تجربتي مع الاكتئاب والنهايه ؟؟

تجربتي مع الاكتئاب والنهايه ؟؟

صباح الخير كيفكم انشا الله باتم الصحه والعافيه .. اخواني اخواتي اقدم لكم تجربتي مع الاكتئاب .. بيوم من الايام كنت طالع من البيت فجأه باحد المحلات طحت واغمى علي بدون اي مقدمات بدون سبب رحت للمستشفيات واحد تلو الاخر الجميع يتفق على اني بخير وصحتي زينه واحس بخوف والام مالها اول ولا اخر حتى وصل بي الحال ان اتمنى اي مرض كلنا نعرف الهلع والاكتئاب وشلون وجعها .. المهم بالنهايه اكتشفت انه مرض نفسي ( هنا الصدمه ) وتعرفون نظرة المجتمع .. آآهاات من طول العناء طاولتني .. المهم تشجعت ورحت للطبيب ووصف لي الادويه لوسترال استخدمته 5 اشهر انتشل الهلع بفضل الله ولكن بعد شهرين بالضبط رجعت لي اعراض وافلام بجسمي .. رجعت للدكتور وصفلي بروزاك 6 اشهر استخدمته 3 اشهر بس لا اخفيكم تحسنت بفضل الله 50 بالميه بقت اعراض القلق تنتابني بين الحين والاخر .. احاكي نفسي ارجع للدكتور والا لا جلست فتره سنتين بدون علاج .. متردد من اخذ تجربه جديده مع المضادات .. لكن وبفضل الله وجدت سر اكتئابي .. والله العظيم الذي لا يحلف بغيره .. جميعنا يعرف الصلاه ولكن كيف هي صلاتنا .. خرطي طربق طربق والسلام .. لا نكذب على بعض واكثر المكتئبين وانا منهم نصلي باللبيت وننام عن الصلاه بحجه المرض لكن قسم بالله تغيرت حياتي بعد ثلاث ايام فقط مواظبه ع المسجدانشرح صدري للدنيا صرت ارجع البيت وانتظر متى يأذن للصلاه القادمه ابي اطير من الفرحه على قولتهم سعاده لا توصف اتمنى الشفاء العاجل للجميع اللي ماهو مصدقني جرب اسبوع وردلي بس صلاه من قلب ماهو عشان المرض ..( لي الان سنه ما احس باي اعراض )

المصدر: نفساني

الحمدلله على شفائك وشكرا على النصائح الجميله

أنا مصدقتك بدليل اني استغنيت عن الأدوية و الجلسات حينما قويت علاقتي بالله أوقات أجر نفسي جر للصلاة لكن بمجرد أن أبدأها أشعر بالسلام و الأمان و الراحة النفسية في أوجها
كونها خمس مرات باليوم ما حننقطع عنها راح تتواصل فترات الراحة النفسية هذه و الانتعاش الروحي طوال اليوم حقيقة المواظبة عليها نعمة كبيرة
حتى لما أنام بعد ما أصلي أنام نومة وحده متواصلة دون أفز أو أشوف أحلام مزعجة الصلاة جنة لابد نجاهد فيها مجاهدة لننتصر و نكسب و نستمد قوتنا منها
ربي يعيننا على طاعته و يهدينا إلى ما فيه صلاحنا
و
الله يسعدك و يكفيك كل مكروه يا طيب

الحمدلله على شفائك وشكرا على النصيحة الغالية..فعلا هذا ما نحتاجه..

ماشاء الله مبروك الشفاء والتحسن،افضل علاج قبل كل الأدوية هو اللجوء الى الله عز وجل والتوسل والتضرع له وحده سبحانه وتعالى واليقين بانه وحده قادر أن يشفينا.

سبحان الله ما ادري لماذا تجد الاهتمام كبير بالموضوع عندما يذكر فيه علاج او دكتور ما
عكس عندما تكون تجربه روحيه مع الله غيرت حياةاحدهم ،! تجد انها لا تستحوذ على نفس الإهتمام ؟!
مع ان التجارب كلها توصل إلى حقيقه واحده وهي ان الامراض النفسيه عامه والرهاب خاصه
مرض وسواسي بالدرجة الاولى والوساوس لا تاتي إلا من الشيطان

ماشالله

والان لاتاخذ اي دواء اخيئ؟؟

يقال ما اجمل الدين والدنيا اذا اجتمعا

وانا اقول ما اجمل الدين والدواء النفسي اذا اجتمعا اتوقع تكون نتيجة قوية جدا جدا جدا

وراح تنسى المرض النفسي



صدقت اخوي جل المكتئبين مقصرين في الجانب الديني وجل الرهابيين مقصرين في الجانب الديني

الا من رحم ربي

مشكورين جميعا ع الردود ومتابعه ماقلت من تجربه تمنيت اكثر مشاركات والله بس فيكم الخير والبركه ( اخي منتظر الفرحه والله ما استخدم اي مضاد للإكتئاب )

لا استطيع ان اقول الا و نعم بالله, و اللهم اشفنا كما شفيت اخانا و شافي جميع المسلمين انك على كل شيء قدير, " اللهم لا سَهلَ إلا مَا جَعلته سهلاً وأنتَ تجعل الحَزَنَ إذا شِئتَ سَهلا"

تاكيد على ماقلت والله على ماقول شهيد