زواج السعوديه من غير السعودي ( الأجنبي ).

"


الله يطمن قلبي وقلوبكم جميعاً ومايضيع صبرنا وانتظارنا

المشاركة الأصلية كتبت بواسطة يارب يسر امري

انا ياعسسسل فلمي فللللم

قدم بابا اول مرة من الامارة ايام الامير خالد الفيصل
في شوال 1434
ووقع عليها الامير خالد الفيصل
واتحولت للشرطة وكملت باقي الطلبات وخلصت في محرم
قالو بيحولها البحث في مكة عشان خطيبي من مكة
وراحت مكة ومارجعت الا نهاية شهر 4 شرطة جدة
وارسلوها الشرطة للامارة تاني نهاية شهر 5
ونهاية شهر 6 خرجت من الامارة للشرطة
بالحفظ بسبب عمري
طبعا وفتها لمن سالناهم في الامارة والشرطة
قالو عشان عمري 24 والعمر لازم 25
ووحدة بس موظفة في الشرطة اللي قالتلي في طراطيش كلام انو بيرجعو كل اللي تحت 30
ماقدرت اصدقها الصراحة اتصدمت من الكلام
قولت مارح اصدق الا كلام الامارة
قالولي كملي 25 وتعالي قدمي من جديد
وع اساس قلنا بعد العيد نرجع نقدم تاني مو مشكلة
لانو في رمضان اكمل 25

وللاسف اسمع اخبار ال 30 صارت مؤكدة
واترسمت في موقع الامارة للاسف

قامو اهل خطيبي قالو بيقدموها عن طريقهم وكدا من الداخليه
قالو بيجربو هما المرة هدي
بابا قالهم طيب
وماقدموها الا بعد الحج وللان مااعرف عنها شي


الله ييسرلي ياااارب ويرزقني من واسع فضله انا وانتم والجميع
ويكرمنا بالموافقة على معاملاتنا ويريح قلوبنا جميعا ياااارب ياااا كريم

والله حرام منجد شي يقهر
بعد كل الفلم دا يسوا كدا حسبي الله ونعم الوكيل
انا الطرف السعودي عمري 27 وخطيبي الاجنبي اكبر مني بسنه ونص
بس من مو من مواليد السعوديه
والي قدمها المعقب هو زبطها من الداخليه والله اعلم مايرد حضرة جنابه للان بس سرت اكملها بنفسي

لا تستني دوري وطلعيها وبعدين لو ابوكي احسن اح وقدمها

كمان الموظفه قالت لو من مواليد السعوديه كان حفضتها لان قرارات الاماره 30 سنه
فاعتقد الوزاره لمن توافق تكتب حسب التعليمات لانه مولود هنا
وكمان في موقع الاماره مكتوب مواليد السعوديه وما قالوا مواليد بره فيمكن القرار من الداخليه
ما اعرف الله اعلم

المشاركة الأصلية كتبت بواسطة سمووو

"


الله يطمن قلبي وقلوبكم جميعاً ومايضيع صبرنا وانتظارنا

اللهم امين ان شاء الله ربنا يسهلها علينا

دحين التحاليل حقتي وحقت خطيبي حستلمها ان شاء الله يوم السبت تكون كملت 10 ايام
وبالنسبه للبصمه حقت خطيبي كمان تخلص السبت

بس هم موجودين السبت ولا استنى للاحد؟؟؟؟

المشاركة الأصلية كتبت بواسطة mrs.abdulkarim

والله حرام منجد شي يقهر
بعد كل الفلم دا يسوا كدا حسبي الله ونعم الوكيل
انا الطرف السعودي عمري 27 وخطيبي الاجنبي اكبر مني بسنه ونص
بس من مو من مواليد السعوديه
والي قدمها المعقب هو زبطها من الداخليه والله اعلم مايرد حضرة جنابه للان بس سرت اكملها بنفسي

لا تستني دوري وطلعيها وبعدين لو ابوكي احسن اح وقدمها

ابوه طلب كدا بعد ماسمع حكاية الحفظ
وتعرفي هو ابو العريس مو معقول بابا حيقولو لا
بعدين هما صح مو سعوديين بس هما ادري مننا في الامور دي
لانهم ع طول زواجاتهم كدا لانو خطيبي مامتو سعودية وبابتو مو سعودي
فهما ادري من بابا في الامور دي مع وضع عيلتهم واقاربهم وزواجاتهم

انا اصلا اليوم بعد مااتصلت وقالولي مرتين انو مافي شي باسمنا خلاص طقيييت
حسيت اني بجد مافي ذرة صبر
لكن الحمدلله على كل حال


