|
|
||||||||||
ملتقى أصحاب نوبات الهلع ملتقى جميع الإخوه الذين يعانون من نوبات الهلع ، وتجاربهم بهذا الخصوص |
|
أدوات الموضوع |
08-11-2011, 03:41 AM | #1 | |||
عضو جديد
|
أرجوا الافاده منكم لو سمحتوا
السلام عليكم ورحمة الله وبركاته
كيف حالكم انشالله كلكم بخير يااارب ودي اعرض قصتي لكم وابي رأيكم هل الي فيني مرض عضوي ام نفسي جزاكم الله خير انا عمري 30 ومتزوج ولدي بنت وولد الله يحفظهم لي انا طبعي دائم احب الفرح والضحك والفرفشه والاجتماعات مع الاهل او الاصحاب يعني ماني انطوائي بس مشكلتي اني افكر واجد واهوجس واحس دايم اكلم نفسي ولا احب اشكي الى احد او اقول لاحد اذا عندي مشكله احب احلها بنفسي المهم قبل رمضان باسبوعين توفى الوالد الله يرحمه ويغفر له ويرحم جميع مرضى المسلمين فا صحيح اني تاثرت وحزنت ولكن ماتوصل لدرجه اني تاثرت نفسيا لاني عارف نفسي كثير ودايم فهالمواقف امسك نفسي ولا احب احزن المهم اني غسلته بالمغسله وكان اول مره لي بحياتي ادخل مغسلة موتى واغسل كان بس حدي ادفن وكذا اذا توفى احد قريب مني فا يوم دخلت المغسله تاثرت بالموت وسكراته والقبر وعذابه فاصرت افكر على خفيف ماتوصل مرحلة الخوف يعني بعد كذا قبل رمضان باسبوع كنت بالعمل ومع زملائي بالعمل وكنا نسولف عادي حسيت بدوخه وتذكرت الموت وزادت الدوخه الين رجعت البيت وحاولت انام وصليت ركعتين بس برضوه الدوخه وغثيان موجود ماراح قلت يمكن علشان ماكليت شي وقاعد على الشاي والقهوه فا حاولت اكل شي على طول حسيت بزياده بالدوخه وخفت اني اموت وكذا وقمت سقت السياره وانا بهالحاله الين وصلت المستشفى وانا طول الطريق احس اني بموت وخفقان ودوخه وغثيان وحاله مايعلمها الا الله وصلت المستشفى حتى الكلام ماعرفت اتكلم كثير المهم جاني الدكتور وقال ضغطك مرتفع شوي عندك خفقان ونبي نسويلك تخطيط قلب علشان نتطمن سوى تخطيط قلب والحمدالله سليم ولكن عطوني نص حبه تحت اللسان ومغذي وقعدت شوي والحمدالله هديت ونمت بعد عندهم خخخخخخ المهم قلت للدكتور شسالفه اجل قال يمكن انك متعرض للشمس كثير او يمكن مكثر قهوه ولا شاهي المهم مااقتنعت انا بكلامه وطلعت وعادي وضعي كم يوم الين قبل رمضان بيوم جتني نفس الحاله وانا راجع من الدوام بس في غصه بحلقي او بحلقي شي عالق ورجفه ورعشه كاني فيني حراره وانا مافيني ورحت المستشفى واهلي خافوا بصراحه لكن يوم وصلت المستشفى الضغط سليم والحمدالله كل شي سليم وعطوني مغذي علشان اصحصح المهم قالو لي رح لدكتور الجهاز الهضمي لانو ممكن الي فيك ارتجاع بالمرئ فا انتظرت الدكتور الين جى وفحصني وسوالي برضوه تخطيط قلب طبعآ بطلب مني لاني كنت خايف والحمدالله سليموقال لي عندك ارتجاع بالمرئ وكذا المهم برضوه مااقتنعت لانو ياجماعه مامعي حرقان شلون ارتجاع