأمك لم تترك لكم خياراً فالله المستعان و الله يشفيها و السلام. |
|
|
|
|
06-06-2003, 06:17 PM
|
#4 | |
|
عضو جديد
|
جــــزاكـــــــم الله خير..د:السبعي .. وأختي فروحه
السلام عليكم ورحمة الله وبركاته
جزاك الله خير أختي فروحه .. ووالله أنا الحمدلله مؤمنه بربي .. ودايم ادعي ربي ليلاً ونهار .. واحاول اني ما ايأس ( ولا تقنطوا من رحمة الله) .. بس في النهايه اليأس احساس .. وانا انسانه وعندي احاسيس.. اما بالنسبة اني اقرأ على أمي سورة البقره او اني افتح القران .. مدري وش اقولك صراحه .. بس مقدر .. أمي الله يهديها اربعه وعشرين ساعه أغاني .. ولا اقدر اقرأ عليها ولا افتح القران .. وحتى لو قفلت الاغاني وجيت اقرا عليها بتقولي ليش تقرين علي انا لابسني جن انا طبيعية واحسن الحريم روحي اقري على نفسك ومن هالكلام .. بس اني بحاول اني اقرأ عليها وانا في غرفتي وهي في غرفتها .. لعل الله ان يشفيها ويهديها .. والله يخليك لا تنسين تدعين لها.. وشكرا على النصيحه أختي والشريط انشالله احاول اشتريه واسمعه.. والدي الدكتور السبيعي جزاك الله ألف ألف مليوووون خير علىردك.. بس والله ضاق صدري لما عرفت انو ما في حل غير الأبر.. بس أنا عندي حل واحتاج مساعدتك دكتور عبدالله .. فكرت اننا نشتري حبوب عشره ملم بدل خمسه ملم اللي تاخذها أمي .. ونروح ونفضي علب الخمسه ملم اللي عند أمي ونحط بدالها حبوب العشره .. وهي نفس شكل الخمسه بس انها أكبر حجم بشوي بس امي ما راح تلاحظ .. خاصه اذا قرت ورجعت لعلبت العلاج بتلقى مكتوب خمسه .. ولا راح تدري .. بس المشكلة خطتي خربت لانو اخواني لما راحوا الصيدليات يدورون على حبوب العشره ملم ما لقو وقالوا لهم الصيدليين انهم سحبوها من السوق .. فهل ممكن أنك تدبر لنا حبوب عشره ملم ..لانها أول موجوده في السوق لما امي كانت تاخذ عشره .. بس بعدين انقطعت وصارت تاخذ حبتين من الخمسه .. ولو في طلبية من الخارج او شئ ترى احنا مستعدين نروح آخر الدنيا ونجيبها بس المهم أمي تطيب.. وبالنسبة للزواج أنا مقدر اتزوج وحالتي أمي كذا .. اصلا احس اني مقدر اطلع من البيت واتركها كذا .. ولا البيت بينهد.. أنا جالسة آلحين افكر اني ااجل موضوع زواجي لما ..نلقى حل لأمي .. لأني أنا عارفه حجم المشاكل اللي رايحه تنزل على رأسي لو تزوجت آلحين ..وكل شئ بوقته حلو.. واتمنى أني أجد الرد علىحلي .. وجزاك الله كل خيرررر عني وعن أمي وعن كل المسلمين .. ابنتكم : شجون |
|
|
|
|
08-06-2003, 11:33 AM
|
#6 | |
|
عضو جديد
|
الى د: السبيعي .. الله يجزاه خير
السلام عليكم ورحمة الله وبركاتة
اسم العلاج ( ستيلازين _STELAZINE ) ومكتوب على ورقة الدواء انه يوجد من هذا العلاج مقاس ( 1ملغم_2ملغم_5ملغم_ 10 ملغم _ 15 ملغم) واحنا بحاجه الى 10 ملغم ولون الحبوب زرقاء .. ولون العبوة ( أبيض مع برتقالي ) وهل مستشفى الملك خالد عندهم 10 ملغم من هذا العلاج ؟ وجزاك الله ألف خير.. |
|
|
|
|
10-06-2003, 07:21 PM
|
#7 | |
|
عضـو مُـبـدع
|
أختي الكريمة شجون....
فقط أحببت أن أهنئك ونفسي بوجود الزميل الدكتور السبيعي ...جزاه الله خيرا على ما يقدمه وأرجو أن تأخذي بما تفضل به. دعواتي الصادقة من الأعماق للوالدة بالشفاء العاجل إن شاء الله. أرجو ألا ترجيئ موضوع التفكير في الزواج حتى في الظروف الحالية مع تقديري التام لموقفك السامي تجاه أمك، وظني أن الله سبحانه وتعالى لن يجزيك عن ذلك إلا توفيقا بلإذن الله. تمنياتي لك بالتوفيق وإختيار الأفضل. |
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