الله يفرجها علينا جميعا ويسهل امورنا ويرزقنا من سابع سماء

مسا الورد ...بليز اللي يعرف المحافظه يشتغلو يوم الجمعه والسبت ياريت اللي يرد يكون متاكد من الاجابه ..feewqwer




طبعا قصدي محافظة جده

المشاركة الأصلية كتبت بواسطة mrs.abdulkarim

كمان الموظفه قالت لو من مواليد السعوديه كان حفضتها لان قرارات الاماره 30 سنه
فاعتقد الوزاره لمن توافق تكتب حسب التعليمات لانه مولود هنا
وكمان في موقع الاماره مكتوب مواليد السعوديه وما قالوا مواليد بره فيمكن القرار من الداخليه
ما اعرف الله اعلم

طيب ياقلبي كلمة حسب التعليمات
اذا كان عمرك تحت 30
يحفظوها لانو التعليمات 30 سنة للسعودية

فسيبك منها


يب موقع الامارة حاطين 30 للمواليد
وبالنسبة لخارج المواليد اعتقد العمر اكبر
والدليل الاولاد اذا يبغي يتزوج وحدة مهي مولودة هنا يقولولو عمرك 35
ولانو مو من مهام واختصاص الامارة تعطي تصاريح زواج لخارج المواليد لا اكثر ولا اقل
هدي من مهام واختصاصات الداخلية
فطننننشي
اهم شي دحين الداخليه يا ترجعها بموافقة وساعتها الشرطة غصبن عنهم يكملو
او يكتبو حسب التعليمات لا سمح الله
وساعتها الشرطة تحفظها
لانو التعليمات 30 سنة

فهمتي عليا ??

يعني بعد الله القرار في يد الداخلية
طالما مقدمين منها
وفي الاخ ديدو والاخ عزيز رجعت معاملاتهم من الداخليه ب حسب التعليمات
وحفظوها الشرطة
بسبب الطرف السعودي عمره 25

وافتكر الاخت سارة ماجد

تقول بعد مارجعت معاملتها من الداخليه للشرطة
وراحت تستعلم هناك عن مكتب الحريم
لقت ملفات خضرا وملفات صفرا
الاخضر اللي راجعة بموافقة والاصفر اللي راجعة بحفظ
وهي للاسف كانت من الاصفر

يعني المعاملة تجي باقرار من الداخلية

وهي في النهاية ارزااااااق من الله قبل كل شي
اذا ربنا اراد الشخص دا ليا زوج راح تتوقع واكمل واعقد
واذا ماارادوا لو ايش كان عمري وايش ماسويت مارح يصير النصيب

المفروض ابن مواطنه يكون اسهل كمان حسبي الله وربي شي يجيب الهم
وفي الاول والاخير كله باراده ويد ربنا

انتي تقدري تقولي انك ساكنه في الرياض وخلي المعامله تمشي كلها من هناك احسنلك وماعندهم تعقيد العمر
وعشان لا تجي اماره جده ويتلككوا
كل الي تحتاجيه ختم عمده واكيد خطيبك يعرف ناس هناك

تعرفي كمان في الشرطه قلبت في ورقي طولت شكلها تدور حسب التعليمات

المشاركة الأصلية كتبت بواسطة mrs.abdulkarim

المفروض ابن مواطنه يكون اسهل كمان حسبي الله وربي شي يجيب الهم
وفي الاول والاخير كله باراده ويد ربنا

شايفة كيف !!!
كل مااحد يعرف معاملتنا حفظت يستغربوا انو كيف كدا يعقدوا حتي ابناء المواطنات
وفين اللي يتعاملوا معاملة السعوديين
يعني مو تقولي يدور مصلحة زي مايقولو من زواجو بالسعودية
هو كدا كدا ابن مواطنة
ووضع ابن المواطنة احسن من زوج مواطنة

لكن الله المستعااااان

المشاركة الأصلية كتبت بواسطة mrs.abdulkarim

تعرفي كمان في الشرطه قلبت في ورقي طولت شكلها تدور حسب التعليمات

ياشيخة مشي حالك
وظيفتهم تحطيم الناس
وكسر القلوب

حسبي الله ونعم الوكيل



وربي تعقيييد مو مفهوم لكن الله المستعان

المشاركة الأصلية كتبت بواسطة متوهق

وه وه وه
اخيرا اخيرا اليوم صدرت من الشرطه للاماره واخذة الرقم😭😭😡

قرررررت عينك 💫💫💫


عقبال تتصدر للمحكمه يارب

شكرا للي ردوا لي

بس معليش يكون الجواز منتهي و لا لا؟

صعب يجدده سفارته مو موجوده بسعوديه