مرئ فارحت لكذا دكتور يمكن ثلاثة دكاتره قالو لي ارتجاع وسويت تحليلين دم وفتامين دال والبول والغدد والكبد والكلى وصورة للبطن وتخطيط للقلب كلهم سليم الحمدالله ماعدا الفتامين دال نازل شوي المهم وانا طول هالفتره وانا افكر بالموت وانو فيني مرض ومدري شنو حتى اهلي تازموا مني ماعدت صرت اطلع ومفكر اني اغير قسم ومانب عارف ايش ةقلت يمكن عين لانو وزني نزل طوال ال3 شهور بس 8 كيلو مع انا الناس تقول عادي وانا اقول لا اكيد فيني شي ودايم اتحسس بنفسي واشوف نفسي بصراحه تعذبت من يطلع حبه بوجهي اقول هذا شنو اكيد فيني شي المهم عملت منظار للبطن والقولون الحمدالله يقول الدكتور انو تمام لكن معاي التهاب بسيط وقرحه بسيطه وعطاني ادويه بس في اوجاع بالصدر بكل محل خاصه الجهه اليسرى والبطن وغازات الله لا يوريكم وتجيني حراره بالبطن اذا صرت افكر وكذا وتنمل باليدين وبروده بالاطراف وجفاف بالفم والحلق عجيب ياجماعه ولثتي صارت شبه بيضاء من الجفاف وبعدها تغيرت حالتي لاسبوع واحد انبسطت واستانست وصرت اكل كويس ومره جتني حاله خوف وانا راجع بالطريق زي الشي ضرب بصدري او باعلى بطني بقوه خفت قلت بل هذا قلبي بموت الحين والمهم استغفرت قلت يمكن وسواس ولكن لا استمريت افكر انو بموت وكذا الين جتني الرعشه وانا بالسياره ووصلت للمستشفى وانا تعبان وارتجف المهم وصلت والله يكرمكم رحت للحمام وصار معاي اسهال وعلى طول راحت الرجفه والخوف وكذا وعملت داخل تخطيط للقلب طبعآ للمره الثالثه تقريبا اسويها وقال هذي حموضه ضربت معاك مع انو ياجماعه مااحس بحموضه ورحت لدكتوري وفحصني للمره السبعين وقال ياخي مافيك شي وغير الدواء حقي ياجماعه مره وانا راجع بالطريق جاني النعاس فانعست وقمت بسرعه بهاللحظه كاني مت خفت على طول وقلت بنفسي شكل الي فيني نفسي مو عضوي فاانا الى الان محتار بصراحه لي يومين ادخل منتداكم فاصارت اذا تجيني الاعراض اقول بنفسي هذي اعراض الخوف والهلع لاتهتم وتروح على طول ماتطول وبعضها لا تطول لكن صرت مااهتم مو مثل اول من تجي على طول اروح للمستشفى ابيكم تنوروني وش اسوي هل اعمل فحوصات اكثر من الي سويته مع العلم اني مدخن وبديت اقطع الدخان وصرت اصلي بانتظام الحمدالله رب العالمين ارجوكم افيدوني وش اسوي صرت اتجشؤ كثير ومعاي جفاف بالحلق قاهرني وخايف منه ومتوتر واوجاع بالبطن مثل السكاكين وبالصدر بعد وتنمل بالجسم بعض الاحيان المصدر: نفساني
|
|||
|
08-11-2011, 04:00 AM | #2 |
روح الشمال
بداية جديدة
|
وعليكم السلام ورحمة الله وبركاته
لابأس طهوراً ان شاء الله اخي اعراضك جت فجاءة وجت متواتره ورا بعض طيب بسألك وقت ما دخلت مغسلة الموتى انخرعت ؟؟؟ يعني خفت فزعت ؟؟؟ واذا كان نعم هل احسست وقتها بغصة او حرارة او برودة ؟؟؟ |
|
08-11-2011, 05:51 AM | #3 |
