ماضي زوجي دمر حياتي

ماضي زوجي دمر حياتي

السلام عليكم .. اعتذر عن اطالة الكلام اللي راح اكتبه .. وهو ماهو شكوى انما فضفضه لان الشكوى لغير الله مذله .. آآآآآآآه ومليوووون آآآآآآه بفضفض لأني لو راح اكتم اكثر بيجيني شي
انا متزوجه من 3 سنوات وراح ندخل الرابعه اذا الله كتب , عمري 21 وزوجي 33 بدون اطفال ,, زوجي الحمدلله رجل محافظ على صلاته وعبادته وبار في والدينه وسيم وماهو مقصر معي بشي ابد كل حقوقي معطيني اياها
ومدلعني وماهو حق سفرات وحريم وخرابيط كنت احمد الله اللي رزقني زوج مثله لكن المشكله اني اكتشفت ماضي زوجي بالصدفه , زوجي شاعر كانت كل قصايده اجتماعيه ودينيه واذا كتب غزل كتب فيني
ومره كنت محتاجه النت وفتحت اللاب توب حق زوجي وهو عادي افتحه مايقول شي وكان دايم يحط قصايده في المستندات وكنت احب دايم اتابع قصايده وقممممممممة الصدمه لقيت قصيده تعبر عن شوق
لحب قديم .. انا انهبلت !!!! زوجي مو راعي هالسوالف !!!!!!!!!!!!! سكتت وبعدها لما رجع زوجي كنت انتظره وكنت ناويه اجلس معه جلسة مصارحه بكل هدووووء .. وفعلا جلست معه وطلبت جلسة المصارحه قال
ابشري وجبت له المصحف يحلف انه يقول لي الحق والصدق وحلف وكان مستغرب ويقول وش جاك اليوم !! المهم قلت له السالفه .. سكت زوجي صمممت طووووويل .. قلت له تراك حالف على المصحف تقول الصدق
قال الصراحه كنت احب بنت جيراننا وكانت جميله جدا ساحره فاتنه .. وفتنت فيها ودعيتها واستجابت ودامت علاقتي فيها 6 سنوات واغراني الشيطان وكانت بيننا علاقه غير شرعيه - انا هنا كنت في قمة الصدمه !!!!
المهم تزوجت البنت والحين معاها ولد وبنت والله ستر عليها .. قلت له اسألك بالله مازلت تحبها ؟ قال بصراحه ماهو احبها والله اني ميت عليها مووووت
والطامه الكبرى يوم بكى من الشوق عليها ! - انا هنا بكيت من القهررر والحررررقه
قال عشان مااخدع مشاعرك واكون صريح جدا معك لاني حلفت على المصحف اكون صريح .. انتي عزيزه وغاليه وماتقصرين معي بشي بس هي بصراحه متربعه على قلبي من سنين واموت فيها موت
يقول انا مالتفت فالحريم لأن الحريم كلهن بكفه وهي بكفه _ آآآآآآه يالقهر هالكلمه كسرتني كسرررر وانا اللي كنت فرحانه ان زوجي مو راعي حريم طلع لأنه اصلا يشوف الحريم معها ولاشي
اللي قهرني وكسر قلبي انه يتكلم من قلللللللب يحبها من قلب
وانا الحمدالله ماهو ناقصني شي كفايه هو بنفسه يقول اني نعمه من الله ,,وانا الحمدللله وصفوني كملكة جمال بشهادة زوجي ايضا .. ومع ذلك زوجي يشوف ان الجمال اللي ماهو زي جال حبيبته السابقه
مايسمى جمال !!!
يعني يوم كان يتغزل فيني ويمدحني كان يجاملني !!!!!! آآآآآآآآآآآآآآه ومليون آآآآآآآآه يعني كان من باب الحقوق الزوجيه فقط !!! والله ابكي من قلللللب
عموما زوجي قال كلام كثير مصدومه فيه كلام اقوى من اللي كتبته آآآآآآآآآآآآآآه وربي احس بأنكسار والم وقهر وحرقه
انا طالبه جامعيه وهالكلام قاله زوجي قبل كم شهر وربي ماقدرت ادرس تعبت نفسيتي وربي حملت كل المواد
- هذا كله يهون المصيبه زوجي تزوج علي !! بس زواجه كان بسبب امه كلبت منه يتزوج بنت خالته الوحيده ويستر عليها . زوجي بار جدا في امه ونفذ طلبها من اجل بر امه والستر للبنت
انا تعبت نفسيا ابي الطلاااااااق خلاص ابي الطلاق ابي ارتاح وارجع للراحه خصوصا ان ماعندنا اطفال وهذا شجعني اطلب الطلاق
وحاسه بغربه لان اهلي يسكنون بمنطقه ثانيه وانا بمنطقه ومااعرف احد احس بمشاعر الييييييمه جدا .. ابي اذوق الراحه كرررررهت زوجي من قلب بوم عرفت ماضيه
تعبانه والله .. ابي احد يرشدني

