خوف وافكار سلبية ، ومشاكل نفسية مع اختي الصغيرة

خوف وافكار سلبية ، ومشاكل نفسية مع اختي الصغيرة

السلام عليكم

انا صاحب الموضوع السابق هذا (http://www.nafsany.cc/vb/showthread.php?t=93359)

1-الحين الحمد لله راح عني القلق الشديد الي يخليني ارجف وبنهار
لكن صار عندي خوف مع قلق خف شوي بس باقي يزداد ويخف واليوم فحوالي 4 ساعات كذا حسيت انه خف وراح كليا وارتحت بنسبة 90 بالمئة
لكن حاليًا رجع وانا تعبان منه تجيني فكرة سلبية اني اطيح من مكان عالي وراسي يصقع بالارض وجسمي كله واتخيل الالم بصدري وقلبي وراسي وكأنه يحدث بالفعل واخاف
وكل شوي اتجاهل الفكرة بس تجيني بمخي يعني اطردها بس ماتروح كليا وللابد ترجع ماني زي قبل ،مثل قبل ماتصيبني البلاوي النفسية هذي يازيني زمان بس ><

2 -الشي الثاني تجيني افكار سلبية تزعجني يعني مثلاً اتخيل شخص مريض بسرطان او بمرض نفسي خطير او مات او شخص قصير جدا لحد التقزم معنا بالجامعة
وكل ما انظر بشخص فيه شي او مشكلة او عامل نظافة ارحمه واقول تخيل لو انك مكانه تخيل لو انك انخلقت مكانه وانك هو وحياتك كذا
الناس ماعليهم منه هو مجرد شخص واحد مرض او مات ماعليهم منه لكن حياته هي كل شي بالنسبة له مات او مرض خلاص انتهى كل شي وصارت الحياة جحيم لكن محد عليه منه الناس عايشه ومبسوطة وهو يتعذب
واقول تخيل لو انك مكانه وهذا يصير لك وصراحة ابدا اتألم معه ومقدر استانس بحياتي، او مثلاً اقول تخيل لو انك انخلقت هذا الشخص من ذي العائلة وهذا شكلك وعايلتك وتزعجني هالأفكار
حتى وصلت اني اقول تخيل لو انك انخلقت حيوان او قطوة او انك انخلقت هذاك القرد وانت مكانه قرد وجسمك قرد والكل ناس ومستانسين الا انت قرد وحيوان

يعني تجيني افكار زي كذا تزعجني جدا


3 - وعندي سؤال الأخ يزيد بموضوعي الي حطيت رابطه فوق قال اني كنت اتوهم وانه ماكان فيني اكتئاب او اي مرض بس كان قلق
طيب الدكتور رعد كان راد بموضوعي ومشخص حالتي اكتئاب وانا كان القلق والارق يجيني بدون سبب ماسك صدري وجسمي بدون سبب ماكنت افكر ابدًا
والقصة كلها في موضوعي هذا (www.nafsany.cc/vb/showthread.php?t=90575)
الى ان صار اكتئاب وجاني ذاك الشي الي ذكرته بموضوعي اعلاه حق هذي السالفة ، لكن الي سبب لي الخوف
حقي الحين وحق هذا الموضوع (http://www.nafsany.cc/vb/showthread.php?t=93359)
هو اني بديت اقرا بالنت عن علاج الارق وكذا لين ماعرفت القلق قبل ماكنت اعرف حاجة اسمها قلق ولا مرض نفسي ولين ماعرفت الرهاب والخوف والامراض النفسية كلها
وجتني هذي الوسوسة الحالية اني بنهار وانا اسوق اني بنهار وبيصيبني رهاب وساوس زي كذا يعني لو اني اصلاً ماقريت عن الامراض النفسية وعن الخوف والرهاب
كان يمكن ماجتني ابدا هالوسوسة لكن الارق الي صابني هو الي خلاني اقرا بالنت لين ماطلعت نتايج بحث قوقل والمواقع كلها عن الامراض النفسية واطلعت عليها لين ماوصلت للي وصلت له
الحين الحمد لله تغلبت على الخوف والوسوسة حقت اني بنهار وانا اسوق وغيرها بس باقي المشكلة في وسوسة فقرة واحد واثنين اريد علاج وحل لها ماهو الحل

4- والحين انا يجيني سؤال يزعجني كثيرا ويلح علي كيف اكتشفوا الطب النفسي ماني مصدق محد يقدر يكتشف حاجة زي كذا
وكيف الدكاترة والاخصائيين النفسيين مايمرضون ومايخافون وهم يعاجلون المرضى ماشاء الله عليكم الله يحفظكم بس صدق كيف؟
وتجيني افكار الناس كيف عاشوا ايام الرسول عليه الصلاة والسلام والايام القديمة قبل الطب النفسي والحياة السهلة الموفرة على كل شي
كيف كانوا مايمرضون نفسي او يخافون او يكتئبون كيف قدراو يعيشون هذي الافكار مزعجتني واحس مقدر ارتاح منها الا لين اعرف اجابات لها؟