مراقب عام
|
لقد خلقنا الإنسان هلوعا
لابد من الخوف أخي الكريم ولكن أذا زادت الأعراض أنصحك بزيارة الطبيب النفسي عشان الحالة لا تزداد سوء عفاك الله |
|
08-11-2011, 01:21 PM | #4 |
عضـو مُـبـدع
|
سلامتك اخوي وماتشوف باس الارتجاع المريي يسوي العن من كدا وهو معاي جنني بالاضافه الى نوبات الهلع ممكن يكون معاك هلع انصحك راجع طبيب نفسي
|
|
08-11-2011, 02:30 PM | #5 |
عضو جديد
|
شكرا لكم لاهتمامكم وعسى ربي يعين انشالله والله افكر اني ازور طبيب نفسي ومتردد
حنين الذكرى بالنسبة لسؤالك لا ابد ماخفت ولا شي بالعكس هادي ولكن بعدها بيومين او ثلاثه صرت افكر بالموقف وبالموت وكذا وجتني غصه وحراره وبروده وارتجف وكلام الدكاتره بالمستشفى انو مافيني شي لكن بس قالو لي يمكن معاك ارتجاع بالمرئ طبعا كنت وقتها مااحس بحرقان ولا شي مع العلم اني قوي قلب بس بعد هالموقف احس ان قلبي ضعيف |
|
09-11-2011, 03:39 AM | #6 |
روح الشمال
بداية جديدة
|
اذا راجع طبيب باطنية + طبيب نفسي + والاهم ترقي نفسك
ولو حاب اسويلك اختبار بالرقية الشرعية انا حاضرة ؟ |
|
09-11-2011, 11:57 AM | #7 |
عضو جديد
|
جزاك الله خير يااخت حنين الذكرى على اهتمامك وجعلها الله في ميزان حسناتك
انا اراجع دكتور باطنيه الان لي حوالي اربعة اشهر بس طبيب نفسي لا الى الان ياليت والله نشوف هالاختبار الله يجزاك خير |
|
12-11-2011, 04:02 AM | #8 |
عضو نشط
|
ياخوي انامعي هالحاله لهااربع سنوات واولهادوخه عندناس قلبت حالي وصرت حتى مااقدرالتفت اخاف ادوخ ويغمى علي وتركت نفسي لارقيه ولاعلاج نفسي لحدماصرت اسيره مااقدرحتى اوقف لاتهمل نفسك الله يرفع عناالبلاء يارب
|
|
12-11-2011, 05:00 AM | #9 |
عضو مجلس اداره سابق
|
و عليكم السلام ورحمة الله وبركاته اخوي
ماتشوف شر اول شئ سوي تحاليل و لو طلعت سليمة و شوف طبيب باطني لايكون مشكل بالمعدة او القولون لو طلع كل شئ سليم احمد ربك وروح عند اقرب راقي او ارقي نفسك لو تتعب كثير مع الرقيه زين و استمر عليهاا لو تحسنت الحمدلله لو مافي تحسن اعرض نفسك على السلوكي ثم الدواء النفسي ربي يشفيك اخوي و يوفقك لسبيل العلاج |
|
12-11-2011, 07:17 AM | #10 |
عضو جديد
|
اخوي لوكا يعطيك العافيه على المرور والنصيحه وربي يشفيك ويرفع عنك
رربي ثبتني سويت تحاليل دم وسونار للبطن وتخطيط للقلب وكلها ولله الحمدسليمه وانشالله راح اعرض نفسي على دكتور نفسي ونشوف وش بيصير |
|
12-11-2011, 07:32 AM | #11 |
عضو مجلس اداره سابق
|
قبل متعرض نفسك على الدكتور النفسي اعرض نفسك على الرقيه الشرعيه يمكن سبب مرضك روحي و الله اعلم
الراقي حيقولك لو حالتك تستدعي الدكتور النفسي شافاك الله اخوي |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|