المصدر: نفساني

تحية طيبه اختي حقيقه يقال ان اكثر ما يؤلم المراة اعطاه الحب لمن لا يتسحق: لكن دعينا نتفحص الامر من نظرة عقلانية اكثر منها عاطفيه .... هذا الشي يعطي الحل بصورة منطقيه اكثر... السؤال موجه اليك الان... ماذا
الذي تنوينه فعلا دعينا من الطلاق هذا في نهايه المطاف. انظري مزايا زوجك هنالك زوجات يشتكن من ازواج يضربوهن ويبخلون عليهن ويخونوهن في فراش الزوجية : زوجك الامر الان تاب والله يحاسبه على ما سبق وتقولين ان يحبك ويعطف عليك اكبر نعمه، ثم سوال موجه اليك: هل اثر حبه لتلك الفتاه على علاقتكما؟؟ اعتقد لا فلماذا الحزن. وهل الرسول كان يخفي حبه لخديجه بعد موتها للازواجه؟؟؟ اما زواجه بالاخرى فهذا كما قلت نتجه ضغط امه عليه ...

ادعوا الله لكما بالذريه الحسنه والصالحه

اهلا اخي ... علاقتي في زوجي ممتازه من ناحيته هو ولله الحمد .. يعني شهادة حق ماهو مقصر معي في شي ابدا ويتحملني ومايعصب علي لدرجة اني مااذكر انه هاوشني وعصب علي من اول ماتزوجت الى هاللحظه الا مره واحده فقط .. ودايم حليم ومبتسم .. وبالنسبه لزواجه من ابنة خالته بديت اتقبل الوضع على مضض ,
لكن من ناحيتي انا اريد الانفصال وبنفس الوقت ماني متخيله حياتي من دون زوجي !!! احس جاني انفصام ماادري وش ابي بالضبط ! ابي زوجي لان مافيه مثله واخاف لو انفصلت عنه اندم
وبنفس الوقت مقهوره منه وقلبي يحترق ماني قادره استوعب ان زوجي يطلع منه كل هذا !!!!! اشياء كثيره ماحكيتها والا كان ماتلومني !

من اول زواجي وانا كنت لزوجي الصديقه والعشيقه والحبيبه والزوجه .. وكنت دايم احب اسلوب الرومنسيه والطرافه والميانه وخفة الظل واحب ارسم البسمه على وجهه
وهو اعتاد على البسمه معي بشهادته هو .. لكن عقب السالفه هاذي صرت احب الصمت واذا سولف معي اقول له ماعندي سوالف .. غصب عني مقهوره .. وقبل كم يوم قلت له بطريقه غير مباشره عن الطلاق
وكان رافض رفض قاطع حتى مجرد التفكير فيه .. ورحت لأهلي زياره في منطقتهم وجلست كم يوم وماقلت لاهلي شي وقلت لزوجي اني ابي الطلاق وكان مصدوم وتحت اصراره واقناعه رجعت له والحين
انا عنده .. وامس الساعه 11 صارحته اني خلاص ابي الطلااااق وزعل علي وعصب .. بعدين سكت وجاء مسح على شعري وقال وهو مبتسم شيلي هالافكار من راسك .
المشكله طيبة زوجي وحنانه وعطفه يقوي حبه بقلبي ويقوي تمسكي فيه .. بس ماضيه مااقدر انسااااااااه خصوصا العلاقه الغير الشرعيه .
مو عارفه وش اسوي اللي اعرفه اني ابي الطلاق مابي اشتت تفكيري ماني عارفه

اختي العزيزه الان انت تحت ووقع الصدمه وهي مرحله يكون فيها تشتت الافكار والحيرة لكن اريد منك الاجابه عن السؤال الاتي. ما الذي تستفيدي منه نن الطلاق؟
ثانيا. ما هي ايجابيات بقاءك مع زوجك؟
تمهلي قبل الندم ومني كل التحيه