فصام واكتئاب

فصام واكتئاب

أنا قصتي طويله لكن بأختصرها .. لاني قاعد اكتب بدون استعداد .. وأتمنى تساعدوني
أنا أتعالج عند دكتور نفسي جيد صرف لي ريسبردال 50 ملج حقنه ... و بروزاك 20 ملج يوميا
ساعدتني كثيرا توظفت واندمجت مع المجتمع والنوم صار سهل والعصبيه والغضب راحت .. وكل شئ تمام
طوفت سنه على العلاج .. لكن قصتي ماهي سنه ولا سنتين ... أنا لي 12 سنه عالادويه النفسيه من يوم بلغت وعمري 16
في أولى ثانوي ساعدتني كثييييييير (سيبراليكس) وتخرجت وكل شي تمام .. كان عندي اكتئاب
بس في أولى جامعه جاني فصام ... وأشوف في التفزيون برامج أحس أنهم يقصدوني ... ومره بكى شخص في المسجد ورجعت عند أهلي أقلهم فيه واحد يبكي عشاني ومره أشوف فالشارع بقايا قزاز سيارات وأقول في نفسي هذولا أرهابيين وشرطه يتخاصمون عشاني وتصادمو ... وتمر سياره رافع صوت المسجل وأقول في نفسي هذا عنده تصنت يسمع وش أقول في سيارتي
والمواقف كثيره على أثرها استعملت زيبيريكسا...ومشت أموري سنتين مثل اللوز ... لكن في آخر سنتين من الجامعه وبعد تخرجي كذلك بسنتين من الجامعه كنت ألعب بالحبوب لعععععب .. مره حبه زيبريكسا ومره سيبراليكس ومره من حبوب أختي .. ومره تصك في راسي وأزور طبيب نفسي ويصرف لي سيروكسات ومره سيروكويل و و و ... على أثرها تنومت في المستشفى لان المخ ظربت فيوزاته قعدت شهر وطلعت
أذا فيه استفسار أو ملاحظه أو مساعده أتمنى لاني ماخلصت .. بأنتظار ردودكم
أعيد وأكرر وضعي الان مستقر طوفت سنه على علاج ريسبردل 50 ملج حقنه و بروزاك 20 ملج يوميا
أتمنى استفيد من خبرتكم وتعليقكم وأي كلمه تساعد على الشفاء والفائدة


عندي اسئله ولكن لا اكتفي بها .... انتظر توجيهاتكم العامه

الطبيب قال لي أنت راح تدعي لي وأذكرك (وفعلا بعد مااستعملت العلاج قدرت اندمج مع المجتمع وواثق من نفسي وقدرت اشتغل وتغيررت مررره راحت الرغبه فالموت وعدم الاستمتاع فالحياه والكئابه والعصبيه والفصام ومايصاحبه ) لكن أنا اطمع للمزيد ... هل الدوائيين (ريسبردال وبروزاك) بتوصلني لمنصب أكبر وما مادى قوتها ..هل فيه علاج اقدر ادعمه مع علاجاتي...قدراتي كل يوم تكبر وتزيد ما أدري كم سنه استعملها ؟ هل سنتين أو ثلاث أو 4 ؟!! لان مشالله محد يوقف بوجهي الا انه يحترمني او يهابني شخصيتي صارت قويه وأطلق شنب فالشركه يسير كتكوت اذا شافني

المصدر: نفساني