![]() |
|
![]() |
|
![]() |
||||||||
|
||||||||||
![]() |
![]() |
![]() |
عيادة مشاكل الكبار كل ما يتعلق بالمشاكل النفسيه للكبار ، رهاب ، وسواس ، نوبات هلع ، فصام .... يقتصر الرد في العيادة على الأخصائيين المعتمدين للموقع . |
|
أدوات الموضوع |
![]() |
#1 | |||
عضو جديد
![]() |
![]()
السلام عليكم ورحمة الله وبركاته
انا مادخلت في المنتدى هذا الا لاني جاي اعرض عليكم مشكلتي او بشكل ادق افضفض لكم واسف اذا اطلت في الحديث [ واسف اذا كانت صراحتي راح تكون زايده ] انا انسان ابلغ من العمر 18 عام ومع بداية السنه هذا راح اكون في الثالث ثانوي انا اغلب وقتي على النت من اول ما اقوم من النوم لين ارجع انام نادر ما اطلع من البيت ولي على الحال هذا من يوم ما انا في ثالث متوسط قبلها كنت اطلع للحاره وصراحه مدري وش اقول لكن - ما احب اطلع من البيت مدري ليه بالضبط واكره الآسواق والاماكن الزحمة ، حتـى المستشفى ما احب اروح له الا للاشيء القوي وانا في النت اقدر اقول لكم اني ما اسكت اتكلم مع الجميع وعندي اصدقاء في مواقع وآلخ لكن في العالم الواقعي ، ماعندي اصدقاء ولا احب اطلع مع احد الا نادر ، وغالباً تكون مع شخصين محددين فقط ابن عمتي واحد اقاربي فقط ، واذا امي قالت ودي للسوق او اي مكان ، اطلع اي عذر عشان ما اوديها مهو لاني ما ابي لكن مدري احس ما اقدر اوديهاا ، واذا نزلت في مكان عاام احس الجميع يناظرون فيني وانا شخص اعيش في احلام - بقول معلومه اول مره اقولها في حياتي ، قد مررت بـ قصة حب فاشله مع فتاة ماكنت ابيها لأجل شهوه لكن كنت ابيها زوجة وكنت اتخيل اني متزوج منها لكن مرت الآيام واصبحت من اسوء إلى اسوء وزني نزل فوق ما هو نازل - وحالياً ما اقدر انام في مكان مظلم ولا اقدر انام الا لازم السماعات في اذني واشغل فيلم وثائقي واغمض ولين انام ، غير كذا يجيني آرق ولا اقدر انام - وما احب افكر في الماضي وافكاري دايم للمستقبل والحاضر ما اعيشه قوم من النوم على الاب توب واجلس عليه لين انام على نفس الروتين حتـى في رمضان نفس الحاله - ولا احب المناسبات والآعراس ولا اروح لها الا الشيء المغصوب عليه - وفي النت غالباً ما اتحدث بـ شخصيتي الحقيقة انتحل شخصية اخي الأكبر وعلى اني شخص موظف وآلخ - وابين لهم اني شخص قوي السان لكن في الحقيقة عكس ، صحيح معلومة نسيتها ، امي دايم تبيني اروح لـ طبيب نفسي لكن انا ارفض واكثر من مره تحجز لي موعد واخليه ما اروح مابي اروح له لاني اعرف نفسي ماراح اقدر انطق بحرف عنده - وحتى الحين وانا اكتب لكم الكلام هذا يديني ترتجف واكتب كلمات وامسحها واحس بمغص - ودايم تجيني افكار الحاديه واشياء كثيره وافكر فيها واقول ايه صحيحه هذي وكذا - وبعدين اروح ابحث عنها والقى الجواب اللي يردني إلى الحق - وانا شخص احب البحث وابحث كثيراً لكن غالباً تكون عن اشياء في نظر البعض تافهه وفي نظري انا تهمني ، مثلاً : عرفت بـ مغني جديد ابدا ابحث عن تفاصيل حياته الدقيقه واعرف عنه كل شيء متى انولد وحياته الاجتماعيه وآلخ - وهكذا ومرات ابحث عن اشياء مفيده . - ودائما اتمـنى اني ما انولدت في السعوديه اتمنى اني انولدت في كندا او امريكا - مرات اتمنى اني انولدت هناك حتى لو كنت نصراني - وانا اكلي دائما يكون وجبه واحده في اليوم او مرات تكون ثنتين وباقي اليوم اشرب قهوه او عصير - ايه صح انا شخص مدخن / ما دخنت لآن اصدقائي مدخنين بالعكس كل اللي اعرفهم غير مدخنين الا واحد طحت في الدخان لاني وجدت اني يسليني ، واتسلى فيه - مع انه سبب لي مشاكل منها حرقان المعده / وابي اطلع من السعوديـه بـ اي طريقـه كانت ما ابي اعيش باقي حياتي هنا لانه بشكل ادق اقدر اقول لكم انه كل اسباب مشاكلي في السعوديه . - مع العلم ان ابوي وامي مابينهم مشاكل كثيره يعني