========

بخصوص اختي الصغيرة

هي عمرها 4 سنوات ونصف او ثلاث سنوات ونصف تقريبا حول كذا عمرها

طبعا انا دوامي بالجامعة مسائي والاهل كلهم امي وابي واخواني وخواتي يداومون الصباح واختي الصغيرة مايبقى عندها الا انا
ويجيبونها عندي بغرفتي تنام جنبي عشان ماتخاف المهم هي فجأة تقوم مثلاً احيان تقوم بعد ماتاخذ كفايتها من النوم واحيان الا وهي بنص نومها
المهم تقوم وتأشر على جدار او النافذة او اي جزء من الغرفة وتقول وحش وحش شف يا (وتناديني بإسمي) وحش وفيها خوف المهم انا اروح الخوف عنها اروح المس الجزء الي هي تخاف منه
واقول شوفي مافيه وحش وتبقى مصرة الا شفه واقولها هذا جدار مو وحش بعدين بعد ما المسه كثير تقتنع وتقول يعني هذا جدارة وتكمل نومتها
واليوم صار لها نفس الشي بس والكل موجدين كان الكل فوق ومافيه تحت غيري انا واخوي المهم هي كانت معنا بالغرفة والباب مفتوح والمطبخ من بعيد مفتوح بابه
المهم هي تبغى تروح فوق بس خايفه وتأشر بخوف شديد بسه بسه ( الي هي القطوة ) وشوفوها في الطبخ خايفه وتنادي خواتي من فوق الا تبيهم ينزلون ياخذونها خايفه تروح تمشي
للدرج بنفسها لانها تتوهم انها ترى قطوة في المطبخ بعدين وريتها ودخلت معها المطبخ وقلت لها شوفي مافيه بسه ولمست المكان رغم اصرارها وراح عنها الخوف وراحت فوق وهي مرتاحه

المهم وش مشكلتها هي ليش تتوهم كذا وتخاف المشكلة تو بادية معها من كم اسبوع اتوقع ؟

المصدر: نفساني

عليكم السلام

وهل يخفى القمر يالفارس نعم اتذكر تفاصل استشارتك السابقه جيدا , ولااريد ان اقسو عليك مثل مافعلت بالمره الماضيه

وارجع واقولك الافكار الغير عقلانيه مسيطرة عليك تماما , وتعريف الاضطراب العصابي هو سخف الفكرة لكن لاتستطيع السيطرة عليها .

سبق وحذرتك في الاستشارة الماضيه عدم البحث عن القلق والهلع بالنت وتصديق الافكار هنا وهناك وعمل مقارنات لكن لم تستجيب لذالك وهذا يعطل عمل الاخصائي النفسي تماما , انت تكون افكار غير عقلانيه ومنها ان الطبيب النفسي والاخصائي لايمرض ! وهذا غير صحيح تماما ..

اتمنى التركيز في هذه النقاط مع العلم انني لن ارد عليك بعدها ليس لشي لكن لكي تقطع حلقه القلق التي تدور فيها

1- عليك بالتوكل على الله وقراءه الاذكار اليوميه ( الصباح والمساء )
2- عدم البحث عن الامراض النفسيه في المنتديات والنت عموما
3- ممارسه تمارين الاسترخاء التي ذكرتها لك بالاستشارة الماضيه
4- ممارسه الرياضه ( رياضه المشي ) لمده ساعه يوميا
5- التواصل مع الطبيب النفسي بالمنتدى او بعياده لصرف لك دواء مضاد للقلق هذه الفترة.

جزاك الله خير اخوي يزيد ، ان شاء الله بطبّق الي قلته لي

اخي يزيد صار يجيني ضيق تنفس اتوقع انه بسبب القلق اكيد
له يومين فيني قبل ماكان يجي مقدر امشي او اسوي استرخاء منه يتشد ويخف شوي بس اغلب الوقت يكون فيني وحتى مقدر اتكلم منه او اسوي اي شي يدوب اتنفس ،
كيف اعالجه وهل هو خطر والله خايف يجيني شي ارجو المساعدة والله يجزاك خير رد علي تكفى

او اي واحد موجود ويشوف ردي ياليت يرد والله تعبت تكفو نساعدوني انا اتعذب حتى الجامعة طنشتها وطنشت الكوزات هاليومين طز فيها اهم شي العافية ابغى اشفى لايضيع مستقبلي وحياتي
ولا يجيني شي خطير

المشكلة الاهل مو راضي اروح طبيب نفسي كيف اقنعهم مو واثقين بالطب النفسي يقولون الي فيني عين ودوني عند شيخ قرا علي وسوا لي حجامة بس للاسف مافادني بشي
وهل ضروري لازم اروح طبيب نفسي بيفيدني بحالتي ولا ماراح يقول اي خطوة غير الخطوات الي ذكرها لي الاخ يزيد

الله يخليكم تكفون والله تعبت ارجوا المساعدة

هي مشكلتي الفكرة السلبية هذي الي هي اني اطيح واتخيل الموت وغيرها هي بلاي ابي اوخرها بس مقدر تجي قهرية غصب عني
ابغى علاج او طريقة لطرد الافكار السلبية مثلها نهائيًا وعدم التفكير بها ، كيف ؟

هل لو اذهب لطبيب نفسي يكفي يقدر يعالجني بجلسات واشفى ولا ضروري الدواء ومافيه غيره حل

ارجو المساعدة والرد


؟؟؟؟؟؟

القلق اذ ازداد ينتج أفكار غير عقلانيه ويسبب اعراض نفسجسميه

اذهب الى الصيدليه اليوم واشتر دواء ( دوقماتيل 50 ) واستخدمه بعد الغداء والعشاء لمده اسبوعين وبعدها ارجع اكتب هنا , والدواء آمن جدا ويصرف بدون وصفه طبيه , وانا استخدمه شخصيا.

طيب ان شاء الله بروح اشتريه بكرة بعد العصر او المغرب

اما ماني مصدق انت اخصائي وتستخدم دواء؟؟؟؟؟
يلا طمنتني بخصوصه دامك تستخدمه