اصابني الاكتئاب الحاد سنين طويله واخيرا

اصابني الاكتئاب الحاد سنين طويله واخيرا

السلام عليكم ورحمة الله وبركاته
اخواني انا عانيت مثل ما عانا كثير من الاخوه من الاكتئاب الشديد لدرجة احيانا ما تفرق معي اموت احيا تقريبا 15 سنه وانا مدري وش فيني ولا ادري اني مصاب بالاكتئاب بس اللي اعرفه اني انسان غير طبيعي ولا فيه شي له طعم عندي ابدا جلست وحيد مع نفسي وحتى لو رحت لناس معهم جسد وابتسم عشان امثل اني عايش الجو
طبعا كنت اصلي بس تاديه فرض لا اكثر ولا اقل سبحان الله قبل ثلاث سنين او اربع اشتد علي الضيق جدا واعتقد انه تراكمات سنين وصلت حدها وتبي تطلع فجاءه لقيت نفسي ابكي بحرقه شديده واسجد واقول ياالله يارب وانا ابكي ليم على قولتهم صفيت راسي من الصياح بعدها لقيت نفسي ابي اروح للمسجد رحت وصليت وعيوني تدمع سلم الامام وحسيت براحه لا يعلمها الا الله حسيت ابي احضر الفرض اللي بعده ومتحمس فعلا رحت اول ما اذن اقام وخشعت اشتقت للفرض اللي بعدها والله يا اخوان بديت اول ما ياذن ابي اروح للمسجد تقريبا 5 شهور عشت فيها احلا ايام عمري وربي على ما اقول شهيد راح الاكتئاب والحزن والهم والضيقه وحسيت اني انسان لي قيمه عند نفسي وعند ربي وعند الناس واني انسان مهم وفيه شي اسعى علشانه واحرص عليه وشي له قيمه بديت قبل انام اصلي ثلاث ركعات طبعا ما صرت مطوع ولا شي بس تمسكت في هذا الامر مع العلم اني مدخن واسمع اغاني بس صرت شخص ثاني بعد فتره وبعد ما راح الاكتئاب مع الايام بديت ارجع ارجع ارجع ليم صرت زي اول ما احرص على الصلاة وسبحان الله مفعول الخمس شهور استمر معي ثلاث سنين في رمضان جاني الاكتئاب وتذكرت سنيني الاوله واول ما جا ببالي ذيك الخمس شهور وكيف كنت فيها اسعد انسان وقررت ارجع واقسم بالله يا جماعه من ثالث يوم راح كل الاكتئاب والضيقه والحين لي اسبوعين رجعت اروح للمسجد اول ما ياذن واحافظ يارب استمر على اداء الفريضه بالمسجد وانا اتحدا اي واحد يحافظ على الفروض الخمس بالمسجد مع الخشوع ولا يروح الاكتئاب اللي فيه اقسم بالله يا اخواني انها اروع واجمل علاج ممكن تاخذه في حياتك يكفيك انك مع رب العالمين اللي يعلم بحالك وكل ما فيك خلونا نجرب هالخطه العلاجيه مع بعض وكل واحد يقول تجربته نجرب طيب مو خسرانين شي وانا ادري ممكن احد الحين يقول يا خي انت تحسب كل شي بالعباده ويجيب مثال لو واحد فيه سكر بتقوله صل انا معكم انه فيه ناس الله يعافيهم ويشفيهم قد يكون عندهم كيميا في المخ تحتاج علاج وكذا لكن وش يمنع اننا نجرب هالموضوع هذا واذا ما فاد يروح الواحد يدور علاج وربي بيعينه المهم هذي تجربتيش ومن باب حب الاخير لكم

المصدر: نفساني

الله يهديك كمان وكمان بصراحه انت انسان قوي وجريئ استطعت التغلب على المرض بالرجوع الى الله وحسن الظن بالله وربنا هداك الى صراط المستقيم مو كل انسان عنده العزيمه والاصرار وياريت الكل يستفيد من تجربتك الله يوفقك دنيا واخرة تقبل مروري

من اجمل وأروع المواضيع والعلاجات الي قريتها
والحمد الله كان علاجي من الأكتآب والفصام والوسواس وأشياء كثيره بفضل الله وحده ولا علاجات ولا شي
الخوف ينطبق علينا قوله تعالى
( وَإِذَا مَسَّ الإِنسَانَ الضُّرُّ دَعَانَا لِجَنبِهِ أَوْ قَاعِداً أَوْ قَآئِماً فَلَمَّا كَشَفْنَا عَنْهُ ضُرَّهُ مَرَّ كَأَن لَّمْ يَدْعُنَا إِلَى ضُرٍّ مَّسَّهُ كَذَلِكَ زُيِّنَ لِلْمُسْرِفِينَ مَا كَانُواْ يَعْمَلُونَ )
والله العظيم ايه تدمع لها العين ... فمن باب الأدب معى الله الواحد يحمدالله ان شفاه وعافاه
اسأل الله ان يثبتنا
ربنا لاتزغ قلوبنا بعد اذا هديتنا وبلنا من لدنك رحمه انك انت الوهاب
الله يجزاك خير على التذكير
لأني مثل ما اعتبره علاج اعتبره بنفس الوقت تذكير

المشاركة الأصلية كتبت بواسطة محمد الشهري

وبلنا

وهبلنا

الله يديم عليك الصحة والعافية