بسم الله الرحمن الرحيم
في بداية الامر أسأل الله العلي القدير ان يشفيني ويشفي جميع مرضى المسلمين سوا مرض نفسي او عضوي
أنا عندي حالة ( هلع , اكتئاب , وسواس ) من 6 سوات تقريبآ
طبعآ بالصدفه حصلت المنتدى هذا نفساني واعجبني وشفت اغلب مواضيع الاعضاء فيه منها 90 بالميه كأنهم يتكلمون عني وهي حالة الخوف والوسواس والتفكير السلبي وضيقة الصدر والهم امور كثيره الى درجة وانا بالجامعه في بعض المحاضرات مو قادر احضرها ومناسبات اجتماعيه احس مخنوق والسياره هذي حاله , اول ماصارت معي وانا اسوق على اني كنت مش مسرع امشي عادي
وتطور الامر الى الاسوء اول كنت ما احب اسوق
ومن ثم تطور الى اني ما احب احد يسرع او يتعدى سرعة 100 او حتى احيان 80 على انه لم يحصل لي حادث حتى اقول تأثرت به
المهم انا زادت معي الحاله الى ان الجسم راح نحفت بشكل مخيف ولي 7 شهور معي الجرثومه , جرثومة المعده
اخذ علاج لها الحين وهو نكسيوم مدري له تأثير نفسي زاد عندي الخوف والضيقه
على اني لم اذهب لاي عياده ولم اخذ اي علاج نفسي
وانا من الرياض هل احد يذكر لي طبيب نفسي معروف او مجرب بعد الله
ممكن يقول احد ليه مارحت لطبيب نفسي اول ماحصلت لك قبل 6 سنوات احب اقوله السبب الاول جهلي بالمرض والكبرياء ماكنت ابي اقول لاحد احس فيه استنقاص او اشوف انه ضعف ولكن هي ثقافه وفي ذاك الفتره
اتمنى احد يفيدني وش اسوي وهل بعد 6 سنوات ممكن يفيد العلاج وش افضل علاج وافضل عياده نفسيه بالرياض
واشوف الاعضاء يعانون من العلاج في البدايات انه يزيد الهلع واخاف يأثر على عملي او يتسبب بغيابي اكثر
هذا المرض حرمني من اشياء كثيره طواني عن الناس وخلاني اقصر مع اغلى البشر من الاهل وحرمني الزواج وروحات وجيات اسال الله ان يشفيني ويشفي جميع المرضى
انتظر ردكم
سبحان الله وبحمده سبحان الله العظيم
06-10-2011, 03:04 AM