مشاكل عاديه ومو مقصرين معي الحمدلله - هنا اقدر اقول لكم اني ماعاد عندي شيء اقوله وشبه انتهيت ، واسف اذا طولت وادري ان الكلام غير منسق ومواضيع داخله في بعض لكن ما اعرف انسق ولا لي خبره في المنتديات - ايه صح معلومه اخيره ، خالتي قالت لي استعمل إفيكسور إكس أر .. وانا الحين استعمله بدون وصفـه طبيه 75 mg - من بداية رمضان يعني اليوم بعد السحور راح اخذ الحبه 26 : واول ما اخذته جاني اضطراب نوم وانسداد في الشهيه وخمول واضطراب بول .. واستمرت معي الآعراض هذي لمدة اسبوع وشوي وبدأت تخف إلى ان اليوم ماعاد احس فيها واغلبها راحت ، وبيني وبينكم ما ادري هل انا استفدت منه ولا لا لكـن لاحظت شيء انه قبل امس طلعت مع خوالي وكنت اسولف واشاركهم في الكلام وما اتعتع (- كلمه عاميه .. وفيه نقطه آخيره هل استمر عليه ولا اتركه - وهل هو صدق ينزل الوزن او يزيده (- لأن فيه بعض المواقع يقولون يزيد الوزن وبعضهم يقولون ينزله وشكراً لكم واسف مره آخره ، استودعكم الله الذي لا تضيع ودائعه المصدر: نفساني
|
|||
|
![]() |
#3 |
مستشار
![]() |
تحية طيبة اخي الحبيب ما كتبته ان شاء الله نقطه انطلاقه الى عالم الواقع وتحول ............. العالم الافتراضي اصبح الان يزاحم بل يفوق العالم الواقعي واصبح الشاب في عزله عن واقعه .........كثيرين مثلك.......الانترنت حسب دراسات كثيره يسبب العزله الاجتماعية وهي سبب وجود الرهاب لديك والتدخين وغيرها من الاعراض..............فاصل مشكلتك هو ادمان الانترنت فاذا حلينا هذا التحدي اسهم في تحسن حالتك فما الحل:
1- تخصيص وقت محدد في اليوم للدخول للانترنت بالتدريج مثلا لوكنت تستخدم النت 24 ساعه قلله الى 20 ساعه اولا........... وهكذا 2- اريد منك ان تتعرف على اكثر التطبيقات والنشاطات التي تستهويك في النت وتسرف عليها من وقتك......... تويتر او فيسبوك او العاب او افلام؟؟؟؟؟؟ حاول تقلليها... 3- استغل شهر رمضان في الالتزام بالصلاه في جماعه........... حتي تلتقي مع الاخرين كذلك خصص وقت للعباده لله في الليل وخاصه السحر مع الدعاء بالتوفيق لك في حياتك 4- استخدم كروت تذكير على شاشه الهاتف او اللاب في تذكيرك بانتهاء الوقت المخصص لك اما ما يتعلق بانك تود ان تكون ولدت في مكان غير السعوديه فهذا من اعراض العزله التي فيها .............اما الدواء فليس لك الحق في الاستمرار او التوفق الا بالرجوع الى طبيب نفسي لان لكل حاله دواء يختلف عن الحاله الاخرى ولو كانت مشابهه لمرضك...............................وفقك الله ورعاك................. |
|
![]() |
#4 | |
عضو جديد
![]() |
اقتباس:
شكراً لك على تعليقك
1- من ناحية تقليل عدد ساعات النت .. اقلل منها ماعندي مانع لكن السؤال [ اذا قللتها وش اسوي تلفزيون ملل وكل الموجود فيه اشياء كئيبـه ] واطلع من البيت وين اروح ؟ اقعد ادور بالسياره في الشوارع ؟ انا من سكان الرياض .. مافيه شيء يحمسك انك تطلع عشانه .! 2- فيه نقطـه لفت انتباهي لهاا ، الآشياء التي تستهويني ، هذا الشيء انا ضايع فيه مدري وش الشيء اللي يعجبني واللي اقدر ابدع فيه 3- لا لدي تعليق عليها 4- نفس النقطه الأولى يعني هل اترك الدواء ولا لا ، صراحـه انا مرتاح معه - احسه خلآني اكثر جرائه اني اتكلم مع الناس .. شكراً لك |
|
|
![]() |
#5 | |
مستشار
![]() |
اقتباس:
اما النقطه 2 فانظر الى نفسك ما هي التطبيقات التي تجلس عليها اكثر من ساعتين مثلا ......... في اليوم ........... كما قلت الهدف الان هو الخروج من العزله ثم تحدي الرهاب ياتي في فترة لاحقه ودمتم بود.........الدواء الم تكن له اعراض جابيه شديده عليك فاستمر معه حتي تتحسن حالتك ثم اتركه بالتدريج .............. ودمتم بود |
|
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|